ഉദയംപേരൂർ: അത്ലറ്റിക് ഇനങ്ങളിൽ വ്യക്തിഗത ചാമ്പ്യൻഷിപ്പ് ഒന്നിലേറെ പ്രതിഭകൾ പങ്കിട്ടത് മത്സരങ്ങളുടെ വീറും വാശിയും വ്യക്തമാക്കുന്നതായിരുന്നു. ഇഞ്ചോടിഞ്ച് പൊരുതിയ അണ്ടർ 19 ആൺകുട്ടികളുടെ വിഭാഗത്തിൽ നാലു പേരാണ് വൃക്തിഗത ചാമ്പ്യൻഷിപ്പ് കരസ്ഥമാക്കിയത്. അണ്ടർ 19 പെൺകുട്ടികളുടെ വിഭാഗത്തിലും അണ്ടർ 17 ആൺകുട്ടികളുടെയും പെൺകുട്ടികളുടെയും വിഭാഗങ്ങളിലും രണ്ടു പേർ വീതം ചാമ്പ്യൻപട്ടം നേടി.