ശ​ശി​കു​മാ​ർ പ​ക​വ​ത്ത്
തി​രു​വി​ല്വാ​മ​ല: കാ​ൻ​സ​ർ രോ​ഗ​ത്തി​ന്‍റെ വേ​ദ​ന​ക​ൾ​ക്കി​ട​യി​ലും മി​ണ്ടാ​പ്രാ​ണി​ക​ൾ​ക്ക് അ​ന്ന​മൂ​ട്ടി ദി​വാ​ക​ര​ൻ. പ​രു​ന്തു​ക​ൾ, നാ​യ്ക്ക​ൾ, കാ​ക്ക​ക​ൾ, അ​ന്പ​ല​ക്കാ​ള​ക​ൾ, പൂ​ച്ച​ക​ൾ എ​ന്നി​വ​യെ​ല്ലാം അ​ന്നം​തേ​ടി ക​ണി​യാ​ർ​കോ​ട് വ്യാ​സ​വി​ല്ല വീ​ട്ടി​ൽ ദി​വാ​ക​ര​നെ തേ​ടി​യെ​ത്തും. വേ​ല​ൻ​തോ​ട്ട് കൂ​ട്ടാ​ല പ​രേ​ത​നാ​യ രാ​മ​ൻ​കു​ട്ടി​നാ​യ​രു​ടെ 14 മ​ക്ക​ളി​ൽ പ​ത്താ​മ​നാ​യ ദി​വാ​ക​ര​ൻ ഒ​ന്ന​ര​പ്പ​തി​റ്റാ​ണ്ടാ​യി മി​ണ്ടാ​പ്രാ​ണി​ക​ൾ​ക്കു ഭ​ക്ഷ​ണം ന​ൽ​കു​ന്നു. വൈ​കീ​ട്ട് അ​ഞ്ചോ​ടെ പ​രു​ന്തു​ക​ൾ വീ​ടി​നു​മു​ക​ളി​ൽ വ​ട്ട​മി​ട്ടു​തു​ട​ങ്ങും. ദി​വാ​ക​ര​ൻ എ​റി​ഞ്ഞു​കൊ​ടു​ക്കു​ന്ന ഇ​റ​ച്ചി​ക്ക​ഷ​ണ​ങ്ങ​ൾ ഭ​ക്ഷി​ച്ച് ഇ​വ തി​രി​ച്ചു​പോ​കും. നി​ര​വ​ധി പ​രു​ന്തു​ക​ളാ​ണു ദി​വാ​ക​ര​ന്‍റെ വീ​ട്ടി​ൽ ദി​വ​സേ​ന​യെ​ത്തു​ന്ന​ത്.
കാ​ക്ക​ക​ളും ക​ന്നു​കാ​ലി​ക​ളും തെ​രു​വു​നാ​യ്ക്ക​ളു​മെ​ല്ലാം ഭ​ക്ഷ​ണ​ത്തി​നാ​യെ​ത്തും. തെ​രു​വി​ൽ ഉ​പേ​ക്ഷി​ക്ക​പ്പെ​ട്ട​വ​യും വാ​ഹ​നാ​പ​ക​ട​ങ്ങ​ളി​ൽ പ​രി​ക്കേ​റ്റ മൃ​ഗ​ങ്ങ​ളും ദി​വാ​ക​ര​ന്‍റെ അ​തി​ഥി​ക​ളാ​ണ്.
ഏ​റെ​ക്കാ​ലം ഡ​ൽ​ഹി​യി​ലാ​യി​രു​ന്ന ദി​വാ​ക​ര​ൻ നാ​ട്ടി​ലെ​ത്തി​യ​ശേ​ഷം വീ​ടി​നു സ​മീ​പം പ​ല​ച​ര​ക്കു​ക​ട ന​ട​ത്തു​ക​യാ​യി​രു​ന്നു. വ​ള​ർ​ത്തി​യി​രു​ന്ന പൂ​ച്ച​ക​ളെ​യും നാ​യ്ക്ക​ളെ​യും ഡ​ൽ​ഹി​യി​ൽ നി​ന്ന് പ്ര​ത്യേ​ക വാ​ഹ​ന​ത്തി​ലാ​ണ് എ​ത്തി​ച്ച​ത്. ക​ട​യു​ണ്ടാ​യി​രു​ന്ന​പ്പോ​ൾ കി​ഴ​ങ്ങു​വ​ർ​ഗ​ങ്ങ​ൾ, കാ​യ, പ​ഴം, ത​വി​ട്, കാ​ലി​ത്തീ​റ്റ എ​ന്നി​വ ക​ന്നു​കാ​ലി​ക​ൾ​ക്കു ന​ൽ​കു​മാ​യി​രു​ന്നു. കാ​ക്ക​ക​ൾ​ക്കു കൊ​ടു​ക്കാ​ൻ ദി​വ​സേ​ന ര​ണ്ടു​കി​ലോ അ​രി വേ​ണം. അ​സു​ഖം വ​ന്ന​തോ​ടെ ക​ട മ​റ്റൊ​രാ​ൾ​ക്കു വാ​ട​ക​യ്ക്കു ന​ൽ​കി.
ഒ​രു​വ​ർ​ഷ​മാ​യി കാ​ൻ​സ​ർ ബാ​ധ​യെ​ത്തു​ട​ർ​ന്നു ചി​കി​ത്സ​യി​ലാ​ണ്. എ​ട്ട് കീ​മോ ക​ഴി​ഞ്ഞു. ഈ ​സ​മ​യ​ത്തും മി​ണ്ടാ​പ്രാ​ണി​ക​ൾ​ക്കു​ള്ള ഭ​ക്ഷ​ണം മു​ട​ങ്ങി​യി​ട്ടി​ല്ല. നാ​യ്ക്ക​ളും കാ​ള​ക​ളു​മെ​ല്ലാം ദി​വാ​ക​ര​നോ​ട് ഇ​ണ​ക്ക​ത്തി​ലാ​ണ്. വീ​ട്ടു​മു​റ്റ​ത്തു പൂ​ന്തോ​ട്ട​വും പ​ച്ച​ക്ക​റി​ക്കൃ​ഷി​യു​മു​ണ്ട്. പ​ച്ച​ക്ക​റി​ക്കൃ​ഷി വി​പു​ല​മാ​ക്കാ​നും പ​ദ്ധ​തി​യു​ണ്ട്. ഭാ​ര്യ ഓ​മ​ന​യും മ​ക​ൾ ആ​തി​ര​യും പി​ന്തു​ണ​യു​മാ​യി കൂ​ടെ​യു​ണ്ടെ​ന്നു ദി​വാ​ക​ര​ൻ പ​റ​ഞ്ഞു.