കു​റ​വി​ല​ങ്ങാ​ട്: ആ​യി​ര​ക്ക​ണ​ക്കി​നു വാ​ഹ​ന​ങ്ങ​ൾ യാ​ത്ര​ന​ട​ത്തു​ന്ന എം​സി റോ​ഡി​ൽ ക​ണ്ണൊ​ന്നു പി​ഴ​ച്ചാ​ൽ തോ​ട്ടി​ലാ​കും യാ​ത്ര. എം​സി റോ​ഡി​ൽ മോ​നി​പ്പ​ള്ളി ചീ​ങ്ക​ല്ലേ​ൽ ഭാ​ഗ​ത്താ​ണ് ഈ ​ച​തി​ക്കു​ഴി. ഇ​വി​ടു​ത്തെ പാ​ല​ത്തി​ന്‍റെ ഇ​രു​വ​ശ​ങ്ങ​ളി​ലേ​യും കൈ​വ​രി​ക​ൾ ത​ക​ർ​ന്നൊ​ടി​ഞ്ഞ നി​ല​യി​ലാ​ണ്.

മോ​നി​പ്പ​ള്ളി ഭാ​ഗ​ത്തേ​ക്കു പോ​കു​ന്ന വാ​ഹ​ന​ങ്ങ​ൾ വ​ള​വു തി​രി​ഞ്ഞാ​ലു​ട​ൻ എ​ത്തു​ന്ന​ത് ഈ ​പാ​ല​ത്തി​ലാ​ണ്. ഏ​ത് വ​ശ​ത്തേ​ക്കു വാ​ഹ​നം അ​ല്പം നി​യ​ന്ത്ര​ണം വി​ട്ടാ​ലും സം​ര​ക്ഷ​ണ​ത്തി​ന് ഒ​ടി​ഞ്ഞു​ത​ക​ർ​ന്ന കൈ​വ​രി​ക​ൾ മാ​ത്ര​മാ​ണു​ള്ള​ത്. പ​ല​ത​വ​ണ വാ​ഹ​ന​ങ്ങ​ൾ ഇ​ടി​ച്ച കൈ​വ​രി​ക​ൾ റോ​ഡി​ൽ​നി​ന്ന് അ​ക​ന്നു​മാ​റി​യ നി​ല​യി​ലാ​ണ്.

കോ​ടി​ക​ൾ ചെ​ല​വ​ഴി​ച്ചു കെ​എ​സ്ടി​പി വി​ക​സ​നം ന​ട​ത്തി​യ റോ​ഡി​ൽ പാ​ല​ത്തി​ന് ശ​ക്ത​മാ​യ കൈ​വി​രി​ക​ൾ നി​ർ​മി​ക്കാ​ൻ പോ​ലും ക​ഴി​ഞ്ഞി​ല്ലെ​ന്ന​താ​ണ് സ്ഥി​തി. നാ​ട്ടു​കാ​ർ ചു​വ​ന്ന ചാ​യ​ക്ക​ട​ലാ​സു​ക​ൾ കെ​ട്ടി അ​പ​ക​ട​ഭീ​ഷ​ണി സം​ബ​ന്ധി​ച്ചു മു​ന്ന​റി​യി​പ്പ് ന​ൽ​കി​യി​രി​ക്കു​ക​യാ​ണ്.