വെ​ച്ചൂ​ർ: വെ​ച്ചൂ​ർ പ​ഞ്ചാ​യ​ത്ത് ഓ​ഫീ​സി​നാ​യി പു​തി​യ കെ​ട്ടി​ട​സ​മു​ച്ച​യം നി​ർ​മി​ക്കും. വെ​ച്ചൂ​ർ മോ​ഡേ​ൺ റൈ​സ് മി​ല്ലി​ന് സ​മീ​പം ഒ​ന്പ​താം​വാ​ർ​ഡി​ൽ പ​ഞ്ചാ​യ​ത്തി​ന്‍റെ ഉ​ട​മ​സ്ഥ​ത​യി​ലു​ള്ള 51 സെ​ന്‍റ് സ്ഥ​ല​ത്താ​ണ് പു​തി​യ കെ​ട്ടി​ട സ​മു​ച്ച​യം നി​ർ​മി​ക്കാ​ൻ ഡി​പി​സി​യു​ടെ അം​ഗീ​കാ​രം ല​ഭി​ച്ച​ത്.​

വൈ​ക്കം-​വെ​ച്ചൂ​ർ റോ​ഡ് വി​ക​സ​ന​വു​മാ​യി ബ​ന്ധ​പ്പെ​ട്ട് നി​ല​വി​ലെ പ​ഞ്ചാ​യ​ത്ത് ഓ​ഫീ​സ് കെ​ട്ടി​ട​ത്തി​ന്‍റെ വാ​തി​ൽ​പ്പ​ടി വ​രെ​യു​ള്ള സ്ഥ​ലം ഏ​റ്റെ​ടു​ക്ക​ൽ ന​ട​പ​ടി​ക​ൾ അ​വ​സാ​ന ഘ​ട്ട​ത്തി​ലാ​ണ്.

ഇ​രു​നി​ല പ​ഞ്ചാ​യ​ത്ത് കെ​ട്ടി​ടം സ്ഥി​തി​ചെ​യ്യു​ന്ന​ത് 9.88 സെ​ന്‍റ് സ്ഥ​ല​ത്താ​ണ്. അ​തി​നാ​ൽ കൂ​ട്ടി​ച്ചേ​ർ​ക്ക​ലു​ക​ളൊ​ന്നും സാ​ധ്യ​മ​ല്ല. തൊ​ഴി​ലു​റ​പ്പ് വി​ഭാ​ഗം, എ​ൻ​ജി​നീ​യ​റിം​ഗ്, വി​ല്ലേ​ജ് എ​ക്‌​സ്‌​റ്റെ​ൻ​ഷ​ൻ ഓ​ഫീ​സ്, കു​ടും​ബ​ശ്രീ ഓ​ഫീ​സ്, ഐ​സി​ഡി​എ​സ്ഓ​ഫീ​സ് തു​ട​ങ്ങി​യ​വ പ്ര​വ​ർ​ത്തി​ക്കു​ന്ന​തും ഈ ​കെ​ട്ടി​ട​ത്തി​ലാ​ണ്.

സ്ഥ​ല​പ​രി​മി​തി ക​ണ​ക്കി​ലെ​ടു​ത്താ​ണ് പു​തി​യ കെ​ട്ടി​ടം പ​ണി​യാ​ൻ അ​ധി​കൃ​ത​ർ തീ​രു​മാ​നി​ച്ച​ത്. ബ​ണ്ട് റോ​ഡി​ൽ മോ​ഡേ​ൺ റൈ​സ് മി​ല്ലി​ന് സ​മീ​പം പ​ഞ്ചാ​യ​ത്തി​ന്‍റെ ഉ​ട​മ​സ്ഥ​ത​യി​ലു​ള്ള 51 സെ​ന്‍റ് സ്ഥ​ല​ത്ത് 2500 ച​തു​ര​ശ്ര​യ​ടി വി​സ്തീ​ർ​ണ​ത്തി​ൽ ആ​ദ്യ​ഘ​ട്ട​ത്തി​ൽ ഒ​രു​നി​ല​യി​ലു​ള്ള കെ​ട്ടി​ടം തീ​ർ​ക്കാ​നാ​ണ് തീ​രു​മാ​നം. ഒ​രു​കോ​ടി രൂ​പ​യു​ടെ പ​ദ്ധ​തി​ക്ക് ജി​ല്ലാ ആ​സൂ​ത്ര​ണ സ​മി​തി​യു​ടെ അം​ഗീ​കാ​രം ല​ഭി​ച്ചി​ട്ടു​ണ്ട്.

പ​ഞ്ചാ​യ​ത്തി​ന്‍റെ പ്ലാ​ൻ ഫ​ണ്ട് വി​ഹി​ത​മാ​യ 50 ല​ക്ഷം രൂ​പ ഇ​തി​ലേ​ക്ക് വ​ക​യി​രു​ത്തി​യി​ട്ടു​ണ്ട്. ബാ​ക്കി​യു​ള്ള 50 ല​ക്ഷം രൂ​പ വാ​യ്പ​യെ​ടു​ക്കും. ആ​ദ്യ​ഘ​ട്ട വാ​യ്പ അ​നു​വ​ദി​ക്കു​ന്ന​തി​ന് കേ​ര​ള ബാ​ങ്ക് വെ​ച്ചൂ​ർ ശാ​ഖ സ​ന്ന​ദ്ധ​ത അ​റി​യി​ച്ചി​ട്ടു​ണ്ട്. വാ​യ്പ എ​ടു​ക്കാ​ൻ സ​ർ​ക്കാ​രി​ന്‍റെ അ​നു​മ​തി വേ​ണം. അ​തി​നു​വേ​ണ്ടി​യു​ള്ള ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​ക്കി​യ​താ​യി പ​ഞ്ചാ​യ​ത്ത് അ​ധി​കൃ​ത​ർ അ​റി​യി​ച്ചു.