എ​രു​മേ​ലി: ഒ​രു കു​ടും​ബ​ത്തി​ലെ മൂ​ന്നു പേ​ർ തീ​നാ​ള​ങ്ങ​ളി​ൽ അ​മ​ർ​ന്ന് വെ​ന്തു​മ​രി​ച്ച​തി​ന്‍റെ ന​ടു​ക്ക​ത്തി​ൽ ശ്രീ​നി​പു​ര​ത്തെ നാ​ട്ടു​കാ​ർ. അ​ച്ഛ​നും അ​മ്മ​യും ഏ​ക സ​ഹോ​ദ​രി​യും ക​ൺ​മു​മ്പി​ൽ തീ​പി​ടി​ച്ചു ക​ത്തു​മ്പോ​ൾ ഒ​പ്പം തീ​യി​ലും പു​ക​യി​ലും പെ​ട്ടു വീ​ടി​നു​ള്ളി​ൽ അ​പ​ക​ട​ത്തി​ലാ​യി​രു​ന്നു സ​ഹോ​ദ​ര​ൻ അ​ഖി​ലേ​ഷ് എ​ന്ന ഉ​ണ്ണി​ക്കു​ട്ട​ൻ. പ​രി​ക്കു​ക​ളോ​ടെ കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ക​ഴി​യു​ന്ന ഉ​ണ്ണി​ക്കു​ട്ട​ൻ വീ​ടി​നു തീ​പി​ടി​ക്കു​മ്പോ​ൾ ബാ​ത്ത്റൂ​മി​ലാ​യി​രു​ന്നു. സാ​ര​മാ​യി പ​രി​ക്കു​ക​ൾ ഉ​ണ്ടെ​ങ്കി​ലും ഉ​ണ്ണി​ക്കു​ട്ട​ന്‍റെ നി​ല ഗു​രു​ത​ര​മ​ല്ലെ​ന്നു ഡോ​ക്ട​ർ​മാ​ർ അ​റി​യി​ച്ചെ​ന്ന് ബ​ന്ധു​ക്ക​ൾ പ​റ​ഞ്ഞു.

ജൂ​ബി​ലി ലൈ​റ്റ് ആ​ൻ​ഡ് സൗ​ണ്ട്സ് ഉ​ട​മ ശ്രീ​നി​പു​രം പു​ത്ത​ൻ​പു​ര​ക്ക​ൽ സ​ത്യ​പാ​ല​ൻ, ഭാ​ര്യ സീ​ത​മ്മ, മ​ക​ൾ അ​ഞ്ജ​ലി എ​ന്നി​വ​രാ​ണ് ദാ​രു​ണ​മാ​യി മ​രി​ച്ച​ത്. ഇ​ന്ന​ലെ ഉ​ച്ച​യ്ക്ക് ഒ​ന്നോ​ടെ​യാ​യി​രു​ന്നു സം​ഭ​വം. ശ്രീ​നി​പു​രം ജു​മാ​മ​സ്ജി​ദി​ൽ നി​ന്നു ന​മ​സ്കാ​രം ക​ഴി​ഞ്ഞു റോ​ഡി​ലൂ​ടെ വ​രി​ക​യാ​യി​രു​ന്ന വി​ല​ങ്ങു​പാ​റ അ​ജ്മ​ലും സു​ഹൃ​ത്ത് ഷാ​ഫി‍​യു​മാ​ണ് തീ​ഗോ​ളം പോ​ലെ ഒ​രാ​ൾ റോ​ഡി​ലേ​ക്ക് ഓ​ടി​യെ​ത്തി വീ​ഴു​ന്ന​തു ക​ണ്ട് ഓ​ടി​ച്ചെ​ന്ന​ത്.

സ​മ​നി​ല വീ​ണ്ടെ​ടു​ത്ത ഇ​വ​രാ​ണ് ആ​ദ്യ ര​ക്ഷാ​പ്ര​വ​ർ​ത്ത​നം തു​ട​ങ്ങി​യ​ത്. അ​ഞ്ജ​ലി​യാ​ണ് തീ​ഗോ​ളം പോ​ലെ റോ​ഡി​ലേ​ക്ക് ഓ​ടി​യെ​ത്തി വീ​ണ​ത്. അ​ഞ്ജ​ലി​യെ ഉ​ട​നെ എ​രു​മേ​ലി സ​ർ​ക്കാ​ർ ആ​ശു​പ​ത്രി​യി​ൽ എ​ത്തി​ച്ചു. നാ​ട്ടു​കാ​ർ വെ​ള്ളം ഒ​ഴി​ച്ച് വീ​ടി​നു​ള്ളി​ലെ ക​ന​ത്ത തീ​യും പു​ക​യും അ​ണ​യ്ക്കാ​നു​ള്ള തീ​വ്ര ശ്ര​മ​ത്തി​ലാ​യി​രു​ന്നു. ഉ​ണ്ണി​ക്കു​ട്ട​ന് ഇ​തി​നി​ടെ​യാ​ണ് പു​റ​ത്തു ക​ട​ക്കാ​നാ​യ​ത്. തീ​യും പു​ക​യും ക​രി​ഞ്ഞ ഗ​ന്ധ​വും വൈ​ദ്യു​തി ഉ​പ​ക​ര​ണ​ങ്ങ​ൾ പൊ​ട്ടി​ത്തെ​റി​ക്കു​ന്ന ശ​ബ്ദ​ങ്ങ​ളും ഒ​ക്കെ ര​ക്ഷാ​പ്ര​വ​ർ​ത്ത​ന​ത്തെ അ​പ​ക​ട​ക​ര​മാ​ക്കി​യി​രു​ന്നു.

പോ​ലീ​സും ഫ​യ​ർ​ഫോ​ഴ്‌​സും എ​ത്തി​യ​തോ​ടെ​യാ​ണ് തീ ​പൂ​ർ​ണ​മാ​യും കെ​ടു​ത്താ​നാ​യ​ത്. വീ​ടി​നു​ള്ളി​ൽ വെ​ന്തു മ​രി​ച്ച നി​ല​യി​ലാ​യി​രു​ന്നു സീ​ത​മ്മ​യു​ടെ മൃ​ത​ദേ​ഹം. കോ​ട്ട​യം മെ​ഡി​ക്ക​ൽ കോ​ള​ജി​ൽ വെ​ന്‍റി​ലേ​റ്റ​റി​ൽ ചി​കി​ത്സ​യ്ക്കി​ടെ സ​ത്യ​പാ​ല​നും മ​ക​ളും വൈ​കു​ന്നേ​ര​ത്തോ​ടെ മ​രിച്ചു.
അ​ഞ്ജ​ലി​യു​ടെ പ്ര​ണ​യ​ത്തെ​ച്ചൊ​ല്ലി വീ​ട്ടി​ലു​ണ്ടാ​യ വ​ഴ​ക്കി​നി​ടെ​യാ​ണ് വീ​ട്ടി​ൽ തീ​പി​ടി​ത്തം ഉ​ണ്ടാ​യ​തെ​ന്ന് പോ​ലീ​സ് പ​റ​ഞ്ഞു.

മൈ​ക്ക് സി​സ്റ്റ​വും അ​നു​ബ​ന്ധ ഉ​പ​ക​ര​ണ​ങ്ങ​ളും വാ​ട​ക​യ്ക്ക് ന​ൽ​കി​യി​രു​ന്ന സ്ഥാ​പ​ന​മാ​ണ് സ​ത്യ​പാ​ല​ൻ ന​ട​ത്തി​യി​രു​ന്ന​ത്. ജ​ന​റേ​റ്റ​റും മ​റ്റും പ്ര​വ​ർ​ത്തി​പ്പി​ക്കി​ന്ന​തി​നാ​യി ക​രു​തി​യി​രു​ന്ന ഇ​ന്ധ​ന​മാ​ണ് സീ​ത​മ്മ ശ​രീ​ര​ത്തി​ൽ ഒ​ഴി​ച്ച​ത്. എ​രു​മേ​ലി സ്റ്റേ​ഷ​നി​ലെ എ​സ്ഐ ജി. ​രാ​ജേ​ഷ്, പോ​ലീ​സു​കാ​രാ​യ ബി​പി​ന്‍, രാ​ഹു​ല്‍, സ​ജീ​ഷ്, ജ​യ്‌​മോ​ന്‍ എ​ന്നി​വ​രു​ടെ നേ​തൃ​ത്വ​ത്തി​ല്‍ എ​രു​മേ​ലി പോ​ലീ​സും കാ​ഞ്ഞി​ര​പ്പ​ള്ളി​യി​ല്‍​നി​ന്നു ഫ​യ​ര്‍ ഫോ​ഴ്‌​സും നാ​ട്ടു​കാ​രും ചേ​ര്‍​ന്നാ​ണ് ര​ക്ഷാ​പ്ര​വ​ര്‍​ത്ത​നം ന​ട​ത്തി​യ​ത്.