ടി.​എ. കൃ​ഷ്ണ​പ്ര​സാ​ദ്

തൃ​ശൂ​ർ: ആ​ശ​യ​നി​ഗൂ​ഢ​മാ​യ വി​ഷ​യ​ങ്ങ​ളാ​ൽ സ​മ്പു​ഷ്ട​മാ​യി ജി​ല്ലാ ക​ലോ​ത്സ​വം ആ​ദ്യദി​ന​ത്തി​ലെ ര​ച​നാമ​ത്സ​ര​ങ്ങ​ൾ. വി​ഷ​യ​ങ്ങ​ളി​ലു​റ​ങ്ങി​ക്കി​ട​ക്കു​ന്ന സാ​മൂ​ഹ്യ സാം​സ്കാ​രി​ക രാ​ഷ്ട്രീ​യ ഭാ​വ​ങ്ങ​ൾ ചി​ത്ര​ങ്ങ​ളാ​യും വാ​ച​ക​ങ്ങ​ളാ​ലും പ്ര​ക​ടി​ത​മാ​ക്കാ​ൻ കു​ട്ടി​ക​ൾ ന​ന്നേ ബു​ദ്ധി​മു​ട്ടി​യെ​ങ്കി​ലും പു​രോ​ഗ​മ​ന ക​ലാ സാ​ഹി​ത്യ സാം​സ്കാ​രി​ക നാ​യ​ക​ന്മാ​രെ​പ്പോ​ലും അ​മ്പ​ര​പ്പി​ക്കുംവി​ധ​മാ​യി​രു​ന്നു സൃ​ഷ്ടി​ക​ൾ. ഓ​രോ ചി​ത്ര​ങ്ങ​ളും എ​ഴു​ത്തു​ക​ളും ഒ​ന്നി​നൊ​ന്നു മെ​ച്ച​മാ​ക്കി കു​രു​ന്നു​ക​ൾ തങ്ങളുടെ ചി​ന്താ​മ​ണ്ഡ​ല​ വി​ശാ​ല​ത വ്യ​ക്ത​മാ​ക്കി. ഭാ​വി​യു​ടെ സാ​ഹി​ത്യ​വും കാ​ഴ്ച​പ്പാ​ടു​ക​ളും ലോ​ക​ത്തി​നു മു​ത​ൽ​ക്കൂ​ട്ടാ​കു​മെ​ന്ന സൂ​ച​ന​ക​ളാ​യി​രു​ന്നു എ​ല്ലാം.

യു​പി വി​ഭാ​ഗം പെ​ൻ​സി​ൽ ഡ്രോ​യിം​ഗി​നു "മൃ​ഗ​ശാ​ല കാ​ണു​ന്ന കു​ട്ടി​ക​ൾ' എ​ന്ന​താ​യി​രു​ന്നു വി​ഷ​യം. ക​ളി​യി​ലേ​ർ​പ്പെ​ട്ടി​രി​ക്കു​ന്ന കു​ട്ടി​ക​ൾ ജ​ലച്ചായത്തിൽ പിറന്നുവീണു. ഹൈ​സ്കൂ​ൾ വി​ഭാ​ഗ​ം പെ​ൻ​സി​ൽ ഡ്രോ​യിം​ഗി​നു ആ​തു​രസേ​വ​നം, ജ​ലച്ചാ​യം - ആ​ഘോ​ഷ​ങ്ങ​ൾ, ഓ​യി​ൽ പെ​യി​ന്‍റിം​ഗ് - അ​ടു​ക്ക​ള. ഇ​ന്ന​ത്തെ രാ​ഷ്ട്രീ​യ​വും ന​വമാ​ധ്യ​മ​ങ്ങ​ളു​മെ​ന്ന കാ​ലി​ക പ്രാ​ധാ​ന്യ​മു​ള്ള വി​ഷ​യ​മാ​ണ് കാ​ർ​ട്ടൂ​ണി​നു ന​ല്കി​യ​ത്. ന​ർ​മ​ത്തി​ൽ കു​തി​ർ​ന്ന ര​ച​ന​ക​ൾ​ക്കു മു​ന​ക​ൾ കൂ​ടു​ത​ലാ​യി​രു​ന്നു. രാ​ഷ്ട്രീ​യ മാ​ധ്യ​മ രം​ഗ​ത്തെ പ​ല​രു​ടെ​യും പൊ​യ്മു​ഖ​ങ്ങ​ൾ തു​റ​ന്നു​കാ​ട്ടുംവി​ധ​മു​ള്ള വി​മ​ർ​ശ​ന​ങ്ങ​ൾ കു​ട്ടി​ക​ൾ ഉ​ന്ന​യി​ച്ചു.

ഹ​യ​ർ സെ​ക്ക​ൻ​ഡ​റി പെ​ൻ​സി​ൽ ഡ്രോ​യിം​ഗ് - തെ​രു​വി​ലെ ഉ​പ​ജീ​വ​ന​വ​ഴി​ക​ൾ, ജ​ലച്ചായം - ക​ട​ലോ​ര ജീ​വി​ത​ങ്ങ​ൾ, ഓ​യി​ൽ പെ​യി​ന്‍റിം​ഗ് - രാ​ത്രി​കാ​ല ആ​ഘോ​ഷ​ങ്ങ​ൾ. മൈ ​ഡ്രീം കൊ​ളാ​ഷി​ലൂ​ടെ നി​റംപൂ​ണ്ടു. ഗാ​ന്ധി​ജി 2023ൽ ​ഈ നാ​ട് വീ​ണ്ടും സ​ന്ദ​ർ​ശി​ച്ചാ​ൽ എ​ന്ന വി​ഷ​യ​ത്തി​ൽ ഹ​യ​ർ സെ​ക്ക​ൻ​ഡ​റി വി​ദ്യാ​ർ​ഥി​ക​ൾ മി​ക​ച്ച കാ​ർ​ട്ടൂ​ണു​ക​ൾ അ​വ​ത​രി​പ്പി​ച്ചെ​ന്നാ​ണു പൊ​തു​വെ വി​ല​യി​രു​ത്ത​ൽ.

മ​ത്സ​രാ​ർ​ഥി​ക​ളു​ടെ ഭാ​വാ​ത്മ​ക​ത​യ്ക്കു ചൂ​ടു​പി​ടി​പ്പി​ക്കു​ന്ന അ​ർ​ഥ​ഗ​ർ​ഭ​മാ​യ ആ​ശ​യ​ങ്ങ​ളുള്ള വി​ഷ​യ​ങ്ങ​ളാ​ണ് ക​ഥ​യ്ക്കും ക​വി​ത​യ്ക്കും ന​ല്കി​യ​ത്. യു​പി​ക്കു ക​ഥ​യ്ക്കു ന​ല്കി​യ​ത് കാ​ത്തി​രി​പ്പ്. ഹൈ​സ്കൂ​ളി​നു മൂ​ടി​ക്കെ​ട്ടി​യ ക​ണ്ണു​ക​ൾ. ഹ​യ​ർ സെ​ക്ക​ൻ​ഡ​റി​ക്കു ന​ഷ്ട​മാ​കു​ന്ന ത​ണ​ലു​ക​ൾ. ഉ​ണ്ണിമോ​ഹ​ങ്ങ​ളെ​ന്ന ഓ​മ​ന​ത്ത​മു​ള്ള വി​ഷ​യ​മാ​ണ് യു​പി വി​ഭാ​ഗം ക​വി​ത​യ്ക്കു ന​ല്കി​യ​ത്. ഹൈ​സ്കൂ​ളി​നു മാ​യാ​ത്ത പു​ഞ്ചി​രി​ക​ളും ഹ​യ​ർ സെ​ക്ക​ൻ​ഡ​റി​ക്കു വാ​ക്കും വി​ഷ​യ​മാ​യി.