മു​ണ്ട​ക്ക​യം ഈ​സ്റ്റ്‌: ദേ​ശീ​യ​പാ​ത​യി​ൽ മു​ണ്ട​ക്ക​യ​ത്തി​നും കു​ട്ടി​ക്കാ​ന​ത്തി​നു​മി​ട​യി​ൽ വാ​ഹ​നാ​പ​ക​ട​ങ്ങ​ൾ പെ​രു​കു​ന്നു. കു​ട്ടി​ക്കാ​നം മു​ത​ൽ മു​ണ്ട​ക്ക​യം വ​രെ​യു​ള്ള ഭാ​ഗ​ത്ത് ക​ഴി​ഞ്ഞ ഒ​രാ​ഴ്ച​യ്ക്കി​ടെ ചെ​റു​തും വ​ലു​തു​മാ​യ ഇ​രു​പ​തി​ല​ധി​കം വാ​ഹ​നാ​പ​ക​ട​ങ്ങ​ളാ​ണ് ഉ​ണ്ടാ​യി​ട്ടു​ള്ള​ത്.

കൊ​ടും വ​ള​വും കു​ത്തി​റ​ക്ക​വും നി​റ​ഞ്ഞ റോ​ഡി​ൽ വാ​ഹ​ന​ങ്ങ​ളു​ടെ എ​ണ്ണം ക്ര​മാ​തീ​ത​മാ​യി വ​ർ​ധി​ച്ച​തും ഡ്രൈ​വ​ർ​മാ​രു​ടെ അ​ശ്ര​ദ്ധ​യും മൂ​ട​ൽ​മ​ഞ്ഞും ചാ​റ്റ​ൽ മ​ഴ​യു​മെ​ല്ലാം അ​പ​ക​ട​ങ്ങ​ൾ വ​ർ​ധി​പ്പി​ക്കു​ക​യാ​ണ്. മു​ന്പ് ശ​ബ​രി​മ​ല സീ​സ​ണി​ലാ​ണ് റോ​ഡി​ന്‍റെ ഈ ​ഭാ​ഗ​ങ്ങ​ളി​ൽ പ​തി​വാ​യി അ​പ​ക​ടം ന​ട​ന്നി​രു​ന്ന​തെ​ങ്കി​ൽ ഇ​പ്പോ​ൾ എ​ല്ലാ ദി​വ​സ​വും ത​ന്നെ അ​പ​ക​ട​ങ്ങ​ൾ സം​ഭ​വി​ക്കു​ന്നു​ണ്ട്. ക​ഴി​ഞ്ഞ ശ​നി​യാ​ഴ്ച മാ​ത്രം ഈ ​റോ​ഡി​ൽ നാ​ലോ​ളം വാ​ഹ​നാ​പ​ക​ട​ങ്ങ​ളാ​ണ് ഉ​ണ്ടാ​യ​ത്. നി​ര​വ​ധി യാ​ത്ര​ക്കാ​ർ​ക്ക് അ​പ​ക​ട​ത്തി​ൽ പ​രി​ക്കേ​ൽ​ക്കു​ക​യും ചെ​യ്തു.

മു​പ്പ​ത്തി​നാ​ലാം​മൈ​ലി​ന് സ​മീ​പം കാ​റു​ക​ൾ കൂ​ട്ടി​യി​ടി​ച്ചു​ണ്ടാ​യ അ​പ​ക​ട​ത്തി​ൽ യു​വാ​വി​ന് സാ​ര​മാ​യി പ​രി​ക്കേ​റ്റി​രു​ന്നു. മ​രു​തും​മൂ​ടി​ന് സ​മീ​പം ഇ​ന്നോ​വ കാ​ർ നി​യ​ന്ത്ര​ണം​വി​ട്ട് സ​മീ​പ​ത്തെ റ​ബ​ർ​ത്തോ​ട്ട​ത്തി​ലേ​ക്ക് മ​റി​ഞ്ഞ് യാ​ത്ര​ക്കാ​ർ​ക്ക് പ​രി​ക്കേ​റ്റു. ചു​ഴു​പ്പി​ന് സ​മീ​പം കാ​ർ റോ​ഡി​ൽ വ​ട്ടം​മ​റി​ഞ്ഞ് കാ​ർ യാ​ത്ര​ക്കാ​രാ​യ അ​ഞ്ചു പേ​ർ​ക്ക് പ​രി​ക്കേ​റ്റി​രു​ന്നു. കൂ​ടാ​തെ നി​ര​വ​ധി അ​പ​ക​ട​ങ്ങ​ളാ​ണ് ഓ​രോ ദി​വ​സ​വും റോ​ഡി​ന്‍റെ പ​ല ഭാ​ഗ​ങ്ങ​ളി​ൽ ഉ​ണ്ടാ​കു​ന്ന​ത്.

പ​ഴ​യ കെ​കെ റോ​ഡ് ദേ​ശീ​യ​പാ​ത​യാ​യി ഉ​യ​ർ​ത്തി നാ​മ​ക​ര​ണം ചെ​യ്ത​ത​ല്ലാ​തെ റോ​ഡി​ന്‍റെ വീ​തി കൂ​ട്ടു​ക​യോ അ​ടി​സ്ഥാ​ന സൗ​ക​ര്യ​ങ്ങ​ൾ വ​ർ​ധി​പ്പി​ക്കു​ക​യോ ചെ​യ്തി​ല്ല. എ​ന്നാ​ൽ, വാ​ഹ​ന​ങ്ങ​ളു​ടെ എ​ണ്ണം ക്ര​മാ​തീ​ത​മാ​യി വ​ർ​ധി​ക്കു​ക​യും ചെ​യ്തു. ഇ​തോ​ടെ വാ​ഹ​നാ​പ​ക​ട​ങ്ങ​ളും പെ​രു​കു​ക​യാ​ണ്.

കൊ​ട്ടാ​ര​ക്ക​ര-​ദി​ണ്ടി​ഗ​ൽ ദേ​ശീ​യ​പാ​ത നാ​ലു​വ​രി പാ​ത​യാ​ക്കി ഉ​യ​ർ​ത്തു​ന്ന​തി​നു​ള്ള പ്രാ​രം​ഭ ന​ട​പ​ടി​ക​ൾ ആ​രം​ഭി​ച്ചി​ട്ടു​ണ്ടെ​ന്ന ജ​ന​പ്ര​തി​നി​ധി​ക​ളു​ടെ വാ​ഗ്ദാ​ന​മാ​ണ് ഇ​നി​യു​ള്ള പ്ര​തീക്ഷ.