സ​ർ​ക്കാ​ർ ജോ​ലി വാ​ഗ്ദാ​നം ചെ​യ്ത് ത​ട്ടി​പ്പ് : പ​ണം വാ​ങ്ങു​ന്ന​തി​നി​ടെ പ്ര​തി ക​ള​ക്ട​റേ​റ്റി​ൽ കു​ടു​ങ്ങി
Wednesday, September 25, 2024 3:40 AM IST
കാ​ക്ക​നാ​ട്: സ​ർ​ക്കാ​ർ ജോ​ലി വാ​ഗ്ദാ​നം ചെ​യ്ത് ത​ട്ടി​പ്പു ന​ട​ത്തു​ന്ന​യാ​ളെ കാ​ക്ക​നാ​ട് ക​ള​ക്ട​റേ​റ്റി​ലെ സു​ര​ക്ഷാ വി​ഭാ​ഗം ഉ​ദ്യോ​ഗ​സ്ഥ​രും ജീ​വ​ന​ക്കാ​രും ചേ​ർ​ന്നു പി​ടി​കൂ​ടി.

കൊ​ല്ലം​ശാ​സ്താം​കോ​ട്ട ശൂ​ര​നാ​ട് സ്വ​ദേ​ശി​യാ​യ ര​ൻ​ജി​ത് കു​മാ​ർ (46) ആ​ണ് പി​ടി​യി​ലാ​യ​ത്. ഇ​ന്ന​ലെ രാ​വി​ലെ 11ഓ​ടെ​യാ​യി​രു​ന്നു സം​ഭ​വം. പ​ട്ടി​ക​ജാ​തി വി​ക​സ​ന വ​കു​പ്പ് ജീ​വ​ന​ക്കാ​ര​നാ​യ ജി. ​പ്ര​ശാ​ന്തി​ന്‍റെ സു​ഹൃ​ത്തി​ന്‍റെ ബ​ന്ധു​വി​ന് നി​കു​തി വ​കു​പ്പി​ൽ താ​ത്കാ​ലി​ക ജോ​ലി വാ​ഗ്ദാ​നം ചെ​യ്ത ശേ​ഷം 6,000 രൂ​പ​യു​മാ​യി ക​ള​ക്ട​റേ​റ്റി​ൽ എ​ത്താ​ൻ ആ​വ​ശ്യ​പ്പെ​ടു​ക​യാ​യി​രു​ന്നു.

ക​ള​ക്ട​റേ​റ്റി​ൽ വ​ച്ച് പെ​രു​മ്പാ​വൂ​ർ സ്വ​ദേ​ശി​യാ​യ യു​വാ​വി​ന്‍റെ പ​ക്ക​ൽ നി​ന്നു പ​ണം വാ​ങ്ങു​ന്ന​തി​നി​ടെ​യാ​ണ് പ്ര​തി കു​ടു​ങ്ങി​യ​ത്. തു​ട​ർ​ന്ന് പ്ര​തി​യെ തൃ​ക്കാ​ക്ക​ര പോ​ലീ​സി​ന് കൈ​മാ​റു​ക​യാ​യി​രു​ന്നു.


ഇ​പ്പോ​ൾ വാ​ഴ​ക്കാ​ല​യി​ൽ താ​മ​സി​ക്കു​ന്ന പ്ര​തി സി​വി​ൽ സ്റ്റേ​ഷ​നി​ലെ സ്ഥി​രം സ​ന്ദ​ർ​ശ​ക​നാ​യി​രു​ന്നു. ത​ട്ടി​പ്പി​നി​ര​യാ​യ​വ​രു​ടെ പ​രാ​തി​യു​ടെ അ​ടി​സ്ഥാ​ന​ത്തി​ൽ പ്ര​തി​ക്കെ​തി​രെ കേ​സ് ര​ജി​സ്റ്റ​ർ ചെ​യ്തെ​ന്ന് തൃ​ക്കാ​ക്ക​ര പോ​ലീ​സ് അ​റി​യി​ച്ചു.

ജാഗ്രതാ നിർദേശവുമായി കളക്ടര്‍

കൊച്ചി: ജോലി വാഗ്ദാനം ചെയ്തുള്ള തട്ടിപ്പിനിരയാകാതെ പൊതുജനങ്ങള്‍ ജാഗ്രത പാലിക്കണമെന്ന് ജില്ലാ കളക്ടര്‍ എന്‍.എസ്.കെ. ഉമേഷ് മുന്നറിയിപ്പ് നല്കി. കളക്ടറേറ്റ് വളപ്പിൽ നിന്നു പിടിയിലായ ആൾ വിമുക്തഭടനാണെന്ന വ്യാജേന തിരിച്ചറിയല്‍ കാര്‍ഡുമായാണ് തട്ടിപ്പ് നടത്തിയിരുന്നത്.

എം​പ്ലോ​യ്മെ​ന്‍റ് ഓ​ഫീ​സു​ക​ൾ വ​ഴി മാ​ത്ര​മാ​ണ് താ​ൽ​ക്കാ​ലി​ക നി​യ​മ​നം ന​ടത്തുന്ന​ത്. പിഎ​സ്‌സി വ​ഴി​യ​ല്ലാ​തെ സ്ഥി​ര​നി​യ​മ​നം ല​ഭി​ക്കി​ല്ല- ക​ള​ക്ട​ർ പ​റ​ഞ്ഞു.