മ​ല​പ്പു​റം: കോ​ഴി​ക്കോ​ട്ട് ക​ഴി​ഞ്ഞ ദി​വ​സം ക്രൈ​സ്ത​വ അ​വ​കാ​ശപ്ര​ഖ്യാ​പ​ന റാ​ലി​യോ​ട​നു​ബ​ന്ധി​ച്ചു​ള്ള പൊ​തു​സ​മ്മേ​ള​ന​ത്തി​ൽ രാ​ഷ്‌​ട്രീ​യ​മാ​യി സം​ഘ​ടി​ക്കാ​ൻ ത​യാ​റാ​ണെ​ന്ന് സ​ഭ സൂ​ചി​പ്പി​ച്ചു​വ​ല്ലോ എ​ന്ന ചോ​ദ്യ​ത്തി​ന്, ഇ​ത് ജ​നാ​ധി​പ​ത്യ​രാ​ജ്യ​മാ​ണ്. ഇ​വി​ടെ അ​വ​ർ മു​ന്പും മ​ല​യോ​ര മേ​ഖ​ല​യി​ലെ പ്ര​ശ്ന​ങ്ങ​ൾ വ​ന്ന​പ്പോ​ൾ റാ​ലി ന​ട​ത്തി​യി​ട്ടു​ണ്ട​ല്ലോ എ​ന്നാ​യി​രു​ന്നു കു​ഞ്ഞാ​ലി​ക്കു​ട്ടി​യു​ടെ മ​റു​പ​ടി.

“കാ​ട്ടു​മൃ​ഗ​ങ്ങ​ളു​ടെ ശ​ല്യ​ത്തി​നെ​തി​രേ അ​ടു​ത്ത​കാ​ല​ത്താ​യി സ​ർ​ക്കാ​രി​ന്‍റെ അ​നാ​സ്ഥ​യ്ക്കെ​തി​രേ അ​വ​ർ സ​മ​രം ന​ട​ത്തി​യി​രു​ന്നു. ക്ഷ​ണി​ച്ചി​രു​ന്നെ​ങ്കി​ൽ ഞ​ങ്ങ​ളും പോ​കു​മാ​യി​രു​ന്നു. അ​തു​കൊ​ണ്ട് അ​വ​കാ​ശ​ങ്ങ​ൾ​ക്കു വേ​ണ്ടി ജ​നാ​ധി​പ​ത്യ​പ​ര​മാ​യി റാ​ലി ന​ട​ത്തു​ന്ന​തി​ലും യോ​ഗം ചേ​രു​ന്ന​തി​ലും തെ​റ്റി​ല്ല. ഈ ​വി​ഷ​യം യു​ഡി​എ​ഫ് ആ​യി​രു​ന്നെ​ങ്കി​ൽ വ​ള​രെ ഗൗ​ര​വ​മാ​യി എ​ടു​ക്കു​മാ​യി​രു​ന്നു.

ഞ​ങ്ങ​ളി​പ്പോ​ൾ ച​ർ​ച്ച ചെ​യ്തു​കൊ​ണ്ടി​രി​ക്കു​ന്ന മാ​നി​ഫെ​സ്റ്റോ​യി​ൽ മ​ല​യോ​ര മേ​ഖ​ല​യി​ൽ ഇ​ന്ന് നേ​രി​ടു​ന്ന ഒ​രു​പാ​ട് പ്ര​ശ്ന​ങ്ങ​ൾ​ക്കു​ള്ള പ​രി​ഹാ​രം ഉ​ൾ​പ്പെ​ടു​ത്തു​ന്ന​തി​നെ​ക്കു​റി​ച്ച് ആ​ലോ​ചി​ച്ചു​കൊ​ണ്ടി​രി​ക്കു​ക​യാ​ണ്. അ​തു​പോ​ലെ തീ​ര​ദേ​ശ​ത്ത് ജീ​വി​ക്കു​ന്ന​വ​ർ നേ​രി​ടു​ന്ന ഒ​ട്ടേ​റെ പ്ര​ശ്ന​ങ്ങ​ളു​ണ്ട്. ഇ​തി​ൽ കേ​ന്ദ്ര​സ​ർ​ക്കാ​രി​ന്‍റെ മ​ണ​ൽ ഖ​ന​ന​ത്തി​നെ​തി​രേ യു​ഡി​എ​ഫി​ന്‍റെ തീ​ര​ദേ​ശ ജാ​ഥ വ​രു​ന്നു​ണ്ട്. ഞ​ങ്ങ​ള​തു​മാ​യി മു​ന്നോ​ട്ടു​ പോ​കു​ക​യാ​ണ്. തീ​ര​ദേ​ശ​ത്തെ മ​ത​മേ​ല​ധ്യ​ക്ഷ​ൻ​മാ​രു​മാ​യും രാ​ഷ്‌​ട്രീ​യ നേ​താ​ക്ക​ളു​മാ​യും ഞ​ങ്ങ​ൾ ച​ർ​ച്ച ന​ട​ത്തും. വ​ർ​ഗീ​യ പ്ര​ശ്ന​ങ്ങ​ളി​ൽ അ​വ​രെ കെ​ട്ടി​യി​ടാ​മെ​ന്ന് ക​രു​തു​ന്ന​വ​ർ​ക്കു തെ​റ്റു​പ​റ്റും”- കു​ഞ്ഞാ​ലി​ക്കു​ട്ടി കൂ​ട്ടി​ച്ചേ​ർ​ത്തു.


‘വെ​ള്ളാ​പ്പ​ള്ളി​യു​ടേ​ത് വൃ​ത്തി​കെ​ട്ട പ്ര​സ്താ​വ​ന’

മ​ല​പ്പു​റം: മ​ല​പ്പു​റം ജി​ല്ല​യെ​ക്കു​റി​ച്ച് വി​ദ്വേ​ഷ പ​രാ​മ​ർ​ശം ന​ട​ത്തി​യ വെ​ള്ളാ​പ്പ​ള്ളി ന​ടേ​ശ​നെ​തി​രേ രൂ​ക്ഷ​വി​മ​ർ​ശ​ന​വു​മാ​യി മു​സ്‌​ലിം ലീ​ഗ് ദേ​ശീ​യ ജ​ന​റ​ൽ സെ​ക്ര​ട്ട​റി പി.​കെ. കു​ഞ്ഞാ​ലി​ക്കു​ട്ടി. വെ​ള്ളാ​പ്പ​ള്ളി​യു​ടേ​ത് ഒ​രു പ്രാ​ധാ​ന്യ​വു​മി​ല്ലാ​ത്ത വൃ​ത്തി​കെ​ട്ട പ്ര​സ്താ​വ​ന​യാ​ണെ​ന്ന് കു​ഞ്ഞാ​ലി​ക്കു​ട്ടി പ്ര​തി​ക​രി​ച്ചു. ഇ​ത്ത​രം പ്ര​സ്താ​വ​ന​ക​ൾകൊ​ണ്ട് ഇ​വ​രെ​ല്ലാം രാ​ഷ്‌​ട്രീ​യ മു​ത​ലെ​ടു​പ്പാ​ണു ല​ക്ഷ്യ​മി​ടു​ന്ന​ത്. ഇ​ത്ത​രം പ്ര​സ്താ​വ​ന​ക​ൾ സ​മൂ​ഹ​ത്തി​ന് സ​ഹി​ക്കാ​ൻ ക​ഴി​യി​ല്ല. ഈ ​വി​ഷ​യം ച​ർ​ച്ച​യാ​ക്കു​ന്ന​തി​നോ​ടു പോ​ലും താ​ൻ യോ​ജി​ക്കു​ന്നി​ല്ലെ​ന്നും കു​ഞ്ഞാ​ലി​ക്കു​ട്ടി പ​റ​ഞ്ഞു.