പാ​ല​പ്പി​ള്ളി: തു​ട​ര്‍​ച്ച​യാ​യി മൂ​ന്നാം ദി​വ​സ​വും പാ​ല​പ്പി​ള്ളി തോ​ട്ട​ത്തി​ല്‍ പു​ലി​യി​റ​ങ്ങി. മാ​നും പ​ശു​ക്കു​ട്ടി​യും പു​ലി​യു​ടെ ആ​ക്ര​മ​ത്തി​ല്‍ കൊ​ല്ല​പ്പെ​ട്ടു.
കാ​രി​കു​ള​ത്ത് ഹാ​രി​സ​ണ്‍ മ​ല​യാ​ളം ക​മ്പ​നി​യു​ടെ ഓ​ഫീ​സി​നു സ​മീ​പ​ത്തെ റ​ബര്‍ തോ​ട്ട​ത്തി​ലാ​ണു മാ​നി​നെ ച​ത്ത​നി​ല​യി​ല്‍ ക​ണ്ട​ത്. ഇന്നലെ രാ​വി​ലെ ടാ​പ്പി​ംഗിനെ​ത്തി​യ തൊ​ഴി​ലാ​ളി​ക​ളാ​ണു വ​നം​വ​കു​പ്പ് അ​ധി​കൃ​ത​രെ വി​വ​ര​മ​റി​യി​ച്ച​ത്. ര​ണ്ടു ദി​വ​സ​ത്തി​ലേ​റെ പ​ഴ​ക്ക​മു​ള്ള ജ​ഡം അ​ഴു​കി​യ നി​ല​യി​ലാ​യി​രു​ന്നു. ജ​ഡം തോ​ട്ട​ത്തി​ല്‍ കു​ഴി​ച്ചി​ട്ടു. പു​ലി​യു​ടെ ആ​ക്ര​മ​ണ​ത്തി​ലാ​കാം മാ​ന്‍ ച​ത്ത​തെ​ന്ന നി​ഗ​മ​ന​ത്തി​ലാ​ണ് അ​ധി​കൃ​ത​ര്‍.
കു​ണ്ടാ​യി തോ​ട്ട​ത്തി​ലെ പാ​ല്‍ സം​ഭ​ര​ണ​കേ​ന്ദ്ര​ത്തി​നു സ​മീ​പ​മാണ് പ​ശു​ക്കു​ട്ടി​യെ ച​ത്തനി​ല​യി​ല്‍ ക​ണ്ട​ത്. ദി​വ​സ​ങ്ങ​ള്‍ മാ​ത്രം പ്രാ​യ​മാ​യ പ​ശു​ക്കു​ട്ടി​യു​ടെ ഉ​ട​മ​യാ​രാ​ണെ​ന്നു ക​ണ്ടെ​ത്താ​ന്‍ ക​ഴി​ഞ്ഞി​ല്ല. ടാ​പ്പി​ംഗിനെ​ത്തി​യ തൊ​ഴി​ലാ​ളി​ക​ളാ​ണു പ​ശു​ക്കു​ട്ടി​യെ ച​ത്ത നി​ല​യി​ല്‍ ക​ണ്ട​ത്. മേ​ഖ​ല​യി​ല്‍ ക​ഴി​ഞ്ഞ ദി​വ​സ​ങ്ങ​ളി​ല്‍ പു​ലി​യി​റ​ങ്ങി വ​ള​ര്‍​ത്തു​മൃ​ഗ​ങ്ങ​ളെ ആ​ക്ര​മി​ച്ചി​രു​ന്നു.
തു​ട​ര്‍​ച്ച​യാ​യി പു​ലി​യി​റ​ങ്ങി​യ​തോ​ടെ നാ​ട്ടു​കാ​ര്‍ ഭീ​തി​യി​ലാ​ണ്. ടാ​പ്പി​ംഗിനെ​ത്തു​ന്ന തൊ​ഴി​ലാ​ളി​ക​ളാ​ണ് ഏ​റെ​യും ദു​രി​ത​മ​നു​ഭ​വി​ക്കു​ന്ന​ത്. പു​ലി​യു​ടെ ആ​ക്ര​മ​ണം ഭ​യ​ന്നാ​ണു തൊ​ഴി​ലാ​ളി​ക​ള്‍ ടാ​പ്പി​ംഗിനി​റ​ങ്ങു​ന്ന​ത്. പ്ര​ദേ​ശ​ത്ത് പു​ലി ശ​ല്യം രൂ​ക്ഷ​മാ​യി​ട്ടും വ​നം​വ​കു​പ്പ് അ​ധി​കൃ​ത​ര്‍ ന​ട​പ​ടി​യെ​ടു​ക്കു​ന്നി​ല്ലെ​ന്നാ​ണു നാ​ട്ടു​കാ​രു​ടെ ആ​ക്ഷേ​പം.
തോ​ട്ട​ങ്ങ​ളി​ലും വ​ന​മേ​ഖ​ല​യോ​ടുചേ​ര്‍​ന്ന പ്ര​ദേ​ശ​ങ്ങ​ളി​ല്‍ ചെ​ന്നാ​യ്ക്ക​ള്‍ ഇ​റ​ങ്ങി​യ​താ​യും അ​ഭ്യൂ​ഹ​മു​ണ്ട്.