പാ​ല​പ്പി​ള്ളി: അ​ക്ര​മ​കാ​രി​ക​ളാ​യ ഏ​ഴു കാ​ട്ടാ​ന​ക​ള്‍ സ്ഥി​ര​മാ​യി റോ​ഡ് മു​റി​ച്ചു​ക​ട​ക്കു​ന്ന പാ​ല​പ്പി​ള്ളി പി​ള്ള​ത്തോ​ടു പ​രി​സ​ര​ത്ത് ജീ​വ​ന്‍ പ​ണ​യ​പ്പെ​ടു​ത്തി​യാ​ണു വ​ഴി​യാ​ത്ര​ക്കാ​ര്‍ ക​ട​ന്നു​പോ​കു​ന്ന​ത്.

മു​ന്‍​പ് രാ​ത്രി​യി​ലാ​യി​രു​ന്നു ആ​ന​ക​ള്‍ റോ​ഡി​ല്‍ ഇ​റ​ങ്ങാ​റു​ള്ള​ത്. എ​ന്നാ​ല്‍ ഇ​പ്പോ​ള്‍ ദി​വ​സ​വും ചു​രു​ങ്ങി​യ​ത് മൂ​ന്നു​ത​വ​ണ​യെ​ങ്കി​ലും പ​ക​ല്‍ സ​മ​യ​ത്ത് ആ​ന​ക​ള്‍ റോ​ഡ് മു​റി​ച്ചു​ക​ട​ക്കു​ന്ന​താ​യി നാ​ട്ടു​കാ​ര്‍ പ​റ​യു​ന്നു.

പാ​ല​പ്പി​ള്ളി​യി​ലേ​ക്കു പോ​കു​ന്ന വ​ഴി​യി​ല്‍ പ​ല​യി​ട​ങ്ങ​ളി​ലും ആ​ന​ക്കൂ​ട്ടം ഇ​റ​ങ്ങാ​റു​ണ്ടെ​ങ്കി​ലും ഈ ​ഏ​ഴ് ആ​ന​ക​ള്‍ അ​ക്ര​മ​സ്വ​ഭാ​വ​മു​ള്ള​താ​ണെ​ന്ന​താ​ണ് വ​ഴി​യാ​ത്ര​ക്കാ​രെ​യും നാ​ട്ടു​കാ​രെ​യും ഭീ​തി​യി​ലാ​ഴ്ത്തു​ന്ന​ത്. ഇ​രു​വ​ശ​ത്തു​മു​ള്ള തോ​ട്ട​ങ്ങ​ളി​ല്‍ നി​ന്ന് പെ​ട്ടെ​ന്നാ​ണ് ആ​ന​ക​ള്‍ റോ​ഡി​ലേ​ക്ക് എ​ത്തു​ന്ന​ത്. ഈ ​സ​മ​യ​ത്ത് ആ​ന​ക​ളു​ടെ മു​ന്‍​പി​ല്‍ പെ​ട്ടാ​ല്‍ ഇ​വ ആ​ക്ര​മി​ക്കാ​നും സാ​ധ്യ​ത​യേ​റെ​യാ​ണ്.

കാ​ടി​റ​ങ്ങി​യ ആ​ന​ക​ള്‍ പി​ള്ള​ത്തോ​ടു ഭാ​ഗ​ത്തെ തോ​ട്ട​ത്തി​ന്‍റെ ക​ല്‍​ഭി​ത്തി​ക​ള്‍ ത​ക​ര്‍​ത്താ​ണ് മ​റു​വ​ശ​ത്തേ​ക്കു ക​ട​ക്കു​ന്ന​ത്. അ​തി​രാ​വി​ലെ​യാ​ണ് ആ​ന​ക​ളു​ടെ ആ​ദ്യ​ത്തെ റോ​ഡ് മു​റി​ച്ചു​ക​ട​ക്ക​ല്‍. ഈ ​സ​മ​യ​ങ്ങ​ളി​ലാ​ണു തൊ​ഴി​ലാ​ളി​ക​ള്‍ തോ​ട്ട​ങ്ങ​ളി​ല്‍ പ​ണി​ക്കി​റ​ങ്ങു​ന്ന​ത്.

ഇ​ന്ന​ലെ രാ​വി​ലെ​യും ഇ​ത്ത​ര​ത്തി​ല്‍ ആ​ന​ക​ള്‍ റോ​ഡ് മു​റി​ച്ചു​ക​ട​ക്കു​ന്ന​തി​നി​ടെ നി​ര​വ​ധി വാ​ഹ​ന​യാ​ത്ര​ക്കാ​ര്‍ റോ​ഡി​ല്‍ കു​ടു​ങ്ങി.

യാ​ത്ര​ക്കാ​ര്‍ ഹോ​ണ്‍ മു​ഴ​ക്കി​യാ​ല്‍ ആ​ന​ക​ള്‍ അ​വ​ര്‍​ക്ക് നേ​രെ പാ​ഞ്ഞ​ടു​ക്കും. ഏ​തു​നി​മി​ഷ​വും അ​പ​ക​ടം പ​തി​യി​രി​ക്കു​ന്ന പി​ള്ള​ത്തോ​ട് പാ​ലം ക​ട​ന്നു വേണം പാ​ല​പ്പി​ള്ളി, ചി​മ്മി​നി ഡാം, ​ചൊ​ക്ക​ന എ​ന്നി​വി​ട​ങ്ങ​ളി​ല്‍ എ​ത്താ​ന്‍.

ക​ഴി​ഞ്ഞ ര​ണ്ടു ദി​വ​സ​മാ​യി ഈ ​പ്ര​ദേ​ശ​ത്ത് 40 ഓ​ളം ആ​ന​ക​ള്‍ ഉ​ണ്ടെ​ന്നാ​ണു തൊ​ഴി​ലാ​ളി​ക​ള്‍ പ​റ​യു​ന്ന​ത്. റോ​ഡി​ലേ​ക്ക് ആ​ന​ക​ള്‍ ഇ​റ​ങ്ങാ​തി​രി​ക്കാ​ന്‍ വ​ശ​ങ്ങ​ളി​ല്‍ വൈ​ദ്യു​തി​വേ​ലി സ്ഥാ​പി​ക്ക​ണ​മെ​ന്ന ആ​വ​ശ്യ​വും ഉ​യ​രു​ന്നു​ണ്ട്.