സിസ്റ്റര്‍ ട്രീസാ ജോസ് അത്തിക്കലിന് പേപ്പൽ ബഹുമതി
Sunday, April 6, 2025 2:46 AM IST
മൂവാറ്റുപുഴ: ഫ്രാന്‍സിസ്‌കന്‍ ക്ലാരിസ്റ്റ് സന്യാസിനീ സമൂഹത്തിന്‍റെ കോതമംഗലം വിമല പ്രോവിന്സ് അംഗം സിസ്റ്റര്‍ ട്രീസാ ജോസ് അത്തിക്കലിന് ഫ്രാന്‍സിസ് മാർപാപ്പയുടെ പ്രോ എക്ലേസിയ എത്ത് പൊന്തിഫിച്ചെ (ഫോർ ദ ചർച്ച് ആൻഡ് പോപ്) പേപ്പൽ ബഹുമതി ലഭിച്ചു.
സഭയ്ക്കും കത്തോലിക്ക വിദ്യാഭ്യാസമേഖലയ്ക്കും നല്‍കിയ സവിശേഷ സേവനങ്ങള്‍ക്കുള്ള അംഗീകാരമായാണു ബഹുമതി. 52 വര്‍ഷം യുഎസിലെ സെന്‍റ് പോള്‍ ആൻഡ് മിനിയപോളിസ് അതിരൂപതയിൽ ഇടവകയിലും സ്‌കൂളിലും സിസ്റ്റര്‍ പ്രവര്‍ത്തിച്ചിട്ടുണ്ട്.
ഗോള്‍ഡ് ക്രോസ് മെഡലും മാർപാപ്പയില്‍നിന്നുള്ള സര്‍ട്ടിഫിക്കറ്റും ആർച്ച്ബിഷപ് ഡോ. ബെർണാർഡ് ഹെബ്ദയിൽനിന്നു സിസ്റ്റർ ട്രീസ സ്വീകരിച്ചു.