ച​ങ്ങ​നാ​ശേ​രി: ഭ​ർ​ത്താ​വി​ന്‍റെ സ​ഹോ​ദ​ര​ന്‍ തീ ​കൊ​ളു​ത്തി കൊ​ല​പ്പെ​ടു​ത്താ​ന്‍ ശ്ര​മി​ച്ച​തി​നെ​ത്തു​ട​ർ​ന്ന് 80 ശ​ത​മാ​ന​ത്തോ​ളം പൊ​ള്ള​ലേ​റ്റ വീ​ട്ട​മ്മ മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ല്‍ ഗു​രു​ത​രാ​വ​സ്ഥ​യി​ല്‍. ച​ങ്ങ​നാ​ശേ​രി പ​റാ​ല്‍ പ്രി​യ നി​വാ​സി​ല്‍ വേ​ണു​ഗോ​പാ​ലി​ന്‍റെ ഭാ​ര്യ പ്ര​സ​ന്ന വേ​ണു​ഗോ​പാ​ലി​നു (62) നേ​രെ​യാ​ണ് ആ​ക്ര​മ​ണ​മു​ണ്ടാ​യ​ത്.

വേ​ണു​ഗോ​പാ​ലി​ന്‍റെ അ​നു​ജ​ന്‍ രാ​ജു​വാ​ണ് ആ​ക്ര​മ​ണം ന​ട​ത്തി​യ​തെ​ന്നു പോ​ലീ​സ് പ​റ​ഞ്ഞു. തി​ങ്ക​ളാ​ഴ്ച രാ​ത്രി ഒ​മ്പ​തി​നാ​യി​രു​ന്നു സം​ഭ​വം.

വേ​ണു​ഗോ​പാ​ലി​ന്‍റെ വീ​ട്ടി​ലെ​ത്തി​യ രാ​ജു കൈ​യി​ല്‍ ക​രു​തി​യ ദ്രാ​വ​കം പ്ര​സ​ന്ന​യു​ടെ ശ​രീ​ര​ത്തി​ല്‍ ഒ​ഴി​ച്ച് തീ​കൊ​ളു​ത്തു​ക​യാ​യി​രു​ന്നു. അ​ടു​ത്തു​ണ്ടാ​യി​രു​ന്ന വേ​ണു​ഗോ​പാ​ല്‍ ഭാ​ര്യ പ്ര​സ​ന്ന​യെ ര​ക്ഷി​ക്കാ​ന്‍ ശ്ര​മം ന​ട​ത്തി​യെ​ങ്കി​ലും ഇ​യാ​ള്‍​ക്കും സാ​ര​മാ​യ പൊ​ള്ള​ലേ​റ്റു. അ​ക്ര​മം ന​ട​ത്തി​യ രാ​ജു​വി​നെ സം​ഭ​വ​ത്തി​നു ശേ​ഷം വി​ഷം ക​ഴി​ച്ച് അ​വ​ശ​നി​ല​യി​ല്‍ ച​ങ്ങ​നാ​ശേ​രി റെ​യി​ല്‍​വേ സ്റ്റേ​ഷ​നു സ​മീ​പം ക​ണ്ടെ​ത്തി.

ഓ​ടി​ക്കൂ​ടി​യ നാ​ട്ടു​കാ​ര്‍ ചേ​ര്‍​ന്നാ​ണ് പ്ര​സ​ന്ന​യെ ആ​ശു​പ​ത്രി​യി​ലെ​ത്തി​ച്ച​ത്. വി​ഷം ഉ​ള്ളി​ല്‍​ചെ​ന്ന രാ​ജു​വി​നെ​യും മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ചു. അ​പ​ക​ട​നി​ല ത​ര​ണം ചെ​യ്താ​ല്‍ മാ​ത്ര​മേ ചോ​ദ്യം ചെ​യ്യാ​ന്‍ സാ​ധി​ക്കൂ​വെ​ന്നും രാ​ജു​വി​ന് വേ​ണു​ഗോ​പാ​ലി​ന്‍റെ കു​ടും​ബ​വു​മാ​യി ഉ​ണ്ടാ​യി​രു​ന്ന വൈ​രാ​ഗ്യ​മാ​ണ് പ്ര​ശ്‌​ന​ത്തി​ല്‍ ക​ലാ​ശി​ച്ച​തെ​ന്നും പോ​ലീ​സ് കൂ​ട്ടി​ച്ചേ​ര്‍​ത്തു.

കോ​ട്ട​യ​ത്ത് താ​മ​സി​ക്കു​ന്ന രാ​ജു ലോ​ട്ട​റി​ക്ക​ച്ച​വ​ട​ക്കാ​ര​നാ​ണ്. വ​ര്‍​ഷ​ങ്ങ​ളാ​യി പ​റാ​ലി​ലെ കു​ടും​ബ​വു​മാ​യി അ​ക​ന്ന് ക​ഴി​യു​ക​യാ​ണ് ഇ​യാ​ളെ​ന്നും പ​റ​യു​ന്നു.