ച​ങ്ങ​നാ​ശേ​രി: ക്രി​സ്മ​സ്-​പു​തു​വ​ത്സ​ര ആ​ഘോ​ഷ​ങ്ങ​ളും പ​ള്ളി​ക​ളി​ലും ക്ഷേ​ത്ര​ങ്ങ​ളി​ലും ആ​ഘോ​ഷ​ങ്ങ​ളും ന​ട​ക്കാ​നി​രി​ക്കെ ന​ഗ​ര​ത്തി​ലും സ​മീ​പ പ​ഞ്ചാ​യ​ത്തു​ക​ളി​ലും വ​ഴി​വി​ള​ക്കു​ക​ള്‍ തെ​ളി​യാ​ത്ത​ത് ആ​രു​ടെ അ​നാ​സ്ഥ​ മൂ​ല​മാ​ണെ​ന്ന ചോ​ദ്യ​മു​യ​രു​ന്നു. ച​ങ്ങ​നാ​ശേ​രി ന​ഗ​ര​മ​ധ്യ​ത്തി​ല്‍ പെ​രു​ന്ന ബ​സ് സ്റ്റാ​ന്‍ഡു​മു​ത​ല്‍ എ​സ്ബി കോ​ള​ജു​വ​രെ​യു​ള്ള ഭാ​ഗ​ത്ത് മാ​സ​ങ്ങ​ളാ​യി വ​ഴി​വി​ള​ക്കു​ക​ള്‍ പ്ര​കാ​ശി​ക്കു​ന്നി​ല്ല. ഇ​തു​പോ​ലെ ന​ഗ​ര​ത്തി​ലെ മ​റ്റു വാ​ര്‍ഡു​ക​ളി​ലും ഒ​ട്ടേ​റെ വ​ഴി​വി​ള​ക്കു​ക​ൾ ക​ണ്ണ​ട​ച്ച നി​ല​യി​ലാ​ണ്.

വ​ഴി​വി​ള​ക്ക് തെ​ളി​യാ​ത്ത പ​ല സ്ഥ​ല​ങ്ങ​ളി​ലും വ്യാ​പാ​ര​സ്ഥാ​പ​ന​ങ്ങ​ളി​ലെ വെ​ളി​ച്ച​മാ​ണ് ആ​ളു​ക​ളു​ടെ ആ​ശ്ര​യം. രാ​ത്രി​യി​ല്‍ ഈ ​സ്ഥാ​പ​ന​ങ്ങ​ള്‍ അ​ട​യ്ക്കു​ന്ന​തോ​ടെ പ്ര​ദേ​ശ​മാ​കെ ഇ​രു​ട്ടു​മൂ​ടു​ക​യാ​ണ് പ​തി​വ്.

വ​ഴി​വി​ള​ക്ക് തെ​ളി​​ക്കു​ന്ന​തി​നു​ള്ള വൈ​ദ്യു​തി ചാ​ര്‍ജ് ഇ​ന​ത്തി​ല്‍ ന​ഗ​ര​സ​ഭ പ്ര​തി​മാ​സം 4.75 ല​ക്ഷം രൂ​പ​യാ​ണ് കെ​എ​സ്ഇ​ബി​യി​ൽ അ​ട​യ്ക്കു​ന്ന​ത്. കൂ​ടാ​തെ ന​ഗ​ര​ത്തി​ലെ ഒ​രു വ​ഴി​വി​ള​ക്കി​ന് ഒ​രു വ​ര്‍ഷ​ത്തെ പ​രി​പാ​ല​ന​ച്ചെ​ല​വാ​യി 445 രൂ​പ പ്ര​കാ​രം ക​രാ​റു​കാ​ര​നു ന​ല്‍കു​ന്നു​ണ്ട്. ന​ഗ​ര​ത്തി​ല്‍ 37 വാ​ര്‍ഡു​ക​ളി​ലാ​യി അ​യ്യാ​യി​ര​ത്തോ​ളം വ​ഴി​വി​ള​ക്കു​ക​ളാ​ണു​ള്ള​ത്. എ​ന്നാ​ൽ, കേ​ടാ​യ വ​ഴി​വി​ള​ക്കു​ക​ൾ യ​ഥാ​സ​മ​യം മാ​റ്റാ​റു​ണ്ടോ​യെ​ന്ന പ​രി​ശോ​ധ​ന ന​ട​ക്കു​ന്നി​ല്ലെ​ന്ന ആ​ക്ഷേ​പ​മു​ണ്ട്.

വ​ഴി​വി​ള​ക്കു​ക​ള്‍ തെ​ളി​യാ​ത്ത​തി​നു പി​ന്നി​ല്‍ കെ​എ​സ്ഇ​ബി അ​ധി​കൃ​ത​രു​ടെ അ​നാ​സ്ഥ​യു​മു​ണ്ടെ​ന്ന് ന​ഗ​ര​വാ​സി​ക​ള്‍ ചൂ​ണ്ടി​ക്കാ​ട്ടു​ന്നു. ഇ​വ​ര്‍ വ​ഴി​വി​ള​ക്കു​ക​ളു​ടെ ഫ്യൂ​സു​ക​ളു​ടെ അ​റ്റ​കു​റ്റ​പ്പ​ണി​ക​ള്‍ ന​ട​ത്താ​നോ യ​ഥാ​സ​മ​യം കു​ത്താ​നോ ത​യാ​റാ​കു​ന്നി​ല്ലെ​ന്ന പ​രാ​തി​യു​ണ്ട്.

നി​ര്‍മാ​ണ​ത്തി​ലി​രി​ക്കു​ന്ന എ​സി റോ​ഡി​ല്‍ വ​ഴി​വി​ള​ക്കു​ക​ള്‍ സ്ഥാ​പി​ക്കാ​ത്ത​ത് വാ​ഹ​ന​ങ്ങ​ള്‍ക്കും കാ​ല്‍ന​ട​യാ​ത്ര​ക്കാ​ര്‍ക്കും ഏ​റെ അ​പ​ക​ട ഭീ​ഷ​ണി​യാ​ണ്.

മാ​ട​പ്പ​ള്ളി പ​ഞ്ചാ​യ​ത്ത് പ​രി​ധി​യി​ല്‍ വ​രു​ന്ന വാ​ഴൂ​ര്‍ റോ​ഡി​ല്‍ പൂ​വ​ത്തും​മൂ​ട്, ഇ​ല്ലി​മൂ​ട് ഭാ​ഗ​ങ്ങ​ളി​ലും മാ​മ്മൂ​ട്- വെ​ളി​യം റോ​ഡി​ലും വ​ഴി​വി​ള​ക്കു​ക​ള്‍ തെ​ളി​യു​ന്നി​ല്ലെ​ന്നു പ​രാ​തി​യു​ണ്ട്.

ന​ഗ​ര​സ​ഭാ പ​രി​ധി​യി​ൽ പു​തി​യ വ​ഴി​വി​ള​ക്കു​ക​ൾ സ്ഥാ​പി​ക്കു​ന്ന​തി​നു​ള്ള ജോ​ലി​ക​ൾ പു​രോ​ഗ​മി​ക്കു​ക​യാ​ണെ​ന്ന് ന​ഗ​ര​സ​ഭാ വൈ​സ്ചെ​യ​ർ​മാ​ൻ മാ​ത്യൂ​സ് ജോ​ർ​ജ് പ​റ​ഞ്ഞു.