ഗു​രു​വാ​യൂ​ര്‍: ന​ഗ​ര​സ​ഭ ഓ​ഫീ​സ് അ​ങ്ക​ണ​ത്തി​ലെ മ​ര​ങ്ങ​ള്‍ മു​റി​ച്ച​തു സം​ബ​ന്ധി​ച്ച വി​വാ​ദം കൗ​ൺ​സി​ൽ യോ​ഗ​ത്തി​ൽ ഇ​രുവി​ഭാ​ഗ​ങ്ങ​ളും ത​മ്മി​ൽ ത​ർ​ക്ക​ത്തി​നി​ട​യാ​ക്കി. പ്ര​തി​പ​ക്ഷ നേ​താ​വ് കെ.​പി. ഉ​ദ​യ​നാ​ണ് വി​ഷ​യം ഉ​ന്ന​യി​ച്ച​ത്. കൂ​ടി​യാ​ലോ​ച​ന ന​ട​ത്താ​തെ മ​രം മു​റി​ച്ച​തു ശ​രി​യാ​യി​ല്ലെ​ന്ന് ഉ​ദ​യ​ൻ ആ​രോ​പി​ച്ചു. മ​രം മു​റി​ച്ച​വ​ർ​ക്കെ​തി​രെ ന​ട​പ​ടി വേ​ണ​മെ​ന്നും പ്ര​തി​പ​ക്ഷ നേ​താ​വ് ആ​വ​ശ്യ​പ്പെ​ട്ടു.
മ​രം മു​റി​ക്കു​മ്പോ​ൾ പാ​ലി​ക്കേ​ണ്ട നി​യ​മം പാ​ലി​ക്കാ​തെ​യാ​ണ് മ​ര​ങ്ങ​ൾ മു​റി​ച്ചുനീ​ക്കി​യ​തെ​ന്ന് ബി​ജെ​പി അം​ഗം ശോ​ഭ ഹ​രി​നാ​രാ​യ​ണ​ൻ പ​റ​ഞ്ഞു. മ​ര​ത്തി​ന്‍റെ കൊ​മ്പു​ക​ള്‍ വീ​ണ് അ​പ​ക​ടം പ​റ്റാ​തി​രി​ക്കാ​നാ​ണ് മു​റി​ച്ച​തെ​ന്നും അ​ത് വീ​ണ്ടും വ​ള​രാ​വു​ന്ന ത​ര​ത്തി​ൽ പ​രി​പാ​ലി​ക്കു​ന്നു​ണ്ടെ​ന്നും ചെ​യ​ര്‍​മാ​ന്‍ എം. ​കൃ​ഷ്ണ​ദാ​സ് വി​ശ​ദീ​ക​രി​ച്ചു.

തൈ​ക്കാ​ട് മേ​ഖ​ല​യി​ലെ കാ​ട്ടു​പന്നി ശ​ല്യം പ​രി​ഹ​രി​ക്കാ​ൻ ന​ട​പ​ടി വേ​ണ​മെ​ന്ന് പ്ര​തി​പ​ക്ഷാം​ഗം ബി.​വി. ജോ​യ് ആ​വ​ശ്യ​പ്പെ​ട്ടു. നി​യ​മ​ത്തി​നു വി​ധേ​യ​മാ​യി കാ​ട്ടു​പ​ന്നി​യെ വെ​ടി​വ​യ്ക്കാ​നു​ള്ള ന​ട​പ​ടി സ്വീ​ക​രി​ക്കു​മെ​ന്ന് ചെ​യ‍​ർ‍​മാ​ൻ ഉ​റ​പ്പ് ന​ൽ​കി. ഓ​ഡി​റ്റ് റി​പ്പോ​ർ​ട്ട് സം​ബ​ന്ധി​ച്ച കാ​ര്യ​ങ്ങ​ൾ ച​ർ​ച്ച ചെ​യ്തു.

ന​ഗ​ര​സ​ഭ സെ​ക്ര​ട്ട​റി എ​ച്ച്. അ​ഭി​ലാ​ഷ്കു​മാ​ർ സം​ശ​യ​ങ്ങ​ൾ​ക്കു മ​റു​പ​ടി ന​ൽ​കി. വൈ​സ് ചെ​യ​ർ​മാ​ൻ എം.​പി. അ​നീ​ഷ്മ, കൗ​ൺ​സി​ല​ർ​മാ​രാ​യ എ.​എ​സ്. മ​നോ​ജ്, മെ​ഹ്‌​റൂ​ഫ്, പ്ര​ഫ. പി.​കെ.​ ശാ​ന്ത​കു​മാ​രി തു​ട​ങ്ങി​യ​വ​ർ ച​ർ​ച്ച​ക​ളി​ൽ പ​ങ്കെ​ടു​ത്തു.