ഉച്ചകഴിഞ്ഞു നടന്ന പൊതുസമ്മേളനം മന്ത്രി എം.ബി. രാജേഷ് ഉദ്ഘാടനം ചെയ്തു. മാധ്യമങ്ങള്‍ വിമര്‍ശനം ഉന്നയിക്കുന്നതില്‍ തെറ്റില്ലെന്നും നേര് തിരിച്ചറിയാതെ കടന്നാക്രമിക്കുന്ന രീതി ശരിയല്ലെന്നും മന്ത്രി പറഞ്ഞു. പുത്തന്‍ സാങ്കേതികവിദ്യകളായ ആര്‍ട്ടിഫിഷല്‍ ഇന്‍റലിജന്‍സും ക്ലൗഡ് മീഡിയയും ഉയര്‍ത്തുന്ന വെല്ലുവിളികള്‍ നേരിടാന്‍ നമുക്കാകണമെന്ന് മുഖ്യപ്രഭാഷണം നടത്തിയ പ്രതിപക്ഷ നേതാവ് വി.ഡി. സതീശന്‍ പറഞ്ഞു. മേയര്‍ എം. അനില്‍കുമാര്‍ പ്രസംഗിച്ചു.
വൈകുന്നേരം നടന്ന സാംസ്‌കാരിക സമ്മേളനം മന്ത്രി പി. പ്രസാദ് ഉദ്ഘാടനം ചെയ്തു. കെ.സി. വേണുഗോപാല്‍ എംപി, സംവിധായകന്‍ വിനയന്‍ എന്നിവര്‍ പ്രസംഗിച്ചു. പ്രഫ. എം.കെ. സാനു, മുതിര്‍ന്ന മാധ്യമപ്രവര്‍ത്തകന്‍ പി. രാജന്‍ എന്നിവരെ ആദരിച്ചു. തുടര്‍ന്ന് രാജേഷ് ചേര്‍ത്തലയും സംഘവും സംഗീതപരിപാടി അവതരിപ്പിച്ചു.