മ​ണ്ണു​ത്തി: കേ​ന്ദ്രം കേ​ര​ള​ത്തെ സാ​മ്പ​ത്തി​ക​മാ​യും ന​യ​പ​ര​മാ​യും ത​ക​ര്‍​ക്കാ​ന്‍ ശ്ര​മി​ക്കു​മ്പോ​ള്‍ പാ​ര്‍​ല​മെ​ന്‍റി​ല്‍ ശ​ക്ത​മാ​യി കേ​ര​ള​ത്തി​നുവേ​ണ്ടി വാ​ദി​ക്കാ​ന്‍ എം​പി​മാ​ര്‍ ത​യാ​റാ​വ​ണമെ​ന്നു മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍ ആ​വ​ശ്യ​പ്പെ​ട്ടു. ഒ​ല്ലൂ​ര്‍ നി​യോ​ജ​കമ​ണ്ഡ​ല​ത്തി​ല്‍ ന​വ​കേ​ര​ള സ​ദ​സ് ഉ​ദ്ഘാ​ട​നം ചെ​യ്തു സം​സാ​രി​ക്കു​ക​യാ​യി​രു​ന്നു അദ്ദേഹം.

എം​പി​മാ​ര്‍ ഇ​തു​വ​രെ​യും കേ​ര​ള​ത്തി​നു​വേ​ണ്ടി പാ​ര്‍​ല​മെ​ന്‍റി​ല്‍ സം​സാ​രി​ക്ക​ാന്‍ ത​യാ​റാ​യി​ട്ടി​ല്ല. അ​വി​ടെ സം​സാ​രി​ച്ച് ബി​ജെ​പി​യു​ടെ അ​പ്രീ​തി സ​മ്പാ​ദി​ക്കാ​ന്‍ തയാ​റാ​വാ​ത്ത​താ​ണ് കാ​ര​ണം. കേ​ര​ള​ത്തി​നു വേ​ണ്ടി സം​സാ​രി​ക്കാ​ന്‍ എം​പി​മാ​രോ​ടു സ​ര്‍​ക്കാ​ര്‍ത​ന്നെ ആ​വ​ശ്യ​പ്പെ​ട്ടി​ട്ടും കേ​ര​ള​ത്തെ കൈയൊഴി​യു​ന്ന നി​ല​പാ​ടാ​ണ് സ്വീ​ക​രി​ച്ചുകൊണ്ടി​രി​ക്കു​ന്ന​തെന്നും അദ്ദേഹം കുറ്റപ്പെടുത്തി,

ന​വ​കേ​ര​ളസ​ദ​സി​ന്‍റെ വേ​ദിമാ​റ്റം യ​ഥാ​ര്‍​ഥ​ത്തി​ല്‍ അ​നു​കൂ​ല​മാ​കു​ക​യാ​ണ് ഉ​ണ്ടാ​യ​ത്. സ​ര്‍​ക്കാ​രി​നൊ​പ്പ​മാ​ണ് ജ​ന​ങ്ങ​ൾ എ​ന്ന​തി​ന്‍റെ തെ​ളി​വാ​ണ് മ​ണ്ണു​ത്തി​യി​ലെ ജ​ന​പ​ങ്കാ​ളി​ത്തം. പു​ത്തൂ​രി​ല്‍ ഇ​ത്ര​യും പേ​രെ ഉ​ൾ​ക്കൊ​ള്ളാ​ന്‍ ക​ഴി​യാ​ത്ത അ​വ​സ്ഥ ഒ​ഴി​വാ​യിക്കിട്ടി. ഓ​രോ ന​വ​കേ​ര​ളസ​ദ​സ് ക​ഴി​യു​മ്പോ​ഴും നി​ങ്ങ​ള്‍ ധൈര്യ​മാ​യി മു​ന്നോ​ട്ടുപോ​കു​ക, ഞ​ങ്ങ​ൾ ഒ​പ്പം ഉ​ണ്ട് എ​ന്ന സ​ന്ദേ​ശ​മാ​ണ് ജ​ന​ങ്ങ​ളി​ല്‍​നി​ന്നും ല​ഭി​ച്ചു​കൊണ്ടി​രി​ക്കു​ന്ന​തെന്നും മു​ഖ്യ​മ​ന്ത്രി പ​റ​ഞ്ഞു.

പുത്തൂര്‍ സു​വോ​ള​ജി​ക്ക​ല്‍ പാ​ര്‍​ക്ക് എ​ല്‍​ഡി​എ​ഫ് സ​ര്‍​ക്കാ​രി​ന്‍റെ എ​ക്കാ​ല​ത്തെ​യും അ​ഭി​മാ​ന​മാ​ണെന്നു മ​ന്ത്രി കെ. ​രാ​ജ​ന്‍ അ​ധ്യ​ക്ഷപ്ര​സം​ഗ​ത്തി​ല്‍ പ​റ​ഞ്ഞു. ഫണ്ടില്ല എ​ന്ന കാ​ര​ണ​ത്താ​ല്‍ വൈ​കി​ക്കൊ​ണ്ടി​രു​ന്ന പാ​ര്‍​ക്കി​ന്‍റെ നി​ര്‍​മാ​ണം എ​ല്‍​ഡി​എ​ഫ് സ​ര്‍​ക്കാ​രി​ന്‍റെ കാ​ല​ത്താ​ണ് പു​ന​രുജ്ജീ​വി​പ്പി​ച്ച​തും കി​ഫ്ബി ഫ​ണ്ട് ഉ​പ​യോ​ഗ​പ്പെ​ടു​ത്തി ലോ​കോ​ത്ത​രനി​ല​വാ​ര​ത്തി​ല്‍ പ​ണി​തീ​ര്‍​ക്കാ​നാ​യ​തും. ഇ​തി​ല്‍ എ​തി​ര്‍​പ്പു​ള്ള​വ​രാ​ണ് സു​വോ​ള​ജി​ക്ക​ല്‍ പാ​ര്‍​ക്കി​ന്‍റെ പ്ര​വ​ര്‍​ത്ത​ന​ങ്ങ​ളെ വൈ​കി​പ്പി​ക്കാ​ന്‍ ശ്ര​മി​ച്ചു​കൊണ്ടി​രി​ക്കു​ന്ന​ത്. ഇ​തി​നവ​സ​രം ന​ല്‍​കാ​ന്‍ ക​ഴി​യി​ല്ല എ​ന്ന​തി​നാ​ലാ​ണ് വേ​ദി മാ​റ്റാ​ന്‍ സ​ര്‍​ക്കാ​ര്‍ത​ന്നെ തി​രു​മാ​നി​ച്ച​തെ​ന്നും മ​ന്ത്രി രാ​ജ​ന്‍ പ​റ​ഞ്ഞു.