മു​ള​ങ്കു​ന്ന​ത്തു​കാ​വ് (തൃ​ശൂ​ർ): ലൈ​ഫ് ഭവനപ​ദ്ധ​തി പൂ​ർ​ത്തി​യാ​ക്ക​ണ​മെ​ന്നാ​ണു സ​ർ​ക്കാ​രി​ന്‍റെ അ​ഭി​പ്രാ​യ​മെ​ന്ന് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. ജി​ല്ല​യി​ൽ ന​വ​കേ​ര​ള സ​ദ​സി​നു മു​ന്നോ​ടി​യാ​യി കി​ല​യി​ൽ ന​ട​ന്ന പ​ത്ര​സ​മ്മേ​ള​ന​ത്തി​ൽ മാ​ധ്യ​മ​പ്ര​വ​ർ​ത്ത​ക​രോ​ടു സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

നേ​ര​ത്തേ ലൈ​ഫ് പ​ദ്ധ​തി ഏ​റ്റെ​ടു​ത്ത് പൂ​ർ​ത്തി​യാ​ക്കാ​ൻ ത​യാ​റാ​യ​വ​രും പ​ദ്ധ​തി പൂ​ർ​ത്തി​യാ​ക്ക​ണ​മെ​ന്ന് അ​ഭി​പ്രാ​യം പ്ര​ക​ടി​പ്പി​ച്ചി​ട്ടു​ണ്ട്. എ​ന്നാ​ൽ അ​തു​മാ​യി ബ​ന്ധ​പ്പെ​ട്ട നി​യ​മ​പ്ര​ശ്ന​ങ്ങ​ൾ പ​രി​ശോ​ധി​ച്ച​ശേ​ഷ​മേ നി​ല​പാ​ട് എ​ടു​ക്കാ​നാ​കൂ. പ​ദ്ധ​തി ഏ​ങ്ങ​നെ ഇ​ല്ലാ​താ​ക്കാ​മെ​ന്ന​തി​നു​ള്ള ശ്ര​മ​മാ​യി​രു​ന്നു ലൈ​ഫ് മി​ഷ​ന് എ​തി​രാ​യു​ള്ള നീ​ക്ക​ങ്ങ​ൾ. അ​തു​കൊ​ണ്ടാ​ണ​തു പ്ര​തി​സ​ന്ധി​യി​ലാ​യി കി​ട​ക്കു​ന്ന​ത്.

സം​സ്ഥാ​ന സ​ർ​ക്കാ​ർ ഫ​ണ്ടു​ക​ൾ ന​ൽ​കു​ന്നി​ല്ല എ​ന്നു തെ​റ്റാ​യി പ​റ​യു​ന്ന കു​റ്റ​പ​ത്ര​ക്കാ​ർ ത​ദ്ദേ​ശസ്ഥാ​പ​ന​ങ്ങ​ൾ​ക്കു ന​ൽ​കേ​ണ്ട കേ​ന്ദ്ര ധ​ന​കാ​ര്യ ക​മ്മീ​ഷ​ൻ ഫ​ണ്ട് കേ​ര​ള​ത്തി​നു കൃ​ത്യ​മാ​യി ല​ഭി​ക്കാ​ത്ത​തി​നെ​ക്കു​റി​ച്ച് മി​ണ്ടു​ന്നി​ല്ലെ​ന്നു മു​ഖ്യ​മ​ന്ത്രി കു​റ്റ​പ്പെ​ടു​ത്തി. സം​സ്ഥാ​ന​ത്തി​നു കേ​ന്ദ്ര ധ​ന​കാ​ര്യ ക​മ്മീ​ഷ​ൻ ഗ്രാ​ന്‍റ് ശി​പാ​ർ​ശ ചെ​യ്ത​തു​ത​ന്നെ മ​റ്റു സം​സ്ഥാ​ന​ങ്ങ​ളെ അ​പേ​ക്ഷി​ച്ചു കു​റ​ഞ്ഞ നി​ര​ക്കി​ലാ​ണ്. വ​ട​ക്കേ ഇ​ന്ത്യ​ൻ സം​സ്ഥാ​ന​ങ്ങ​ൾ​ക്കു യോ​ജി​ക്കു​ന്ന​തും കേ​ര​ള​ത്തി​ന്‍റെ സാ​ഹ​ച​ര്യ​ത്തി​ൽ അ​നു​യോ​ജ്യ​വു​മ​ല്ലാ​ത്ത പ​ല നി​ബ​ന്ധ​ന​ക​ളും ഉ​ൾ​പ്പെ​ടു​ത്തി​യാ​ണു ഗ്രാ​ന്‍റ് അ​നു​വ​ദി​ക്കു​ന്ന​ത്. അ​തി​ൽ പ്ര​തി​പ​ക്ഷ​ത്തി​ന് അ​ഭി​പ്രാ​യ​മി​ല്ലേ എ​ന്നും മു​ഖ്യ​മ​ന്ത്രി ചോ​ദി​ച്ചു.

ത​ദ്ദേ​ശ​സ്ഥാ​പ​ന​ങ്ങ​ൾ​ക്കു ന​ൽ​കേ​ണ്ട തു​ക യ​ഥാ​സ​മ​യം ന​ൽ​കി​യി​ട്ടി​ല്ല എ​ന്നാ​ണ് മ​റ്റൊ​രു ആ​ക്ഷേ​പം. ഇ​ന്ത്യ​യി​ൽ ഏ​റ്റ​വു​മ​ധി​കം ശ​ത​മാ​നം തു​ക ത​ദ്ദേ​ശസ്ഥാ​പ​ന​ങ്ങ​ൾ​ക്കു ന​ൽ​കു​ന്ന സം​സ്ഥാ​ന​മാ​ണ് കേ​ര​ളം.