മാ​റാ​വ്യാ​ധി​യി​ൽ ച​പ്പാ​ര​പ്പ​ട​വ് പി​എ​ച്ച്സി
Tuesday, July 16, 2024 1:48 AM IST
ച​പ്പാ​ര​പ്പ​ട​വ്: കെ​ടു​കാ​ര്യ​സ്ഥ​ത​യു​ടെ നേ​ർ​ക്കാ​ഴ്ച​യാ​ണ് ച​പ്പാ​ര​പ്പ​ട​വ് പ്രാ​ഥ​മി​ക ആ​രോ​ഗ്യ കേ​ന്ദ്രം. എ​ല്ലാ വ​ര്‍​ഷ​വും പ​ഞ്ചാ​യ​ത്ത് ല​ക്ഷ​ങ്ങ​ള്‍ ചെ​ല​വ​ഴി​ച്ച് ന​വീ​ക​ര​ണ പ്ര​വൃ​ത്തി​ക​ള്‍ ന​ട​ത്തു​ന്നു​ണ്ടെ​ങ്കി​ലും ആ​ർ​ക്കാ​ണ് അ​തി​ന്‍റെ ഗു​ണ​മെ​ന്നാ​ണ് ആ​ശു​പ​ത്രി​യെ ആ​ശ്ര​യി​ക്കു​ന്ന​വ​ർ ചോ​ദി​ക്കു​ന്ന​ത്.

പി​എ​ച്ച്സി കെ​ട്ടി​ടം പൂ​ർ​ണ​മാ​യും ചോ​ര്‍​ന്നൊ​ലി​ക്കു​ക​യാ​ണ്. കോ​ണ്‍​ക്രീ​റ്റ് മേ​ല്‍​ക്കൂ​ര​യ്ക്ക് മു​ക​ളി​ലും വെ​ള്ളം കെ​ട്ടി നി​ന്ന​തോ​ടെ അ​വി​ടം കൊ​തു​ക് വ​ള​ര്‍​ത്ത് കേ​ന്ദ്ര​മാ​യി. 2021 മു​ത​ല്‍ 2023വ​രെ മേ​ല്‍​ക്കുര​യ്ക്ക് ഷീ​റ്റി​ട​ല്‍, ഫി​റ്റ്ന​സ് സെ​ന്‍റ​ർ നി​ര്‍​മാ​ണ​മ​ട​ക്ക​മു​ള്ള ന​വീ​ക​ര​ണ പ്ര​വൃ​ത്തി​ക​ള്‍ എ​ന്നി​വ​യ്ക്കാ​യി 84 ല​ക്ഷം രൂ​പ പ​ഞ്ചാ​യ​ത്ത് ചെ​ല​വ​ഴി​ച്ചു​വെ​ങ്കി​ലും ഒ​രു പ്ര​യോ​ജ​ന​വും ഉ​ണ്ടാ​യി​ട്ടി​ല്ല.

ദി​നം​പ്ര​തി 250ല്‍ ​പ​രം രോ​ഗി​ക​ളെ​ത്തു​ന്ന ആ​രോ​ഗ്യ കേ​ന്ദ്ര​മാ​ണി​ത്. പ​നി വ്യാ​പ​ക​മാ​യ സാ​ഹ​ച​ര്യത്തി​ൽ ക​ട​ന്ന​പ്പ​ള്ളി, പാ​ണ​പ്പു​ഴ, എ​ര​മം-​കു​റ്റൂ​ര്‍ എ​ന്നി​വി​ട​ങ്ങ​ളി​ൽ നി​ന്നും ഇ​വി​ടെ രോ​ഗി​ക​ൾ എ​ത്തുന്നു​ണ്ട്. ഏ​റെ നാ​ള​ത്തെ നാ​ട്ടു​കാ​രു​ടെ ആ​വ​ശ്യ​ത്തെ തു​ട​ർ​ന്ന് സ​ര്‍​ക്കാ​ര്‍ മൂ​ന്നുവ​ര്‍​ഷം മു​മ്പ് ലാ​ബ് ടെ​ക്നീ​ഷന്‍റെ ത​സ്തി​ക സൃ​ഷ്ടി​ച്ച് നി​യ​മ​നം ന​ട​ത്തി​യി​രു​ന്നു. എ​ന്നാ​ൽ, ഇ​തു​വ​രെ ലാ​ബ് ടെ​ക്നീ​ഷന്‍റെ സേ​വ​നം ല​ഭ്യ​മാ​യി​ട്ടി​ല്ല.

രോ​ഗി​ക​ൾ​ക്കാ​ക​ട്ടെ മ​രു​ന്നു​ക​ൾ പ​ല​തും പു​റ​ത്തു​നി​ന്ന് വാ​ങ്ങേ​ണ്ട അ​വ​സ്ഥ​യാ​ണ്. ഹാ​ള്‍ പ​ണി​തി​ട്ടു​ണ്ടെ​ങ്കി​ലും ജ​ന​ത്തി​ന് തു​റ​ന്നു കൊ​ടു​ത്തി​ട്ടി​ല്ല. ഇ​തു​കാ​ര​ണം രോ​ഗി​ക​ൾ​ക്ക് ഇ​ടു​ങ്ങി​യ വ​രാ​ന്ത​യി​ലും മു​റ്റ​ത്തു​മാ​യി വെ​യി​ലും മ​ഴ​യും കൊ​ണ്ട് നി​ല്ക്കേ​ണ്ട അ​വ​സ്ഥ​യാ​ണ്.

പ​ഴ​യ കെ​ട്ടി​ട​ത്തി​ന്‍റെ ര​ണ്ടാം നി​ല​യി​ല്‍ നി​ര്‍​മി​ച്ച കോ​ണ്‍​ഫറ​ന്‍​സ് ഹാ​ളി​ലാ​ണ് പ​ഴ​യ സാ​ധ​ന​ങ്ങ​ളും പൊ​ട്ടിപ്പൊ​ളി​ഞ്ഞ ഉ​പ​ക​ര​ണ​ങ്ങ​ളും സൂ​ക്ഷി​ച്ചി​രി​ക്കു​ന്ന​ത്. എ​ട്ടുല​ക്ഷം രൂ​പ മു​ട​ക്കി പ​ണി​ത ര​ണ്ടാം നി​ല​യി​ലെ ഫി​റ്റ്ന​സ് സെ​ന്‍റ​റും അ​വ​താ​ള​ത്തി​ലാ​ണ്.
Copyright @ 2018 , Rashtra Deepika Ltd.