ചാ​ല​ക്കു​ടി: ചാ​ല​ക്കു​ടി​യി​ൽ ന​ട​ക്കു​ന്ന ന​വ​കേ​ര​ള സ​ദ​സ് പ​രി​പാ​ടി​ക്കു ന​ഗ​ര​സ​ഭ​യു​ടെ ത​ന​ത് ഫ​ണ്ടി​ൽ നി​ന്നും തു​ക അ​നു​വ​ദി​ക്കേ​ണ്ട​തി​ല്ലെ​ന്നു ന​ഗ​ര​സ​ഭ കൗ​ൺ​സി​ൽ തീ​രു​മാ​നി​ച്ചു. ന​വ​കേ​ര​ള സ​ദ​സ് എ​ന്ന പേ​രി​ൽ പൊ​തു​പ​ണം ദു​രു​പ​യോ​ഗം ചെ​യ്യു​ന്ന പ​രി​പാ​ടി​യാ​ണ് സ​ർ​ക്കാ​ർ ന​ട​ത്തു​ന്ന​തെ​ന്നും ഇ​ത് രാ​ഷ്ട്രീ​യ പ​രി​പാ​ടി​യും ധൂ​ർ​ത്തു​മാ​ണെ​ന്നും ഭ​ര​ണ​പ​ക്ഷ അം​ഗ​ങ്ങ​ൾ പ​റ​ഞ്ഞു.

ജ​ന​ങ്ങ​ളു​ടെ പ​രാ​തി​ക​ളും പ്ര​ശ്ന​ങ്ങ​ളും അ​റി​യാ​നും പ​രി​ഹ​രി​ക്കാ​നും എ​ന്ന പേ​രി​ൽ ന​ട​ത്തു​ന്ന പ​രി​പാ​ടി​ക്കു കോ​ടി​ക്ക​ണ​ക്കി​നു രൂ​പ ചെ​ല​വു​ചെ​യ്ത് ആ​ർ​ഭാ​ട​ങ്ങ​ളും പ്ര​ചാ​ര​ണ​ങ്ങ​ളും ഒ​രു ക്കു​ന്ന​തി​നു പി​ന്നി​ൽ തെ​ര​ഞ്ഞെ​ടു​പ്പ് ല​ക്ഷ്യ​മാ​ണെ​ന്നും അ​തു​കൊ​ണ്ട് ത​ന്നെ ഏ​റെ സാ​മ്പ​ത്തി​ക ബു​ദ്ധി​മു​ട്ട് നേ​രി​ടു​ന്ന ചാ​ല​ക്കു​ടി ന​ഗ​ര​സ​ഭ ഇ​ക്കാ​ര്യ​ത്തി​നു പ​ണം ന​ൽ​കേ​ണ്ട ആ​വ​ശ്യ​മി​ല്ലെ​ന്നും യു​ഡി​എ​ഫ് ലീ​ഡ​ർ ഷി​ബു വാ​ല​പ്പ​ൻ പ​റ​ഞ്ഞു.

മു​ഖ്യ​മ​ന്ത്രി​യും മ​ന്ത്രി​മാ​രും ഒ​രു​മി​ച്ച് ആ​ദ്യ​മാ​യി എ​ത്തി​ച്ചേ​രു​ന്ന ച​രി​ത്ര പ്രാ​ധാ​ന്യ​മു​ള്ള പ​രി​പാ​ടി​യാ​ണ് ന​വ​കേ​ര​ള സ​ദ​സെ​ന്നും ഇ​തി​ന്‍റെ സം​ഘാ​ട​ന​ത്തി​ന് ന​ഗ​ര​സ​ഭ പ​ണം ന​ൽ​കി​യി ല്ലെ​ങ്കി​ലും പ​രി​പാ​ടി വി​ജ​യി​പ്പി​ക്കു​മെ​ന്നും എ​ൽ​ഡി​എ​ഫ് ലീ​ഡ​ർ സി.​എ​സ്. സു​രേ​ഷ് പ​റ​ഞ്ഞു.

ചാ​ല​ക്കു​ടി ന​ഗ​ര​സ​ഭ വ​ലി​യ സാ​മ്പ​ത്തി​ക ബാ​ധ്യ​ത നേ​രി​ടു​ന്ന സ​മ​യ​മാ​ണെ​ന്നും ഇ​ത്ത​രം സാ​ഹ​ച​ര്യ​ത്തി​ൽ ന​വ​കേ​ര​ള സ​ദ​സ് പോ​ലു​ള്ള പ​രി​പാ​ടി​ക്കു പ​ണം ചെ​ല​വ​ഴി​ക്കാ​ൻ സാ​ധി​ക്കി ല്ലെ​ന്നും ചെ​യ​ർ​മാ​ൻ എ​ബി ജോ​ർ​ജ് പ​റ​ഞ്ഞു. ചാ​ല​ക്കു​ടി ന​ഗ​ര​സ​ഭ ന​വ​കേ​ര​ള സ​ദ​സി​ന്‍റെ സം​ഘ​ട​ന​ത്തി​നു പ​ണം ന​ൽ​കേ​ണ്ട​തി​ല്ലെ​ന്നും തീ​രു​മാ​നി​ച്ചു. കൗ​ൺ​സി​ല​ർ​മാ​രാ​യ കെ.​വി. പോ​ൾ, ജോ​ർ​ജ് തോ​മ​സ്, ബി​ജി സ​ദാ​ന​ന്ദ​ൻ, വി.​ജെ. ജോ​ജി തു​ട​ങ്ങി​യ​വ​ർ ച​ർ​ച്ച​യി​ൽ പ​ങ്കെ​ടു​ത്തു സം​സാ​രി​ച്ചു.


തു​ക ന​ൽ​കാ​ൻ ക​ഴി​യി​ല്ല എ​ന്ന തീ​രു​മാ​ന​ത്തി​ൽ പ്ര​തി​ഷേ​ധി​ച്ച് കൗ​ൺ​സി​ല​ർ വി.​ജെ. ജോ​ജി വാ​ക്കൗ​ട്ട് ന​ട​ത്തി. പ്ര​തി​പ​ക്ഷ​ത്തെ മ​റ്റു അം​ഗ​ങ്ങ​ൾ തീ​രു​മാ​ന​ത്തി​ൽ വി​യോ​ജി​പ്പ് രേ​ഖ​പ്പെ​ടു​ത്തി.
ന​ഗ​ര​സ​ഭ​യി​ലെ ആ​ശാ​രി​പ്പാ​റ, താ​ണി​പ്പാ​റ എ​ന്നീ പൊ​തു കു​ള​ങ്ങ​ളി​ൽ, സു​ഭി​ക്ഷ കേ​ര​ളം പ​ദ്ധ​തി വ​ഴി മ​ത്സ്യ​കൃ​ഷി ന​ട​ത്താ​ൻ ചാ​ല​ക്കു​ടി സ​ർ​വീ​സ് സ​ഹ​ക​ര​ണ ബാ​ങ്കി​നു നേ​ര​ത്തേ അ​നു​മ​തി ന​ൽ​കി​യ സാ​ഹ​ച​ര്യ​ത്തി​ൽ നി​ല​വി​ൽ ന​ൽ​കി​യി​ട്ടു​ള്ള കാ​ലാ​വ​ധി ക​ഴി​യും വ​രെ ബാ​ങ്കി​ന് മ​ൽ​സ്യ​കൃ​ഷി തു​ട​രാ​മെ​ന്ന് കൗ​ൺ​സി​ൽ തീ​രു​മാ​നി​ച്ചു.

മേ​ൽ​പ്പ​റ​ഞ്ഞ കു​ള​ങ്ങ​ൾ റ​വ​ന്യൂ വ​കു​പ്പി​ന്‍റെ കീ​ഴി​ൽ വ​രു​ന്ന​താ​ണെ​ന്നും, ന​ഗ​ര​സ​ഭ​ക്ക് ഇ​തി​ൽ അ​വ​കാ​ശ​മി​ല്ലെ​ന്നും മ​ൽ​സ്യ കൃ​ഷി ന​ട​ത്താ​ൻ ബാ​ങ്കി​ന് ന​ൽ​കി​യ അ​നു​വാ​ദം റ​ദ്ദാ​ക്ക​ണ​മെ​ന്ന് ആ​വ​ശ്യ​പ്പെ​ട്ട് പ്ര​തി​പ​ക്ഷ നേ​താ​വ് സി.​എ​സ്. സു​രേ​ഷ് ചെ​യ​ർ​മാ​നു ന​ൽ​കി​യ ക​ത്ത് ച​ർ​ച്ച ചെ​യ്ത​തി​നെ തു​ട​ർ​ന്നാ​ണ് കൗ​ൺ​സി​ൽ തീ​രു​മാ​നം എ​ടു​ത്ത​ത്.

നേ​ര​ത്തെ ഇ​ത് സം​ബ​ന്ധി​ച്ച് ര​ണ്ടു ത​വ​ണ കൗ​ൺ​സി​ൽ തീ​രു​മാ​ന​മെ​ടു​ത്ത​ത് ഐ​ക്യ​ക​ണ്ഠേ​ന യാെ​ന്നും ഇ​തി​ന്‍റെ അ​ടി​സ്ഥാ​ന​ത്തി​ലാ​ണ് ബാ​ങ്ക് മ​ൽ​സ്യ​കൃ​ഷി ആ​രം​ഭി​ച്ച​തെ​ന്നും ഇ​തി​ന്‍റെ ഭാ​ഗ​മാ​യാ​ണ് സ​ഹ​ക​ര​ണ ബാ​ങ്ക് പ​ണം ചെ​ല​വ​ഴി​ച്ച​തെ​ന്നും ചി​ല ആ​ളു​ക​ൾ കു​ള​ത്തി​ൽ സ്ഥാ​പി​ച്ച സം​ര​ക്ഷ​ണ വ​ല​ക​ൾ ന​ശി​പ്പി​ക്കു​ക​യും മ​ൽ​സ്യ​ങ്ങ​ളെ പി​ടി​ച്ചു കൊ​ണ്ടു​പോ​വു​ക​യും ചെ​യ്ത ന​ട​പ​ടി അം​ഗീ​ക​രി​ക്കാ​ൻ ക​ഴി​യി​ല്ലെ​ന്നും ഷി​ബു വാ​ല​പ്പ​ൻ പ​റ​ഞ്ഞു.

കു​ള​ത്തി​ന്‍റെ ഉ​ട​മ​സ്ഥ​ത​യും അ​വ​കാ​ശ​വും സം​ബ​ന്ധി​ച്ച കാ​ര്യ​ത്തി​ൽ ജി​ല്ലാ ക​ള​ക്ട​ർ ഉ​ൾ​പ്പെ​ടെ​യു​ള്ള​വ​രോ​ട് രേ​ഖാ​മൂ​ലം വി​വ​രം ആ​രാ​ഞ്ഞി​ട്ടു​ണ്ടെ​ന്നും ഇ​ക്കാ​ര്യ​ത്തി​ൽ വ്യ​ക്ത​ത വ​രു​ത്തി തു​ട​ർ​ന്നു​ള്ള കാ​ല​ഘ​ട്ട​ത്തി​ൽ ന​ട​പ​ടി​ക​ൾ സ്വീ​ക​രി​ക്കു​മെ​ന്നും ചെ​യ​ർ​മാ​ൻ പ​റ​ഞ്ഞു. ചെ​യ​ർ​മാ​ൻ എ​ബി ജോ​ർ​ജ് അ​ധ്യ​ക്ഷ​ത വ​ഹി​ച്ചു.