കോ​ട്ട​യം: വെ​ള്ള ഹാ​ഫ് സ്ലീ​വ് ഷ​ര്‍ട്ട്, കൈ​യി​ല്‍ പു​സ്ത​കം, തോ​ളി​ല്‍ തു​ണി​സ​ഞ്ചി, ഉ​ള്ളി​ല്‍ സം​ഗീ​തം, ക​ണ്ണി​ല്‍ ഫു​ട്‌​ബോ​ളും ടെ​ന്നീ​സും, ന​ര​ച്ച താ​ടി​യി​ല്‍ കൈ​കൊ​ണ്ടു എ​പ്പോ​ഴും ത​ലോ​ട​ല്‍.

പേ​ര് ബേ​ബി​യാ​ണെ​ങ്കി​ലും ഇ​നി മു​ത​ല്‍ ഇ​ന്ത്യ​യി​ലെ സി​പി​എ​മ്മി​ന്‍റെ ക്യാ​പ്റ്റ​നാ​ണ്. മ​രി​യ​ന്‍ അ​ല​ക്‌​സാ​ണ്ട​ര്‍ ബേ​ബി എ​ന്ന എം.​എ.​ബേ​ബി ഹൈ​സ്‌​കൂ​ള്‍ ഹെ​ഡ്മാ​സ്റ്റ​റാ​യി​രു​ന്ന പി​താ​വ് അ​ല​ക്‌​സാ​ണ്ട​റെ പോ​ലെ ജ്ഞാ​ന​സ്‌​നേ​ഹി​യാ​യി​രു​ന്നു, ഒ​പ്പം അ​റി​വി​നാ​യി അ​ര്‍പ്പി​ച്ച ജീ​വി​ത​വും. പു​ന​ലൂ​ര്‍ എ​ന്‍എ​സ്‌​വി ഹൈ​സ്‌​കൂ​ള്‍ ഹെ​ഡ്മാ​സ്റ്റ​റാ​യി​രു​ന്ന അ​ല​ക്‌​സാ​ണ്ട​റി​നൊ​പ്പം സ​ദാ​സ​മ​യ​വും ആ ​സ്‌​കൂ​ള്‍ പ​രി​സ​ര​ത്തെ ബേ​ബി​യാ​യി ബേ​ബി​യു​ണ്ടാ​യി​രു​ന്നു.

പി​താ​വി​ല്‍ നി​ന്നു അ​ച്ച​ട​ക്ക ശീ​ല​വും പു​സ്ത​ക​ പ്രേമവും ചെ​റു​പ്പ​ത്തി​ലേ പ​ഠി​ച്ചു. കു​ണ്ട​റ പ്രാ​ക്കു​ളം ല​ത്തീ​ന്‍ ക​ത്തോ​ലി​ക്ക പ​ള്ളി​യി​ല്‍ പ്രാ​ര്‍ഥ​ന ശീ​ല​മാ​ക്കി​യ അ​മ്മ ലി​ല്ലി​യു​ടെ കൈ ​പി​ടി​ച്ചു പോ​യ ബേ​ബി പി​ന്നീ​ട് അ​തേ പ​ള്ളി​യി​ല്‍ അ​ള്‍ത്താ​ര​ബാ​ല​നു​മാ​യി. സ്‌​നേ​ഹി​ത​രോ​ടും ഇ​ഷ്ട​മു​ള്ള​തി​നോ​ടും എ​പ്പോ​ഴും ബേ​ബി​ക്ക് ശാ​ന്ത​ഭാ​വ​മാ​ണ്. ഇ​ഷ്ട​മി​ല്ലാ​ത്ത​വ​യോ​ട് നി​സം​ഗ​ത​യും.

തി​രു​വ​ന​ന്ത​പു​ര​ത്തെ എ​കെ​ജി സെ​ന്‍റ​റി​ന് എ​തി​ര്‍വ​ശ​ത്തു​ള്ള ക്വാ​ര്‍ട്ടേ​ഴ്‌​സി​ലെ ഒ​രു മു​റി​യി​ല്‍ അ​ന്യ​ര്‍ക്ക് പ്ര​വേ​ശ​നം പോ​ലു​മി​ല്ല. ശ്വാ​സം മു​ട്ടി​ക്കു​ന്ന പു​സ്ത​ക കൂ​മ്പാ​ര​മാ​ണ് നി​റ​യെ. നി​ല്‍ക്കാ​ന്‍ ഇ​ട​മി​ല്ലാ​ത്ത​തി​നാ​ല്‍ ബേ​ബി​ക്കു പോ​ലും ക​യ​റാ​ന്‍ ബു​ദ്ധി​മു​ട്ടാ​ണ്. എ​ത്ര തി​ര​ക്കു​ണ്ടെ​ങ്കി​ലും ആ​ഴ്ച​യി​ല്‍ ഒ​രു ദി​വ​സം എ​ഴു​ത്തി​നും വാ​യ​ന​യ്ക്കു​മാ​യി ബേ​ബി മാ​റ്റിവ​യ്ക്കും. വ​സ്ത്ര​കാ​ര്യ​ത്തി​ലും ബേ​ബി​ക്ക് ചി​ല നി​ഷ്‌​ക​ര്‍ഷ​ക​ളു​ണ്ട്.

വി​ദ്യാ​ര്‍ഥി യു​വ​ജ​ന​കാ​ല​ത്ത് ബ്രാ​ന്‍ഡ​ഡ് ഷ​ര്‍ട്ടും ജീ​ന്‍സും ഒ​ക്കെ ധ​രി​ച്ചി​രു​ന്ന ബേ​ബി ഇ​പ്പോ​ള്‍ വെ​ള്ള​യും ഒ​റ്റ​ക്ക​ള​റു​മു​ള്ള ഹാ​ഫ് സ്ലീ​വ് ഷ​ര്‍ട്ടു​ക​ളാ​ണ് ഇ​ഷ്ട​പ്പെ​ടു​ന്ന​ത്. കൊ​ല്ലം​കാ​ര​നാ​യ​തു കൊ​ണ്ടാ​കും ഞ​ണ്ടും ക​ല്ലു​മ്മേ​ക്കാ​യും മ​ത്സ്യ​വും ആ​യി​രു​ന്നു ഏ​റെ ഇ​ഷ്ടം. ഇ​പ്പോ​ള്‍ ഭ​ക്ഷ​ണം എ​ല്ലാം ല​ളി​ത​മാക്കി ചു​രു​ക്കു​ക​യും ചെ​യ്തു.


സ​മീ​പ​ന​ങ്ങ​ളി​ല്‍ ക​ടും​പി​ടു​ത്ത​മി​ല്ലാ​ത്ത ബേ​ബി​ക്ക് ര​ണ്ടു കാ​ര്യ​ങ്ങ​ളോ​ടാ​യി​രു​ന്നു പി​ണ​ക്കം. അ​ക്ഷ​ര​ത്തെ​റ്റും ഭ​ക്ഷ​ണം ബാ​ക്കി​യാ​ക്ക​ലും. സ്വ​ന്തം വീ​ട്ടി​ലും അ​തി​ഥി​യാ​യി എ​ത്തു​ന്നി​ട​ത്തും ഭ​ക്ഷ​ണം ക​ഴി​ച്ചാ​ല്‍ പ്ലേ​റ്റു​ക​ള്‍ ക​ഴു​കി വൃ​ത്തി​യാ​ക്കി അ​ടു​ക്ക​ള​യി​ല്‍ വ​ച്ചി​ട്ടേ ബേ​ബി പി​ന്മാ​റൂ. ഡീ​ഗോ മ​റ​ഡോ​ണ​യാ​ണ് ദൈ​വം, ഊ​ണി​ലും ഉ​റ​ക്ക​ത്തി​ലും സം​ഗീ​ത​മാ​യി ക​ഴി​യു​ന്ന ബേ​ബി​ക്ക് യേ​ശു​ദാ​സെ​ന്നു പ​റ​ഞ്ഞാ​ല്‍ ഏ​ഴു​നാ​വാ​ണ്. ഇ​ന്ത്യ​യി​ലെ എ​ല്ലാ സം​ഗീ​ത​ജ്ഞ​രു​മാ​യി നേ​രി​ട്ടു ബ​ന്ധ​മു​ള്ള​യാളാ​ണ്. സ്വ​ര​ല​യ​യു​ടെ പ​രി​പാ​ടി​ക​ളി​ല്‍ ഇ​വ​രെ കൊ​ണ്ടു​വ​രാ​നും ശ്ര​ദ്ധി​ച്ചിരുന്നു.

സാം​സ്‌​കാ​രി​ക മ​ന്ത്രി​യാ​യി​രു​ന്ന​പ്പോ​ള്‍ ന​ട​ത്തി​യ കൊ​ച്ചി​ന്‍ ബി​നാ​ലേ ഏ​റെ പ്ര​ശം​സ നേ​ടി​ക്കൊടുത്തി​രു​ന്നു. പ​ര​ന്ന വാ​യ​ന​യി​ലൂ​ടെ​യും ലോ​ക​ത്ത് സം​ഭ​വി​ക്കു​ന്ന മാ​റ്റ​ങ്ങ​ള്‍ തി​രി​ച്ച​റി​യാ​നു​ള്ള ത്വ​ര​യി​ലൂ​ടെ​യും ക്രി​യാ​ത്മ​ക​മാ​യ സം​വാ​ദ​ങ്ങ​ള്‍ക്കു​ള്ള സ​ന്ന​ദ്ധ​ത​യി​ലൂ​ടെ​യും സി​പി​എ​മ്മി​ലെ വ്യ​ത്യ​സ്ത നേ​താ​വാ​യി ബേ​ബി മാ​റി.

ലോ​ക​ത്തെ അ​റി​യാ​നും അ​റി​വി​നെ ആ​യു​ധ​മാ​ക്കാ​നും ബേ​ബി എ​പ്പോ​ഴും ശ്ര​ദ്ധി​ച്ചി​രു​ന്നു. ക​മ്മ്യൂ​ണി​സ്റ്റ് പാ​ര്‍ട്ടി​യു​ടെ വ്യ​വ​സ്ഥാ​പി​ത ച​ട്ട​ക്കൂ​ടി​ല്‍ നി​ല്‍ക്കു​മ്പോ​ള്‍ ത​ന്നെ പു​തി​യ ആ​ശ​യ​ങ്ങ​ള്‍ക്കാ​യി സം​വ​ദി​ക്കാ​ന്‍ ബേ​ബി​ക്ക് മ​ടി​യി​ല്ലാ​യി​രു​ന്നു. 12-ാം വ​യ​സി​ല്‍ ക​മ്മ്യൂ​ണി​സ്റ്റു​കാ​ര​നാ​യി മാ​റി​യ എം.​എ. ബേ​ബി ഇ​എം​എസി​നു ശേ​ഷം ജ​ന​റ​ല്‍ സെ​ക്ര​ട്ട​റി​യാ​കു​ന്ന മ​ല​യാ​ളി കൂ​ടി​യാ​ണ്.

24-ാം പാ​ര്‍ട്ടി കോ​ണ്‍ഗ്ര​സി​ല്‍ എ​ടു​ത്ത ചി​ല ത​ന്ത്ര​പ​ര​മാ​യ തീ​രു​മാ​ന​ങ്ങ​ളാ​ണ് ബേ​ബി​യെ ജ​ന​റ​ല്‍ സെ​ക്ര​ട്ടി സ്ഥാ​ന​ത്തേ​ക്ക് തു​ണ​ച്ച​ത്. ക്രൈ​സ്ത​വ സ​ഭ​ക​ളു​മാ​യി കൂ​ടു​ത​ല്‍ ച​ര്‍ച്ച​യ്ക്കും ബേ​ബി​യു​ടെ ക​ട​ന്നുവ​ര​വ് സ​ഹാ​യ​ക​മാ​കു​മെ​ന്നു സി​പി​എം വി​ല​യി​രു​ത്തു​ന്നു​ണ്ട്. പ്ര​ത്യ​യ​ശാ​സ്ത്ര പ്ര​തി​ബദ്ധത, പ്രാ​യോ​ഗി​ക സ​മീ​പ​ന​ങ്ങ​ള്‍, സാം​സ്‌​കാ​രി​ക​രം​ഗ​വു​മാ​യു​ള്ള അ​ടു​പ്പം, ആ​ശ​യ വ്യ​ക്ത​ത, ഉ​റ​ച്ച നി​ല​പാ​ടു​ക​ള്‍ പു​തി​യ കാ​ല​ത്ത് സി​പി​എ​മ്മി​നെ ന​യി​ക്കാ​ന്‍ ഏ​റ്റ​വും അ​നു​യോ​ജ്യ​നാ​യ സെ​ക്ര​ട്ട​റി​യാ​ണ് ബേ​ബി.