എ​രു​മേ​ലി: ശ​ബ​രി​മ​ല തീ​ർ​ഥാ​ട​ന​ത്തി​ന്‍റെ ഭാ​ഗ​മാ​യി എ​രു​മേ​ലി​യി​ല്‍ ഏ​ര്‍​പ്പെ​ടു​ത്തി​യി​ട്ടു​ള്ള വ​ണ്‍​വേ​യി​ല്‍​ക്കൂ​ടി വ​രു​ന്ന തീ​ർ​ഥാ​ട​ക​ര്‍ അ​ട​ക്ക​മു​ള്ള യാ​ത്ര​ക്കാ​രെ ഗൂ​ഗി​ള്‍മാ​പ്പ് വ​ഴിതെ​റ്റി​ക്കു​ന്ന​താ​യി പ​രാ​തി. എ​രു​മേ​ലി കെ​എ​സ്ആ​ർ​ടി​സി ജം​ഗ്ഷ​ന്‍-ടി​ബി റോ​ഡ് വ​ഴി വ​രു​ന്ന വാ​ഹ​ന​ങ്ങ​ള്‍​ക്കാ​ണ് വ​ഴി തെ​റ്റു​ന്ന​ത്.

വാ​ഹ​ന​ങ്ങ​ള്‍​ റാ​ന്നി, പ​ത്ത​നം​തി​ട്ട, തി​രു​വ​ന​ന്ത​പു​രം ഭാ​ഗ​ത്തേ​ക്ക് പോ​കാ​നാ​കെ ബ​ദ്ധി​മു​ട്ടു​ക​യാ​ണ്. ഈ ​വ​ഴി വ​രു​ന്ന വാ​ഹ​ന​ങ്ങ​ള്‍ ക്ഷേ​ത്ര​ത്തി​ന് പി​ന്നി​ല്‍ കൂ​ടി​യു​ള്ള കു​റു​വാ​മൂ​ഴി റോ​ഡി​ല്‍ വാ​ഴ​ക്കാ​ല റോ​ഡി​ലാ​ണ് എ​ത്തു​ന്ന​ത്. ഇ​വി​ടെ​നി​ന്ന് ഇ​ട​ത്തോ​ട്ട് തി​രി​ഞ്ഞു​ള്ള ആ​ദ്യ റോ​ഡി​ല്‍​ക്കൂ​ടി​യാ​ണ് റാന്നി ഭാ​ഗ​ത്തേ​ക്ക് പോ​കു​ന്ന​ത്.

എ​ന്നാ​ൽ, ഗൂ​ഗി​ൾ മാ​പ്പ് ആ​ശ്ര​യി​ച്ച് വ​രു​ന്ന വാ​ഹ​ന​ങ്ങ​ള്‍ ഈ ​ജം​ഗ്ഷ​നി​ല്‍​നി​ന്നു ക​രി​മ്പി​ന്‍തോ​ട് ഭാ​ഗം കാ​ണി​ക്കാ​തെ ര​ണ്ടാ​മ​ത്തെ റോ​ഡാ​യ പാ​ത്തി​ക്ക​ക്കാ​വ് റോ​ഡാ​ണ് റാ​ന്നി ഭാ​ഗ​ത്തേ​ക്കു​ള്ള റോ​ഡാ​യി കാ​ണി​ക്കു​ന്ന​ത്. ഇ​ങ്ങ​നെ വ​ഴി തെ​റ്റി വ​രു​ന്ന വാ​ഹ​ന​ങ്ങ​ള്‍ കു​റു​വാ​മൂ​ഴി റോ​ഡി​ല്‍ കു​റേ ദൂ​രം സ​ഞ്ച​രി​ച്ച ശേ​ഷം തി​രി​കെ വ​ന്നാ​ണ് ക​രി​മ്പി​ന്‍​തോ​ടി​ലേ​ക്ക് തി​രി​കെ പോ​കു​ന്ന​ത്.

വ​ഴി​തെ​റ്റി വ​രു​ന്ന വാ​ഹ​ന​ങ്ങ​ള്‍​ക്ക് ഓ​ട്ടോ​ക്കാ​രും നാ​ട്ടു​കാ​രു​മാ​ണ് വ​ഴി കാ​ണി​ച്ചു കൊ​ടു​ക്കു​ന്ന​ത്. ടി​ബി റോ​ഡ് -കെ​എ​സ്ആ​ർ​ടി​സി വ​ഴി വ​രു​ന്ന വാ​ഹ​ന​ങ്ങ​ള്‍​ക്ക് വ​ഴി തെ​റ്റാ​തി​രി​ക്കാ​ന്‍ റാ​ന്നി, പ​ത്ത​നം​തി​ട്ട, തി​രു​വ​ന​ന്ത​പു​രം എ​ന്നെ​ഴു​തി​യ ബോ​ര്‍​ഡ് ഈ ​ജം​ഗ്ഷ​നി​ല്‍ സ്ഥാ​പി​ക്ക​ണ​മെ​ന്നു നാ​ട്ടു​കാ​ര്‍ ആ​വ​ശ്യ​പ്പെ​ട്ടു.