കൊച്ചി: ടൂറിസം മേഖലയില്‍ ജോലി ചെയ്യുന്നവര്‍ക്കായി രൂപവത്കരിക്കുന്ന തൊഴിലാളി ക്ഷേമനിധി ബോര്‍ഡില്‍ ടൂറിസ്റ്റ് ഗൈഡുകളെയും ഉള്‍പ്പെടുത്തുമെന്ന് മന്ത്രി പി.എ. മുഹമ്മദ് റിയാസ്. എറണാകുളം ഗസ്റ്റ് ഹൗസില്‍ ടൂറിസം ഗൈഡ്‌സ് അസോസിയേഷന്‍ പ്രതിനിധികളുമായി നടത്തിയ കൂടിക്കാഴ്ചയിലാണ് മന്ത്രി ഉറപ്പു നല്‍കിയത്.
കിറ്റ്‌സില്‍ നടത്തുന്ന പരിശീലനത്തില്‍ വിദേശഭാഷകള്‍കൂടി ഉള്‍പ്പെടുത്തുന്ന കാര്യം പരിഗണിക്കാമെന്നും മന്ത്രി പറഞ്ഞു. ടൂറിസം സ്റ്റേക്ക് ഹോള്‍ഡേഴ്‌സ് മീറ്റിംഗുകളില്‍ ടൂറിസം ഗൈഡുമാരെ പങ്കെടുപ്പിക്കണമെന്നും അംഗീകാരമുള്ള ഗൈഡുകളെ തിരിച്ചറിയാന്‍ ഉതകുന്ന രീതിയില്‍ മാനദണ്ഡങ്ങള്‍ കൊണ്ടുവരണമെന്നും യോഗത്തില്‍ അസോസിയേഷന്‍ പ്രതിനിധികള്‍ ആവശ്യപ്പെട്ടു. സ്‌കൂളുകളില്‍നിന്നും കോളജുകളില്‍നിന്നും സംഘടിപ്പിക്കുന്ന പഠനയാത്രകളില്‍ ഗൈഡുമാരുടെ സേവനം ഉറപ്പാക്കണമെന്ന ആവശ്യവും യോഗത്തില്‍ ഉയര്‍ന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.