സിദ്ദിഖിനെ കണ്ടെത്താന്‍ കഴിയാത്ത സാഹചര്യത്തില്‍ പ്രത്യേക അന്വേഷണസംഘം ശനിയാഴ്ച ആലുവയിലെ വീട്ടിലെത്തി സിദ്ദിഖിന്‍റെ മകന്‍ ഷഹീന്‍റെ മൊഴി രേഖപ്പെടുത്തിയിരുന്നു. ഇതിനുപുറമെ സിദ്ദിഖിന്‍റെ ആലുവയിലെയും കാക്കനാട്ടെയും വീട്ടില്‍ അന്വേഷണസംഘം പരിശോധന നടത്തി.
അന്വേഷണസംഘം ഭീഷണിപ്പെടുത്തുന്നുവെന്ന് സിദ്ദിഖിന്‍റെ മകന്‍ കൊച്ചി: സിദ്ദിഖ് എവിടെയെന്ന് അറിയാനായി തന്‍റെ സുഹൃത്തുക്കളെയടക്കം അന്വേഷണസംഘം ഭീഷണിപ്പെടുത്തുകയാണെന്ന് മകന്‍ ഷഹീന്‍.
സിദ്ദിഖ് എവിടെയാണു കഴിയുന്നതെന്നാണ് അന്വേഷണസംഘം കസ്റ്റഡിയിലെടുത്ത തന്‍റെ സുഹൃത്തുക്കളോടു ചോദിച്ചത്. ബ്ലാക്ക് മെയില്‍ ചെയ്യുന്ന തരത്തിലാണ് അന്വേഷണസംഘത്തിന്‍റെ പ്രവര്‍ത്തനം. എന്നാല്‍, എവിടെയാണ് ഇപ്പോഴുള്ളതെന്ന് തനിക്കും അറിയില്ല. കേസുമായി ബന്ധപ്പെട്ട് അഭിഭാഷകരെ കണ്ടതു താനാണ്. എന്നാല്‍ അച്ഛന്‍ എവിടെയാണ് ഉള്ളതെന്നറിയില്ല. താനുമായി ഇതുവരെ ബന്ധപ്പെട്ടിട്ടില്ലെന്നും ഷഹീന്‍ പറഞ്ഞു.