കാക്കനാട് : തൃക്കാക്കര നഗരസഭാ വൈസ് ചെയർമാൻ മുസ്ലിം ലീഗിലെ പി.എം. യൂനുസ് രാജിവച്ചു. യുഡിഎഫ് ജില്ലാ നേതൃത്വവുമായുണ്ടാക്കിയ മുൻ ധാരണപ്രകാരമാണ് രാജി. ഇടച്ചിറയിൽ നിന്നുള്ള സ്വതന്ത്ര സ്ഥാനാർഥി അബ്ദു ഷാനക്ക് അഞ്ചു മാസത്തേക്കാണ് പദവി കൈമാറുക.
തുടർന്ന് മുസ്ലിം ലീഗിലെ ടി.ജി. ദിനൂപ് വൈസ് ചെയർമാനാവും. ഡിസിസി നേതൃത്വവും ഘടകകക്ഷികളും ചേർന്നുണ്ടാക്കിയ മുൻ ധാരണപ്രകാരം സ്വതന്ത്ര കൗൺസിലർമാർക്ക് ചില പദവികൾ നൽകുന്ന കാര്യത്തിൽ തീരുമാനം എടുത്തിരുന്നു.