മു​ണ്ട​ക്ക​യം: പ്ര​ള​യ​ത്തി​ൽ ത​ക​ർ​ന്ന മു​ണ്ട​ക്ക​യം പ​ഞ്ചാ​യ​ത്ത് അ​ഞ്ചാം വാ​ർ​ഡി​ലെ കീ​ച്ചാ​ൻ​പാ​റ ന​ട​പ്പാ​ല​ത്തി​ന്‍റെ ഉ​ദ്ഘാ​ട​നം നാളെ വൈ​കു​ന്നേ​രം അ​ഞ്ചി​ന് ന​ട​ക്കും.

സെ​ബാ​സ്റ്റ്യ​ൻ കു​ള​ത്തു​ങ്ക​ൽ എം​എ​ൽ​എ ന​ട​പ്പാ​ലം നാ​ടി​ന് സ​മ​ർ​പ്പി​ക്കും. മു​ണ്ട​ക്ക​യം പ​ഞ്ചാ​യ​ത്ത് പ്ര​സി​ഡ​ന്‍റ് രേ​ഖ ദാ​സ് അ​ധ്യ​ക്ഷ​ത വ​ഹി​ക്കും. ജി​ല്ലാ പ​ഞ്ചാ​യ​ത്തം​ഗം പി.​ആ​ർ. അ​നു​പ​മ, പ​ഞ്ചാ​യ​ത്തം​ഗ​ങ്ങ​ളാ​യ ജി​നീ​ഷ് മു​ഹ​മ്മ​ദ്, വി.​എ​ൻ. ജാ​ൻ​സി, ദി​ലീ​ഷ് ദി​വാ​ക​ര​ൻ, വി​വി​ധ രാ​ഷ്‌​ട്രീ​യ പ്ര​തി​നി​ധി​ക​ളാ​യ എം.​ജി. രാ​ജു, ചാ​ർ​ലി കോ​ശി, അ​രു​ൺ കൊ​ക്കാ​പ്പ​ള്ളി, സി​ജു കൈ​ത​മ​റ്റം, ഷ​മീ​ർ കൂ​രി​പാ​റ തു​ട​ങ്ങി​യ​വ​ർ പ്ര​സം​ഗി​ക്കും.

2021ലെ ​പ്ര​ള​യ​ത്തി​ലാ​ണ് കോ​ട്ട​യം, ഇ​ടു​ക്കി ജി​ല്ല​ക​ളെ ബ​ന്ധി​പ്പി​ക്കു​ന്ന നെ​ടും​തോ​ടി​ന് കു​റു​കെ​യു​ണ്ടാ​യി​രു​ന്ന ന​ട​പ്പാ​ലം ത​ക​ർ​ന്ന​ത്. നാ​ട്ടു​കാ​രു​ടെ നേ​തൃ​ത്വ​ത്തി​ൽ ര​ണ്ടു​ത​വ​ണ താ​ത്കാ​ലി​ക ന​ട​പ്പാ​ലം നി​ർ​മി​ച്ചെ​ങ്കി​ലും ഇ​തും ത​ക​ർ​ന്നു. ഇ​തോ​ടെ കീ​ച്ച​ൻ​പാ​റ നി​വാ​സി​ക​ൾ കാ​ൽ​ന​ട​യാ​യി ഏ​റെ ദൂ​രം സ​ഞ്ച​രി​ക്കേ​ണ്ട ദു​ര​വ​സ്ഥ​യി​ലാ​യി​രു​ന്നു. തു​ട​ർ​ന്ന് സെ​ബാ​സ്റ്റ്യ​ൻ കു​ള​ത്തു​ങ്ക​ൽ എം​എ​ൽ​എ​യു​ടെ പ്രാ​ദേ​ശി​ക വി​ക​സ​ന ഫ​ണ്ടി​ൽ​നി​ന്നു 11 ല​ക്ഷം രൂ​പ വി​നി​യോ​ഗി​ച്ചാ​ണ് പു​തി​യ ന​ട​പ്പാ​ലം നി​ർ​മി​ച്ചി​രി​ക്കു​ന്ന​ത്. പ്ര​ള​യ​ത്തി​ൽ ത​ക​ർ​ന്ന കോ​ൺ​ക്രീ​റ്റ് പാ​ല​ത്തി​ന് പ​ക​രം ഇ​രു​മ്പ് കേ​ഡ​റി​ലാ​ണ് പു​തി​യ ന​ട​പ്പാ​ലം നി​ർ​മി​ച്ചി​രി​ക്കു​ന്ന​ത്. ര​ണ്ടു ജി​ല്ല​ക​ളെ ത​മ്മി​ൽ ബ​ന്ധി​പ്പി​ക്കു​ന്ന ന​ട​പ്പാ​ല​മാ​യ​തു​കൊ​ണ്ടു​ള്ള നി​യ​മ​പ്ര​ശ്ന​ങ്ങ​ൾ പാ​ല​ത്തി​ന്‍റെ നി​ർ​മാ​ണം വൈ​കു​വാ​നി​ട​യാ​ക്കി​യ​താ​യി എം​എ​ൽ​എ പ​റ​ഞ്ഞു.