മു​ണ്ട​ക്ക​യം: വെ​ള്ള​നാ​ടി ചെ​ക്ക്ഡാ​മിന്‍റെ ഷ​ട്ട​റു​ക​ൾ ത​ക​ർ​ത്ത് സാ​മൂ​ഹ്യ​വി​രു​ദ്ധ​ർ വെ​ള്ളം ഒ​ഴു​ക്കി​ക്ക​ള​ഞ്ഞു. ക​ഴി​ഞ്ഞ 20 ദി​വ​സ​ത്തി​നി​ടെ അ​ഞ്ചു ത​വ​ണ​യാ​ണ് സാ​മൂ​ഹ്യ​വി​രു​ദ്ധ​ർ ഈ ​ചെ​ക്ക്ഡാ​മി​ന്‍റെ ഷ​ട്ട​റു​ക​ൾ ത​ക​ർ​ത്ത് വെ​ള്ളം ഒ​ഴു​ക്കി​ക്ക​ള​ഞ്ഞ​ത്. ഓ​രോ ത​വ​ണ​യും പ​ഞ്ചാ​യ​ത്ത് അ​ധി​കൃ​ത​രു​ടെ നേ​തൃ​ത്വ​ത്തി​ൽ ചെ​ക്ക്ഡാ​മി​ന്‍റെ ഷ​ട്ട​റു​ക​ൾ പു​നഃ​സ്ഥാ​പി​ക്കു​മെ​ങ്കി​ലും സാ​മൂ​ഹ്യ​വി​രു​ദ്ധ​ർ രാ​ത്രി​യി​ൽ വീ​ണ്ടും ഇ​തു ത​ക​ർ​ത്ത് വെ​ള്ളം ഒ​ഴു​ക്കി​ക്ക​ള​യു​ക​യാ​ണ്.

ജ​ല​വി​ത​ര​ണ വ​കു​പ്പി​ന്‍റെ പ്ര​വ​ർ​ത്ത​നം നി​ല​ച്ചാ​ൽ സ്വ​കാ​ര്യ കു​ടി​വെ​ള്ള വി​ത​ര​ണ​ക്കാ​ർ​ക്ക് ഉ​യ​ർ​ന്ന വി​ല​യ്ക്ക് വീ​ടു​ക​ളി​ൽ വെ​ള്ള​മെ​ത്തി​ച്ചു ന​ൽ​കാ​ൻ ക​ഴി​യും. അ​തു​കൊ​ണ്ടു​ത​ന്നെ സം​ഭ​വ​ത്തി​നു പി​ന്നി​ൽ കു​ടി​വെ​ള്ള വി​ത​ര​ണ ലോ​ബി​യു​ടെ പ്ര​വ​ർ​ത്ത​ന​മാ​ണോ​യെ​ന്ന സം​ശ​യം ജ​ന​പ്ര​തി​നിധിക​ളും നാ​ട്ടു​കാ​രും പ​ങ്കു​വ​യ്ക്കു​ന്നു​ണ്ട്.

സംഭ​വ​ത്തി​ൽ പോ​ലീ​സി​ൽ പ​രാ​തി ന​ൽ​കി​യി​ട്ടും കാ​ര്യ​ക്ഷ​മ​മാ​യ അ​ന്വേ​ഷ​ണം ഉ​ണ്ടാ​കു​ന്നി​ല്ലെ​ന്നും രാ​ത്രി​കാ​ല​ങ്ങ​ളി​ൽ പ്ര​ദേ​ശ​ത്ത് പോ​ലീ​സി​ന്‍റെ നി​രീ​ക്ഷ​ണം ശ​ക്ത​മാ​ക്ക​ണ​മെ​ന്നും മു​ണ്ട​ക്ക​യം പ​ഞ്ചാ​യ​ത്ത് അ​ധി​കൃ​ത​ർ ആ​വ​ശ്യ​പ്പെ​ട്ടു. മേ​ഖ​ല​യി​ൽ മ​ദ്യ​പ​ന്മാ​രു​ടെ​യും സാ​മൂ​ഹ്യ​വി​രു​ദ്ധ​രു​ടെ​യും ശ​ല്യം രൂ​ക്ഷ​മാ​ണെ​ന്നു നാ​ട്ടു​കാ​രും പ​റ​യു​ന്നു. പ്ര​ദേ​ശ​ത്ത് കാ​മ​റ സ്ഥാ​പി​ച്ച് നി​രീ​ക്ഷ​ണം ശ​ക്ത​മാ​ക്കാ​നാ​ണ് പ​ഞ്ചാ​യ​ത്തി​ന്‍റെ തീ​രു​മാ​നം.

മു​ണ്ട​ക്ക​യം ടൗ​ണി​ലേ​ക്കും സ​മീ​പ വീ​ടു​ക​ളി​ലേ​ക്കും കു​ടി​വെ​ള്ളം എ​ത്തി​ക്കു​ന്ന​തു മു​ണ്ട​ക്ക​യം ബൈ​പാ​സി​ലെ ജ​ല​വി​ത​ര​ണ​വ​കു​പ്പി​ന്‍റെ പ​മ്പ് ഹൗ​സി​ൽ നി​ന്നാ​ണ്. വേ​ന​ൽ​ക്കാ​ല​ത്ത് ഈ ​പ​ദ്ധ​തി​യു​ടെ പ്ര​ധാ​ന ജ​ല​സ്രോ​ത​സ് മ​ണി​മ​ല​യാ​റി​നു കു​റു​കെ നി​ർ​മി​ച്ചി​രി​ക്കു​ന്ന വെ​ള്ള​നാ​ടി ചെ​ക്ക്ഡാ​മി​ലെ വെ​ള്ള​മാ​ണ്. വേ​ന​ൽ​ക്കാ​ല​മാ​യ​തോ​ടെ സ​മീ​പ​മേ​ഖ​ല​യെ​ല്ലാം കു​ടി​വെ​ള്ള​ക്ഷാ​മ​ത്തി​ലേ​ക്കു നീ​ങ്ങു​ക​യാ​ണ്. ചെ​ക്ക്ഡാ​മി​ൽ സം​ഭ​രി​ച്ചി​രി​ക്കു​ന്ന ജ​ലം ഉ​പ​യോ​ഗി​ച്ചു മു​ണ്ട​ക്ക​യം ടൗ​ണി​ലെ വ്യാ​പാ​ര​സ്ഥാ​പ​ന​ങ്ങ​ളി​ലേ​ക്കും സ​മീ​പ മേ​ഖ​ല​യി​ലെ വീ​ടു​ക​ളി​ലേ​ക്കും ജ​ല​വി​ത​ര​ണം സു​ഗ​മ​മാ​യി ന​ട​ക്കു​ന്നു​ണ്ട്.