ഇടുക്കിയിൽ ശരാശരി പകൽതാപനില 26 ഡിഗ്രി സെൽഷസായിരുന്നെങ്കിലും വെള്ളത്തൂവലിൽ 35.1 ഡിഗ്രിയും മറ്റ് നാലിടങ്ങളിൽ 34 ഡിഗ്രി ചൂടും അനുഭവപ്പെട്ടു.
കണ്ണൂരിൽ നാലിടങ്ങളിലും കാസർഗോഡ് അഞ്ചിടങ്ങളിലും കൂടിയ പകൽതാപനില 34.5 ഡിഗ്രി വരെയെത്തി. കൊല്ലം, കോട്ടയം, കോഴിക്കോട്, മലപ്പുറം ജില്ലകളിൽ 33 മുതൽ 37 ഡിഗ്രി വരെ ചൂട് അനുഭവപ്പെട്ടു.
പാലക്കാട് ഏഴിടത്തും പത്തനംതിട്ടയിൽ ആറിടത്തും 33 ഡിഗ്രിക്കും മുകളിൽ ചൂട് അനുഭവപ്പെട്ടു. തിരുവനന്തപുരത്ത് ഉച്ചസമയത്ത് താപനില 34 ഡിഗ്രി സെൽഷസിനും മുകളിലെത്തി. തൃശൂരിൽ അഞ്ചിടത്ത് 33 മുതൽ 35 ഡിഗ്രി വരെ ചൂട് അനുഭവപ്പെട്ടപ്പോൾ വയനാട് ജില്ലയിലെ മിക്കയിടങ്ങളിലും ചൂട് 32 ഡിഗ്രിക്കും താഴെയാണ് അനുഭവപ്പെട്ടതെന്നും കാലാവസ്ഥാ നിരീക്ഷണ കേന്ദ്രം വ്യക്തമാക്കി.