എന്നാല്, പോലീസ് ഉദ്യോഗസ്ഥര്ക്കെതിരേ ഉന്നയിക്കുന്ന ലൈംഗികാതിക്രമ പരാതിയില് ഇത്തരത്തില് ഉന്നത ഉദ്യോഗസ്ഥരുടെ റിപ്പോര്ട്ട് തേടേണ്ടത് നിയമപരമായി അനിവാര്യമല്ലെന്നു ചൂണ്ടിക്കാട്ടിയാണ് കോടതി ഉത്തരവിട്ടത്.
ഉത്തരവിന്റെ പകര്പ്പ് മജിസ്ട്രേറ്റിന് ഇമെയില് വഴി അയച്ചുനല്കാനും നിര്ദേശിച്ചു. പൊന്നാനി പോലീസിനും എഎസ്പിക്കും എസ്പിക്കും പരാതി നല്കിയിട്ടും നടപടിയില്ലാത്തതിനെ തുടര്ന്നാണു മജിസ്ട്രേറ്റ് കോടതിയില് യുവതി പരാതി നല്കിയത്.
താമസിക്കുന്ന വീടിന്റെ അവകാശവുമായി ബന്ധപ്പെട്ട തര്ക്കത്തിനു പരിഹാരം തേടി 2022ല് പൊന്നാനി സിഐയായയിരുന്ന വിനോദിനു നല്കിയ പരാതിയെത്തുടര്ന്ന് പ്രശ്ന പരിഹാരമുണ്ടാക്കാമെന്ന് ഉറപ്പുനല്കി തന്നെ ബലാത്സംഗം ചെയ്തെന്നാണു യുവതിയുടെ പരാതി.
തുര്ന്ന് ഡിവൈഎസ്പി വി.വി. ബെന്നിയെ സമീപിച്ചപ്പോഴും എസ്പിയായിരുന്ന സുജിത് ദാസിനെ സമീപിച്ചപ്പോഴും ബലാത്സംഗത്തിനിരയായെന്നും പരാതിയില് പറയുന്നു. എന്നാല്, പരാതി വ്യാജമാണെന്നാണു സര്ക്കാര് അറിയിച്ചത്.