നമ്മുടെ മുന്നില്‍ കാണുന്ന കുറ്റകൃത്യങ്ങള്‍ വകുപ്പിന്‍റെ പുതിയ ആപ്പില്‍ അപ്‌ലോഡ് ചെയ്യാന്‍ കഴിയും. ഓരോ പൗരനും ഇക്കാര്യത്തില്‍ എന്‍ഫോഴ്‌സ്‌മെന്‍റ് ഓഫീസറായി മാറണം. കേരളത്തില്‍ ഇത് ആദ്യമാണ്. വലിയതോതില്‍ കുറ്റകൃത്യങ്ങള്‍ കുറയാന്‍ ഇതു സഹായിക്കും.
വീഡിയോയിലെ കുറ്റകൃത്യം പരിശോധിച്ച് ഉറപ്പുവരുത്തിയശേഷം ശിക്ഷണ നടപടികള്‍ സ്വീകരിക്കും. ഇത് ഒരു പരീക്ഷണമാണ്. തെറ്റുകള്‍ ചൂണ്ടിക്കാണിക്കാം. തീര്‍ച്ചയായും തിരുത്തല്‍ വരുത്തുമെന്നും മന്ത്രി അറിയിച്ചു.
ചടങ്ങിൽ ഉമ തോമസ് എംഎല്‍എ അധ്യക്ഷത വഹിച്ചു. ഹൈബി ഈഡന്‍ എംപി, ടി.ജെ. വിനോദ് എംഎല്‍എ, മേയര്‍ എം. അനില്‍കുമാര്‍, ഗതാഗത വകുപ്പ് കമ്മീഷണര്‍ സി.എച്ച്. നാഗരാജു എന്നിവര്‍ പങ്കെടുത്തു.
എന്‍ഐസി ഡയറക്ടര്‍ പ്രദീപ്‌സിംഗ് സിറ്റിസണ്‍ സെന്‍റിനല്‍ ആപ്പ് അവതരിപ്പിച്ചു. വീഡിയോ പ്രകാശനം ടി.ജെ. വിനോദ് എംഎല്‍എ നിര്‍വഹിച്ചു. അഡീഷണല്‍ ട്രാന്‍സ്‌പോര്‍ട്ട് കമ്മീഷണര്‍ പി.എസ്. പ്രമോദ്ശങ്കര്‍, മോട്ടോര്‍ വാഹന വകുപ്പ് ഉദ്യോഗസ്ഥര് തുടങ്ങിയവര്‍ സന്നിഹിതരായിരുന്നു.