തൊട്ടുപിന്നാലെ സ്‌കൂളിൽനിന്നു കൂടുതൽ കുട്ടികൾ തലവേദനയും ക്ഷീണവും അനുഭവപ്പെട്ട്‌ ചികിത്സ തേടി. തലവേദന, ഛർദി, ദേഹത്ത്‌ ചൂട്‌, കണ്ണിന് ചുവപ്പു നിറം, വയറുവേദന, മറ്റ്‌ ശാരീരിക അസ്വസ്ഥതകൾ തുടങ്ങിയ ലക്ഷണങ്ങളോടെയാണു കുട്ടികൾ എത്തിയത്‌.
ഊണിനൊപ്പം കഴിച്ച മീനിൽനിന്നാകാം ഭക്ഷ്യവിഷബാധയേറ്റതെന്നാണു പ്രാഥമിക നിഗമനം.
ഭക്ഷ്യസുരക്ഷാ വിഭാഗം, കോർപറേഷൻ ആരോഗ്യവിഭാഗം ഉദ്യോഗസ്ഥർ ഹോസ്റ്റലിലെത്തി പരിശോധനയ്ക്കായി ഭക്ഷ്യസാമ്പിളുകൾ ശേഖരിച്ചു. ആശുപത്രിയിൽനിന്നു വിട്ടയച്ചെങ്കിലും കുട്ടികൾ ഇപ്പോഴും നിരീക്ഷണത്തിലാണ്.