തൃ​ശൂ​ർ: ക​ല​യും ക​ല​ഹ​വും ക​ട്ട​യ്ക്കു ക​ട്ടനി​ന്ന തൃ​ശൂ​ർ റ​വ​ന്യൂ ജി​ല്ല ക​ലോ​ത്സ​വം കൊ​ടി​യി​റ​ങ്ങി. മു​ൻ​പെ​ങ്ങു​മി​ല്ലാ​ത്തവി​ധം പ്ര​ശ്ന​ങ്ങ​ളും പോ​രാ​യ്മ​ക​ളും പ്രാ​ര​ബ്ധ​ങ്ങ​ളും നി​റ​ഞ്ഞുനി​ന്ന ക​ലോ​ത്സ​വ​ത്തി​ൽ ചെ​റു​ബാ​ല്യ​ക്കാ​ർ വേ​ദി​യി​ൽ തി​ള​ങ്ങി​യ​പ്പോ​ൾ ഏ​റ്റ​വും മോ​ശം പ്ര​ക​ട​ന​വു​മാ​യി സം​ഘാ​ട​ക​ർ അ​ര​ങ്ങി​നു പു​റ​ത്ത് അ​ല​സ​രാ​യി വി​ല​സി.

ഫ​ല​പ്ര​ഖ്യാ​പ​ന​ത്തി​ൽ ക​ലാ​പ​മു​യ​ർ​ത്തി ഒ​ന്നാം ദി​ന​ത്തി​ന്‍റെ ശോ​ഭ കെ​ടു​ത്തി​യ​തും ഉൗ​ട്ടു​പു​ര​യി​ൽ കൈ​ക​ഴു​കാ​ൻപോ​ലും വെ​ള്ളം കി​ട്ടാ​ൻ പാ​ടു​പെ​ട്ട​തും ശ​ബ്ദ​ക്ര​മീ​ക​ര​ണ​ത്തി​ലെ താ​ള​പ്പി​ഴ​ക​ളും പ​തി​വു​പോ​ലെ വൈ​കി​ത്തു​ട​ങ്ങി​യ മ​ത്സ​ര​ങ്ങ​ളും കല്ലുകടിയായി.

അ​പ്പീ​ൽ ക​മ്മി​റ്റി ഓ​ഫീ​സ് തേ​ടി ര​ക്ഷി​താ​ക്ക​ൾ​ക്കും കു​ട്ടി​ക​ൾ​ക്കും നെ​ട്ടോ​ട്ട​മോ​ടേ​ണ്ടിവ​ന്ന​തും അ​ർ​ധ​രാ​ത്രി​യി​ൽ​നി​ന്ന് പു​ല​ർ​ച്ചെവ​രെ മ​ത്സ​ര​ങ്ങ​ൾ നീ​ണ്ട​തും മ​ഴ​യി​ൽ കു​തി​ർ​ന്ന വേ​ദി​ക​ളി​ൽനി​ന്ന് മ​ത്സ​ര​ങ്ങ​ൾ മാ​റ്റേ​ണ്ടി​വ​ന്ന സ്ഥി​തി​യും പ്ര​ധാ​ന​ വേ​ദി​യി​ൽ ഗ്രൂ​പ്പ് ഇ​ന​ങ്ങ​ൾ ഇ​ല്ലാ​തെ പോ​യ​തും ഉ​ദ്ഘാ​ട​ന ചട​ങ്ങി​നോ​ട​നു​ബ​ന്ധി​ച്ചു പ​രി​പാ​ടി ന​ട​ത്താ​നെ​ത്തി​യ കു​ട്ടി​ക​ളെ അ​പ​മാ​നി​ച്ച് ഇ​റ​ക്കി​വി​ട്ട​തും ജ​ഡ്ജ​സു​മാ​യു​ള്ള ത​ർ​ക്ക​ങ്ങ​ളും ജ​ഡ്ജ​സി​നെ മാ​റ്റ​ണ​മെ​ന്ന ആ​വ​ശ്യ​ങ്ങ​ളും തു​ട​ങ്ങി ര​ണ്ടും മൂ​ന്നും ദി​ന​ങ്ങ​ളി​ലേ​ക്കും പ്ര​ശ്ന​ങ്ങ​ൾ നീ​ണ്ടു.

പ്ര​ധാ​ന ​വേ​ദിയിൽ ­പ്ര​ശ്ന​ത്തോടു പ്രശ്നം

തു​ട​ക്കം മു​ത​ൽ അ​ടി​യോ​ട​ടി​യാ​യ പ്ര​ധാ​ന ​വേ​ദി​യി​ൽ ക​ല​ഹ​മൊ​ഴി​യാ​തെ​യാ​ണു ക​ലോ​ത്സ​വ ദി​ന​ങ്ങ​ൾ ത​ള്ളി​നീ​ങ്ങി​യ​ത്. ആ​ദ്യ ദി​വ​സം ഹൈ​സ്കൂ​ൾ വി​ഭാ​ഗം ഭ​ര​ത​നാ​ട്യം ഫ​ല​പ്ര​ഖ്യാ​പ​ന​ത്തി​നു പി​ന്നാ​ലെ പ്ര​തി​ഷേ​ധ​വു​മാ​യി മ​ത്സ​രാ​ർ​ഥി​ക​ളും ര​ക്ഷി​താ​ക്ക​ളും വേ​ദി കൈ​യേ​റി. ഫ​ല​പ്ര​ഖ്യാ​പ​ന​ത്തി​ലെ ​അ​പാ​ക​ത​ക​ൾ ചൂ​ണ്ടി​ക്കാ​ട്ടി​യാ​യി​രു​ന്നു തർക്കം. കേ​ട്ടാ​ല​റ​യ്ക്കു​ന്ന തെ​റി​വി​ളി​ക​ളും സ്ത്രീ​ക​ളാ​യ ജ​ഡ്ജ​സി​നു​നേ​രെ ഉ​യ​ർ​ന്നു.

ഒ​ടു​വി​ൽ പോ​ലീ​സും ഇ​ട​പെ​ട്ട്, എ​ന്തൊ​ക്കെ മാ​ന​ദ​ണ്ഡ​മാ​ക്കി​യാ​ണ് വി​ധിനി​ർ​ണ​യം ന​ട​ത്തി​യെ​തെ​ന്നു വി​ശ​ദീ​ക​രി​ച്ചാ​ണ് ഫ​ല​പ്ര​ഖ്യാ​പ​നം ന​ട​ന്ന​ത്. പി​റ്റേന്നാ​യി​രു​ന്നു ഇ​തേ വേ​ദി​യി​ൽ ഉ​ദ്ഘാ​ട​ന​ച​ട​ങ്ങ്. വൈ​കി​യ വേ​ള​യി​ൽ​ ആ​രം​ഭി​ച്ച ചടങ്ങിൽ ക്ഷ​ണി​ച്ചുവ​രു​ത്തി​യ ക​ലാ​കാ​ര​ന്മാ​രെ പ​രി​പാ​ടി ന​ട​ത്തു​ന്ന​തി​നി​ടെ അ​പ​മാ​നി​ച്ച് ഇ​റ​ക്കി​വി​ടു​ന്ന സം​ഭ​വ​വു​മു​ണ്ടാ​യി.

അ​പ​മാ​ന​ത്തി​നി​ര​യാ​യ വി​വേ​കോ​ദ​യം സ്കൂ​ളി​ലെ വൃ​ന്ദ​വാ​ദ്യം ഹൈ​സ്കൂ​ൾ, ഹ​യ​ർ സെ​ക്ക​ൻ​ഡ​റി വി​ദ്യാ​ർ​ഥി​ക​ൾ​ക്കാ​ണ് പി​ന്നീ​ടു വൈ​കീട്ടു ന​ട​ന്ന മ​ത്സ​ര​ത്തി​ൽ ഒ​ന്നാം​സ്ഥാ​നം ല​ഭി​ച്ച​ത്. ഇൗ ​മ​ത്സ​രം ക​ഴി​ഞ്ഞ​തോ ശ​നി​യാ​ഴ്ച പു​ല​ർ​ച്ചെ അ​ഞ്ച​ര​യോ​ടെ. ഇ​ന്ന​ലെ രാ​വി​ലെ ആ​ൺ​കു​ട്ടി​ക​ളു​ടെ നാ​ടോ​ടിനൃ​ത്തമ​ത്സ​രം തു​ട​ങ്ങാ​റാ​യ​പ്പോ​ൾ മൈ​ക്ക് ഒാ​പ്പ​റേ​റ്റ​റെ കാ​ണാ​നി​ല്ല.

അ​ദ്ദേ​ഹം പു​ല​ർ​ച്ചെ പ​രി​പാ​ടി​യും ക​ഴി​ഞ്ഞ് പ്ര​ഭാ​ത​കൃ​ത്യ​ങ്ങ​ൾ​ക്കാ​യി വീ​ട്ടി​ൽ പോ​യി​രി​ക്കു​ക​യാ​യി​രു​ന്നു. ഇൗ ​വേ​ദി​യി​ൽ ഇ​ന്ന​ലെ രാ​വി​ലെ ഒ​ന്പ​തി​നു തു​ട​ങ്ങേ​ണ്ട ഹൈ​സ്കൂ​ൾ ആ​ൺ​കു​ട്ടി​ക​ളു​ടെ നാ​ടോ​ടിനൃ​ത്തം തു​ട​ങ്ങി​യ​തും ഒ​ന്ന​ര​മ​ണി​ക്കൂ​റി​ല​ധി​കം വൈ​കി​യാ​ണ്.

ജ​ഡ്ജി​നെ മാ​റ്റാ​തെ നൃ​ത്ത​മാ​ടി​ല്ലെ​ന്ന്

ഹൈ​സ്കൂ​ൾ പെ​ൺ​കു​ട്ടി​ക​ളു​ടെ ന​ടോ​ടിനൃ​ത്ത​ത്തി​നു ജ​ഡ്ജു​മാ​ർ എ​ത്തി​യ​പ്പോ​ൾ കാ​ൽ​മുട്ടി​നും പാ​ദ​ത്തി​നും പ​രി​ക്കേ​റ്റ, നാ​ടോ​ടി​നൃ​ത്ത​ത്തി​നു മേ​ക്ക​പ്പി​ട്ട പെ​ൺ​കു​ട്ടി​യെ​യും എ​ടു​ത്തു​കൊ​ണ്ട് അ​ധ്യാ​പി​ക​യും കു​ട്ടി​ക​ളും ര​ക്ഷി​താ​ക്ക​ളും പ്ര​തി​ഷേ​ധ​വു​മാ​യി എ​ത്തി. ജ​ഡ്ജു​മാ​രി​ലെ ര​ണ്ടു​പേ​ർ​ക്കെ​തി​രെ​യാ​യി​രു​ന്നു ആ​രോ​പ​ണം.

ഇ​വ​ർ ക​ഴി​ഞ്ഞ ദി​വ​സം സം​ഘ​നൃ​ത്ത​ത്തി​നു ജ​ഡ്ജി​മാ​ർ ആ​യി​രു​ന്നെ​ന്നും ആ ​ഫ​ല​പ്ര​ഖ്യാ​പ​നം ശ​രി​യാ​യ രീ​തി​യി​ല​ല്ല ന​ട​ന്ന​തെ​ന്നും ഇ​വ​ർ​ക്കു​മു​ന്പി​ൽ നൃ​ത്തം അ​വ​ത​രി​പ്പി​ക്കി​ല്ലെ​ന്നും പറഞ്ഞ് മ​ത്സ​രാ​ർ​ഥി​യും അ​ധ്യാ​പ​ക​രും മ​റ്റു കു​ട്ടി​ക​ളും ര​ക്ഷി​താ​ക്ക​ളും സം​ഘ​ടി​ച്ചെ​ത്തി സ്റ്റേ​ജി​നു മു​ന്പി​ൽ നി​ല​യു​റ​പ്പി​ച്ചു. ഇ​ദ്ദേ​ഹ​മാ​ണ് ജ​ഡ്ജ് എ​ങ്കി​ൽ നാ​ടോ​ടി​നൃ​ത്തം അ​വ​ത​രി​പ്പി​ക്കി​ല്ലെ​ന്നു മ​ത്സ​രാ​ർ​ഥി​ത​ന്നെ ജ​ഡ്ജി​നോ​ടു പ​റ​ഞ്ഞു.

പി​ന്നീ​ട് ജ​ഡ്ജുമാരി​ലൊ​രാ​ളു​മാ​യി വാ​ക്കു​ത​ർ​ക്ക​ത്തി​ലാ​യി. അ​ദ്ദേ​ഹ​ത്തി​ന്‍റെ യോ​ഗ്യ​ത തെ​ളി​യി​ക്ക​ണ​മെ​ന്നും ആ​വ​ശ്യ​പ്പെ​ട്ടു. പോ​ലീ​സ് എ​ത്തി ജ​ഡ്ജ​സി​നെ സു​ര​ക്ഷി​ത​മാ​യി ക്ലാ​സ് റൂ​മി​ലേ​ക്കു മാ​റ്റി. ത​ട​സം നി​ൽ​ക്കുന്നവരെ അ​റ​സ്റ്റ് ചെ​യ്തു നീ​ക്കേ​ണ്ടി​വ​രു​മെ​ന്ന് അ​റി​യി​ച്ചു. സം​ഘാ​ട​ക​രെ​ത്തി അ​തേ ജ​ഡ്ജ​സി​നെ വ​ച്ച് മ​ത്സ​രം പു​ന​രാ​രം​ഭി​ക്കു​ക​യാ​യി​രു​ന്നു. ക​ഴി​ഞ്ഞ ദി​വ​സ​ത്തെ സം​ഘ​നൃ​ത്തം ക​ഴി​യാ​ൻ മ​ണി​ക്കൂ​റു​ക​ൾ വൈ​കി​യി​രു​ന്നു.

ഇ​തി​നു​ശേ​ഷം മ​ഴ​യത്ത് സ്കൂ​ട്ട​റി​ൽ വീ​ട്ടി​ലേ​ക്കു പോ​കു​ന്പോ​ൾ അ​പ​ക​ട​ത്തി​ൽ​പെ​ട്ടാ​ണ് മ​ത്സ​രാ​ർ​ഥി​ക്കു പ​രി​ക്കേ​റ്റ​ത്. പ​രി​ക്കു സ​ഹി​ച്ചും ഇ​ന്ന​ത്തെ നാ​ടോ​ടി​നൃ​ത്തം മ​ത്സ​ര​ത്തി​ൽ പ​ങ്കെ​ടു​ക്കാ​ൻ എ​ത്തി​യ​പ്പോ​ൾ ക​ഴി​ഞ്ഞ ദി​വ​സ​ത്തെ ജ​ഡ്ജു​മാ​ർ ത​ന്നെ​യാ​ണ് ഇ​ന്നും എ​ന്നു മ​ന​സി​ലാ​യ​പ്പോ​ഴാ​ണ് പ്ര​തി​ഷേ​ധി​ച്ച​ത്.

അ​തേ ജ​ഡ്ജു​മാ​ർ​ക്കു മു​ന്പി​ൽ നൃ​ത്തം അ​വ​ത​രി​പ്പി​ക്കു​ക​യും ചെ​യ്തു. എ​ന്നാ​ൽ മ​ത്സ​ര​ത്തി​ന് ഒ​രാ​ൾ കോ​ട​തിവി​ധി മൂ​ല​മാ​ണ് വ​ന്നി​ട്ടു​ള്ള​തെ​ന്ന​തി​നാ​ൽ മ​ത്സ​ര​ഫ​ലം ത​ത്കാ​ല​ത്തേ​ക്കു പ്ര​ഖ്യാ​പി​ച്ചി​ല്ല. ചി​ല മ​ത്സ​ര​ങ്ങ​ൾ​ക്കു ജ​ഡ്ജുമാ​രാ​യി എ​ത്തി​യ​വ​ർ​ക്കു വേ​ണ്ട​ത്ര യോ​ഗ്യ​ത​യി​ല്ലെ​ന്നു വി​ദ​ഗ്ധ​ർ ചൂ​ണ്ടി​ക്കാ​ട്ടി.

കൂ​ടി​യാ​ട്ടം ക​ഴി​ഞ്ഞ​ത് പു​ല​ർ​ച്ചെ

മ​ഴമൂ​ലം ക​ഴി​ഞ്ഞ ദി​വ​സം ഒ​ട്ടു​മി​ക്ക വേ​ദി​ക​ളി​ലും​രാ​ത്രി ഏ​റെ വൈ​കി​യാ​ണു മ​ത്സ​ര​ങ്ങ​ള്‍ തു​ട​ങ്ങി​യ​ത്. ഇ​തി​നി​ടെ മ​ത്സ​ര​ങ്ങ​ള്‍ പ​ല​തും പ​ല സ്റ്റേ​ജു​ക​ളി​ലേ​ക്കു മാ​റ്റി​യ​തും താ​ളംതെ​റ്റി​ച്ചു. വെ​ള്ളി​യാ​ഴ്ച രാ​ത്രി​യി​ൽ തു​ട​ങ്ങി​യ കൂ​ടി​യാ​ട്ടം മ​ത്സ​രം ക​ഴി​ഞ്ഞ​ത് ശ​നി​യാ​ഴ്ച പു​ല​ർ​ച്ചെ നാ​ലി​ന്.

കൂ​ടി​യാ​ട്ടം ഹ​യ​ർ സെ​ക്ക​ൻ​ഡ​റി മ​ത്സ​ര​മാണ് കു​ട്ടി​ക​ളെ കു​ഴ​പ്പി​ച്ച​ത്. രാ​ത്രി​യി​ൽ പെ​രും​മ​ഴ​യ​ത്ത് സ്റ്റേ​ജി​ൽ വെ​ള്ളം ക​യ​റി​യ​തും അ​ർ​ധ​രാ​ത്രി​യി​ലെ സ്റ്റേ​ജു​മാ​റ്റ​വു​മെ​ല്ലാം കു​ട്ടി​ക​ളെ വ​ല്ലാ​തെ വ​ല​ച്ചു. ത​ലേ​ദി​വ​സം വൈ​കീ​ട്ടോ​ടെ വേ​ഷ​മ​ണി​ഞ്ഞു കാ​ത്തി​രു​ന്ന കു​ട്ടി​ക​ൾ​ക്കു മ​ത്സ​രം ക​ഴി​ഞ്ഞ​തോ​ടെ ആ​ശ്വാ​സ​മാ​യി.

ക​ഴി​ഞ്ഞ ദി​വ​സം മോ​ഡ​ൽ ബോ​യ്സ് എ​ച്ച്എ​സി​ലെ വേ​ദി നാ​ലി​ലാ​ണു കൂ​ടി​യാ​ട്ടം യു​പി, എ​ച്ച്എ​സ്, എ​ച്ച്എ​സ്എ​സ് മ​ത്സ​ര​ങ്ങ​ൾ ന​ട​ന്ന​ത്. ഇ​തേ വേ​ദി​യി​ൽ രാ​വി​ലെ മു​ത​ൽ ന​ട​ന്നി​രു​ന്ന ചാ​ക്യാ​ർ​കൂ​ത്ത്, ന​ങ്ങ്യാ​ർകൂ​ത്ത് മ​ത്സ​ര​ങ്ങ​ൾ​ക്കു​ശേ​ഷ​മാ​യി​രു​ന്നു കൂ​ടി​യാ​ട്ടം. യു​പി, എ​ച്ച്എ​സ് മ​ത്സ​ര​ങ്ങ​ൾ​ക്കു​ശേ​ഷം ഉ​ച്ച​യ്ക്കു ര​ണ്ട​ര​യ്ക്കു തു​ട​ങ്ങേ​ണ്ട എ​ച്ച്എ​സ്എ​സ് മ​ത്സ​ര​ങ്ങ​ൾ ആ​രംഭി​ച്ച​ത് രാ​ത്രി ഏ​ഴി​നാ​ണ്.

മൊ​ത്തം കു​ഴ​പ്പ​ങ്ങ​ൾ​ക്കി​ടെ ഹൈ​സ്കൂ​ൾ വി​ഭാ​ഗം കൂ​ടി​യാ​ട്ട​ത്തി​ൽ അ​നു​വ​ദി​ച്ച സ​മ​യ​ത്തി​നെക്കാ​ൾ കൂ​ടു​ത​ൽ നേ​രം ക​ളി​ച്ച​വ​രെ വി​ജ​യി​യാ​യി പ്ര​ഖ്യാ​പി​ച്ചെ​ന്ന ആ​രോ​പ​ണ​വു​മു​ണ്ടാ​യി. മ​ഴ​യ്ക്കി​ടെ ഇ​വ​രു​ടെ മ​ത്സ​രം റി​ക്കാ​ർ​ഡ് ചെ​യ്യാ​ത്ത​തി​നാ​ൽ അ​പ്പീ​ൽ ന​ല്കാ​ൻ പ​റ്റാ​ത്ത നി​രാ​ശ​യു​മു​ണ്ടാ​യി.


സെഞ്ചു​റി ക​ട​ന്ന് അ​പ്പീ​ലു​ക​ൾ

അ​പ്പീ​ലു​ക​ൾ സെ​ഞ്ചുറി തി​ക​ച്ച് അ​ടി​ച്ചു​ക​യ​റു​ന്ന കാ​ഴ്ച​യും പ​തി​വു​പോ​ലെ​യു​ണ്ടാ​യി. ക​ലോ​ത്സ​വം മ​ത്സ​ര​ഫ​ലം അ​പ്‌​ലോ​ഡ് ചെ​യ്യു​ന്ന "ഉ​ത്സ​വം' സോ​ഫ്റ്റ്‌വെ​യ​ർ ത​ക​രാ​റും മ​ത്സ​രാ​ർ​ഥി​ക​ളെ​യും മാ​ധ്യ​മ​പ്ര​വ​ർ​ത്ത​ക​രെ​യും വ​ല​ച്ചു.

ഇ​തു​മൂ​ലം പ​ല മ​ത്സ​ര​ങ്ങ​ളു​ടെ​യും ഫ​ലം അ​റി​യാ​ൻ വൈ​കി. പെ​ട്ടെന്നു പ്ര​ഖ്യാ​പി​ച്ച വേ​ദി​മാ​റ്റ​ങ്ങ​ൾ കു​ട്ടി​ക​ൾ​ക്കും ര​ക്ഷി​താ​ക്ക​ൾ​ക്കും ബു​ദ്ധി​മു​ട്ടു​ണ്ടാ​ക്കി. ന​ഗ​ര​ത്തി​ന്‍റെ ഒ​ര​റ്റ​ത്തുനി​ന്ന് മ​റ്റേ അ​റ്റ​ത്തേ​ക്ക് എ​ല്ലാം വാ​രി​പ്പെ​റു​ക്കി ഓ​ടേ​ണ്ട സ്ഥി​തി​യു​ണ്ടാ​യി. അ​ര​ങ്ങി​ലെ​ത്തി​യ ച​വി​ട്ടു​നാ​ട​കം സാ​ങ്കേ​തി​കകാ​ര​ണ​ങ്ങ​ളാ​ൽ റ​ദ്ദാ​ക്കു​ന്ന കാ​ഴ്ച​യ്ക്കും ഈ ​ക​ലോ​ത്സ​വം സാ​ക്ഷ്യം വ​ഹി​ച്ചു.

ശ​ബ്ദ​നി​യ​ന്ത്ര​ണ സം​വി​ധാ​ന​ങ്ങ​ളു​ടെ പോ​രാ​യ്മ ക​ലാ​വ​ത​ര​ണ​ങ്ങ​ളെ ബാ​ധി​ക്കു​ന്ന​തും ക​ലോ​ത്സ​വ​വേ​ദി​ക​ളി​ൽ ക​ണ്ടു. അ​ടു​ത്ത​ടു​ത്ത് വേ​ദി​ക​ൾ സ​ജ്ജ​മാ​ക്കി​യ​പ്പോ​ൾ ഒ​രു വേ​ദി​യി​ലെ​ ശ​ബ്ദം തെ​ാട്ട​ടു​ത്ത വേ​ദി​യി​ൽ പ്ര​ശ്ന​മാ​യി മാ​റു​ന്ന​തുമൂ​ലം പാട്ടുകേൾക്കാതെ നൃ​ത്ത​മാ​ടേ​ണ്ട ഗ​തി​കേ​ടും കു​ട്ടി​ക​ൾ​ക്കു​ണ്ടാ​യി. മ​റ്റൊ​രി​ട​ത്ത് സ്പീ​ക്ക​റി​ന്‍റെ ശ​ബ്ദം കൂ​ട്ടി​യാ​ൽ ആ​കെ ഒ​രു മു​ഴ​ക്കം മാ​ത്ര​മാ​യി​രു​ന്നു കേ​ൾ​ക്കാ​നു​ണ്ടാ​യി​രു​ന്ന​ത്.


എം​എ​ൽ​എ​യും പി​ഴ​വു​ക​ൾ ചൂ​ണ്ടി​ക്കാ​ട്ടി
ക​ലോ​ത്സ​വ​ത്തി​ന്‍റെ ര​ണ്ടാം​ദി​ന​ത്തി​ൽ ന​ട​ന്ന ഉ​ദ്ഘാ​ട​ന​ ച​ട​ങ്ങി​ൽ സം​ഘാ​ട​ന​പ്പി​ഴ​വ് ഉ​ദ്ഘാ​ട​ക​നാ​യ പി.​ബാ​ല​ച​ന്ദ്ര​ൻ എം​എ​ൽ​എ​ ചൂ​ണ്ടി​ക്കാ​ട്ടി​യി​രു​ന്നു.

ക​ലോ​ത്സ​വം ഒാ​ഫീ​സു​ക​ളും ഭ​ക്ഷ​ണ​ശാ​ല​യു​മ​ട​ക്കം പ്ര​വ​ർ​ത്തി​ക്കു​ന്ന മോ​ഡ​ൽ ബോ​യ്സ്, ഗേ​ൾ​സ് സ്കൂ​ളു​ക​ളി​ൽ മീ​ഡി​യ റൂം ​സ്ഥാ​പി​ക്കാ​തെ ദൂ​രെ ഹോ​ളി​ഫാ​മി​ലി സ്കൂ​ളി​ൽ സ​ജ്ജ​മാ​ക്കി​യ​തുത​ന്നെ സം​ഘാ​ട​കരു​ടെ പാ​ളി​ച്ച പ്ര​ക​ട​മാ​ക്കി.

വി​ജ​യി​ക​ൾ​ക്കു മ​റ്റു വേ​ദി​ക​ളി​ൽ​നി​ന്ന് എ​ത്താ​നു​ള്ള ബു​ദ്ധി​മു​ട്ട് കാ​ര​ണം മി​ക്ക​വ​രും മാ​ധ്യ​മ​ങ്ങ​ളു​ടെ അ​ടു​ത്തേ​ക്കു വ​ന്നി​ല്ല. ഇൗ ​സ്കൂ​ളി​ലാ​യി​രു​ന്നു ഉ​ദ്ഘാ​ട​ന​വും. പ്രധാ​ന​ വേ​ദി​യാ​യി​ട്ടു​കൂ​ടി ഒ​ട്ടും കാ​ണി​ക​ൾ ഇ​ല്ലാ​തെ​യാ​ണ് ഇ​വി​ടെ പ​രി​പാ​ടി​ക​ൾ ന​ട​ന്ന​ത്.