കൂത്തുപറന്പ്: ഐബിഎം അടക്കമുള്ള മുൻനിര ഐടി കമ്പനികളിൽ നിരവധി വിദ്യാർഥികളെ ജോലിക്കു പ്രാപതമാക്കിയ നിർമലഗിരി കോളജ് കംപ്യൂട്ടർ ട്രെയിനിംഗ് സെന്‍റർ 33 വർഷം പിന്നിടുന്നു.വിവര സാങ്കേതിക വിദ്യാഭ്യാസം കേരളത്തിൽ വന്നു തുടങ്ങിയ 1990 ൽ തന്നെ നിർമലഗിരി കോളജിലും കംപ്യൂട്ടർ പഠനത്തിനുള്ള സൗകര്യം നിലവിൽ വന്നിരുന്നു. 1991 ൽ അന്നത്തെ തൊഴിൽ മന്ത്രി എൻ. രാമകൃഷ്ണനായിരുന്നു കംപ്യൂട്ടർ ട്രെയിനിംഗ് സെന്‍റർ ഉദ്ഘാടനം ചെയ്തത്. മൈക്രോസോഫ്റ്റ്, സിസ്കോ തുടങ്ങിയ ഐടി കമ്പനികളുടെ കോഴ്സുകളും പരീക്ഷാ കേന്ദ്രവും ഇലക്‌ട്രോണിക്സ് ടെക്നീഷ്യൻസ് അസോസിയേഷൻ (ഇടിഎ, യുഎസ്എ) അംഗീകൃത പരിശീലന കേന്ദ്രം 2003 മുതൽ ഇവിടെ പ്രവർത്തിച്ചുവരുന്നു.
2016 ൽ 25 വർഷം പൂർത്തിയാക്കിയ കംപ്യൂട്ടർ സെന്‍ററിന്‍റെ സിൽവർ ജൂബിലി ആഘോഷം അന്നത്തെ ആരോഗ്യ മന്ത്രി കെ.കെ. ശൈലജയാണു ഉദ്ഘാടനം ചെയ്തത്. ഇതിന്‍റെ ഭാഗമായി നിരവധി ഉദ്യോഗാർഥികളും തൊഴിൽദാതാക്കളും പങ്കെടുത്ത ജോബ് ഫെയർ സംഘടിപ്പിച്ചു. സുവനീർ പ്രകാശനവും നടത്തി.ഐടി മേഖലയ്ക്ക് ഓരോ കാലത്തും അവശ്യമായി വരുന്ന ടെക്നോളജി ഉൾപ്പെടുത്തി സിലബസ് പരിഷ്കരിച്ചാണു കോഴ്സുകൾ തയാറാക്കുന്നത്. പ്രായോഗിക പരിശീലനം, പ്രോജക്‌ട്, ഇന്‍റേൺഷിപ്പ് എന്നിവയിലൂടെ വിദ്യാർഥിയെ തൊഴിലിനു പ്രാപ്തരാക്കുന്നു. നൂറുശതമാനം തൊഴിൽ സാധ്യതയുള്ള ടെക്നോളജിയിൽ പരിശീലനത്തോടൊപ്പം ഇന്‍റർവ്യൂ, സോഫ്റ്റ് സ്കിൽ എന്നിവ വികസിപ്പിച്ചെടുക്കുവാനുള്ള നൈപുണ്യ വികസന പരിശീലനവും കോഴ്സിൽ ഉൾപ്പെടുത്തിട്ടുണ്ട്.
സിഎസ്ടി, എംസിഎസ്ഇ 2022, അസ്യുർ, ക്ലൗഡ്, സിസിഎൻഎ, ഫോർട്ടിഗേറ്റ് ഫയർവാൾ, അഡ്വാൻസ്ഡ് ഡിപ്ലോമ ഇൻ സോഫ്റ്റ്‌വേർ എൻജിനിയറിംഗ്, അഡ്വാൻസ്ഡ് ഹാർഡ്‌വെയർ ആൻഡ് നെറ്റ്‌വർക്കിംഗ്, പോസ്റ്റ് ഗ്രാജ്വേറ്റ് ഡിപ്ലോമ ഇൻ കംപ്യൂട്ടർ ആപ്ലിക്കേഷൻ (പിജിഡിസിഎ), പോസ്റ്റ് ഗ്രാജ്വേറ്റ് ഡിപ്ലോമ ഇൻ ഡാറ്റ അനലൈസ് (പിജിഡിഡിഎ) തുടങ്ങിയ കോഴ്സുകളിലേക്കുള്ള
2024-25 അധ്യയനവർഷത്തേക്കുള്ള അഡ്മിഷൻ ആരംഭിച്ചു. തികഞ്ഞ അച്ചടക്കം നിറഞ്ഞ കാമ്പസ്, പ്രഗത്ഭരായ അധ്യാപകർ, ഏറ്റവും പുതിയതും അന്തർദേശീയ സിലബസും ഹോസ്റ്റൽ സൗകര്യം എന്നിവ നിർമലഗിരി കോളജ് കംപ്യൂട്ടർ ട്രെയിനിംഗ് സെന്‍ററിന്‍റെ മാത്രം പ്രത്യേകതയാണ്. ഫോൺ: 0490 2364447, 9446737651.