സൂഫിയാന്‍റെ മൃതദേഹം തൃക്കരിപ്പൂരിലെ വീട്ടിലേക്ക് കൊണ്ടുപോയി. മീനാക്ഷിയുടെ സംസ്‌കാരം വൈകുന്നേരം അഞ്ചിന് രവിപുരം പൊതുശ്മശാനത്തില്‍ നടത്തി. കൊച്ചിയില്‍ ഒരു ജ്യൂസുകടയില്‍ ജ്യൂസ് മേക്കറായിരുന്നു സൂഫിയാന്‍. ഇവിടെവച്ചാണ് മീനാക്ഷിയുടെ സഹോദരി മാളവികയെ സൂഫിയാന്‍ പരിചയപ്പെടുന്നത്. ഒരുവര്‍ഷം മുമ്പായിരുന്നു ഇവരുടെ വിവാഹം. മാളവികയുടെ വീട്ടിലായിരുന്നു ഇവര്‍ താമസിച്ചിരുന്നത്.
ആഷിഖ്- സൈഫുനിസ ദമ്പതികളുടെ മകനാണു സൂഫിയാന്‍. സഹോദരന്‍ ഷിജാസ്. രാജു, ഉമ എന്നിവരാണ് മീനാക്ഷിയുടെ മാതാപിതാക്കള്‍. സംസ്ഥാന ഹോക്കിതാരമാണ് മീനാക്ഷി. കസ്തൂര്‍ബാ നഗറിലെ കമ്യൂണിറ്റി ഹാളില്‍ സുഫിയാന്‍റെ മകളുടെ പേരിടല്‍ ചടങ്ങ് ഇന്നലെ നടക്കാനിരിക്കേയായിരുന്നു അപകടം.
ഇതോടനുബന്ധിച്ച് ഇവരുടെ ബന്ധുക്കളും സുഹൃത്തുക്കളും ഇവിടെ എത്തിയിരുന്നു. സാധനം വാങ്ങിയ ശേഷം ഉടന്‍ മടങ്ങിയെത്താമെന്നു പറഞ്ഞാണ് ഇരുവരും ബൈക്കില്‍ പോയത്.