മൂവാറ്റുപുഴ: കോളജ് വിദ്യാര്‍ഥികള്‍ക്ക് കടന്നല്‍ ആക്രമണത്തില്‍ പരിക്ക്. നിര്‍മല കോളജിലെ 25ഓളം വിദ്യാർഥികൾക്കാണ് ഇന്നലെ വൈകുന്നേരം അഞ്ചോടെ കോളജ് ഗ്രൗണ്ടില്‍ വിവിധ കായിക പരിശീലനങ്ങളില്‍ ഏര്‍പ്പെട്ടിരുന്നപ്പോൾ കടന്നല്‍ കുത്തേറ്റത്.
സ്‌പോര്‍ട്‌സ് ഹോസ്റ്റലിലെ വിദ്യാര്‍ഥികള്‍ക്കും കായിക അധ്യാപകനുമാണ് കടന്നലാക്രമണത്തില്‍ പരിക്കേറ്റത്. പരിക്കേറ്റ വിദ്യാര്‍ഥികളെ മൂവാറ്റുപുഴയിലെ സ്വകാര്യ ആശുപത്രിയില്‍ പ്രവേശിപ്പിച്ചു. കൂടുതൽ ക്ഷീണിതരായി കാണപ്പെട്ട നാല് വിദ്യാര്‍ഥികള്‍ അത്യാഹിത വിഭാഗത്തില്‍ നിരീക്ഷണത്തിലും മറ്റുള്ളവർ ചികിത്സയിലുമാണ്. ആരുടേയും നില ഗുരുതരമല്ല.