കെ​ട്ടി​ട​നി​കു​തി വ​ർ​ധ​ന​: നിരക്കു നി​ശ്ച​യി​ച്ച് ചാ​ല​ക്കു​ടി ന​ഗ​ര​സ​ഭ
Sunday, June 4, 2023 8:10 AM IST
ചാ​ല​ക്കു​ടി: പു​തി​യ സ​ർ​ക്കാ​ർ ഉ​ത്ത​ര​വ് പ്ര​കാ​രം കെ​ട്ടി​ട​നി​കു​തി വ​ർ​ധ​ന​വ് വ​രു​ത്തു​ന്ന​ത് സം​ബ​ന്ധി​ച്ച് 300 ച​തു​ര​ശ്ര അ​ടി​യി​ൽ താ​ഴെ​യു​ള്ള വീ​ടു​ക​ൾ​ക്ക് ഏ​റ്റ​വും കു​റ​ഞ്ഞ നി​ര​ക്ക് നി​ശ്ച​യി​ക്കാ​ൻ ന​ഗ​ര​സ​ഭ യോ​ഗം തീ​രു​മാ​നി​ച്ചു. നി​ല​വി​ൽ 2016 മു​ത​ൽ വീ​ടു​ക​ൾ​ക്ക് ച​തു​ര​ശ്ര അ​ടി​ക്ക് 10 രൂ​പ​യാ​ണ് ന​ഗ​ര​സ​ഭ​യി​ലെ നി​ര​ക്ക്. ഇ​ത് 5% വ​ർ​ധ​ന​വ് സ​ർ​ക്കാ​ർ ഉ​ത്ത​ര​വി​ലു​ണ്ട്. പു​തി​യ വീ​ടു​ക​ൾ​ക്ക് 17 രൂ​പ വ​രെ​യാ​ക്കാം എ​ന്നാ​ണ് സ​ർ​ക്കാ​ർ ഉ​ത്ത​ര​വ്. എ​ന്നാ​ൽ ഇ​ത് 11 രൂ​പ​യാ​ക്കാ​ൻ കൗ​ണ്‍​സി​ൽ തീ​രു​മാ​നി​ച്ചു. 300 ച​തു​ര​ശ്ര അ​ടി​ക്ക് മു​ക​ളി​ലു​ള്ള വീ​ടു​ക​ൾ​ക്ക് 19 രൂ​പ വ​രെ​യാ​കാം എ​ന്ന​ത് 13 രൂ​പ​യാ​യി കൗ​ണ്‍​സി​ൽ നി​ശ്ച​യി​ച്ചു.

വാ​ണി​ജ്യ കെ​ട്ടി​ട​ങ്ങ​ൾ​ക്ക് 100 ച​തു​ര​ശ്ര അ​ടി വ​രെ 75 രൂ​പ​യും, ഇ​തി​നു മു​ക​ളി​ലു​ള്ള​വ​ക്ക് 95 രൂ​പ​യും നി​ര​ക്ക് നി​ശ്ച​യി​ച്ചു. വി​ദ്യാ​ഭ്യാ​സ സ്ഥാ​പ​ന​ങ്ങ​ൾ​ക്ക് 12 രൂ​പ, ആ​ശു​പ​ത്രി 25 രൂ​പ, ഓ​ഡി​റ്റോ​റി​യം, സി​നി​മാ തി​യ്യ​റ്റ​ർ 50 രൂ​പ, ഗോ​ഡൗ​ണ്‍ 60 രൂ​പ, 80 രൂ​പ, എ​ന്നി​വ​യാ​ണ് പു​തി​യ നി​ര​ക്ക്. കെ​ട്ടി​ട​ങ്ങ​ൾ​ക്ക് പെ​ർ​മി​റ്റ് ഫീ​സ് ഉ​ൾ​പ്പെ​ടെ വ​ലി​യ സാ​ന്പ​ത്തി​ക ഭാ​ര​മാ​ണ് സ​മീ​പ​കാ​ല​ത്ത് ജ​ന​ങ്ങ​ളു​ടെ മേ​ൽ സ​ർ​ക്കാ​ർ വ​രു​ത്തി​യി​രി​ക്കു​ന്ന​തെ​ന്നും, ഇ​തി​നാ​ൽ നി​കു​തി നി​ര​ക്ക് ഏ​റ്റ​വും കു​റ​വ് വ​രു​ത്ത​ണ​മെ​ന്നും യു​ഡി​എ​ഫ് ലീ​ഡ​ർ ഷി​ബു വാ​ല​പ്പ​ൻ നി​ർ​ദേ​ശി​ച്ചു. ഈ ​നി​ർ​ദേ​ശ​ത്തെ പി​ന്തു​ണ​യ്ക്കു​ന്ന​താ​യി എ​ൽ​ഡി​എ​ഫ് ലീ​ഡ​ർ സി.​എ​സ്. സു​രേ​ഷ് അ​റി​യി​ച്ചു.

ന​ഗ​ര​സ​ഭ വ​ൻ സാ​ന്പ​ത്തി​ക ബാ​ധ്യ​ത നേ​രി​ടു​ന്ന അ​വ​സ​ര​ത്തി​ലും, സാ​ധാ​ര​ണ ജ​ന​ങ്ങ​ളു​ടെ മേ​ൽ അ​ധി​ക​ഭാ​രം വ​രാ​തി​രി​ക്കാ​നാ​ണ് കൂ​ടു​ത​ൽ നി​കു​തി വ​ർ​ധ​ന​വ് വ​രു​ത്താ​ത്ത​തെ​ന്ന് ചെ​യ​ർ​മാ​ൻ എ​ബി ജോ​ർ​ജ് പ​റ​ഞ്ഞു. നി​ല​വി​ലു​ള്ള കെ​ട്ടി​ട​ങ്ങ​ളി​ലെ കൂ​ട്ടി​ച്ചേ​ർ​ത്ത ഏ​രി​യ​യെ സം​ബ​ന്ധി​ച്ച്, ഉ​ട​മ​സ്ഥ​ർ സ്വ​മേ​ധ​യ ന​ഗ​ര​സ​ഭ​യി​ൽ അ​റി​യി​പ്പ് ന​ൽ​കാ​നു​ള്ള സ​മ​യം ജൂ​ണ്‍ 30 വ​രെ നീ​ട്ടി​യ സ​ർ​ക്കാ​ർ ഉ​ത്ത​ര​വ് കൗ​ണ്‍​സി​ലി​നെ അ​റി​യി​ച്ചു.

ടൗ​ണി​ൽ പൊ​തു​ജ​ന​ങ്ങ​ൾ​ക്ക് ഏ​റെ ബു​ദ്ധി​മു​ട്ടു​ക​ൾ ഉ​ണ്ടാ​കും വി​ധം പ്ര​വ​ർ​ത്തി​ക്കു​ന്ന ബീ​വ​റേ​ജ​സ് ഔ​ട്ട്‌ലറ്റ് ഇ​വി​ടെ നി​ന്നും മാ​റ്റ​ണ​മെ​ന്ന കൗ​ണ്‍​സി​ലി​ന്‍റെ ആ​വ​ശ്യം അ​ധി​കൃ​ത​രെ വീ​ണ്ടും അ​റി​യി​ക്കാ​ൻ തീ​രു​മാ​നി​ച്ചു. നി​ല​വി​ൽ പ്ര​വ​ർ​ത്തി​ക്കു​ന്ന കെ​ട്ടി​ട​ത്തി​ന്‍റെ അ​ന​ധി​കൃ​ത നി​ർ​മാ​ണ​ങ്ങ​ൾ​ക്കെ​തി​രെ അ​ടി​യ​ന്തി​ര ന​ട​പ​ടി എ​ടു​ക്കാ​ൻ നി​ർ​ദേ​ശി​ച്ചു. ബീ​വ​റേ​ജ് ഔ​ട്ട്‌ലറ്റി​ന് ലൈ​സ​ൻ​സ് ന​ൽ​കാ​നു​ള്ള അ​ധി​കാ​രം ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ൾ​ക്ക് ല​ഭ്യ​മാ​യ സാ​ഹ​ച​ര്യ​ത്തി​ൽ, ഈ ​കെ​ട്ടി​ട​ത്തി​ന് ലൈ​സ​ൻ​സ് അ​നു​വ​ദി​ക്കേ​തി​ല്ലെ​ന്ന് തീ​രു​മാ​നി​ച്ചു. ചെ​യ​ർ​മാ​ൻ എ​ബി ജോ​ർ​ജ് അ​ധ്യ​ക്ഷ​ത വ​ഹി​ച്ചു.

Copyright @ 2022 , Rashtra Deepika Ltd.