പല സിനിമകളിലൂടെയും ഇത്തരം ഗൂഢമായ ശ്രമങ്ങള്‍ ഉണ്ടാകുന്നുണ്ടെന്നത് പ്രതിഷേധാര്‍ഹമാണ്. ക്രൈസ്തവ പശ്ചാത്തലം മാത്രം വികലമായി ചിത്രീകരിക്കുന്ന ഇത്തരം ഗൂഢ ശ്രമങ്ങളെ തിരിച്ചറിഞ്ഞു വേണ്ട ഇടപെടലുകള്‍ നടത്തി സെന്‍സര്‍ ചെയ്യുന്നതിന് കേന്ദ്ര-സംസ്ഥാന സര്‍ക്കാരുകള്‍ തയാറാകണമെന്നും കത്തോലിക്ക കോണ്‍ഗ്രസ് ഗ്ലോബല്‍ കള്‍ച്ചറല്‍ ഫോറം ആവശ്യപ്പെട്ടു.
കത്തോലിക്ക കോണ്‍ഗ്രസ് ഗ്ലോബല്‍ പ്രസിഡന്‍റ് രാജീവ് കൊച്ചുപറമ്പില്‍ അധ്യക്ഷത വഹിച്ച യോഗത്തില്‍ ഡയറക്ടര്‍ റവ.ഡോ. ഫിലിപ്പ് കവിയില്‍ മുഖ്യപ്രഭാഷണം നടത്തി. ജനറല്‍ സെക്രട്ടറി ഡോ. ജോസുകുട്ടി ഒഴുകയില്‍, ട്രഷറര്‍ അഡ്വ. ടോണി പുഞ്ചക്കുന്നേല്‍, വൈസ് പ്രസിഡന്‍റ് ട്രീസ ലിസ് സെബാസ്റ്റ്യന്‍, ഗ്ലോബല്‍ കള്‍ച്ചറല്‍ ഫോറം ഭാരവാഹികളായ ഡോ. കെ.പി. സാജു, ജോമി കൊച്ചുപറമ്പില്‍, ഫിലിപ്പ് കൊട്ടാടി, ബാബു വള്ളപ്പുര എന്നിവര്‍ പ്രസംഗിച്ചു.