കണ്ണൂർ: സമൂഹത്തിലെ തിന്മകൾക്കെതിരേ സന്ധിയില്ലാത്ത പോരാട്ടം നടത്തുന്ന യുവ തലമുറയ്ക്ക് മാത്രമേ രാജ്യത്തിന്‍റെ കരുത്തായി മാറാൻ സാധിക്കുകയുള്ളൂവെന്ന് കെ. സുധാകരൻ എംപി. ജവഹർ ബാൽ മഞ്ച് കണ്ണൂർ ജില്ലാ സമ്മേളനം പള്ളിക്കുന്ന് ശ്രീപുരം സ്കൂൾ ഓഡിറ്റോറിയത്തിൽ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. അതുകൊണ്ടു തന്നെ യുവതലമുറ ആദർശ ദീപ്തമായി കർമോത്സുകരായി മാറണമെന്നും അദ്ദേഹം പറഞ്ഞു.
ജില്ലാ ചെയർമാൻ സി.വി.എ. ജലീൽ അധ്യക്ഷത വഹിച്ചു. ഡിസിസി പ്രസിഡന്‍റ് മാർട്ടിൻ ജോർജ് മുഖ്യ പ്രഭാഷണം നടത്തി. ജെബിഎം സംസ്ഥാന കോ-ഓർഡിനേറ്റർമാരായ ലിഷ ദീപക്, ഷാഫി പുൽപ്പാറ, പി. ഷമീർ, ജില്ലാ പ്രസിഡന്‍റ് ഹരികൃഷ്ണൻ പൊറോറ, ദേശീയ സമിതിയംഗം ഏയ്ഞ്ചൽ മരിയ ജോസ്, കെ.സി. മുഹമ്മദ് ഫൈസൽ, കെ.പി. സാജു, സി.വി. സന്തോഷ്, കൂക്കിരി രാജേഷ്, കല്ലിക്കോടൻ രാജേഷ്, ജില്ലാ കോ-ഓർഡിനേറ്റർമാരായ ബി. ആനന്ദ ബാബു, പി.കെ. പ്രീത, എം.പി. ഉത്തമൻ, സി. പി. സന്തോഷ് കുമാർ, എ.കെ. ദീപേഷ്, കെ.കെ. ബീന, പി.കെ. ഇന്ദിര എന്നിവർ പ്രസംഗിച്ചു.
"സോഷ്യൽ മീഡിയയും യുവ തലമുറയും' എന്ന വിഷയത്തിൽ ഡോ. പി. സരിൻ, "നാട്ടറിവ്-നാടൻ പാട്ടുകൾ' എന്ന വിഷയത്തിൽ മാത്യൂസ് വയനാട് എന്നിവർ ക്ലാസെടുത്തു. ബ്ലോക്ക് ചെയർമാൻമാരായ പി.വി. നാരായണൻ കുട്ടി, കെ.കെ. ഗീത, ദിനു മൊട്ടമ്മൽ തുടങ്ങിയവർ പ്രസംഗിച്ചു.
ഇന്ന് വിവിധ സെഷനുകളിൽ ടി.പി. അശോകൻ, നിധിൻ നാങ്ങോത്ത്, രാധാകൃഷ്ണൻ മാണിക്കോത്ത്, കെ.പി. സാജു, കെ. ബാലചന്ദ്രൻ, ഡോ. ജി.വി. ഹരി, പി.എം. നിയാസ് എന്നിവർ ക്ലാസെടുക്കും. സമ്മേളനം വൈകുന്നേരം സമാപിക്കും.