മൃതദേഹം ഇന്ന് കളമശേരി മെഡിക്കൽ കോളജിൽ പോസ്റ്റ്മോർട്ടത്തിനുശേഷം ബന്ധുക്കൾക്ക് വിട്ടുകൊടുക്കും. സാബിത്തിന് ഭാര്യയും ഏഴും മൂന്നും വയസുള്ള രണ്ടു കുട്ടികളുണ്ട്.
കൊല നടത്തിയശേഷം രക്ഷപ്പെട്ട പ്രതിയെ ജില്ലാ പോലീസ് മേധാവി വൈഭവ് സക്സേനയുടെ നേതൃത്വത്തിൽ പോലീസ് നടത്തിയ അന്വേഷണത്തിൽ തൃശൂർ ചെന്പൂച്ചിറയിൽനിന്നാണു പിടികൂടിയത്. സാന്പത്തിക തർക്കമാണു കൊലപാതകത്തിൽ കലാശിച്ചതെന്നാണ് പ്രതിയുടെ മൊഴി. എന്നാൽ ഇത് പൂർണമായി പോലീസ് വിശ്വസിച്ചിട്ടില്ല.
അബ്ദുള്‍ ഖാദറിന്‍റെയും പരേതയായ നെടിഞ്ചാര ഫാത്തിമയുടെയും മകനാണ് മരിച്ച സാബിത്ത്. ഭാര്യ : ശമീല (ചെങ്ങളായി). മക്കള്‍ : സഹറ (വിദ്യാര്‍ഥി), ഇവാന്‍. സഹോദരങ്ങള്‍ : അബ്ദുള്‍ ഗഫൂര്‍, അബ്ദുല്‍ റസാഖ് (ദുബായ്), അബ്ദുല്‍ റഷീദ്, ശംസീര്‍, സയ്യിദ്.