ചാ​വ​ക്കാ​ട്: തീ​ര​ത്ത് ഒ​രു പു​തു​വ​ർ​ഷം കൂ​ടി പി​റ​ക്കു​ക​യാ​ണ്. പ​ഴ​യ​കാ​ല​ത്ത് ക​ട​ലി​നേ​ക്കാ​ൾ ആ​ര​വ​ത്തി​ൽ ന​ട​ന്നി​രു​ന്ന പു​തു​വ​ർ​ഷ​വും മാ​റ്റിക്ക​യ​റ്റ​വും ഇ​ന്ന​ലെ പ​ക്ഷെ, ച​ട​ങ്ങ് മാ​ത്ര​മാ​ണ്. ഇ​ട​വം പ​തി​ന​ഞ്ച് മ​ത്സ്യ​ത്തൊ​ഴി​ലാ​ളി​ക​ളു​ടെ പു​തുവ​ർ​ഷ​മാ​ണ്. ഇ​ന്നാ​ണു മാ​റ്റിക്ക​യ​റ്റം.
തീ​ര​മേ​ഖ​ല​യി​ൽ ആ​ഘോ​ഷ​പൂ​ർ​വം ന​ട​ന്നി​രു​ന്ന മാ​റ്റി​ക്ക​യ​റ്റം എ​ന്ന ച​ട​ങ്ങ് മ​ത്സ്യത്തൊ​ഴി​ലാ​ളി​ക​ളു​ടെ കൈ​മാ​റ്റ​മാ​ണ്. നി​ല​വി​ലു​ള്ള വ​ഞ്ചി​ മു​ത​ലാ​ളി​യു​ടെ ക​ട​ങ്ങ​ൾ പു​തി​യ വ​ഞ്ചി​ മു​ത​ലാ​ളി കൊ​ടു​ത്തുതീ​ർ​ത്ത് തൊ​ഴി​ലാ​ളി​ക​ളെ ഏ​റ്റു​ടു​ക്കും. ക​ഴി​വും ത​ടി​മി​ടി​ക്കു​മു​ള്ള തൊ​ഴി​ലാ​ളി​ക​ളെ​യാ​ണ് ഏ​റ്റെ​ടു​ക്കു​ക. അ​ല്ലാ​ത്ത​വ​ർ പ​ഴ​യ മു​ത​ലാ​ളി​യു​ടെ കീ​ഴി​ൽ ത​ന്നെ.
ഓ​രോ തൊ​ഴി​ലാ​ളി​യും പ​ണി എ​ടു​ക്കു​ന്ന വ​ഞ്ചി മു​ത​ലാ​ളി​യി​ൽ നി​ന്ന് വ​റു​തി​യു​ടെ കാ​ല​ത്തും വി​വാ​ഹം, മ​ര​ണം, കു​ട്ടി​ക​ളു​ടെ പ​ഠ​നം, രോ​ഗ​ബാ​ധ തു​ട​ങ്ങി​യ ആ​വ​ശ്യ​ങ്ങ​ൾ​ക്കു പ​റ്റ് വാ​ങ്ങും. പി​ടി​ച്ചു​കൊ​ണ്ടു​വ​രു​ന്ന മീ​നി​നെ ക​ണ​ക്കാക്കി​യാ​ണു പ​ണ​ത്തി​ന്‍റെ ക​ടം വീ​ട്ട​ൽ. ഈ ​കൊ​ണ്ടു​ക്കൊ​ടു​ക്ക​ൽ വാ​ങ്ങ​ൽ ഇ​ട​പാ​ടി​നു രേ​ഖ​യി​ല്ല, ക​ട​ല​മ്മ​യാ​ണ് സ​ത്യം. ആ​വ​ശ്യ​ങ്ങ​ൾ ഒ​രോ​ന്നാ​യി വ​രും, തൊ​ഴി​ലാ​ളി എ​ന്നും ക​ട​ക്കാ​ര​ൻ ത​ന്നെ. ഇ​തി​ൽ നി​ന്നും മോ​ച​ന​മാ​ണ് മാ​റ്റിക്ക​യ​റ്റം.
പ​ഴ​യ മു​ത​ലാ​ളി​യു​ടെ പ​റ്റ് പു​തി​യ മു​ത​ലാ​ളി​യു​ടെ ക​ണ​ക്ക് പു​സ്ത​ക​ത്തി​ൽ ക​യ​റു​ക മാ​ത്ര​മ​ണ് മാ​റ്റം. തൊ​ഴി​ലാ​ളി എ​ന്നും ക​ട​ക്കാ​ര​ൻ ത​ന്നെ. പു​തി​യ വ​ഞ്ചി​യി​ൽ പ്ര​തീ​ക്ഷി​ക്കാ​തെ മീ​ൻ ക​യ​റി​യാ​ൽ തൊ​ഴി​ലാ​ളി​ക്കു ക​ട​ത്തി​ൽ നി​ന്നും മോ​ച​നം നേ​ടാം. പ​ര​ന്പ​രാ​ഗ​ത മ​ത്സ്യത്തൊ​ഴി​ലാ​ളി​ക​ൾ ധാ​ര​ാളം ഉ​ണ്ടാ​യി​രു​ന്ന കാ​ല​ത്താ​ണു മാ​റ്റിക്ക​യ​റ്റം ആ​ഘോ​ഷ​മാ​യി​രു​ന്ന​ത്.