ADVERTISEMENT

ADVERTISEMENT

വായ്പക്കാര്‍ക്കെതിരേ കോടതി വിധി

പുന്നത്തുറ: വായ്പ കുടിശികയായി തിരിച്ചടയ്ക്കാതെ ഹൈക്കോടതിയെ സമീപിച്ച വായ്പക്കാര്‍ക്കെതിരേ കോടതി വിധി. പുന്നത്തുറ സര്‍വീസ് സഹകാരണ ബാങ്കില്‍നിന്നു വായ്പയെടുത്ത് വര്‍ഷങ്ങളായി കുടിശിക വരുത്തിയ വായ്പക്കാരന്‍ ഹൈക്കോടതിയെ സമീപിച്ചു.

വായ്പയുടെ മുതലും പലിശയും കൂടി 18 തുല്യ തവണകളായി അടയ്ക്കാന്‍ വായ്പക്കാര്‍ക്കെതിരേ ഹൈക്കോടതി വിധിച്ചു. തവണകള്‍ മുടക്കം വരുത്താന്‍ പാടില്ലായെന്നു വിധിയില്‍ പരാമര്‍ശിച്ചു ബാങ്കിന് അനുകൂലമായി വിധിച്ചു.

ADVERTISEMENT

റേഷന്‍കടകളില്‍ ഭക്ഷ്യധാന്യങ്ങളെത്താന്‍ വൈകുന്നു; റേഷന്‍ വ്യാപാരികളുടെ ധര്‍ണ 21ന്

ചങ്ങനാശേരി: ഭക്ഷ്യധാന്യങ്ങള്‍ റേഷന്‍ കടകളിലെത്താന്‍ വൈകുന്നതിനെതിരേ റേഷന്‍ വ്യാപാരികള്‍ 21ന് 1.30ന് എകെആര്‍ആര്‍ഡിഎയുടെ നേതൃത്വത്തില്‍ എന്‍എഫ്‌എസ്എക്കു മുമ്പില്‍ ധര്‍ണ നടത്തും. താലൂക്ക് പ്രസിഡന്‍റ് രമേശ്കുമാര്‍ അധ്യക്ഷത വഹിക്കും. ജില്ലാ ഓര്‍ഗനൈസിംഗ് സെക്രട്ടറി മുരളീധരന്‍ ഉദ്ഘാടനം ചെയ്യും. സംഘടനാ വ്യത്യാസമില്ലാതെ മുഴുവന്‍ റേഷന്‍ വ്യാപാരികളും ധര്‍ണയില്‍ പങ്കെടുത്ത് ധര്‍ണ വിജയിപ്പിക്കണമെന്ന് സംഘടനാ നേതാക്കള്‍ അറിയിച്ചു. 18-ാം തീയതിയായിട്ടും ഈ മാസത്തെ ഭക്ഷ്യസാധനങ്ങള്‍ ചങ്ങനാശേരി താലൂക്കിലെ റേഷന്‍ കടകളില്‍ എത്തിച്ചേര്‍ന്നിട്ടില്ല. ഇതുമൂലം വിഷു, ഈസ്റ്റര്‍ ഉത്സവ സീസണുകളില്‍ ഉപഭോക്താക്കള്‍ക്ക് റേഷന്‍ വിതരണം നടത്താന്‍ സാധിച്ചില്ല. റേഷന്‍ വിതരണം യഥാസമയം നടത്താന്‍ കഴിയാത്തത് റേഷന്‍ വ്യാപാരികളെയും പ്രതിസന്ധിയിലാക്കിയിട്ടുണ്ട്. എന്‍എഫ്എസ്എ അധികൃതരുടെ മെല്ലെപ്പോക്കുനയം മൂലമാണ് റേഷന്‍ കടകളില്‍ സാധനസാമഗ്രികളെത്താന്‍ കാലതാമസം നേരിടുന്നതെന്നാണ് റേഷന്‍ വ്യാപാരികള്‍ ചൂണ്ടിക്കാട്ടുന്നത്.

വൈഎംസിഎ മണിമല മേഖലാ ഭാരവാഹികൾ

മണിമല: വൈഎംസിഎ മണിമല മേഖല ഭാരവാഹികളെ തെരഞ്ഞെടുത്തു. പി.ജെ. ജോസഫ് കുഞ്ഞ് പുളിമൂട്ടില്‍, കെ.സി. വര്‍ഗീസ് കൂനംകുന്നേല്‍, ഗിന്നസ് ഡോ. ബിനു കണ്ണന്താനം - രക്ഷാധികാരികള്‍, ജോസഫ് ആന്‍റണി ആലപ്പാട്ട് - പ്രസിഡന്‍റ്, ജെമി ഇളംതോട്ടം - വൈസ് പ്രസിഡന്‍റ്, ടോം ടി. സെബാസ്റ്റ്യന്‍ തുണ്ടിയില്‍ - സെക്രട്ടറി, ജോബി കൊല്ലാറ - ജോയിന്‍റ് സെക്രട്ടറി, ജോമോന്‍ തോമസ് വെച്ചുക്കിഴക്കേതില്‍ - ട്രഷറർ, ജോഷി തോമസ് കൊല്ലാറ, ബിന്ദു ടോമി തറയില്‍, ഫിലിപ്പ് പുതുമന - എക്സിക്യുട്ടീവ് മെംബർമാർ എന്നിവരെയാണ് തെരഞ്ഞെടുത്തത്.

കളപ്പുരയ്ക്കല്‍-ഏലംകുന്ന് റോഡ് നാടിനു സമര്‍പ്പിച്ചു

മാടപ്പള്ളി: മാടപ്പള്ളി പഞ്ചായത്തിലെ പതിനാലാം വാര്‍ഡിലെ കളപ്പുരയ്ക്കല്‍ - ഏലംകുന്ന് റോഡ് നിര്‍മാണം പൂര്‍ത്തിയാക്കി. ജോബ് മൈക്കിള്‍ എംഎല്‍എയുടെ ആസ്തി വികസന ഫണ്ടില്‍നിന്ന് 14.65 ലക്ഷം രൂപ മുടക്കിയാണ് റോഡ് നിര്‍മിച്ചത്. യോഗത്തില്‍ മുന്‍ ബ്ലോക്ക് പഞ്ചായത്ത് പ്രസിഡന്‍റ് അലക്‌സാണ്ടര്‍ പ്രാക്കുഴി, ബ്ലോക്ക് മെമ്പര്‍ ബിന്ദു ജോസഫ്, പഞ്ചായത്തംഗങ്ങളായ ബാബു പാറയില്‍, വി. വിനയകുമാര്‍ എന്നിവര്‍ പ്രസംഗിച്ചു.

ചേലച്ചിറ പഴമയിൽ റോഡിന്‍റെ നവീകരണ പ്രവര്‍ത്തനങ്ങള്‍ പൂര്‍ത്തിയായി

കുറിച്ചി: കുറിച്ചി പഞ്ചായത്തിലെ ചേലച്ചിറ പഴമയില്‍ റോഡിന്‍റെ നവീകരണ പ്രവര്‍ത്തനങ്ങള്‍ പൂര്‍ത്തിയായി. ജോബ് മൈക്കിള്‍ എംഎല്‍എ ഉദ്ഘാടനം നിര്‍വഹിച്ചു. എംഎല്‍എയുടെ ആസ്തി വികസന ഫണ്ടില്‍നിന്നു തുക കണ്ടെത്തിയാണ് റോഡ് പണി പൂര്‍ത്തിയാക്കിയത്. കുറിച്ചി പഞ്ചായത്ത് പ്രസിഡന്‍റ് സുജാത സുശീലന്‍ അധ്യക്ഷത വഹിച്ചു. പഞ്ചായത്തംഗം പ്രശാന്ത് മനന്താനം, രാഷ്‌ട്രീയ കക്ഷി നേതാക്കന്മാര്‍ പ്രദേശവാസികള്‍ തുടങ്ങിയവര്‍ സംബന്ധിച്ചു.

സില്‍വര്‍ ലൈന്‍ വിരുദ്ധ സത്യഗ്രഹം മാടപ്പള്ളി സമരം നാലാം വര്‍ഷത്തിലേക്ക്; സമരസംഗമം 21ന്

മാടപ്പള്ളി: സില്‍വര്‍ ലൈന്‍ പദ്ധതി പിന്‍വലിച്ച് ഉത്തരവിറക്കുക, സമരക്കാര്‍ക്കെതിരേ എടുത്തിട്ടുളള വ്യാജക്കേസുകള്‍ പിന്‍വലിക്കുക തുടങ്ങിയ ആവശ്യങ്ങള്‍ ഉന്നയിച്ച് സില്‍വര്‍ ലൈന്‍ വിരുദ്ധ ജനകീയ സമിതി കോട്ടയം ജില്ല കമ്മിറ്റി മാടപ്പള്ളിയില്‍ നടത്തിവരുന്ന സത്യഗ്രഹസമരം നാലാം വര്‍ഷത്തിലേക്ക്. 21ന് രാവിലെ 10ന് മാടപ്പള്ളി സമരപ്പന്തലില്‍ സമരസംഗമം രാഷ്‌ട്രീയ നിരീക്ഷികന്‍ അഡ്വ. പ്രമോദ് പുഴങ്കര ഉദ്ഘാടനം ചെയ്യും. സമരസമിതി ജില്ലാ ചെയര്‍മാന്‍ ബാബു കുട്ടന്‍ചിറ അധ്യക്ഷത വഹിക്കും. 2022 മാര്‍ച്ച് 17ന് മാടപ്പള്ളി റീത്തുപളളി ജംഗ്ഷനില്‍ സില്‍വര്‍ലൈന്‍ പ്രതിഷേധക്കാരെ പോലീസ് ക്രൂരമായി മര്‍ദിക്കുകയും സ്ത്രീകളെയടക്കം റോഡിലൂടെ വലിച്ചിഴയ്ക്കുകയും ചെയ്ത സ്ഥലത്താണ് 2022 ഏപ്രില്‍ 20ന് സ്ഥിരം സമരപ്പന്തല്‍ കെട്ടി സമരം തുടങ്ങിയത്. രാഷ്‌ട്രീയ, സാമൂഹിക, സാംസ്‌കാരിക, പരിസ്ഥിതി മേഖലകളില്‍പെട്ട 99 സംഘടനകള്‍ സമരപ്പന്തലില്‍ സത്യഗ്രഹസമരം നടത്തി. പദ്ധതിയുടെ സാമൂഹികാഘാത പഠനത്തിനുവേണ്ടി 2021 ഓഗസ്റ്റ് 18നും ഒക്‌ടോബര്‍ 30നും സ്ഥലത്തിന്‍റെ സര്‍വേ നമ്പരുകളും ബ്ലോക്കു നമ്പരും ഉള്‍പ്പെടുത്തി ഇറക്കിയ ഉത്തരവു പിന്‍വലിച്ചു ഭൂവുടമകള്‍ക്ക് സ്ഥലം ക്രയവിക്രയം നടത്തുന്നതിനും ബാങ്ക് ലോണ്‍ ലഭിക്കുന്നതിനും അവസരം ഒരുക്കണമെന്നും കേരള ജനത തള്ളിക്കളഞ്ഞ സില്‍വര്‍ലൈന്‍ പദ്ധതി സര്‍ക്കാര്‍ ഉപേക്ഷിക്കണമെന്നും സമരസമിതി ജില്ലാ ചെയര്‍മാന്‍ ബാബു കുട്ടന്‍ചിറ ആവശ്യപ്പെട്ടു.

പെസഹ ആചരണത്തിലൂടെ ഈശോ കാട്ടിത്തന്നത് യഥാര്‍ഥ ക്രൈസ്തവസാക്ഷ്യം: മാര്‍ തോമസ് തറയില്‍

ചങ്ങനാശേരി: ശിഷ്യന്മാരുടെ പാദങ്ങള്‍ കഴുകി തിരുവത്താഴം വിളമ്പിയതിലൂടെ വിനയത്തിന്‍റെയും യഥാര്‍ഥ ക്രൈസ്തവ ജീവിതത്തിന്‍റെയും മാതൃകയാണ് ഈശോ കാട്ടിയതെന്ന് ആര്‍ച്ച്ബിഷപ് മാര്‍ തോമസ് തറയില്‍. ചങ്ങനാശേരി സെന്‍റ് മേരീസ് മെത്രാപ്പോലീത്തന്‍പള്ളിയില്‍ പെസഹാ ശുശ്രൂഷാമധ്യേ സന്ദേശം നല്‍കുകയായിരുന്നു ആര്‍ച്ച്ബിഷപ്. അടിമത്തത്തില്‍നിന്നും പാപത്തില്‍നിന്നുമുള്ള വിമോചനമാണ് പെസഹ ഓര്‍മിപ്പിക്കുന്നത്. പെസഹാദിനത്തില്‍ എല്ലാ വൈദികരെയും ഓര്‍ക്കുന്നതിെനാപ്പം പൗരോഹിത്യമെന്ന മഹത്തായ ശുശ്രൂഷയുടെ പവിത്രത സ്മരിക്കാനുള്ള അവസരവുമാണ്. പാപങ്ങളുടെ മോചനവും ആത്മാക്കളുടെ രക്ഷയുമാണ് പെസഹാ ഉടമ്പടിയിലൂടെ ഈശോ ലോകത്തിനു സമ്മാനിച്ചതെന്നും ദൈവവും മനുഷ്യനും തമ്മിലുള്ള ബന്ധത്തിന്‍റെ അടയാളപ്പെടുത്തലാണ് ഉടമ്പടിയുടെ കാതലെന്നും ആര്‍ച്ച്ബിഷപ് പറഞ്ഞു. മുതലെടുപ്പിനുവേണ്ടി രാഷ്‌ട്രീയ മൂല്യങ്ങള്‍ നഷ്ടപ്പെടുത്തി മനുഷ്യരെയും സമുദായങ്ങളെയും എതിര്‍ചേരിയിലാക്കാനും യുദ്ധസമാനമായ സാഹചര്യം സൃഷ്ടിക്കാനും വെമ്പല്‍കൊള്ളുന്ന ഈ കാലഘട്ടത്തില്‍ ക്രൈസ്തവര്‍ ആത്മീയമായ ബോധ്യങ്ങളില്‍ ആഴപ്പെട്ട് വിശ്വാസത്തിലധിഷ്ഠിതമായി ജീവിക്കാന്‍ പ്രതിജ്ഞാബദ്ധരാകണമെന്നും മാര്‍ തോമസ് തറയില്‍ ഉദ്‌ബോധിപ്പിച്ചു.

പ്രതിഷേധജ്വാല തെളിച്ചു

കടുത്തുരുത്തി: ഇന്ത്യയില്‍ വര്‍ധിച്ചുവരുന്ന ക്രിസ്തീയ പീഡനങ്ങളില്‍ പ്രതിക്ഷേധിച്ച് കോണ്‍ഗ്രസിന്‍റെ നേതൃത്വത്തില്‍ പ്രതിഷേധ ജ്വാല തെളിച്ചു. ജബല്‍പൂരിലും ഒഡീഷയിലും ഛത്തീസ്ഗഡിലും ഡല്‍ഹിയിലും ബംഗാളിലും നടന്ന, ക്രിസ്തീയ മിഷനറിമാര്‍ക്കും സഭാംഗങ്ങള്‍ക്കുമെതിരേയുള്ള പീഡനങ്ങളില്‍ പ്രതിഷേധിച്ചാണ് കടുത്തുരുത്തി കോണ്‍ഗ്രസ് ബ്ലോക്ക് കമ്മിറ്റിയുടെ നേതൃത്വത്തിൽ പരിപാടി സഘടിപ്പിച്ചത്. കടുത്തുരുത്തി ഓപ്പണ്‍ സ്റ്റേജില്‍ നടന്ന പരിപാടി കെപിസിസി വക്താവ് സന്ദീപ് വാര്യര്‍ ഉദ്ഘാടനം ചെയ്തു. ബിജെപി, ആര്‍എസ്എസ് സംഘപരിവാറിന്‍റെ സംഘടിത ആക്രമണങ്ങളാണ് ഇപ്പോള്‍ നടന്നുകൊണ്ടിരിക്കുന്നതെന്ന് സന്ദീപ് വാര്യര്‍ പറഞ്ഞു. ബ്ലോക്ക് പ്രസിഡന്‍റ് ജയിംസ് പുല്ലാപ്പള്ളി അധ്യക്ഷത വഹിച്ച യോഗത്തില്‍ ടോമി കല്ലാനി മുഖ്യപ്രഭാഷണം നടത്തി, ടോമി പ്രാലടി, സി.കെ. ശശി, മധു ഏബ്രഹാം, സുബിന്‍ മാത്യു, എം.കെ. ഇന്ദുചൂഡന്‍, കുര്യാക്കോസ് വടക്കേഓലിത്തടം, ടോമി പൊട്ടുംകുഴി ടോമി കലമറ്റം ബാബുമറ്റക്കോടന്‍, ടി.പി. രാജു, ശരത് ശശി ജെറി കണിയാംപറമ്പില്‍ പി.എം. ജോസഫ്, ജോര്‍ജ് തറപ്പേല്‍, തോമസ് അരൂക്കുഴുപ്പില്‍ തുടങ്ങിയവര്‍ പ്രസംഗിച്ചു.

സംസ്ഥാന കണ്‍വന്‍ഷന്‍

കോട്ടയം: അഖിലേന്ത്യാ സമാധാന ഐക്യദാര്‍ഢ്യസമിതി (ഐപ്സോ) സംസ്ഥാന കണ്‍വന്‍ഷനും വൈക്കം സത്യഗ്രഹ ശതാബ്ദി ആഘോഷവും നാളെ ഇണ്ടംതുരുത്തിമന ഹാളില്‍ നടക്കും. സിപിഎം ദേശീയ ജനറല്‍ സെക്രട്ടറി എം.എ. ബേബി ഉദ്ഘാടനം ചെയ്യും. ഐപ്‌സോ സംസ്ഥാന ജനറല്‍ സെക്രട്ടറി വി.ബി. ബിനു അധ്യക്ഷതവഹിക്കും. മുല്ലക്കര രത്‌നാകരന്‍ വിഷയാവതരണം നടത്തും. തിരുവഞ്ചൂര്‍ രാധാകൃഷ്ണന്‍ എംഎല്‍എ മുഖ്യപ്രഭാഷണം നടത്തും. സി.കെ. ആശ എംഎല്‍എ, ഐസോ ദേശീയ വൈസ് പ്രസിഡന്‍റ് കെ. അനില്‍കുമാര്‍, ഐപ്‌സോ സംസ്ഥാന ഭാരവാഹികളായ സി.പി. നാരായണന്‍, ഡോ. പി.കെ. ജനാര്‍ദനക്കുറുപ്പ്, ഇ. വേലായുധന്‍, എം.എ. ഫ്രാന്‍സിസ്, സി.ആര്‍. ജോസ്പ്രകാശ്, ബൈജു വയലത്ത്, ഡോ. സി. ഉദയകല, ബാബു ജോസഫ്, കെ.ആര്‍. ശ്രീനിവാസന്‍, സ്വാഗതസംഘം ചെയര്‍മാന്‍ കെ. സെല്‍വരാജ്, കണ്‍വീനര്‍ ചന്ദ്രബാബു എടാടന്‍ തുടങ്ങിയവര്‍ പ്രസംഗിക്കും. പത്രസമ്മേളനത്തില്‍ വി.ബി. ബിനു, കെ. അനില്‍കുമാര്‍, ബൈജു വയലത്ത്, ബാബു ജോസഫ്, കെ.ആര്‍. ശ്രീനിവാസന്‍ എന്നിവര്‍ പങ്കെടുത്തു.

ദുഃഖവെള്ളിയോടനുബന്ധിച്ചുള്ള നീന്തുനേർച്ച

കടുത്തുരുത്തി: സെന്‍റ് മേരിസ് ക്നാനായ കത്തോലിക്ക വലിയ പള്ളിയിൽ ഇന്നു നീന്തുനേർച്ച നടക്കും. ദുഃഖവെള്ളിയാഴ്ച പള്ളിയിലെ പീഡാനുഭവ തിരുക്കർമങ്ങളും കുരിശിന്‍റെവഴി പ്രാർഥനയും കഴിഞ്ഞു പള്ളിയുടെ പ്രധാന കവാടം മുതൽ ആരംഭിച്ച് മുന്നൂറിലതികം അടികൾ മുട്ടിൽ നീന്തി കൽക്കുരിശിങ്കലാണ് അവസാനിക്കുന്നത്. മുട്ടിൽ നീന്തുന്ന സ്ഥലം കാർപ്പെറ്റിട്ട്‌ തീർഥാടകർക്കാ‍യി ക്രമീകരിച്ചിട്ടുണ്ട്.

ദുഃഖവെള്ളി പരിഹാരപ്രദക്ഷിണം

വൈക്കം: വൈക്കം ഫൊറോനയിലെ വിവിധ ഇടവകകളുടെ നേതൃത്വത്തിൻ ഇന്നു വൈകുന്നേരം 5.15ന് വൈക്കം വെൽഫെയർ സെന്‍ററിലേക്ക് ദുഃഖവെള്ളി പരിഹാര പ്രദക്ഷിണം നടത്തും. വൈക്കം ഫൊറോന, വല്ലകം, നടേൽ, ഉദയനാപുരം, ടിവി പുരം, തോട്ടകം, ചെമ്മനത്തുകര, കൊട്ടാരപ്പള്ളി, ഓർശലേം, ജോസ്പുരം, അമലാപുരി ഇടവകകളാണ് പരിഹാര പ്രദക്ഷിണത്തിൽ പങ്കെടുക്കുന്നത്. വൈക്കം വെൽഫെയർ സെന്‍ററിൽ പരിഹാര പ്രദക്ഷിണം സംഗമിക്കും. തുടർന്ന് ഫാ. ഏബ്രഹാം ഓലിയപ്പുറം പീഡാനുഭവ സന്ദേശം നൽകും. തുടർന്ന് കബറടക്കശുശ്രൂഷയുടെ ദൃശ്യാവിഷ്കാരം. വൈക്കം ഫൊറോന വികാരി റവ.ഡോ. ബർക്കുമാൻസ് കൊടയ്ക്കൽ, നടേൽ പള്ളി വികാരി ഫാ. സെബാസ്റ്റ്യൻ നാഴിയമ്പാറ, ജനറൽ കൺവീനർ മാത്യു ജോസഫ് കോടാലിച്ചിറ തുടങ്ങിയവർ നേതൃത്വം നൽകും.

പള്ളികളിൽ പെസഹാ ആചരണം ഭക്തിനിർഭരമായി

വൈക്കം: ക്രിസ്തുദേവൻ കുരിശു മരണത്തിനു മുമ്പ് ശിഷ്യർക്കൊപ്പം അന്ത്യഅത്താഴം കഴിച്ചതിന്‍റെ സ്മരണയിൽ ക്രൈസ്തവർ ഇന്നലെ പെസഹ ആചരിച്ചു. ഇന്നും നാളെയും വിശ്വാസികൾ യേശുവിന്‍റെ പീഡാനുഭവം, മരണം, ഉയിർത്തെഴുന്നേൽപ്പ് എന്നിവ സ്മരിച്ച് പ്രാർഥനാനിരതരാകും. ശിഷ്യന്മാരുടെ കാലുകൾ കഴുകിയ ക്രിസ്തുവിന്‍റെ ത്യാഗത്തെ അനുസ്മരിച്ച് ദേവാലയങ്ങളിൽ ഇന്നലെ പ്രത്യേക പ്രാർഥനകളും കാൽകഴുകൽ ശുശ്രൂഷയും നടന്നു. ദേവാലയങ്ങളിലും വീടുകളിലും വൈകുന്നേരം അപ്പം മുറിക്കലും നടത്തി. വൈക്കം സെന്‍റ് ജോസഫ് ഫൊറോന പള്ളിയിൽ വികാരി റവ.ഡോ. ബർക്കുമാൻസ് കൊടയ്ക്കൽ തിരുക്കർമങ്ങൾക്ക് കാർമികത്വം വഹിച്ചു. സഹവികാരി ഫാ. ജിഫിൻ മാവേലി സഹകാർമികത്വം വഹിച്ചു. ടൗൺ നടേൽ ലിറ്റിൽ ഫ്ലവർ പള്ളിയിൽ വികാരി ഫാ. സെബാസ്റ്റ്യൻ നാഴിയാമ്പാറ, കുടവെച്ചൂർ സെന്‍റ് മേരീസ് പള്ളിയിൽ ഫാ. പോൾ ആത്തപ്പള്ളി, തലയോലപ്പറമ്പി സെന്‍റ് ജോർജ് പള്ളിയിൽ റവ. ഡോ.ബെന്നി മാരാംപറമ്പിൽ, ചെമ്പ് സെന്‍റ് തോമസ് കത്തോലിക്ക പള്ളിയിൽ ഫാ. ഹോർമിസ് തോട്ടക്കര, ചെമ്മനാകരി സെന്‍റ് മേരീസ് മേരിലാൻഡ് പള്ളിയിൽ ഫാ. ഷൈജു ആട്ടോക്കാരൻ, ഉദയനാപുരം സെന്‍റ് ജോസഫ് പള്ളിയിൽ ഫാ. ജോഷി ചിറയ്ക്കൽ, ഉദയനാപുരം ഓർശലേം മേരി ഇമ്മാക്കുലേറ്റ് പള്ളിയിൽ ഫാ. സെബാസ്റ്റ്യൻ മനയ്ക്കപ്പറമ്പിൽ, മേവെള്ളൂർ മേരി ഇമ്മാക്കുലേറ്റ് പള്ളിയിൽ ഫാ. അലക്സ് മേക്കാംതുരുത്തിൽ, കലയക്കുംകുന്ന് സെന്‍റ് ആന്‍റണീസ് പള്ളിയിൽ ഫാ. പോൾ കോട്ടയ്ക്കൽ, വടയാർ ഇൻഫന്‍റ് ജീസസ് പള്ളിയിൽ ഫാ. സെബാസ്റ്റ്യൻ ചണ്ണാപ്പള്ളി, വല്ലകം സെന്‍റ് മേരീസ് പള്ളിയിൽ ഫാ. ടോണി കോട്ടയ്ക്കൽ, തോട്ടകം സെന്‍റ് ഗ്രിഗോറിയസ് പള്ളിയിൽ ഫാ. വർഗീസ് മേനാച്ചേരിൽ, ഉല്ലല ലിറ്റിൽ ഫ്ലവർ പള്ളിയിൽ ഫാ. വിൻസന്‍റ് പറമ്പിത്തറ, കൊതവറ സെന്‍റ് സേവ്യേഴ്‌സ് പള്ളി‍യിൽ ഫാ. സെബാസ്റ്റ്യൻ കോന്നുപറമ്പ്, ഇടയാഴം സെന്‍റ് ജോസഫ് പള്ളിയിൽ ഫാ. ഏലിയാസ് ചക്യത്ത്, അച്ചിനകം സെന്‍റ് ആന്‍റണീസ് പള്ളിയിൽ ഫാ. ജയ്‌സൺ കൊളുത്തുവെള്ളിൽ, കൊട്ടാരപ്പള്ളി സെന്‍റ് സെബാസ്റ്റ്യൻ പള്ളിയിൽ ഫാ.സിബിൻ പെരിയപ്പാടൻ, ചെമ്മനത്തുകര സെന്‍റ് ആന്‍റണീസ് പള്ളിയിൽ ഫാ. ജിനു പള്ളിപ്പാട്ട്, ടിവി പുരം തിരുഹൃദയ പള്ളിയിൽ ഫാ. നിക്കോളാവേസ് പുന്നയ്ക്കൽ എന്നിവർ തിരുക്കർമങ്ങൾക്കു കാർമികത്വം വഹിച്ചു. തലയോലപ്പറമ്പ് സെന്‍റ് ജോർജ് പള്ളിയിൽ നടന്ന പെസഹ കാൽകഴുകൽ ശുശ്രുഷയ്ക്ക് ഇടവക വികാരി റവ.ഡോ. ബെന്നി ജോൺ മാരാംപറമ്പിൽ കാർമികത്വം വഹിച്ചു. സഹവികാരി ഫാ. ഫ്രെഡ്‌ഡി കോട്ടൂർ സഹ കാർമികത്വം വഹിച്ചു.

സംസ്ഥാന കണ്‍വന്‍ഷനും വൈക്കം സത്യഗ്രഹ ശതാബ്ദി ആഘോഷവും

കോട്ടയം: അഖിലേന്ത്യ സമാധാന ഐക്യദാര്‍ഢ്യസമിതി (ഐപ്സോ) സംസ്ഥാന കണ്‍വന്‍ഷനും വൈക്കം സത്യഗ്രഹ ശതാബ്ദി ആഘോഷവും 19നു ഇണ്ടംതുരുത്തിമന ഹാളില്‍ നടക്കും. സിപിഎം ദേശീയ ജനറല്‍ സെക്രട്ടറി എം.എ. ബേബി ഉദ്ഘാടനം ചെയ്യും. ഐപ്‌സോ സംസ്ഥാന ജനറല്‍ സെക്രട്ടറി വി.ബി. ബിനു അധ്യക്ഷത വഹിക്കും. മുല്ലക്കര രത്‌നാകരന്‍ വിഷയാവതരണം നടത്തും. തിരുവഞ്ചൂര്‍ രാധാകൃഷ്ണന്‍ എംഎല്‍എ മുഖ്യപ്രഭാഷണം നടത്തും. സി.കെ. ആശ എംഎല്‍എ, ഐസോ ദേശീയ വൈസ് പ്രസിഡന്‍റ് കെ. അനില്‍കുമാര്‍, ഐപ്‌സോ സംസ്ഥാന ഭാരവാഹികളായ സി.പി. നാരായണന്‍, ഡോ. പി.കെ. ജനാര്‍ദ്ദനക്കുറുപ്പ്, ഇ. വേലായുധന്‍, എം.എ. ഫ്രാന്‍സിസ്, സി.ആര്‍. ജോസ്പ്രകാശ്, ബൈജു വയലത്ത്, ഡോ. സി. ഉദയകല, ബാബു ജോസഫ്, കെ.ആര്‍. ശ്രീനിവാസന്‍, സ്വാഗതസംഘം ചെയര്‍മാന്‍ കെ. ശെല്‍വരാജ്, കണ്‍വീനര്‍ ചന്ദ്രബാബു എടാടന്‍ തുടങ്ങിയവര്‍ പ്രസംഗിക്കും. പത്രസമ്മേളനത്തില്‍ വി.ബി. ബിനു, കെ. അനില്‍കുമാര്‍, ബൈജു വയലത്ത്, ബാബു ജോസഫ്, കെ.ആര്‍. ശ്രീനിവാസന്‍ എന്നിവര്‍ പങ്കെടുത്തു.

മിനിമാസ്റ്റ് ലൈറ്റുകളുടെ സ്വിച്ച്ഓൺ

കൂരോപ്പട: ജില്ലാ പഞ്ചായത്ത് കൂരോപ്പട പഞ്ചായത്തിലെ ഇടയ്ക്കാട്ടുകുന്ന്, കണ്ടൻങ്കാവ്, പറപ്പാട്ട് പടി, മറ്റപ്പള്ളി, പുതുവയൽ എന്നീ പ്രദേശങ്ങളിൽ സ്ഥാപിച്ച മിനിമാസ്റ്റ് ലൈറ്റുകളുടെ സ്വിച്ച് ഓൺ കർമം ജില്ലാ പഞ്ചായത്തംഗം രാധാ വി. നായർ നിർവഹിച്ചു. രാധാ വി. നായരുടെ ഫണ്ടിൽനിന്ന് നൽകിയ ആറു ലക്ഷം രൂപാ ഉപയോഗിച്ചാണ് ലൈറ്റുകൾ സ്ഥാപിച്ചത്. ഇടയ്ക്കാട്ടുകുന്ന് പള്ളി ജംഗ്ഷനിൽ നടന്ന സമ്മേളനത്തിൽ പഞ്ചായത്തംഗം അനിൽ കൂരോപ്പട അധ്യക്ഷത വഹിച്ചു. സെന്‍റ് ജോൺസ് ഓർത്തഡോക്സ് പള്ളി വികാരി ഫാ. അലക്സ്‌ തോമസ് നാഴൂരിമറ്റത്തിൽ അനുഗ്രഹ പ്രഭാഷണം നടത്തി. പഞ്ചായത്തംഗം സന്ധ്യാ സുരേഷ്, ഫാ. അലക്സാണ്ടർ, എം.പി. അന്ത്രയോസ്, ജെസി സഖറിയ, പി.എസ്. മാത്യു ഉറുമ്പിൽ, റോയി നാലുപ്ലാക്കൽ, പി. ഗോപകുമാർ, ആലിച്ചൻ ഏബ്രഹാം തുടങ്ങിയവർ പ്രസംഗിച്ചു. തുടർന്ന് കണ്ടൻങ്കാവ്, പറപ്പാട്ട് പടി, മറ്റപ്പള്ളി തുടങ്ങിയ പ്രദേശങ്ങളിലും ജില്ലാ പഞ്ചായത്തംഗം രാധാ വി. നായർ സ്വിച്ച് ഓൺ കർമ്മം നിർവഹിച്ച് ലൈറ്റുകൾ പ്രകാശിപ്പിച്ചു. സമ്മേളനങ്ങളിൽ പഞ്ചായത്തംഗങ്ങളായ സന്ധ്യാ ജി. നായർ, സോജി ജോസഫ്, ഹരി ചാമക്കാലാ, മനോജ് പി. നായർ, ബിജു ജോസഫ്, ഡി. ജയപാൽ, സന്തോഷ് കല്ലൂർ, സണ്ണി വയലുങ്കൽ, ബിജു ഉള്ളാട്ടിൽ, ഫിലിപ്പ് എം. തുടങ്ങിയവർ പങ്കെടുത്തു.

കാര്‍ ബസിലും ബൈക്കിലും ഇടിച്ച് നാലു പേര്‍ക്കു പരിക്ക്

നീര്‍പ്പാറ: നിയന്ത്രണംവിട്ട കാര്‍ അന്തര്‍സംസ്ഥാന ബസിലും ബൈക്കിലും ഇടിച്ചുണ്ടായ അപകടത്തില്‍ കാര്‍ യാത്രികരായ ദമ്പതികള്‍ ഉള്‍പ്പെടെ നാലു പേര്‍ക്കു പരിക്ക്. കാറില്‍ യാത്ര ചെയ്തിരുന്ന നീണ്ടൂര്‍ പ്രാവട്ടം സ്വദേശി ഇടുക്കി എആര്‍ ക്യാമ്പിലെ ഗ്രേഡ് എസ്‌ഐ ബിജു (53), ഭാര്യ റാണി (50), ബസ് ഡ്രൈവര്‍ മഹേഷ് (40), ബൈക്ക് യാത്രികന്‍ മാഞ്ഞൂര്‍ ചാമക്കാല പ്ലാപ്പറമ്പില്‍ സിബിന്‍ ചാക്കോ (29) എന്നിവര്‍ക്കാണ് പരിക്കേറ്റത്. പരിക്കേറ്റവരെ പൊതിയിലെ ആശുപത്രിയില്‍ പ്രവേശിപ്പിച്ചശേഷം വിദഗ്ധ ചികിത്സയ്ക്കായി പിന്നീട് തെള്ളകത്തെ ആശുപത്രി, മെഡിക്കല്‍ കോളജ് എന്നിവിടങ്ങളിലേക്ക് മാറ്റി. ഇടിയുടെ ആഘാതത്തില്‍ കാറിന്‍റെയും ബസിന്‍റെയും മുന്‍വശം പൂര്‍ണമായി തകര്‍ന്നു. തലയോലപ്പറമ്പ്-എറണാകുളം റോഡില്‍ നീര്‍പ്പാറ അസീസ് മൗണ്ടിനു സമീപം കലുങ്കു ജംഗ്ഷനില്‍ ഇന്നലെ രാവിലെ പതിനൊന്നിനാണ് അപകടം. പാലക്കാട്ടുനിന്ന് ഏറ്റുമാനൂര്‍ നീണ്ടൂരിലേക്കു വരികയായിരുന്ന മഹീന്ദ്ര എസ്‌യുവി കാര്‍ അന്തര്‍സംസ്ഥാന ടൂറിസ്റ്റ് ബസിലും ബൈക്കിലും കൂട്ടിയിടിച്ചാണ് അപകടമുണ്ടായത്. കാര്‍ ബൈക്കിനെ മറികടന്നു വരുന്നതിനിടെ എതിര്‍ദിശയില്‍നിന്നു വന്ന ബസിലിടിച്ചശേഷം വെട്ടിത്തിരിഞ്ഞ് കാര്‍ പിന്നാലെയെത്തിയ ബൈക്കിലും ഇടിക്കുകയായിരുന്നുവെന്ന് പ്രദേശവാസികള്‍ പറയുന്നു. അപകടത്തില്‍പ്പെട്ട ബസ് വൈദ്യുതിത്തൂണില്‍ തട്ടിയാണ് നിന്നത്. പെട്ടന്ന് നിര്‍ത്തിയ ബസിന് പിന്നില്‍ എറണാകുളത്തേക്കു പോവുകയായിരുന്ന അധ്യാപികയും കുടുംബവും സഞ്ചരിച്ചിരുന്ന കാറും ഇടിച്ചു. ഈ കാറിനും തകരാര്‍ സംഭവിച്ചു. കോട്ടയത്തുനിന്ന് എറണാകുളത്തേക്കു പോകുകയായിരുന്നു ബസ്. യാത്രക്കാരാരും ബസിലുണ്ടായിരുന്നില്ല. പരിക്കേറ്റവരെ നാട്ടുകാര്‍ ചേര്‍ന്ന് ആശുപത്രിയിലേക്ക് മാറ്റുകയായിരുന്നു. അപകടത്തെത്തുടര്‍ന്ന് പ്രധാന റോഡില്‍ ഒരു മണിക്കൂറോളം ഗതാഗതം തടസപ്പെട്ടു. പോലീസും കടുത്തുരുത്തിയില്‍നിന്നുള്ള ഫയര്‍ഫോഴ്‌സും സ്ഥലത്തെത്തി മേല്‍നടപടികള്‍ സ്വീകരിച്ചു.

കളിയും ചിരിയും ഇല്ലാതെ അവൾ വന്നു; കാത്തിരുന്നവർക്ക് നൊമ്പരമായി

മണിമല: കളിയും ചിരിയും ഇല്ലാതെ അലീന വന്നു, കാത്തിരുന്നവർക്ക് നൊമ്പരമായി. മണിമല സെന്‍റ് ജോർജ് സ്കൂളിലെ വിദ്യാർഥിനിയായിരുന്ന വെള്ളാവൂർ വയലിൽ ജോമോൻ - ത്രേസ്യാമ്മ ദമ്പതികളുടെ മകൾ അലീന ചെറിയാൻ (15) ഇന്നലെ പുലർച്ചെയാണ് മരണമടഞ്ഞത്. മഞ്ഞപ്പിത്തം മൂലമുണ്ടായ അണുബാധ കാരണം ചികിത്സയിലായിരുന്നു അലീന. പത്താം ക്ലാസ് പരീക്ഷ എഴുതി ഫലം കാത്തിരിക്കുകയായിരുന്നു. അലീനയെ ഒരുനോക്കു കാണാൻ ഇന്നലെ ഉച്ച മുതൽ കുട്ടികളും അധ്യാപകരും സ്കൂളിൽ കാത്തിരുന്നു. വൈകുന്നേരം 5.40ന് സ്കൂളിൽ മൃതദേഹം പൊതുദർശനത്തിനു വച്ചശേഷം വസതിയിലേക്ക് കൊണ്ടുപോയി. സഹപാഠികളും അധ്യാപകരും കണ്ണീരോടെയാണ് അലീനയ്ക്ക് യാത്ര നൽകിയത്. സംസ്കാരം ഇന്ന് രാവിലെ 10ന് പെരുങ്കാവ് സെന്‍റ് തോമസ് പള്ളിയിൽ നടക്കും. സഹോദരൻ: അലൻ ചെറിയാൻ.

എന്‍റെ കേരളം പ്രദര്‍ശന വിപണനമേള 24 മുതല്‍ നാഗമ്പടത്ത്

കോട്ടയം: എന്‍റെ കേരളം പ്രദര്‍ശന വിപണനമേള 24 മുതല്‍ 30 വരെ കോട്ടയം നാഗമ്പടം മൈതാനത്ത് നടക്കും.186 പ്രദര്‍ശന-വിപണന സ്റ്റാളുകളാണുണ്ടാവുക. മെഗാ ഭക്ഷ്യമേളയും പ്രമുഖര്‍ അണിനിരക്കുന്ന കലാവിരുന്നും മേളയുടെ ഭാഗമായുണ്ടാകും. വിവിധ തൊഴില്‍ മേഖലകളിലുള്ളവരുടെയും സവിശേഷ പരിഗണനയര്‍ഹിക്കുന്നവരുടെയും സംഗമങ്ങളും മേളയോടനുബന്ധിച്ചു നടത്തും. ഉദ്ഘാടനദിനമായ 24നു ഉച്ചകഴിഞ്ഞ് മൂന്നിന് നാഗമ്പടം മൈതാനത്തേക്ക് വര്‍ണാഭമായ ഘോഷയാത്ര നടക്കും. വിവിധ വകുപ്പുകളുടെയും തദ്ദേശ സ്ഥാപനങ്ങളുടെയും കുടുംബശ്രീയുടെയും സഹകരണത്തോടെ നടത്തുന്ന ഘോഷയാത്രയില്‍ ജനപ്രതിനിധികളും സര്‍ക്കാര്‍ ജീവനക്കാരും പങ്കെടുക്കും. മേളയുടെ നടത്തിപ്പിനായി വിവിധ ഉപസമിതികള്‍ രൂപീകരിച്ചു. ആസൂത്രണസമിതി സെക്രട്ടേറിയറ്റ് കോണ്‍ഫറന്‍സ് ഹാളില്‍ മന്ത്രി വി.എന്‍. വാസവന്‍റെ അധ്യക്ഷതയില്‍ ചേര്‍ന്ന സംഘാടകസമിതി യോഗമാണ് ഉപസമിതികള്‍ രൂപീകരിച്ചത്. ചീഫ് വിപ്പ് ഡോ.എന്‍. ജയരാജ്, ജോസ് കെ. മാണി എംപി, എംഎല്‍എമാരായ സെബാസ്റ്റ്യന്‍ കുളത്തുങ്കല്‍, സി.കെ. ആശ, ജോബ് മൈക്കിള്‍, ജില്ലാ പഞ്ചായത്ത് പ്രസിഡന്‍റ് ഹേമലത പ്രേംസാഗര്‍, എംജി സര്‍വകലാശാലാ വൈസ് ചാന്‍സലര്‍ ഡോ. സി.ടി. അരവിന്ദകുമാര്‍, ജില്ലാ പഞ്ചായത്ത് വൈസ് പ്രസിഡന്‍റ് ജോസ് പുത്തന്‍കാലാ എന്നിവരാണ് വിവിധ ഉപസമിതികളുടെ അധ്യക്ഷർ.

സൂക്ഷിക്കണം: കെകെ റോഡരികില്‍ പണികിട്ടാം

കോട്ടയം: അറ്റകുറ്റപ്പണികളുടെ ഭാഗമായി കോട്ടയം മുതല്‍ വാഴൂര്‍ ചെങ്കല്‍ വരെ റീടാറിംഗ് നടത്തിയ കോട്ടയം-കുമളി (എന്‍എച്ച് 183) പാതയുടെ ഇരുവശങ്ങളിലെയും എഡ്ജും പല ഭാഗങ്ങളിലെയും ഉയരവ്യത്യാസവും യാത്ര ദുഃസഹമാക്കുന്നു. കൊടുംവളവുകളും കയറ്റവും ഇറക്കവുമുള്ള മലയോരപാതയില്‍ ചെറുവാഹനങ്ങളും ഇരുചക്ര വാഹനങ്ങളും അപകടത്തില്‍പ്പെടുന്നത് പതിവായി. റോഡ് നവീകരിച്ചതോടെ ഇരുവശത്തുമുള്ള ഉയരം കൂടി. ചെറുവാഹനങ്ങളുടെ അടിവശം ഇടിച്ച് വാഹനങ്ങള്‍ക്കു കേടു പറ്റുന്നതും പതിവായി. റോഡരികിലെ ഉയരവ്യത്യാസം മാറ്റണമെങ്കില്‍ ഇരുവശങ്ങളും കോണ്‍ക്രീറ്റ് ചെയ്യുകയോ മണ്ണിടുകയോ വേണമെന്നും, ഇതിനുള്ള അനുമതിയും ഫണ്ടും ലഭിച്ചിട്ടില്ലെന്നും ദേശീയപാത നിര്‍മാണ വിഭാഗം പറയുന്നു. ഇരുവശങ്ങളിലും മണ്ണിട്ട് അപകടം ഒഴിവാക്കാനുള്ള നടപടിയുമില്ല. മണ്ണിട്ടാലും കനത്ത മഴയില്‍ മണ്ണ് ഒലിച്ചുപോകാനിടയുള്ളതിനാല്‍ കോണ്‍ക്രീറ്റ് ചെയ്യുകയോ ടൈല്‍ പാകുകയോ ചെയ്യണമെന്നാണ് യാത്രക്കാരുടെ നിര്‍ദേശം. അട്ടിവളവ് എക്കാലവും മരണക്കെണി കോട്ടയം: ജില്ലയിലെ റോഡുകളില്‍ ഏറ്റവും അപകടസ്‌പോട്ടായ അട്ടിവളവില്‍ സുരക്ഷ ഉറപ്പാക്കാന്‍ സര്‍ക്കാരിനാവുന്നില്ല- എരുമേലി-പമ്പ തീര്‍ഥാടനപാതയില്‍ കണമല കടവിലേക്കുള്ള കുത്തിറക്കത്തിലെ കൊടുംവളവില്‍ എത്ര അപകടം നടന്നു എന്നതിന് കണക്കില്ല. ചെറുതും വലുതുമായ നൂറിലേറെ അപകടങ്ങളിലായി ഇതോടകം മരിച്ചത് 50 പേരാണ്. പരിക്കേറ്റവരുടെ എണ്ണം ആയിരത്തിലേറെ. എരുമേലി മുതല്‍ പമ്പ വരെ വരെയുള്ള നൂറിലേറെ കൊടുംവളവുകളില്‍ എക്കാലവും അപകടം പതിയിരിക്കുന്ന അട്ടിവളവില്‍ ശാശ്വത സുരക്ഷയൊരുക്കുന്നതിലെ വീഴ്ച ചെറുതല്ല. ഐഐടി, നാറ്റ്പാക് ഉള്‍പ്പെടെ ഒട്ടേറെ വിഭാഗങ്ങള്‍ നിരവധി പഠനങ്ങള്‍ നടത്തി സുരക്ഷയൊരുക്കിയിട്ടും അട്ടിവളവ് മരണക്കെണിയായി തുടരുന്നു. റോഡ് ഉയര്‍ത്തി വളവ് നിവര്‍ക്കാനുള്ള നിര്‍ദേശം പാലിക്കപ്പെട്ടിട്ടില്ല. ഗിയര്‍ ഡൗണ്‍ ചെയ്യാതെ ഇറക്കം ഇറങ്ങുന്ന ഏതു വാഹനവും അട്ടിവളവില്‍ നിയന്ത്രണം നഷ്ടപ്പെടും. സഡന്‍ ബ്രേക്ക് ഇട്ടാല്‍ വാഹനം വട്ടം മറിഞ്ഞ് റോഡിലേക്കോ കൊക്കയിലേക്കോ പതിക്കുകയാണു പതിവ്. മകരവിളക്ക് സീസണില്‍ പോലീസും മോട്ടോര്‍ വാഹന വകുപ്പും കര്‍ക്കശമായ ജാഗ്രത പുലര്‍ത്തുന്നുണ്ട്. നടതുറക്കുന്ന മറ്റ് ദിവസങ്ങളില്‍ ജാഗ്രത പരിമിതമാണ്.

പള്ളികളിൽ പെസഹാ ആചരണം ഭക്തിനിർഭരമായി

അതിരമ്പുഴയിൽ ഇന്ന് നഗരംചുറ്റി കുരിശിന്‍റെ വഴി അതിരമ്പുഴ: വിശുദ്ധ കുരിശിന്‍റെ തിരുശേഷിപ്പ് പ്രതിഷ്ഠിച്ചിട്ടുള്ള തീർഥാടന കേന്ദ്രമായ അതിരമ്പുഴ സെന്‍റ് മേരീസ് ഫൊറോനാ പള്ളിയിൽ ഇന്ന് നഗരം ചുറ്റിയുള്ള കുരിശിന്‍റെ വഴി നടക്കും. വൈകുന്നേരം അഞ്ചിന് വലിയ പള്ളിയിൽ നിന്ന് കുരിശിന്‍റെ വഴി ആരംഭിക്കും. ടൗൺ കപ്പേളയിലെ സന്ദേശത്തിനുശേഷം പ്രധാന വീഥിയിലൂടെ വലിയപള്ളിയിലെത്തി ആശീർവാദത്തോടെ സമാപിക്കും. കുരിശിന്‍റെ വഴിയിൽ വിശുദ്ധ കുരിശിന്‍റെ തിരുശേഷിപ്പ് സംവഹിക്കപ്പെടും. രാവിലെ 6.30 മുതൽ ഉച്ചയ്ക്ക് 12.30 വരെ ആരാധന നടക്കും. ഇടവകാംഗങ്ങൾ കൂട്ടായ്മ അടിസ്ഥാനത്തിൽ കുരിശിന്‍റെ വഴി നടത്തി വലിയ പള്ളിയിലെത്തി ആരാധനയിൽ പങ്കെടുക്കും. 12.30ന് നേർച്ചക്കഞ്ഞി. ഉച്ചകഴിഞ്ഞ് രണ്ടിന് പീഡാനുഭവ തിരുക്കർമ്മങ്ങൾ ആരംഭിക്കും. നഗരി കാണിക്കലിനും തിരുസ്വരൂപ വണക്കത്തിനും ശേഷം അഞ്ചിന് വലിയ പള്ളിയിൽനിന്ന് നഗരം ചുറ്റിയുള്ള കുരിശിന്‍റെ വഴി തുടങ്ങും. നാളെ രാവിലെ 9.30ന് പൊതു മാമോദീസ. വൈകുന്നേരം അഞ്ചിന് വിശുദ്ധ കുർബാന, പുത്തൻ വെള്ളവും പുത്തൻ തീയും വെഞ്ചരിപ്പ്. ഞായറാഴ്ച പുലർച്ചെ 2.30ന് ഈസ്റ്റർ തിരുക്കർമ്മങ്ങൾ ആരംഭിക്കും. തുടർന്ന് വിശുദ്ധ കുർബാന. ആറിനും എട്ടിനും വിശുദ്ധ കുർബാന. വികാരി റവ. ഡോ. ജോസഫ് മുണ്ടകത്തിൽ തിരുക്കർമങ്ങളിൽ മുഖ്യ കാർമികത്വം വഹിക്കും. കാൽകഴുകലിലൂടെ വിനയമെന്തെന്ന് ക്രിസ്തു ലോകത്തിന് കാട്ടിക്കൊടുത്തു: കാതോലിക്കാ ബാവാ വാഴൂർ: ആരാണ് വലിയവനെന്ന ശിഷ്യന്മാരുടെ തർക്കത്തിന് യേശുക്രിസ്തു നൽകിയ ഉത്തരമാണ് മഹത്തരമായ കാൽ കഴുകലെന്ന് ഓർത്തഡോക്സ് സഭാധ്യക്ഷൻ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവാ. പെസഹാദിനത്തിൽ മാതൃദേവാലയമായ വാഴൂർ സെന്‍റ് പീറ്റേഴ്സ് പള്ളിയിൽ നടന്ന കാൽകഴുകൽ ശുശ്രൂഷക്ക് മുഖ്യ കാർമ്മികത്വം വഹിച്ച് പ്രസംഗിക്കുകയായിരുന്നു അദ്ദേഹം. കാൽകഴുകലിലൂടെ ക്രിസ്തു വിനയമെന്തെന്ന് ലോകത്തിന് കാട്ടിക്കൊടുത്തു. ഇന്ന് സ്നേഹത്തിന്‍റെയും സേവനത്തിന്‍റെയും പാത അകലെയാണ്. സ്വാർഥതയാൽ ലോകം മുഴുവൻ അസ്വസ്ഥമാണ്. അവസാനിക്കാത്ത യുദ്ധങ്ങളിൽ ഗാസയിലും യുക്രയനിലും കുഞ്ഞുങ്ങൾ കൂട്ടത്തോടെ കൊലചെയ്യപ്പെടുന്നു. സഹനത്തിന്‍റെയും വിനത്തിന്‍റെയും മാർഗം നഷ്ടപ്പെടുന്നതിനാലാണ് ഇതെല്ലാം സംഭവിക്കുന്നത്. നമ്മുടെ നാട്ടിലും കുഞ്ഞുങ്ങളുമായി അമ്മമാർ ആത്മഹത്യ ചെയ്യുന്ന വാർത്തകൾ കേൾക്കേണ്ടിവരുന്നു. ഇത് സങ്കടകരമാണ്. ദുഃഖിച്ചിരിക്കുന്നവർക്ക് തണലാകാൻ ഓരോരുത്തർക്കും കഴിയണമെന്നും ബാവാ പറഞ്ഞു. വാഴൂർ സെന്‍റ് പീറ്റേഴ്സ് ഓർത്തഡോക്സ് പള്ളിയിൽ പുലർച്ചെ രണ്ടിന് പെസഹാ ശുശ്രൂഷയും വിശുദ്ധ കുർബാനയും നടന്നു. ഉച്ചക്ക് 2.30ന് കാതോലിക്കാ ബാവായുടെ മുഖ്യകാർമികത്വത്തിൽ കാൽകഴുകൽ ശുശ്രൂഷ ന‌ടന്നു. ചീഫ് വിപ്പ് ഡോ. എൻ. ജയരാജ്, കോർ എപ്പിസ്ക്കോപ്പമാർ, റമ്പാന്മാർ, വൈദികർ, വൈദിക സെമിനാരി വിദ്യാർഥികൾ തുടങ്ങി നിരവധി പേർ ശുശ്രൂഷകളിൽ പങ്കെടുത്തു. ഇന്ന് നടക്കുന്ന ദുഃഖവെള്ളി ആരാധനകൾക്ക് കാതോലിക്കാ ബാവാ മുഖ്യകാർമ്മികത്വം വഹിക്കുമെന്ന് വികാരി ഫാ. ബിറ്റു കെ. മാണി, സഹവികാരി ഫാ. ജേക്കബ് ഫിലിപ്പോസ് എന്നിവർ അറിയിച്ചു. സെന്‍റ് ജോര്‍ജ് കത്തോലിക്ക പള്ളി തോട്ടയ്ക്കാട്: സെന്‍റ് ജോര്‍ജ് കത്തോലിക്ക പള്ളിയില്‍ ദുഃഖവെള്ളിയാചരണം ഇന്നു രാവിലെ 7.30ന് ആരംഭിക്കും. 7.30ന് അമ്പലക്കവല സെന്‍റ് ജൂഡ് കപ്പേളയില്‍നിന്നു പള്ളിയിലേക്ക് കുരിശിന്‍റെ വഴി, 9.30 മുതല്‍ ആരാധന, നേര്‍ച്ച കഞ്ഞി വിതരണം, നാലിനു പുത്തന്‍പാന പാരായണം. 4.30നു പീഡാനുഭവ തിരുക്കര്‍മങ്ങള്‍, 5.30നു നഗരികാണിക്കല്‍, സ്ലീവാ ചുംബനം.

കളിയും ചിരിയുമില്ലാതെ അവൾ വന്നു; കാത്തിരുന്നവർക്ക് നൊമ്പരമേകി...

മണിമല: കളിയും ചിരിയുമി ല്ലാതെ അലീന വന്നു; കാത്തിരുന്നവർക്ക് നൊമ്പരമേകി. മണിമല സെന്‍റ് ജോർജ് സ്കൂളിലെ വിദ്യാർഥിനിയായിരുന്ന വെള്ളാവൂർ വയലിൽ ജോമോൻ - ത്രേസ്യാമ്മ ദമ്പതികളുടെ മകൾ അലീന ചെറിയാൻ (15) ഇന്നലെ പുലർച്ചെയാണ് മരണമടഞ്ഞത്. മഞ്ഞപ്പിത്തം മൂലമുണ്ടായ അണുബാധ കാരണം ചികിത്സയിലായിരുന്നു അലീന. പത്താം ക്ലാസ് പരീക്ഷ എഴുതി റിസൾട്ട്‌ കാത്തിരിക്കുകയായിരുന്നു. അലീനയെ ഒരുനോക്കു കാണാൻ ഇന്നലെ ഉച്ച മുതൽ കുട്ടികളും അധ്യാപകരും സ്കൂളിൽ കാത്തിരുന്നു. വൈകുന്നേരം 5.40ന് സ്കൂളിൽ മൃതദേഹം പൊതുദർശനത്തിനു വച്ചശേഷം വസതിയിലേക്ക് കൊണ്ടുപോയി. സഹപാഠികളും അധ്യാപകരും കണ്ണീരോടെയാണ് അലീനയ്ക്ക് യാത്ര നൽകിയത്. സംസ്കാരം ഇന്ന് രാവിലെ 10ന് പെരുങ്കാവ് സെന്‍റ് തോമസ് പള്ളിയിൽ നടക്കും. സഹോദരൻ: അലൻ ചെറിയാൻ.

ജീവനക്കാരുടെ കാൽ കഴുകി മേരിക്വീൻസ് മിഷൻ ആശുപത്രി ചാപ്പലിലെ പെസഹാ ആചരണം

കാഞ്ഞിരപ്പളളി: പതിവിൽനിന്നു വ്യത്യസ്തമായി അറ്റൻഡർമാർ മുതൽ മെഡിക്കൽ ഡയറക്ടർ വരെ നീളുന്ന ആശുപത്രി ജീവനക്കാരുടെ പ്രതിനിധികളുടെ കാലുകൾ കഴുകി കാഞ്ഞിരപ്പള്ളി മേരിക്വീൻസ് മിഷൻ ആശുപത്രി ചാപ്പലിലെ പെസഹാ ആചരണം ശ്രദ്ധേയമായി. മെഡിക്കൽ ഡയറക്ടർ ഡോ. മനോജ് മാത്യു ഉൾപ്പെടെ മെഡിക്കൽ, നഴ്സിംഗ്, പാരാമെഡിക്കൽ, സപ്പോർട്ടിംഗ് സ്റ്റാഫ് വിഭാഗങ്ങളിൽനിന്നുള്ള 12 പേർ പെസഹാ തിരുക്കർമങ്ങളിൽ ക്രിസ്തുശിഷ്യന്മാരുടെ പ്രതിനിധികൾ ആയപ്പോൾ ആശുപത്രി ജോയിന്‍റ് ഡയറക്ടറും കാഞ്ഞിരപ്പള്ളി മേരിക്വീൻസ് കാർമൽ ഹൗസ് ആൻഡ് പ്രശാന്ത് ഭവൻ പ്രീഫെക്ടുമായ ഫാ. മാർട്ടിൻ മണ്ണനാൽ സിഎംഐ പെസഹായുടെ ഭാഗമായ കാൽകഴുകൽ ശുശ്രുഷയുടെ മുഖ്യകാർമികനായി. സിഎംഐ കോട്ടയം സെന്‍റ് ജോസഫ് പ്രൊവിൻസ് വികാർ പ്രൊവിൻഷ്യാളും മേരിക്വീൻസ് ഡയറക്ടറുമായ ഫാ. സന്തോഷ് മാത്തൻകുന്നേൽ സിഎംഐ, ആശുപത്രി ജോയിന്‍റ് ഡയറക്ടർമാരായ ഫാ. തോമസ് മതിലകത്ത് സിഎംഐ, ഫാ. സിറിൾ തളിയൻ സിഎംഐ, പാസ്റ്റർ കെയർ വിഭാഗത്തിലെ ഫാ. ഇഗ്‌നേഷ്യസ് പ്ലാത്താനം സിഎംഐ, ഫാ. ജോസഫ് കുറിച്യപറമ്പിൽ സിഎംഐ എന്നിവർ പെസഹാദിന തിരുക്കർമങ്ങളിൽ സഹകാർമികരായി.

കാൽകഴുകലിലൂടെ വിനയമെന്തെന്ന് ക്രിസ്തു ലോകത്തിന് കാട്ടിക്കൊടുത്തു: കാതോലിക്കാ ബാവാ

വാഴൂർ: ആരാണ് വലിയവൻ എന്ന ശിഷ്യന്മാരുടെ തർക്കത്തിന് യേശുക്രിസ്തു നൽകിയ ഉത്തരമാണ് മഹത്തരമായ കാൽകഴുകലെന്ന് ഓർത്തഡോക്സ് സഭാധ്യക്ഷനും മലങ്കര മെത്രാപ്പോലീത്തയുമായ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാബാവാ. പെസഹാദിനത്തിൽ മാതൃദേവാലയമായ വാഴൂർ സെന്‍റ് പീറ്റേഴ്സ് പള്ളിയിൽ നടന്ന കാൽകഴുകൽ ശുശ്രൂഷയ്ക്ക് മുഖ്യകാർമികത്വം വഹിച്ച് പ്രസംഗിക്കുകയായിരുന്നു കാതോലിക്കാബാവാ. കാൽകഴുകൽ ശുശ്രൂഷയിൽ ആറ് കോർ എപ്പിസ്കോപ്പാമാരുടെയും ആറ് വൈദികരുടെയും കാലുകൾ കഴുകി. ചീഫ് വിപ്പ് ഡോ.എൻ. ജയരാജ്, സഭയിലെ കോർ എപ്പിസ്കോപ്പമാർ, റമ്പാൻമാർ, വൈദികർ തുടങ്ങി നിരവധിപേർ ശുശ്രൂഷകളിൽ പങ്കെടുത്തു. ദുഃഖവെള്ളിയാഴ്ച നടക്കുന്ന ആരാധനകൾക്ക് കാതോലിക്കാബാവാ മുഖ്യകാർമികത്വം വഹിക്കുമെന്ന് വികാരി ഫാ. ബിറ്റു കെ. മാണി, സഹവികാരി ഫാ. ജേക്കബ് ഫിലിപ്പോസ് എന്നിവർ അറിയിച്ചു.

കണമല അപകടം: ബസ് പരിശോധിച്ചു

കണമല: കഴിഞ്ഞ ദിവസം കണമല ഇറക്കത്തിലെ അട്ടിവളവിൽ ഒരു അയ്യപ്പഭക്തൻ മരിക്കുകയും 30 പേർക്ക് പരിക്കേൽക്കുകയും ചെയ്ത അപകടത്തിൽ മോട്ടോർ വാഹന വകുപ്പ് ഉദ്യോഗസ്ഥർ മറിഞ്ഞ ബസ് പരിശോധിച്ചു. ചികിത്സയിൽ കഴിയുന്ന ബസ് ഡ്രൈവറുടെ മൊഴി ലഭ്യമായ ശേഷം കൂടുതൽ പരിശോധന നടത്തുമെന്ന് ഉദ്യോഗസ്ഥർ അറിയിച്ചു. നിലവിൽ നടത്തിയ പരിശോധനയിൽ ബസ് ഡ്രൈവറുടെ അലംഭാവം മൂലം ആണ് അപകടം സംഭവിച്ചതെന്നാണ് കരുതുന്നതെന്ന് ഉദ്യോഗസ്ഥർ പറഞ്ഞു. അപകടത്തെത്തുടർന്ന് കണമല വഴി തീർഥാടകസഞ്ചാരം നിയന്ത്രണ വിധേയമാക്കിയെന്ന് എരുമേലി പോലീസ് അറിയിച്ചു. രാത്രിയിൽ കോൺവേ അടിസ്ഥാനത്തിൽ വാഹനങ്ങൾ കടത്തിവിടാനാണ് നിർദേശം. നാടിനെ കണ്ണീരിലാഴ്ത്തി അഖിലും അരുണും യാത്രയായി മുണ്ടക്കയം: വാഹനാപകടത്തിൽ മരണപ്പെട്ട മുണ്ടക്കയം പാറേലമ്പലം സ്വദേശികളായ കല്ലുതൊട്ടിപുരയിടം അനിൽകുമാർ - സജിത ദമ്പതികളുടെ മകൻ അരുൺ (22), ചെറുതോട്ടയിൽ പരേതനായ അനിയൻ - ജോളി ദമ്പതികളുടെ ഏക മകൻ അഖിൽ (24) എന്നിവരുടെ സംസ്കാരം നടത്തി. പോസ്റ്റ്മോർട്ടം നടപടികൾക്ക് ശേഷം അഖിലിന്‍റെ മൃതദേഹം ഇന്നലെ ഉച്ചയ്ക്ക്‌ ഒന്നോടെ വീട്ടിലെത്തിച്ച് ഉച്ചകഴിഞ്ഞ് മൂന്നോടെ മുണ്ടക്കയം ദേവയാനം പൊതുശ്മശാനത്തിലും അരുണിന്‍റെ സംസ്കാരം വൈകുന്നേരം അഞ്ചോടെ വീട്ടുവളപ്പിലും നടത്തി. യുവാക്കളുടെ മരണവാർത്ത അറിഞ്ഞതോടെ നാടിന്‍റെ നാനാഭാഗത്തുനിന്ന് നിരവധി ആളുകളാണ് പാറയമ്പലം ഭാഗത്തേക്ക് എത്തിയത്. തങ്ങളുടെ പ്രിയസുഹൃത്തുക്കളെ അവസാനമായി ഒരു നോക്ക് കാണുവാൻ അഖിലിന്‍റെയും അരുണിന്‍റെയും സഹപാഠികൾ അടക്കമുള്ളവർ എത്തിയിരുന്നു. ആകെ ഉണ്ടായിരുന്ന ഏക മകന്‍റെ വേർപാട് അഖിലിന്‍റെ അമ്മയ്ക്ക് താങ്ങാനാകുന്നതിലും അപ്പുറമായിരുന്നു. ബുധനാഴ്ച ഉച്ചയ്ക്ക് ഇരുവരും സഞ്ചരിച്ചിരുന്ന ബൈക്ക് നിയന്ത്രണം തെറ്റി റോഡിന്‍റെ വശത്തെ വൈദ്യുതി പോസ്റ്റിലും മതിലിലും ഇടിച്ചായിരുന്നു അപകടം. ഉടൻതന്നെ ഇരുവരെയും ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

ചെമ്മലമറ്റം പള്ളിയിൽ പാനവായന

ചെമ്മലമറ്റം: ദീർഘ നാളത്തെ പരിശീലനത്തിനും പ്രാർഥനകൾക്കും ശേഷം ചെമ്മലമറ്റം പന്ത്രണ്ട് ശ്ലീഹൻമാരുടെ പള്ളിയിൽ ദുഃഖവെള്ളിയാഴ്ചയായ ഇന്ന് 101 പേരുടെ പാന വായന നടക്കും. പീഡാനുഭവ ശുശ്രുഷകൾക്കും കുരിശിന്‍റെ വഴിക്കും ശേഷം ദേവാലായ മോണ്ടളത്തിലാണ് പാന വായന നടക്കുന്നത്. ഇടവകയിലെ മുതിർന്നവർ തുടങ്ങി പുതുതലമുറവരെ പാനവായനയിൽ പങ്കെടുക്കും. വികാരി ഫാ. സെബാസ്റ്റ്യൻ കൊല്ലംപറമ്പിൽ, ഫാ. ജേക്കബ് കടുതോടിൽ തുടങ്ങിയവർ നേതൃത്വം നൽകും. വെള്ളികുളം സെന്‍റ് ആന്‍റണീസ് പള്ളിയിൽ വെള്ളികുളം: വെള്ളികുളം സെൻറ് ആൻ്റണീസ് പള്ളിയിൽ ദുഃഖവെള്ളി ആചരണം രാവിലെ. 6.45 ന് -പീഡാനുഭവതിരുക്കർമങ്ങൾ, സന്ദേശം - ഫാ. ആശിഷ് കീരഞ്ചിറ എം.എസ്.ടി. സെന്‍റ് തോമസ് മൗണ്ടിലേക്ക് നടത്തപ്പെടുന്ന ആഘോഷമായ കുരിശിന്‍റെ വഴിക്ക് വികാരി ഫാ.സ്കറിയ വേകത്താനം നേതൃത്വം നൽകും.തുടർന്ന് നേർച്ചക്കഞ്ഞി വിതരണം. പീഡാനുഭവ തിരുക്കർമങ്ങളിലും കുരിശിന്‍റെ വഴിക്കും ഇടവകയിലെ നൂറുകണക്കിന് വിശ്വാസികൾ പങ്കെടുക്കും.കൈക്കാരന്മാരായ വർക്കിച്ചൻ മാന്നാത്ത്, സണ്ണി കണിയാംകണ്ടത്തിൽ, ജയ്സൺ തോമസ് വാഴയിൽ ,ജോബി നെല്ലിയേക്കുന്നേൽ തുടങ്ങിയവർ പരിപാടികൾക്ക് നേതൃത്വം നൽകും.

ദേവാലയങ്ങളില്‍ പെസഹാ ആചരണം

പാലാ: യേശുക്രിസ്തുവിന്‍റെ അന്ത്യ അത്താഴത്തിന്‍റെ സ്മരണയില്‍ ക്രൈസ്തവ വിശ്വാസികള്‍ പെസഹാ ആചരിച്ചു. പള്ളികളില്‍ കാല്‍ കഴുകല്‍ ശുശ്രൂഷയും നടന്നു. പാലാ കത്തീഡ്രലില്‍ നടന്ന പെസഹാ തിരുക്കര്‍മങ്ങള്‍ക്ക് മാര്‍ ജോസഫ് കല്ലറങ്ങാട് നേതൃത്വം നല്‍കി. പ്രാദേശിക സഭയില്‍ ബിഷപ്പും മറ്റുപിതാക്കന്മാരും വൈദികരും വിശ്വാസികളും ഒരേ മനസോടെ ഒരേ കുര്‍ബാനയില്‍ പങ്കെടുക്കുന്നതിനെയാണ് പെസഹാ കുര്‍ബാന എന്ന് പറയുന്നത്. ക്രൈസ്തവ സമൂഹം ഒരേ മനസായിരിക്കുന്നതിന്‍റെ നേര്‍ക്കാഴ്ചയാണ് അതെന്ന് മാര്‍ ജോസഫ് കല്ലറങ്ങാട് പറഞ്ഞു. ബിഷപ് എമെരിറ്റസ് മാര്‍ ജോസഫ് പള്ളിക്കാപറമ്പില്‍ തിരുക്കര്‍മങ്ങളില്‍ പങ്കെടുത്തു. കത്തീഡ്രല്‍ വികാരി ഡോ. ജോസ് കാക്കല്ലില്‍, ഫാ. ജോസഫ് തെങ്ങുംപള്ളില്‍, ഫാ. സെബാസ്റ്റ്യന്‍ പേണ്ടാനത്ത്, സഹവികാരിമാരായ ഫാ. സെബാസ്റ്റ്യന്‍ ആലപ്പാട്ട് കോട്ടയില്‍, ഫാ. ഐസക് പെരിങ്ങാമലയില്‍, ഫാ. ജോര്‍ജ് തറപ്പേല്‍ എന്നിവര്‍ സഹകാര്‍മികരായിരുന്നു.

അന്ത്യത്താഴ സ്മരണയിൽ വിശ്വാസികൾ...

പെസഹ കുടുംബങ്ങളിലെ സംരക്ഷണം ഓർമിപ്പിക്കുന്നു: ആർച്ച്പ്രീസ്റ്റ് കുറവിലങ്ങാട്: കുടുംബങ്ങൾ സമ്മാനിക്കുന്ന സംരക്ഷണത്തിന്‍റെ ഓർമപ്പെടുത്തലാണ് പെസഹ സമ്മാനിക്കുന്നതെന്ന് ആർച്ച്പ്രീസ്റ്റ് റവ.ഡോ. തോമസ് മേനാച്ചേരി പറഞ്ഞു. മേജർ ആർക്കിഎപ്പിസ്‌കോപ്പൽ മർത്ത്മറിയം അർക്കദിയാക്കോൻ തീർഥാടന കേന്ദ്രത്തിലെ പെസഹാ ആചരണത്തോടനുബന്ധിച്ച് സന്ദേശം നൽകുകയായിരുന്നു ആർച്ച്പ്രീസ്റ്റ്. ധനാസക്തി, ജഡികാസക്തി, മയക്കുമരുന്ന് തുടങ്ങിയവ കുടുംബങ്ങളെ ദുർബലമാക്കുന്ന ലോകത്താണ് ഇന്നത്തെ കുടുംബങ്ങൾ. കുടുംബങ്ങളാണ് രക്ഷാകേന്ദ്രങ്ങളെന്ന ഓർമപ്പെടുത്തൽ പെസഹ നൽകുന്നു. കുടുംബരൂപീകരണവും വിവാഹാന്തസും മാറ്റിവയ്ക്കുന്നത് ശരിയല്ലെന്ന് പെസഹാ ഓർമിപ്പിക്കുന്നുണ്ട്. സീനിയർ അസി. വികാരി ഫാ. ജോസഫ് മണിയഞ്ചിറ, അസി. വികാരിമാരായ ഫാ. പോൾ പാറപ്ലാക്കൽ, ഫാ. ആന്‍റണി വാഴക്കാലാ, ഫാ. ജോസഫ് ചൂരയ്ക്കൽ, ഫാ. തോമസ് താന്നിമലയിൽ, പാസ്റ്ററൽ അസിസ്റ്റന്‍റുമാരായ ഫാ. ജോസ് കോട്ടയിൽ, ഫാ. പോൾ മഠത്തിക്കുന്നേൽ എന്നിവർ സഹകാർമികരായി. ദുഃഖവെള്ളിയാചരണത്തിന്‍റെ തിരുക്കർമങ്ങൾ ഇന്ന് ഏഴിന് ആരംഭിക്കും. നഗരികാണിക്കൽ ശുശ്രൂഷയും നടക്കും. മൂന്നിന് പാനവായന. നാലിന് കോഴാ മാർ യൗസേപ്പ് കപ്പേളയിലേക്ക് ആഘോഷമായ കുരിശിന്‍റെ വഴി. ശനിയാഴ്ച ഏഴിന് തിരുക്കർമങ്ങൾ തുടങ്ങും. ഉയിർപ്പ് തിരുനാളിൽ പുലർച്ചെ മൂന്ന്, 5.30, ഏഴ്, 8.45 , വൈകുന്നേരം 4.30 എന്നീ സമയങ്ങളിൽ വിശുദ്ധ കുർബാന.

പുഞ്ചക്കൊയ്ത്ത് 80 ശതമാനം പൂര്‍ത്തിയായി

കോട്ടയം: ജില്ലയിലെ പാടങ്ങളില്‍ പുഞ്ചക്കൊയ്ത്ത് 80 ശതമാനം പൂര്‍ത്തിയായി. ഈ സീസണില്‍ ആകെ ഉത്പാദനം 50,748 മെട്രിക് ടണ്‍ പ്രതീക്ഷിക്കുന്നു. 22,889 മെട്രിക് ടണ്‍ സംഭരണം നടത്തി പിആര്‍എസ് നല്‍കിയതായി പാഡി ഓഫീസര്‍ അറിയിച്ചു. മാര്‍ച്ച് 15 വരെ സംഭരിച്ച നെല്ലിന് പണം കര്‍ഷകരുടെ അക്കൗണ്ടുകളില്‍ ലഭിച്ചു. നിലവില്‍ 10 മില്ലുകളാണ് ജില്ലയില്‍ സപ്ലൈകോ മുഖേന നെല്ല് സംഭരിക്കുന്നത്. മേയ് അവസാനം സംഭരണം പൂര്‍ത്തിയാകും. കൊയ്ത്ത് പൂര്‍ത്തിയായ കല്ലറ മാലിക്കരിയില്‍ കിഴിവ് തര്‍ക്കത്തെത്തുടര്‍ന്ന് 22 ദിവസമായി നെല്ല് പാടത്ത് കിടക്കുന്നു. 23 കിലോ കിഴിവാണ് മില്ലുകള്‍ ആവശ്യപ്പെടുന്നത്. ഇത്രയും കിഴിവ് അനുവദിക്കില്ലെന്നാണ് കര്‍ഷകരുടെ നിലപാട്. നാലു മില്ലുകാര്‍ എത്തിയെങ്കിലും നെല്ലെടുക്കാന്‍ തയാറാകുന്നില്ല. ഈ നെല്ലിന് 14 ശതമാനം കറവലും 15 ശതമാനം പതിരുമുള്ളതിനാല്‍ കിഴിവ് നല്‍കിയേ പറ്റൂ എന്ന നിലപാടിലാണ് മില്ലുകാര്‍. നാലു ലോഡ് നെല്ലാണ് ഇവിടെ കെട്ടിക്കിടക്കുന്നത്. വൈക്കം, തലയാഴം, അയ്മനം, കുമരകം പ്രദേശങ്ങളില്‍ കൊയ്ത്ത് അവസാനഘട്ടത്തിലാണ്. ആലപ്പുഴ ജില്ലയില്‍ 83,500 മെട്രിക് ടണ്‍ നെല്ല് സംഭരിച്ചു. ഇതിന് 210 കോടി രൂപ നല്‍കണം. ആലപ്പുഴയില്‍ 68 ശതമാനം കൊയ്ത്ത് പൂര്‍ത്തിയായി. 53 മില്ലുകാരാണ് സംഭരണത്തിനുള്ളത്.തകഴി, എടത്വ, പച്ച, ഈര, നീലംപേരൂര്‍ പ്രദേശങ്ങളില്‍ കൊയ്ത്ത് യന്ത്രമില്ലാതെ വന്നതോടെ കൊയ്ത്തും മെതിയും പ്രതിസന്ധിയിലാണ്. പലയിടങ്ങളിലും കൊയ്ത്ത് ഉപേക്ഷിക്കാന്‍ നിര്‍ബന്ധിതരാവുകയാണ് കര്‍ഷകര്‍. നീലംപേരൂരില്‍ മെതിയന്ത്രം കിട്ടാതെ വന്ന കര്‍ഷകൻ കൊയ്ത നെല്ല് കത്തിച്ചുകളഞ്ഞു.

ഇടിമണ്ണിക്കൽ വെഡ്ഡിംഗ് ഫെസ്റ്റിവലിൽ വമ്പിച്ച ഓഫറുകൾ

കോട്ടയം: ലൈറ്റ് വെയ്‌റ്റ് വെഡിംഗ് സ്വർണാഭരണ ങ്ങളുടെ ഏറ്റവും പുതിയ ട്രൻഡിന്‍റെ ധാരാളം കളക്‌ഷനുകളുമായി ഇടിമണ്ണിക്കൽ ഗോൾഡ് ആൻഡ് ഡയമണ്ട്സിൽ വെഡ്ഡിംഗ് ഫെസ്റ്റിവൽ ആരംഭിച്ചു. മാലകൾ, കമ്മലുകൾ, നെക്ക്ളസുകൾ, ഫ്ലവർ ബാംഗിൾ, ഫ്ലെക്സിബിൾ ബാംഗിൾ എന്നിവയുടെ പുതിയ കളക്‌ഷനുകളോടൊപ്പം, 50,000 രൂപ മുതലുള്ള ഡയമണ്ട് സെറ്റുകളും ഏറ്റവും പുതിയ കളക്‌ഷനുകളുമാണ് ഫെസ്റ്റിവലിൽ ഒരുക്കിയിരിക്കുന്നത്. മുപ്പതു ദിവസം നീണ്ടുനിൽക്കുന്ന ഈ ഫെസ്റ്റിവലിൽ സ്വർണാഭരണങ്ങൾക്ക് പണിക്കൂലിയിൽ 50 ശതമാനം വരെ കിഴിവും അതോടൊപ്പം ഡയമണ്ട് കാരറ്റിന് 15,000 രൂപ വരെ കിഴിവും ലഭിക്കും. ടർക്കിഷ്, ഇറ്റാലിയൻ തുടങ്ങി ലൈറ്റ് വെയ്റ്റ് ജ്വല്ലറിയിലെ ലോകോത്തര ഡിസൈനുകളും പുതിയ ട്രെൻ‌ഡുകളും ഇടിമണ്ണിക്കൽ വെഡ്ഡിംഗ് ഫെസ്റ്റിവലിൽ ഒരുക്കിയിട്ടുണ്ട്. ട്രെൻഡി വെഡിംഗ് സെറ്റുകൾ, സ്റ്റൈലിഷ് ലൈറ്റ് വെയ്‌റ്റ് ആഭരണങ്ങൾ, ലേറ്റസ്‌റ്റ് ഡയമണ്ട് ആഭരണങ്ങൾ എന്നിവയുടെ വിപുലമായ ഷോറുമാണ് ഇടിമണ്ണിക്കൽ ഗോൾഡ് ആൻഡ് ഡയമണ്ട്സ്. ഒരു പവൻ മുതൽ നാലുപവൻ വരെയുള്ള എക്സ്ക്ലൂസീവ് വെഡ്ഡിംഗ് സെറ്റും കൂടാതെ റോസ് ഗോൾഡ്, ചെട്ടിനാട്, കേരള ട്രഡീഷണൽ, ആന്‍റിക്, റോയൽ ആന്‍റിക് തുടങ്ങിയവയുടെ പുതിയ ധാരാളം കളക്‌ഷൻസും കോട്ടയം, ചങ്ങനാശേരി, കറുകച്ചാൽ ഷോറൂമുകളിൽ എത്തിച്ചേർന്നിട്ടുണ്ട്. 97459 00917. ഇടിമണ്ണിക്കൽ ഗോൾഡ് ആൻഡ് ഡയമണ്ട്സ് വെഞ്ച്വറായ കോട്ടയം ശാസ്ത്രി റോഡിലുള്ള അമേരാ ഗോൾഡ് ആൻഡ് ഡയമണ്ട്സിലും പുതിയ ട്രെൻഡ് കളക്‌ഷനുമായി വെഡ്ഡിംഗ് ഫെസ്റ്റ് ഓഫർ ആരംഭിച്ചിട്ടുണ്ട്. 97452 27111.

അഭിഭാഷകയുടെയും മക്കളുടെയും മരണം ; യഥാർഥ കാരണം കണ്ടെത്തണമെന്ന് ബന്ധുക്കൾ

മുത്തോലി: മുൻ പഞ്ചായത്ത് പ്രസിഡന്‍റും അഭിഭാഷകയുമായ ജിസ്മോൾ കുട്ടികൾക്കൊപ്പം ജീവനൊടുക്കിയ സംഭവത്തിനു പിന്നിലെ യഥാർഥ കാരണം കണ്ടുപിടിക്കണമെന്ന് ബന്ധുക്കൾ ആവശ്യപ്പെട്ടു. മരണവാർത്തയറിഞ്ഞ് യുകെയിൽനിന്നെത്തിയ ജിസ്മോളുടെ പിതാവ് തോമസും സഹോദരൻ ജിറ്റുവുമാണ് ഈ ആവശ്യം ഉന്നയിച്ചത്. ഭർത്താവിൽനിന്നും ഭർതൃമാതാവിൽനിന്നും ഭർതൃസഹോദരിയിൽനിന്നും ജിസ്മോൾക്ക് മാനസിക പീഡനം ഏൽക്കേണ്ടി വന്നിട്ടുണ്ടെന്നും പറഞ്ഞ പിതാവ് തോമസ്, ആത്മഹത്യ ചെയ്തതിന്‍റെ തലേദിവസം വീട്ടിൽ സംഭവിച്ചതെന്താണെന്ന് കണ്ടെത്തണമെന്നും ആവശ്യപ്പെട്ടു. കുറച്ചുനാളുകൾക്കു മുൻപ് ജിസ്മോളുടെ തലയിൽ കണ്ട മുറിവ് വാതിലിൽ തലയിടിച്ചുണ്ടായതാണെന്നു പറഞ്ഞിരുന്നെങ്കിലും പിന്നീട് ഭർത്താവിന്‍റെ മർദനം മൂലമാണെന്ന് വ്യക്തമായതായി കുടുംബാംഗങ്ങൾ പറയുന്നു. അഭിഭാഷകയായ ജിസ്മോൾക്ക് ഓഫീസ് ആരംഭിക്കാനായി ഭർത്താവ് ജിമ്മി നൽകിയ തുക ഒരാഴ്ച കഴിഞ്ഞപ്പോൾ തിരികെ ചോദിച്ചതായും സഹോദരനും പിതാവും പറഞ്ഞു. ബന്ധു വീടുകളിലെ ചടങ്ങുകളിൽ പങ്കെടുക്കുന്നത് തടസപ്പെടുത്തിയിരുന്നു. ഇവരോടൊപ്പം താമസിച്ചിരുന്ന ഭർതൃമാതാവും ഭർതൃസഹോദരിയും ജിസ്മോളെ മാനസികമായി പീഡിപ്പിച്ചിരുന്നു. ഈ സാഹചര്യങ്ങൾ നിലനിൽക്കെ പെട്ടെന്ന് ആത്മഹത്യ ചെയ്യാൻ പ്രേരിപ്പിച്ചതെന്തെന്ന് കണ്ടെത്തണമെന്ന ആവശ്യമാണ് കുടുംബാംഗങ്ങൾക്കുള്ളത്. ജിസ്മോളുടെയും മക്കളായ നേഹ (05), നോറ (02) എന്നിവരുടെ സംസ്കാരം നാളെ ഉച്ചകഴിഞ്ഞ് മൂന്നിന് വീട്ടിലെ ശുശ്രൂഷകൾക്ക് ശേഷം ചെറുകര സെന്‍റ് മേരീസ് ക്നാനായ കത്തോലിക്ക പള്ളിയിൽ നടക്കും.

സൂക്ഷിക്കണം; കെകെ റോഡരികില്‍ പണികിട്ടാം

കോട്ടയം: അറ്റകുറ്റപ്പണികളുടെ ഭാഗമായി കോട്ടയം മുതല്‍ വാഴൂര്‍ ചെങ്കല്‍ വരെ റീടാറിംഗ് നടത്തിയ കോട്ടയം-കുമളി (എന്‍എച്ച് 183) പാതയുടെ ഇരുവശങ്ങളിലെയും എഡ്ജും പല ഭാഗങ്ങളിലെയും ഉയരവ്യത്യാസവും യാത്ര ദുഃസഹമാക്കുന്നു. കൊടുംവളവുകളും കയറ്റവും ഇറക്കവുമുള്ള മലയോരപാതയില്‍ ചെറുവാഹനങ്ങളും ഇരുചക്ര വാഹനങ്ങളും അപകടത്തില്‍പ്പെടുന്നത് പതിവായി. റോഡ് നവീകരിച്ചതോടെ ഇരുവശത്തുമുള്ള ഉയരം കൂടി. ചെറുവാഹനങ്ങളുടെ അടിവശം ഇടിച്ച് വാഹനങ്ങള്‍ക്കു കേടു പറ്റുന്നതും പതിവായി. റോഡരികിലെ ഉയരവ്യത്യാസം മാറ്റണമെങ്കില്‍ ഇരുവശങ്ങളും കോണ്‍ക്രീറ്റ് ചെയ്യുകയോ മണ്ണിടുകയോ വേണമെന്നും ഇതിനുള്ള അനുമതിയും ഫണ്ടും ലഭിച്ചിട്ടില്ലെന്നും ദേശീയപാത നിര്‍മാണ വിഭാഗം പറയുന്നു. ഇരുവശങ്ങളിലും മണ്ണിട്ട് അപകടം ഒഴിവാക്കാനുള്ള നടപടിയുമില്ല. മണ്ണിട്ടാലും കനത്ത മഴയില്‍ മണ്ണ് ഒലിച്ചുപോകാനിടയുള്ളതിനാല്‍ കോണ്‍ക്രീറ്റ് ചെയ്യുകയോ ടൈല്‍ പാകുകയോ ചെയ്യണമെന്നാണ് യാത്രക്കാരുടെ നിര്‍ദേശം. അട്ടിവളവ് എക്കാലവും മരണക്കെണി കോട്ടയം: ജില്ലയിലെ റോഡുകളില്‍ ഏറ്റവും അപകട സ്‌പോട്ടായ അട്ടിവളവില്‍ സുരക്ഷ ഉറപ്പാക്കാന്‍ സര്‍ക്കാരിനാവുന്നില്ല. എരുമേലി-പമ്പ തീര്‍ഥാടനപാതയില്‍ കണമല കടവിലേക്കുള്ള കുത്തിറക്കത്തിലെ കൊടുംവളവില്‍ എത്ര അപകടം നടന്നു എന്നതിന് കണക്കില്ല. ചെറുതും വലുതുമായ നൂറിലേറെ അപകടങ്ങളിലായി ഇതോടകം മരിച്ചത് 50 പേരാണ്്‍. പരിക്കേറ്റവരുടെ എണ്ണം ആയിരത്തിലേറെ. എരുമേലി മുതല്‍ പമ്പ വരെ വരെയുള്ള നൂറിലേറെ കൊടുംവളവുകളില്‍ എക്കാലവും അപകടം പതിയിരിക്കുന്ന അട്ടിവളവില്‍ ശാശ്വത സുരക്ഷയൊരുക്കുന്നതിലെ വീഴ്ച ചെറുതല്ല. ഐഐടി, നാറ്റ്പാക് ഉള്‍പ്പെടെ ഒട്ടേറെ വിഭാഗങ്ങള്‍ നിരവധി പഠനങ്ങള്‍ നടത്തി സുരക്ഷയൊരുക്കിയിട്ടും അട്ടിവളവ് മരണക്കെണിയായി തുടരുന്നു. റോഡ് ഉയര്‍ത്തി വളവ് നിവര്‍ക്കാനുള്ള നിര്‍ദേശം പാലിക്കപ്പെട്ടിട്ടില്ല. ഗിയര്‍ ഡൗണ്‍ ചെയ്യാതെ ഇറക്കം ഇറങ്ങുന്ന ഏതു വാഹനവും അട്ടിവളവില്‍ നിയന്ത്രണം നഷ്ടപ്പെടും. സഡന്‍ ബ്രേക്ക് ഇട്ടാല്‍ വാഹനം വട്ടം മറിഞ്ഞ് റോഡിലേക്കോ കൊക്കയിലേക്കോ പതിക്കുകയാണു പതിവ്. മകരവിളക്ക് സീസണില്‍ പോലീസും മോട്ടോര്‍ വാഹന വകുപ്പും കര്‍ക്കശമായ ജാഗ്രത പുലര്‍ത്തുന്നുണ്ട്. നടതുറക്കുന്ന മറ്റ് ദിവസങ്ങളില്‍ ജാഗ്രത പരിമിതമാണ്.

ലഹരി ആപത്താണ് നാടിനും വീടിനും; അവബോധ ക്ലാസ് സമാപിച്ചു

പെരുവന്താനം: സെന്‍റ് ആന്‍റണീസ് കോളജിന്‍റെ ആഭിമുഖ്യത്തിൽ വിവിധ രൂപതകളിലെ സൺഡേ സ്കൂൾ വിദ്യാര്‍ഥികള്‍ക്കായി സംഘടിപ്പിച്ച ലഹരിവിരുദ്ധ അവബോധ ക്ലാസുകൾ സമാപിച്ചു. പൂഞ്ഞാർ സെന്‍റ് മേരീസ് ഫൊറോന പള്ളിയിൽ വികാരി ഫാ. തോമസ്‌ പനക്കക്കുഴി ഉദ്ഘാടനം ചെയ്തു. അസിസ്റ്റന്‍റ് വികാരി ഫാ. മൈക്കിള്‍ നടുവിലേക്കുറ്റ് അധ്യക്ഷത വഹിച്ചു. വിവിധ വിഷയങ്ങളിൽ പ്രിൻസിപ്പൽ ഡോ. ആന്‍റണി ജോസഫ്‌ കല്ലമ്പള്ളി, ക്രിസ്റ്റി ജോസ്, ആവണി സജീവ്‌, ഷിബിന്‍ സെബാസ്റ്റ്യന്‍, ഫാ. ജോസഫ്‌ വാഴപ്പനാടി, അക്ഷയ് മോഹൻദാസ്, പി.ആര്‍. രതീഷ് എന്നിവർ ക്ലാസുകള്‍ നയിച്ചു. ലഹരിക്കെതിരേയുള്ള ഹ്രസ്വ ചിത്രപ്രദർശനവും ലഹരി ഉപയോഗത്തിന്‍റെ ദൂഷ്യവശങ്ങൾ പ്രതിപാദിക്കുന്ന ലഘുലേഖ വിതരണവും നടത്തി. സെന്‍റ് ആന്‍റണീസ് കോളജ് ജീസസ് യൂത്ത് ടീം തയാറാക്കിയ പ്രാർഥനയും ലഹരിവിരുദ്ധ പ്രതിജ്ഞയും ചൊല്ലി. ഈ വർഷം കാഞ്ഞിരപ്പള്ളി, ചങ്ങനാശേരി, പാലാ രൂപതകളിലും മലങ്കര അതിരൂപതയിലുമായി 81 സൺഡേ സ്കൂളുകൾ സന്ദർശിച്ച് അവബോധ ക്ലാസുകൾ സംഘടിപ്പിക്കാനായെന്ന് പ്രിൻസിപ്പൽ ആന്‍റണി ജോസഫ് കല്ലമ്പള്ളിയും ചെയർമാൻ ബെന്നി തോമസും പറഞ്ഞു. കാഞ്ഞിരമറ്റം എകെസിസി കാഞ്ഞിരമറ്റം: കാഞ്ഞിരമറ്റം എകെസിസി യൂണിറ്റ് സമൂഹത്തില്‍ വളര്‍ന്നുവരുന്ന ലഹരിക്കെതിരേ ബോധവത്കരണ ക്യാമ്പ് സംഘടിപ്പിച്ചു. ലഹരിവിരുദ്ധ പ്രതിജ്ഞയെടുത്തു. യൂണിറ്റ് പ്രസിഡന്‍റ് മാത്തുക്കുട്ടി ഞായര്‍കുളത്തിന്‍റെ അധ്യക്ഷതയില്‍ യൂണിറ്റ് ഡയറക്ടര്‍ ഫാ. ജോസഫ് മണ്ണനാല്‍ ഉദ്ഘാടനം ചെയ്തു. സെക്രട്ടറി റോബേഷ്, ജയ്‌മോന്‍ പുത്തന്‍പുരയ്ക്കല്‍, ഡാന്‍ഡീസ് കൂനാനിക്കല്‍ തുടങ്ങിയവര്‍ പ്രസംഗിച്ചു.

തണ്ണീർപ്പന്തൽ ദാഹജല വിതരണം

കാഞ്ഞിരപ്പള്ളി: കുടുംബശ്രീ ജില്ലാ മിഷനും കാഞ്ഞിരപ്പള്ളി കുടുംബശ്രീ സിഡിഎസും സംയുക്തമായി ചേർന്ന് തണ്ണീർപ്പന്തൽ ദാഹജല വിതരണം ആരംഭിച്ചു. കുടുംബശ്രീ ജില്ലാ മിഷൻ ജനറൽ വിഭാഗം എൻആർഎൽഎം, എഫ്എൻഎച്ച്ഡബ്ല്യു പദ്ധതിയുടെ ഭാഗമായി കാഞ്ഞിരപ്പള്ളി കുരിശുങ്കൽ ജംഗ്ഷനിലുള്ള വഴിയോര വിശ്രമ കേന്ദ്രത്തിലാണ് തണ്ണീർപ്പന്തൽ ദാഹജല വിതരണം തുടങ്ങിയത്. പഞ്ചായത്തംഗം മഞ്ജു ബിനോയ് തണ്ണീർപ്പന്തൽ ദാഹജല വിതരണോദ്ഘാടനം നിർവഹിച്ചു. സിഡിഎസ് ചെയർപേഴ്സൺ ദീപ്തി ഷാജി, യൂണിറ്റ് കൗൺസിലർ രേവതി, വില്ലേജ് എക്സ്റ്റൻഷൻ ഓഫീസർ എം. ജയസൂര്യൻ, പ്രശാന്ത്, ബീന ഷാജി, കുടുംബശ്രീ സിഡിഎസ്, എഡിഎസ് അംഗങ്ങൾ എന്നിവർ പ്രസംഗിച്ചു.

തുറക്കാതെ നശിക്കുന്നു, എരുമേലി വില്ലേജ് ഓഫീസ്

എരുമേലി: നിർമാണം പൂർത്തിയായി ഉദ്ഘാടനം വരെ എത്തിയപ്പോൾ ഹൈക്കോടതിയിൽ കേസിലായതോടെ എരുമേലിയിലെ സ്മാർട്ട് വില്ലേജ് ഓഫീസിന് പൂട്ട് വീണിട്ട് ഒരു വർഷം പിന്നിടുന്നു. കേസ് വേഗം തീർപ്പായില്ലെങ്കിൽ കെട്ടിടം നശിക്കുമെന്ന് നാട്ടുകാർ. കേസ് പെട്ടന്ന് തീർപ്പാക്കാൻ എംപി, എംഎൽഎ, ത്രിതല പഞ്ചായത്ത്‌ ജനപ്രതിനിധികൾ, രാഷ്‌ട്രീയ കക്ഷി നേതാക്കൾ തുടങ്ങിയവർ ഇടപെടണമെന്ന് നാട്ടുകാർ. കേസ് നീളുന്നതുമൂലം പുതിയ കെട്ടിടം ഉപയോഗിക്കാതെ കാട് വളർന്ന നിലയിലാണ്. ഇഴജന്തുക്കളും തെരുവു നായകളും താവളമാക്കിയിരിക്കുകയാണ് കെട്ടിടം. 44 ലക്ഷം ചെലവിട്ട് 1250 ചതുരശ്രയടിയിൽ നിർമിച്ച കെട്ടിടമാണ് ഇങ്ങനെ നശിച്ചുകൊണ്ടിരിക്കുന്നത്. കേസ് പരിഗണിച്ചിട്ടുള്ള ഹൈക്കോടതി ബെഞ്ചിൽ ഇക്കാര്യം പഞ്ചായത്തിന്‍റെ അഭിഭാഷകൻ മുഖേന ഉന്നയിക്കാൻ പഞ്ചായത്ത്‌ കമ്മിറ്റി ചേർന്ന് തീരുമാനമെടുക്കണമെന്ന് നാട്ടുകാർ ആവശ്യപ്പെട്ടു. 2022 ഏപ്രിൽ 30നാണ് പുതിയ സ്മാർട്ട്‌ വില്ലേജ് ഓഫീസിന് ശിലയിട്ടത്. 2023 ഒക്ടോബറിൽ നിർമാണം പൂർത്തിയായതാണ്. എരുമേലിയിൽ പൊതുമരാമത്ത് റസ്റ്റ് ഹൗസിന്‍റെ സമീപത്ത് മരാമത്ത് വക പത്ത് സെന്‍റ് സ്ഥലം ജില്ലാ കളക്ടർ ഏറ്റെടുത്ത് കൈമാറിയാണ് കെട്ടിടനിർമാണമായത്. സ്ഥലം ഏറ്റെടുക്കുമ്പോൾ ആക്ഷേപങ്ങൾ അറിയിക്കാൻ സാവകാശം അനുവദിച്ചിരുന്നു. എന്നാൽ, ആക്ഷേപങ്ങൾ ലഭിച്ചില്ല. ഇതോടെയാണ് നിർമാണം നടത്തിയത്. ഉദ്ഘാടനം ആയപ്പോഴാണ് സ്ഥലം പശ്ചിമദേവസ്വം വക ആണെന്ന് ആരോപിച്ച് കേസുണ്ടായത്. ഇതേത്തുടർന്ന് ഉദ്ഘാടനം റദ്ദായി. കേസിൽ തീർപ്പാകാതെ പ്രവർത്തനം ആരംഭിക്കാൻ പറ്റില്ലെന്നായി. നിലവിൽ പതിറ്റാണ്ടുകളായി എരുമേലി പ്രൈവറ്റ് ബസ് സ്റ്റാൻഡിൽ ഷോപ്പിംഗ് കോംപ്ലക്സിന്‍റെ രണ്ടാം നിലയിലെ ഒരു മുറിയിലാണ് വില്ലേജ് ഓഫീസ് പ്രവർത്തിച്ചുകൊണ്ടിരിക്കുന്നത്. ഇവിടെ അസൗകര്യങ്ങൾ ഏറെയാണ്. കോട്ടയം ജില്ലയിൽ വിസ്തൃതി കൂടിയ വലിയ വില്ലേജ് ആണ് എരുമേലി. 1953ലാണ് എരുമേലി പഞ്ചായത്ത് നിലവിൽ വന്നത്. ഇത് പൂർണമായും ഉൾപ്പെട്ടതാണ് വില്ലേജ്. 55,000 ആണ് ജനസംഖ്യ. 9295.6070 ഹെക്ടർ ആണ് മൊത്തം വിസ്തൃതി. 22, 23, 24, 27, 28, 29, 82 എന്നിങ്ങനെ എഴ് ബ്ലോക്ക്‌ നമ്പരുകളിലായി 39172 തണ്ടപ്പേരുകളുണ്ട്. ഇത് കൂടാതെ എയ്ഞ്ചൽവാലിയിൽ പട്ടയം നൽകിയതിനാൽ പുതിയ ബ്ലോക്ക്‌ നിലവിൽവന്നു. 34 പോളിംഗ് ബൂത്തുകളും 23 വാർഡുകളും തെക്ക് വില്ലേജിൽ ഉൾപ്പെടുന്നു. ജില്ലയിൽ ഏറ്റവും കൂടുതൽ റവന്യു റിക്കവറിയും വനഭൂമിയും ഈ വില്ലേജിലാണ്.

ഇന്ന് സഹനങ്ങളുടെ ദുഃഖവെള്ളി ; കുരിശിന്‍റെ വഴിയേ വിശ്വാസികള്‍

കോട്ടയം: അനുഷ്ഠാനങ്ങളോടെ പെസഹാ ആചരണത്തിനുശേഷം യേശുവിന്‍റെ പീഡാസഹനത്തെയും കുരിശുമരണത്തെയും അനുസ്മരിച്ച് ക്രൈസ്തവലോകം ഇന്ന് ദുഃഖവെള്ളി ആചരിക്കും. ദുഃഖവെള്ളിയാചരണത്തിന്‍റെ ഭാഗമായി ദേവാലയങ്ങളില്‍ പ്രത്യേക തിരുക്കര്‍മങ്ങള്‍ ഉണ്ടായിരിക്കും. പീഡാനുഭവ വായന, കുരിശിന്‍റെ വഴി, നഗരികാണിക്കല്‍, സ്ലീവാ വണക്കം, പീഡാനുഭവ സന്ദേശം ആചരണങ്ങളോടെയാണ് ദുഃഖവെള്ളി തിരുക്കര്‍മങ്ങള്‍. ദുഃഖവെള്ളിയാചരണത്തിന്‍റെ ഭാഗമായി തീര്‍ഥാടനകേന്ദ്രങ്ങളിലും കുരിശുമലകളിലും ഇന്ന് കുരിശിന്‍റെ വഴിയേ വിശ്വാസികള്‍ എത്തും. പുരാതനവും പ്രകൃതി രമണീയവുമായ കിഴക്കന്‍ കുരിശുമലയായ വാഗമണ്‍ കുരിശുമലയിലേക്ക് വിശ്വാസികളുടെ പ്രവാഹമാണ്. ഇന്നലെ രാത്രി മുതല്‍ കുരിശുമലയിലേക്ക് വിശ്വസികള്‍ കുരിശിന്‍റെ വഴിയേ എത്തി. ഇന്നു രാവിലെ ഒമ്പതിന് കല്ലില്ലാക്കവലയില്‍നിന്നു മലമുകളിലേക്ക് കുരിശിന്‍റെ വഴിയുണ്ടായിരിക്കും. രാവിലെ മുതല്‍ മലമുകളില്‍ നേര്‍ച്ചക്കഞ്ഞി വിതരണവുമുണ്ട്. അരുവിത്തുറ വല്യച്ചന്‍മലയിലേക്കും തീര്‍ഥാടകരുടെ തിരക്കാണ്. ഇന്നു രാവിലെ ഒമ്പതിന് മലയടിവാരത്തുനിന്നു കുരിശിന്‍റെ വഴി ആരംഭിക്കും. അറുനൂറ്റിമംഗലം, തുമ്പച്ചി, കരുവള്ളിക്കാട്, കൂവപ്പള്ളി, പിഴക് വ്യാകുല സങ്കേതം, പാമ്പൂരാംപാറ, ഏഴാച്ചേരി ഫാത്തിമാഗിരി, കുടക്കച്ചിറ സെന്‍റ് തോമസ് മൗണ്ട്, തിടനാട് ഊട്ടുപാറ, കുറവിലങ്ങാട് മുത്തിയമ്മ മല എന്നിവിടങ്ങളിലും നൂറുകണക്കിനു വിശ്വാസികള്‍ കുരിശിന്‍റെ വഴിയേ പ്രാര്‍ഥനാപൂര്‍വം എത്തും. പാലാ ടൗണിലും അതിരമ്പുഴയിലും വൈകുന്നേരം ടൗണ്‍ ചുറ്റിയുള്ള ആഘോഷമായ കുരിശിന്‍റെ വഴി നടക്കും. ദുഃഖവെള്ളിയാചരണത്തിന്‍റെ ഭാഗമായി ദേവാലയങ്ങളില്‍ പാനവായനയും നടന്നു. യേശു ശിഷ്യരോടൊപ്പം സെഹിയോന്‍ ഊട്ടുശാലയില്‍ പെസഹ ആചരിച്ചതിന്‍റെയും വിശുദ്ധ കുര്‍ബാന സ്ഥാപിച്ചതിന്‍റെയും പാവനസ്മരണ പുതുക്കി ദേവാലയങ്ങളില്‍ ഇന്നലെ പെസഹാ ആചരണം നടന്നു. എളിമയുടെയും ലാളിത്യത്തിന്‍റെയും മാതൃകയായി യേശു ശിഷ്യരുടെ പാദങ്ങള്‍ കഴുകി ചുംബിച്ചതിന്‍റെ സ്മരണ പുതുക്കി പാദക്ഷാളനവും ഉണ്ടായിരുന്നു. പ്രമുഖ ദേവാലയങ്ങളിലും കത്തീഡ്രലുകളിലും ബിഷപ്പുമാര്‍ പാദക്ഷാളനത്തിനു കാര്‍മികത്വം വഹിച്ചു. വൈകുന്നേരം ഭവനങ്ങളില്‍ കുടുംബാംഗങ്ങള്‍ ഒത്തുചേര്‍ന്ന് അനുഷ്ഠാനങ്ങളോടെ പെസഹ ആചരിച്ചു. ദുഃഖശനി ദിവസമായ നാളെ ദേവലായങ്ങളില്‍ പുത്തന്‍തീയും വെള്ളവും വെഞ്ചരിപ്പും മാമോദീസാ വ്രതനവീകരണവും ഉണ്ടായിരിക്കും.

ത്യാഗപൂർവം നീന്തുനേർച്ചയിൽ പങ്കെടുത്ത് വിശ്വാസികൾ

കുടമാളൂർ: കേരളത്തിലെ പ്രമുഖ വിശുദ്ധവാര തീർഥാടന കേന്ദ്രമായ കുടമാളൂർ സെന്‍റ് മേരീസ് മേജർ ആർക്കിഎപ്പിസ്കോപ്പൽ തീർഥാടനകേന്ദ്രത്തിൽ പ്രധാന നേർച്ചയായ നീന്തുനേർച്ച ആരംഭിച്ചു. രാവിലെ ആർച്ച്പ്രീസ്റ്റ് റവ. ഡോ. മാണി പുതിയിടത്തിന്‍റെ പ്രത്യേക പ്രാർഥനയോടെ നീന്തുനേർച്ച ആരംഭിച്ചു. ആദ്യം ആർച്ച്പ്രീസ്റ്റും സഹവൈദികരും പിന്നെ ഇടമുറിയാതെ നാനാജാതി മതസ്ഥരായ ഭക്തജനങ്ങളും ത്യാഗപൂർവം നീന്തുനേർച്ചയിൽ പങ്കാളികളായി. പള്ളിയുടെ പടിഞ്ഞാറുവശത്തുള്ള കൽക്കുരിശിനു മുന്നിൽ തിരികൾ കത്തിച്ച് നേർച്ച സമർപ്പിച്ച ശേഷം പഴയ പള്ളിയുടെ കവാടം വരെയാണ് ഭക്തജനങ്ങൾ മുട്ടിൽ നീന്തുന്നത്. പഴയപള്ളിയിൽ പ്രതിഷ്ഠിച്ചിട്ടുള്ള പങ്കപ്പാട് തിരുസ്വരൂപത്തെ ചുംബിച്ച് പാപപരിഹാരത്തിനും വിവിധ നിയോഗങ്ങൾക്കുമായുള്ള പ്രാർഥനകൾ അർപ്പിച്ചാണ് ഭക്തജനങ്ങളുടെ മടക്കം. ഇന്നു പകലും നീന്തുനേർച്ച തുടരും. ഇന്നലെ പെസഹാ തിരുക്കർമങ്ങൾക്കു ശേഷം പഴയ പള്ളിയിലേക്ക് വിശുദ്ധ കുർബാനയുടെ പ്രദക്ഷിണം നടത്തി. തുടർന്ന് ആരംഭിച്ച ദിവ്യകാരുണ്യ ആരാധന ഇന്ന് രാവിലെ 8.30ന് സമാപിക്കും. നീന്തുനേർച്ചയിലും പള്ളിയിൽ രാത്രിയിൽ നടന്ന അഖണ്ഡ ആരാധനയിലും വിവിധ ദേശങ്ങളിൽനിന്നെത്തുന്ന ആയിരക്കണക്കിന് ഭക്തജനങ്ങൾ പങ്കാളികളാകും. പീഡാനുഭവ പ്രദർശന ധ്യാനം ഇന്ന് വിഖ്യാതമായ പീഡാനുഭവ പ്രദർശന ധ്യാനം ഇന്നു നടത്തും. പള്ളിമൈതാനത്ത് സജ്ജീകരിച്ച പ്രത്യേക വേദിയിൽ രാത്രി 7.15ന് പീഡാനുഭവ പ്രദർശന ധ്യാനം ആരംഭിക്കും. പീഡാനുഭവ വെള്ളിയുടെ ധ്യാനവിഷയങ്ങളും സംഭവങ്ങളും ദൃശ്യവത്കരിക്കപ്പെടുന്നതാണ് കുടമാളൂരിലെ പ്രത്യേകത. കൺപോളകൾ തുറക്കുകയും അടയ്ക്കുകയും ചെയ്യുന്ന, കൈകാലുകൾ ചലിപ്പിക്കാവുന്ന തിരുസ്വരൂപമാണ് പീഡാനുഭവ പ്രദർശനത്തിനായി ഉപയോഗിക്കുന്നത്. ഈശോയുടെ തിരുവത്താഴം, ഗദ്സമെനിലെ പ്രാർഥന, പീലാത്തോസിന്‍റെ അരമനയിലെ വിചാരണ, കുരിശിന്‍റെ വഴിയിൽ മാതാവുമായുള്ള കൂടിക്കാഴ്ച, കർത്താവിന്‍റെ തിരുമുഖം വേറോനിക്ക തൂവാലയിൽ ഒപ്പിയെടുക്കുന്നത്, ശെമയോൻ ഈശോയെ സഹായിക്കുന്നത്, ഈശോയുടെ കുരിശുമരണം, ദൈവപുത്രന്‍റെ മേനി മാതാവ് മടിയിൽ കിടത്തുന്നത് തുടങ്ങിയവയെല്ലാം ദൃശ്യവത്കരിക്കപ്പെടുന്നു. ദൃശ്യങ്ങളോടൊപ്പവും സന്ദേശം നൽകും. ഈ വർഷം ഫാ. ജോസഫ് പുതുവീടാണ് സന്ദേശം നൽകുന്നത്. വൈകുന്നേരം മൂന്നിന് ആരംഭിക്കുന്ന പീഡാനുഭവ തിരുക്കർമങ്ങളിൽ അതിരൂപത പ്രോട്ടോസിഞ്ചെല്ലൂസ് ഫാ. ആന്‍റണി എത്തയ്ക്കാട്ട് മുഖ്യകാർമികത്വം വഹിക്കും. ഫാ. ആന്‍റണി തറേക്കടവിൽ വചനസന്ദേശം നൽകും.

പാപ്പന്‍ ചേട്ടന്‍ 83-ാം വയസിലും പത്രവും വാര്‍ത്തയുമായി ജനപക്ഷത്തുണ്ട്

കോട്ടയം: ദിവസവും പുത്തന്‍ വാര്‍ത്തകളുള്ള പത്രവുമായി കെ.ജെ. ജോസഫ് എന്ന പാപ്പന്‍ ചേട്ടന്‍ വായനക്കാരുടെ മുന്നിലെത്താന്‍ തുടങ്ങിയിട്ട് ആറു പതിറ്റാണ്ടായി 83-ാം വയസിലും പത്ര വിതരണത്തില്‍ ഇദ്ദേഹത്തിന് മുടക്കമില്ല. കോട്ടയം ജില്ലയില്‍ അകലക്കുന്നം പഞ്ചായത്തിലെ കരിമ്പാനി, മണ്ണൂര്‍ പള്ളി, മണല്‍, വടക്കേടത്തുപീടിക, വെള്ളറ, പൂവത്തളപ്പ് പ്രദേശക്കാരുടെ പത്ര ഏജന്റാണ് പാപ്പന്‍ ചേട്ടന്‍. 1963ല്‍ ദീപിക പത്രത്തിന്‍റെ ഏജസിയുമായാണ് തുടക്കം. അന്നൊക്കെ അയര്‍ക്കുന്നം, മണര്‍കാട് എന്നിവിടങ്ങളില്‍ പത്രം ജീപ്പിലെത്തിക്കും. അവിടെ നിന്ന് പത്രകെട്ടുകള്‍ തലചുമടായി എത്തിച്ചായിരുന്നു വിതരണം. പിന്നീട് സൈക്കിളും സ്‌കൂട്ടറുമൊക്കയായി. പുലര്‍ച്ചെ മൂന്നിന് അയര്‍ക്കുന്നത്തെത്തി പത്രകെട്ടുകള്‍ എടുക്കുന്ന പാപ്പന്‍ ചേട്ടന്‍റെ പത്ര വിതരണം തീരുമ്പോള്‍ ഉച്ചയാകുമായിരുന്നു. അതിരാവിലെയുള്ള ബസുകളില്‍ കയറി സീറ്റിലിരുന്നും പത്രവിതരണം നടത്തിയിരുന്നു. പ്രായത്തിന്റെ അവശതകളുണ്ടെങ്കിലും ഇപ്പോഴും പത്രവിതരണത്തില്‍ പാപ്പന്‍ ചേട്ടന്‍ സജീവമാണ്. പത്ര വിതരണത്തിനു ശേഷം നാട്ടുവാര്‍ത്തകളും പരസ്യങ്ങളുമായി ദീപിക ഉള്‍പ്പെടെയുള്ള പത്ര ഓഫീസുകളില്‍ നേരിട്ടെത്തുകയും ചെയ്യും. ഏജന്‍സി കമ്മീഷനിലൂടെ ലഭിക്കുന്ന വരുമാനമാണ് പാപ്പന്‍ ചേട്ടന്‍റെ ജീവിതമാര്‍ഗം. മക്കളെ നല്ല നിലയില്‍ വളര്‍ത്തി ഉന്നത നിലയിലെത്തിക്കാനും കുടുംബം മുന്നോട്ടു പോകാനും പത്രം ഏജന്‍സിയാണ് സഹായിച്ചതെന്നും ആരോഗ്യവും ആയുസും അനുവദിക്കുന്ന കാലം വരെഈ ജോലിയുമായി മുന്നോട്ടു പോകണമെന്നാണ് ആഗ്രഹമെന്നും പാപ്പന്‍ ചേട്ടന്‍ പറയുന്നു. പത്രവിതരണ തിരക്കുകള്‍ക്കിടയിലും ദിവസവും രാവിലെ കരിമ്പാനി പള്ളിയിലെത്തി വിശുദ്ധ കുര്‍ബാനയില്‍ പങ്കെടുക്കാന്‍ ഇദ്ദേഹം സമയം കണ്ടെത്തുന്നു. ഭാര്യ കാതറൈനമ്മ. നാലു മക്കളാണുളളത്.

എല്‍ഡിഎഫ് കുടുംബ യോഗം

ചങ്ങനാശേരി: എല്‍ഡിഎഫ് സർക്കാരിന്‍റെ നാലാം വാര്‍ഷികത്തോടനുബന്ധിച്ചുള്ള 29ന് കോട്ടയം നെഹ്‌റു സ്റ്റേഡിയത്തില്‍ നടക്കുന്ന സമ്മേളനത്തോടും റാലിയോടും അനുബന്ധിച്ച് തൃക്കൊടിത്താനത്തു കുടുംബ സമ്മേളനം നടത്തി. സിപിഎം സംസ്ഥാന കമ്മിറ്റിയംഗം കെ. അനില്‍കുമാര്‍ ഉദ്ഘാടനം ചെയ്തു. സിപിഐ ജില്ലാ കൗണ്‍സില്‍ അംഗം ഷേര്‍ലി ഹരികൃഷ്ണന്‍ അധ്യക്ഷത വഹിച്ചു. നേതാക്കളായ കെ.ഡി. സുഗതന്‍, എന്‍. രാജു, എം.കെ. ഉണ്ണികൃഷ്ണന്‍, ഷാജി കോലേട്ട്, ജോഷി ജോസഫ്, മഞ്ജു സുജിത്ത്, കെ.സി. അജയന്‍, രജനി സാബു, പി.ടി. ബിനു എന്നിവര്‍ പ്രസംഗിച്ചു.

വൈശാഖ മാസാചരണവും അഞ്ചമ്പല ദര്‍ശനവും

ചങ്ങനാശേരി: വൈശാഖമാസാചരണത്തിന്‍റെയും അഞ്ചമ്പല ദര്‍ശനത്തിന്‍റെയും ഭാഗമായി തിരുവിതാംകൂര്‍ ദേവസ്വം ബോര്‍ഡ് ഉദ്യോഗസ്ഥരുടെയും പഞ്ചദിവ്യ ദേശദര്‍ശന്‍റെയും ഉപദേശക സമിതികളുടെയും സംയുക്ത യോഗം തൃക്കൊടിത്താനം മഹാ ക്ഷേത്രത്തില്‍ ചേര്‍ന്നു. 28 മുതല്‍ മേയ് 26വരെയാണ് വൈശാഖ മാസാചരണം നടക്കുന്നത്. ഇതര സംസ്ഥാനങ്ങളില്‍നിന്നുള്ള വൈഷ്ണവ ഭക്തര്‍ ഏറ്റവും കൂടുതല്‍ എത്തുന്നത് വൈശാഖ മാസത്തിലാണ്. പഞ്ച ദിവ്യദേശ ദര്‍ശന്‍ ചെയര്‍മാന്‍ ബി. രാധാകൃഷ്ണമേനോന്‍ അധ്യക്ഷത വഹിച്ചു. പത്തനംതിട്ട ഡെപ്യൂട്ടി ദേവസ്വം കമ്മീഷണര്‍ ശ്രീധരശര്‍മ, അസിസ്റ്റന്‍റ് ദേവസ്വം കമ്മീഷണര്‍ കവിത എസ്. നായര്‍, ചെങ്ങന്നൂര്‍ അഡ്മിനിസ്‌ട്രേറ്റീവ് ഓഫീസര്‍ പി.ആര്‍. മീര, ആറന്മുള അഡ്മിനിസ്‌ട്രേറ്റീവ് ഓഫീസര്‍ കെ.കെ. ഈശ്വരന്‍ നമ്പൂതിരി, കോട്ടയം എക്‌സിക്യുട്ടീവ് എന്‍ജിനിയര്‍ ഉപ്പിലിയപ്പന്‍, ചങ്ങനാശേരി അസിസ്റ്റന്‍റ് കമ്മീഷണര്‍ ഉണ്ണികൃഷ്ണന്‍ നായര്‍, തൃക്കൊടിത്താനം സബ് ഗ്രൂപ്പ് ഓഫീസര്‍ അരുണ്‍ എ. എന്നിവര്‍ പ്രസംഗിച്ചു.

റവ.ഡോ. ടെഡി കാഞ്ഞൂപ്പറമ്പിലിന് പൗരാവലിയുടെ സ്വീകരണം

ചങ്ങനാശേരി: എസ്ബി കോളജിന്‍റെ പുതിയ പ്രിന്‍സിപ്പലായി ചുമതലയേറ്റ റവ.ഡോ. ടെഡി കാഞ്ഞൂപ്പറമ്പിലിനെ ചങ്ങനാശേരി പൗരാവലി അനുമോദിച്ചു. ജോബ് മൈക്കിള്‍ എംഎല്‍എ ഉദ്ഘാടനം ചെയ്തു. എസ്ബി കോളജില്‍ നടന്ന യോഗത്തില്‍ ഡോ. റൂബിള്‍ രാജ് അധ്യക്ഷത വഹിച്ചു. ഗിരീഷ് കോനാട്ട്, കെ.എഫ്. വര്‍ഗീസ്, വി.ജെ. ലാലി, കുര്യന്‍ തൂമ്പുങ്കല്‍, ജോസുകുട്ടി നെടുമുടി, ജോണ്‍സണ്‍ പ്ലാന്തോട്ടം, ജസ്റ്റിന്‍ ബ്രൂസ്, അഡ്വ. വിമല്‍ ചന്ദ്രന്‍, റൗഫ് റഹീം, ഡോ. റോയി ജോസഫ്, ജോസുകുട്ടി കുട്ടംപേരൂര്‍, സിബി മുക്കാടന്‍, ജിജി നിറപറ, ഡോ. സിബി ജോസഫ്, ഡോ.കെ.വി. ജോമോന്‍, ജോമോന്‍ വെള്ളാപ്പള്ളി എന്നിവര്‍ പ്രസംഗിച്ചു. പൗരാവലിയുടെ ഉപഹാരം എംഎല്‍എ സമ്മാനിച്ചു.

കോടതി ഫീസ് വര്‍ധനയിൽ പ്രതിഷേധം : നിയമസഹായത്തിനായി കോടതിയെ സമീപിക്കുന്നവരെ കൊള്ളയടിക്കുന്നെന്ന്

ചങ്ങനാശേരി: ഭീമമായ കോര്‍ട്ട് ഫീ വര്‍ധനയ്ക്കെതിരേ കേരളാ അഡ്വക്കേറ്റ് ക്ലാര്‍ക്ക്‌സ് അസോസിയേഷന്‍ ചങ്ങനാശേരി യൂണിറ്റ് കമ്മിറ്റിയുടെ നേതൃത്വത്തില്‍ ചങ്ങനാശേരി റവന്യൂ ടവറിന് മുന്നില്‍ പ്രതിഷേധ ധര്‍ണ നടത്തി. യൂണിറ്റ് പ്രസിഡന്‍റ് എ.എസ്. പ്രതാപന്‍റെ അധ്യക്ഷതയില്‍ ചേര്‍ന്ന ധര്‍ണ ജില്ലാ സെക്രട്ടറി കെ.സി. ബിനു ഉദ്ഘാടനം ചെയ്തു. അഭിഭാഷക പരിഷത്ത് യൂണിറ്റ് പ്രസിഡന്‍റ് അഡ്വ. കുര്യന്‍ ജോസഫ്, ലോയേഴ്സ് കോണ്‍ഗ്രസ് യൂണിറ്റ് പ്രസിഡന്‍റ് അഡ്വ. അനൂപ് വിജയന്‍, ക്ലര്‍ക്ക്‌സ് അസോസിയേഷന്‍ സംസ്ഥാന കൗണ്‍സില്‍ അംഗം കെ.പി. പ്രജീഷ്, മധു ഗോപിനാഥ്, ആന്‍റണി സേവ്യര്‍, കെ.വി. ജോസഫ് എന്നിവര്‍ പ്രസംഗിച്ചു.

മാർ പെരുന്തോട്ടത്തിന്‍റെ നേതൃത്വത്തിൽ കരുവള്ളിക്കാട് കുരിശുമല കയറ്റം

ചുങ്കപ്പാറ: ചുങ്കപ്പാറ - നിർമലപുരം - കരുവള്ളിക്കാട് സെന്‍റ് തോമസ് കുരിശുമലയിലേക്ക് ചങ്ങനാശേരി അതിരൂപത മുൻ അധ്യക്ഷൻ മാർ ജോസഫ് പെരുന്തോട്ടത്തിന്‍റെ നേതൃത്വത്തിൽ ഇന്നലെ തീർഥാടനം നടന്നു. അതിരൂപതയിലെ ‌യുവദീപ്തി, എസ്എംവൈഎം ഭാരവാഹികളും സെനറ്റംഗങ്ങളും യുവജനങ്ങളും കുരിശിന്‍റെ വഴിയിൽ പങ്കുചേർന്നു. നിരവധി വിശ്വാസികളും കുരിശുമലയിൽ യാത്രയിൽ പങ്കെടുത്തു. പ്രത്യേക പ്രാർഥനകളോടെ പീഡാനുഭവ സ്മരണ പുതുക്കിയാണ് സെന്‍റ് തോമസ് കുരിശുമലയിലെത്തി സമാപന ആശീർവാദം നൽകിയത്. നേരത്തേ നിർമലപുരം സെന്‍റ് മേരീസ് ദേവാലയത്തിൽ‌ പ്രാർഥനയ്ക്കുശേഷം മാർ ജോസഫ് പെരുന്തോട്ടം സന്ദേശം നൽകി. ഈശോയുടെ പീഡാനുഭവ സ്മരണയിൽ നാം ആയിരിക്കുന്പോൾ അത് ജീവിതാനുഭവമായി മാറണമെന്ന് അദ്ദേഹം ഉദ്ബോധിപ്പിച്ചു. തീർഥാടന കേന്ദ്രം വികാരി ഫാ. മോബൻ ചൂരവടി, ഫാ. റ്റോണി മണിയഞ്ചിറ,ഫാ. ജോബിൻ ആനക്കല്ലുങ്കൽ എന്നിവർ നേതൃത്വം നൽകി.

ബംഗളൂരുവില്‍നിന്നു കോട്ടയം വഴി കൊല്ലത്തേക്ക് സ്‌പെഷല്‍ ട്രെയിനുകള്‍

ചങ്ങനാശേരി: ഈസ്റ്റര്‍ ആഘോഷങ്ങളുടെ ഭാഗമായി ബംഗളൂരില്‍നിന്നു മധ്യതിരുവതാംകൂറിലേക്കുള്ള ട്രെയിന്‍ യാത്ര സുഗമമാക്കുന്നതിനായി ബംഗളൂരില്‍നിന്നു കോട്ടയം വഴി കൊല്ലത്തേക്ക് രണ്ട് സ്‌പെഷല്‍ ട്രെയിനുകള്‍ അനുവദിപ്പിച്ചതായി കൊടിക്കുന്നില്‍ സുരേഷ് എംപി അറിയിച്ചു. ട്രെയിന്‍ നമ്പര്‍ 06577/06578 എസ്എംവിടി ബംഗളൂരു-കൊല്ലം എസ്എംവിടി ബംഗളൂരു സ്‌പെഷല്‍ ഏപ്രില്‍ 17ന് ബംഗളൂരുവില്‍നിന്ന് യാത്ര തിരിക്കും. 18ന് കൊല്ലത്തുനിന്നു ബാംഗളൂരിലേക്ക് തിരികെ പോകും. ട്രെയിന്‍ നമ്പര്‍ 06585/06586 എസ്എംവിടി ബംഗളൂരു-കൊല്ലം എസ്എംവിടി ബംഗളുരു സ്‌പെഷല്‍ ഏപ്രില്‍ 19ന് ബംഗളൂരുവിൽനിന്നും കൊല്ലത്തേക്ക് യാത്രതിരിക്കും. 20ന് കൊല്ലത്തു നിന്നും ബംഗളൂരുവിലേക്ക് തിരികെ പോകും. യാത്രക്കാരുടെ തിരക്ക് പരിഗണിച്ച് റെയില്‍വേ മന്ത്രിയോട് പ്രത്യേകമായി ആവശ്യപ്പെട്ടാണ് സ്‌പെഷല്‍ ട്രെയിനുകള്‍ അനുവദിപ്പിച്ചത്. ഇരു ട്രെയിനുകളും ഓരോ സര്‍വീസ്‌ വീതമായിരിക്കും നടത്തുക. മാവേലിക്കര മണ്ഡലത്തിലെ പ്രധാന സ്റ്റേഷനുകളായ ചങ്ങനാശേരി, ചെങ്ങന്നൂര്‍, മാവേലിക്കര എന്നിവിടങ്ങളില്‍ ഇരു ട്രെയിനുകള്‍ക്കും സ്റ്റോപ്പ് ഉണ്ട്. ബംഗളൂരുവിലും കേരളത്തിലുമായി ജോലി ചെയ്യുന്ന ഒട്ടനവധി തൊഴിലാളികള്‍ക്കും വിദ്യാര്‍ഥികള്‍ക്കും ആശ്വാസം നല്‍കുന്ന രീതിയിലാണ് ഈ സര്‍വീസ് പ്രഖ്യാപിച്ചിരിക്കുന്നതെന്നും കൊല്ലം വഴി കൂടുതല്‍ റൂട്ടുകളില്‍ പ്രത്യേക ട്രെയിനുകള്‍ അനുവദിക്കണമെന്ന് റെയില്‍വേ അധികൃതരോടു തുടര്‍ച്ചയായി ആവശ്യപ്പെട്ടു കൊണ്ടിരിക്കുകയാണെന്നും എംപി അറിയിച്ചു. ഇരു ട്രെയിനുകളിലും ഓരോ എസി, 2 ടയര്‍, 3 ടയര്‍ കോച്ചുകളും 8 സ്ലീപ്പര്‍ കോച്ചുകളും നാലു വീതം ജനറല്‍ കോച്ചുകളും രണ്ട് സെക്കന്‍ഡ് സിറ്റിംഗ് കോച്ചുകളും ഉണ്ടായിരിക്കും.

കര്‍ഷകന് നെല്ലു കത്തിക്കേണ്ടിവന്ന ദുരന്തം: 21ന് നീലംപേരൂരില്‍ ധര്‍ണ

ചങ്ങനാശേരി: ഗത്യന്തരമില്ലാതെ നെല്ലു കത്തിക്കേണ്ടിവന്ന കര്‍ഷകനു സര്‍ക്കാര്‍ നഷ്ടപരിഹാരം നല്‍കണമെന്ന് ഡിസിസി ജനറല്‍ സെക്രട്ടറി കെ. ഗോപകുമാര്‍ ആവശ്യപ്പെട്ടു. മില്ലുകാര്‍ക്ക് ഒത്താശ ചെയ്യുന്ന സര്‍ക്കാരിന്‍റെ നിഷ്‌ക്രിയത്വവും കര്‍ഷക അവഗണനയും മൂലമാണ് നീലംപേരൂര്‍ ഈരയിലെ കര്‍ഷകനായ സോണിച്ചന് കൊയ്‌തെടുത്ത നെല്‍ക്കറ്റ കത്തിക്കേണ്ടി വന്നതെന്ന് അദ്ദേഹം ആരോപിച്ചു. സര്‍ക്കാരിന്‍റെ കെടുകാര്യസ്ഥതയില്‍ പ്രതിഷേധിച്ച് നീലംപേരൂര്‍ മണ്ഡലം കോണ്‍ഗ്രസ് കമ്മിറ്റിയുടെ നേതൃത്വത്തില്‍ 21 രാവിലെ 10ന് നീലംപേരൂര്‍ കൃഷിഭവനു മുന്നില്‍ ധര്‍ണ സംഘടിപ്പിക്കുമെന്ന് മണ്ഡലം പ്രസിഡന്‍റ് എം. വിശ്വനാഥപിള്ള അറിയിച്ചു.

തിരുവത്താഴ പുണ്യസ്മരണയില്‍ ഇന്ന് പെസഹാ ആചരണം

ചങ്ങനാശേരി: തിരുവത്താഴവേളയില്‍ ഈശോ അപ്പവും വീഞ്ഞും കൈകളിലുലയര്‍ത്തി "ഇതെന്‍റെ ശരീരവും രക്തവുമാകുന്നു’ എന്ന് പ്രഖ്യാപിച്ച് ശിഷ്യന്മാര്‍ക്ക് വിളമ്പി നല്‍കി വിശുദ്ധകുര്‍ബാന സ്ഥാപിച്ചതിന്‍റെ ഓര്‍മപുതുക്കി ക്രൈസ്തവര്‍ ഇന്ന് പെസഹാ തിരുനാള്‍ ആചരിക്കും. ആഘോഷമായ വിശുദ്ധകുര്‍ബാന, കാല്‍കഴുകല്‍ ശുശ്രൂഷ, ആരാധന എന്നീ തിരുക്കര്‍മങ്ങളോടെയാണ് ദേവാലയങ്ങളില്‍ പെസഹാ ആചരണം. പള്ളികളിലെ തിരുക്കർമങ്ങൾക്കുശേഷം വീടുകളിലെത്തി പ്രാര്‍ഥനാന്തരീക്ഷത്തില്‍ കുടുംബാംഗങ്ങളെല്ലാം ഒരുമിച്ചുകൂടി പ്രത്യേകം തയാറാക്കിയ കുരിശപ്പം മുറിച്ച് പ്രത്യേകമായി തയാർ ചെയ്ത പാലില്‍ മുക്കി ഭക്ഷിച്ച് തിരുവത്താഴസ്മരണ പുതുക്കും. സുവിശേഷവായനയും ജാഗരണ പ്രാര്‍ഥനയും നടത്തും. നസ്രാണി കുടുംബങ്ങളിലെ പെസഹാദിന രാത്രിയിലെ കുടുംബസംഗമം പ്രാര്‍ഥനാനിര്‍ഭരമായ കൂട്ടായ്മയുടെ സ്‌നേഹസംഗമമാണ്. മെത്രാപ്പോലീത്തന്‍ പള്ളിയില്‍ ചങ്ങനാശേരി സെന്‍റ് മേരീസ് മെത്രാപ്പോലീത്തന്‍ പള്ളിയില്‍ പെസഹാദിന തിരുക്കര്‍മങ്ങള്‍ വൈകുന്നേരം നാലിനാരംഭിക്കും. ആഘോഷമായ വിശുദ്ധകുര്‍ബാന, കാല്‍കഴുകല്‍ ശുശ്രൂഷ. ആര്‍ച്ച്ബിഷപ് മാര്‍ തോമസ് തറയില്‍ മുഖ്യകാര്‍മികത്വം വഹിക്കും. തുടര്‍ന്ന് പൊതുആരാധന. പീഡാനുഭവ വെള്ളി രാവിലെ ആറുമുതല്‍ 12വരെ ആരാധന. ഉച്ചകഴിഞ്ഞ് 2.30ന് പീഡാനുഭവ തിരുക്കര്‍മങ്ങള്‍. നഗരികാണിക്കല്‍, സ്ലീവാപ്പാത, തിരുസ്വരൂപ ചുംബനം. വലിയശനി വൈകുന്നേരം നാലിന് വിശുദ്ധകുര്‍ബാന, പുത്തന്‍തീ, വെള്ളം വെഞ്ചരിപ്പ്. ഉയിര്‍പ്പ് ഞായര്‍ പുലര്‍ച്ചെ 2.45ന് ഉയിര്‍പ്പ് ശുശ്രൂഷകള്‍, വിശുദ്ധകുര്‍ബാന, പ്രദക്ഷിണം. ആര്‍ച്ച്ബിഷപ് മാര്‍ തോമസ് തറയില്‍ കാര്‍മികനായിരിക്കും. 6.45നും 8.30നും പത്തിനും വിശുദ്ധകുര്‍ബാന. പാറേല്‍ പള്ളിയില്‍ ചങ്ങനാശേരി പാറേല്‍ സെന്‍റ് മേരീസ് പള്ളിയില്‍ ഇന്ന് പെസഹാതിരുക്കര്‍മങ്ങള്‍ വൈകുന്നേരം നാലിന് ആരംഭിക്കും. കാല്‍കഴുകല്‍ ശുശ്രൂഷ, വിശുദ്ധകുര്‍ബാന ആര്‍ച്ച്ബിഷപ് മാര്‍ ജോസഫ് പെരുന്തോട്ടം മുഖ്യകാര്‍മികത്വം വഹിക്കും. 6.15 മുതല്‍ ഏഴുവരെ ആരാധന. ദുഃഖവെള്ളി രാവിലെ 5.30 മുതല്‍ 12.30 വരെ ആരാധന. രണ്ടിന് സ്ലീവാപാത, 3.30ന് പീഡാനുഭവ കര്‍മങ്ങള്‍ വികാരിജനറാള്‍ മോണ്‍. മാത്യു ചങ്ങങ്കരി കാര്‍മികത്വം വഹിക്കും. തുടര്‍ന്ന് നഗരികാണിക്കല്‍, നോമ്പുകഞ്ഞി. ദുഃഖശനി വൈകുന്നേരം നാലിന് വിശുദ്ധകുര്‍ബാന, പുത്തന്‍തീ, വെള്ളം വെഞ്ചരിപ്പ്, 20ന് പുലര്‍ച്ചെ മൂന്നിന് ഉയിര്‍പ്പുതിരുനാള്‍ കര്‍മങ്ങള്‍, വിശുദ്ധകുര്‍ബാന, രാവിലെ ആറിനും എട്ടിനും വിശുദ്ധ കുര്‍ബാന. മേരി മൗണ്ട് പള്ളിയില്‍ ചങ്ങനാശേരി മേരി മൗണ്ട് റോമന്‍ കത്തോലിക്കാ ദേവാലയത്തിലെ പെസഹാദിന ശുശ്രൂഷകള്‍ വൈകുന്നേരം അഞ്ചിന് തിരുവത്താഴപൂജ, കാല്‍കഴുകല്‍ ശുശ്രൂഷ, ദിവ്യകാരുണ്യ പ്രദക്ഷിണം എന്നീ ശുശ്രൂഷകളോടെ നടക്കും. രാത്രി 7.30 മുതല്‍ 10.30വരെ ദിവ്യകാരുണ്യ ആരാധന. ദുഃഖവെള്ളി രാവിലെ ഒമ്പതിന് കുരിശിന്‍റെ വഴി. 2.45ന് പീഡാനുഭവ തിരുക്കര്‍മങ്ങള്‍. വലിയ ശനി രാവിലെ ഏഴിന് പ്രഭാത പ്രാര്‍ഥന. ഉയിര്‍പ്പ് ഞായര്‍ ദിവ്യബലി രാവിലെ 7.30. ചെത്തിപ്പുഴ പള്ളിയില്‍ ചെത്തിപ്പുഴ തിരുഹൃദയ പള്ളിയില്‍ വൈകുന്നേരം 4.30ന് പെസഹാ തിരുക്കര്‍മങ്ങള്‍. വിശുദ്ധകുര്‍ബാനയ്ക്കും കാല്‍കഴുകല്‍ ശുശ്രൂഷയ്ക്കും വികാരി ഫാ. തോമസ് കല്ലുകളം കാര്‍മികത്വം വഹിക്കും. ഫാ. ജെറിന്‍ വലിയതാഴത്ത് സന്ദേശം നല്‍കും. ആറിന് തിരുമണിക്കൂര്‍ ആരാധന. പീഡാനുഭവ വെള്ളി രാവിലെ ഏഴുമുതല്‍ ആരാധന. ഉച്ചകഴിഞ്ഞ് 2.30ന് വിശുദ്ധ കുരിശിന്‍റെ വഴി. 3.30ന് പീഡാനുഭവ വായന: ഫാ. ലൂക്കാ ചാവറ, ഫാ. അലക്സ് പ്രായിക്കളം, ഫാ. ബോബി മണത്തറ എന്നിവര്‍ കാര്‍മികരായിരിക്കും. വലിയശനി വൈകുന്നേരം അഞ്ചിന് വിശുദ്ധകുര്‍ബാന, പുത്തന്‍തീ, വെള്ളം വെഞ്ചരിപ്പ്. ഫാ. സ്‌കറിയ എതിരേറ്റ്, ഫാ. ജോബ് കിഴക്കേപ്പുറം എന്നിവര്‍ കാര്‍മികരായിരിക്കും. ഉയിര്‍പ്പ് ഞായര്‍ പുലര്‍ച്ചെ മൂന്നിന് ഉത്ഥാന അറിയിപ്പ്, വിശുദ്ധകുര്‍ബാന വികാരി ഫാ. തോമസ് കല്ലുകളം, ഫാ. ജെറിന്‍ ഇല്ലിക്കല്‍ എന്നിവര്‍ കാര്‍മികരായിരിക്കും. ആറിനും എട്ടിനും 9.30നും വിശുദ്ധകുര്‍ബാന. രാവിലെ ഏഴിന് കൂനന്താനം ചാപ്പലിലും വിശുദ്ധകുര്‍ബാന ഉണ്ടായിരിക്കും. കൊടിനാട്ടുംകുന്ന് പള്ളിയില്‍ കൊടിനാട്ടുംകുന്ന് സെന്‍റ് സെബാസ്റ്റ്യന്‍സ് പള്ളിയില്‍ വൈകുന്നേരം നാലിന് പെസഹാതിരുക്കര്‍മങ്ങള്‍. വിശുദ്ധകുര്‍ബാന, കാലുകഴുകള്‍ ശുശ്രൂഷ. വൈകുന്നേരം ആറിന് തിരുമണിക്കൂര്‍ ആരാധന. പീഡാനുഭവ വെള്ളി രാവിലെ ആറിന് ആരാധന. ഏഴിന് കുരിശിന്‍റെ വഴി. പത്തുമുതല്‍ പള്ളിയില്‍ ആരാധന. ഉച്ചകഴിഞ്ഞ് രണ്ടിന് പീഡാനുഭവ വായന, നഗരികാണിക്കല്‍, സ്ലീവാ ചുംബനം. വലിയശനി വൈകുന്നേരം 4.30ന് പുത്തന്‍തീ, വെള്ളം വെഞ്ചരിപ്പ,് വിശുദ്ധകുര്‍ബാന. ഉയിര്‍പ്പു തിരുനാള്‍ദിനത്തില്‍ പുലര്‍ച്ചെ 2.30ന് ഉയിർപ്പു തിരുക്കര്‍മങ്ങള്‍ വിശുദ്ധകുര്‍ബാന. തൃക്കൊടിത്താനം ഫൊറോന പള്ളിയില്‍ തൃക്കൊടിത്താനം സെന്‍റ് സേവ്യേഴ്‌സ് ഫൊറോന പള്ളിയില്‍ പെസഹാ തിരുക്കര്‍മങ്ങള്‍ വൈകുന്നേരം 4.30ന് വിശുദ്ധകര്‍ബാന, കാലുകഴുകല്‍ എന്നീ ശുശ്രൂഷകളോടെ നടക്കും. വികാരിജനറാള്‍ മോണ്‍. മാത്യു ചങ്ങങ്കരി മുഖ്യകാര്‍മികത്വം വഹിക്കും. തുടര്‍ന്ന് ദിവ്യകാരുണ്യ ആരാധന. പീഡാനുഭവ വെള്ളി രാവിലെ ആറുമുതല്‍ 2.30വരെ ആരാധന. 2.30ന് പൊതുആരാധന. തുടര്‍ന്ന് പീഡാനുഭവ തിരുക്കര്‍മങ്ങള്‍, നഗരികാണിക്കല്‍, സ്ലീവാചുംബനം. വലിയശനി വൈകുന്നേരം അഞ്ചിന് വിശുദ്ധകുര്‍ബാന, മാമ്മോദീസ വ്രതവാഗ്ദാനം, പുത്തന്‍തീ, പുത്തന്‍വെള്ളം വെഞ്ചരിപ്പ്. ആര്‍ച്ച്ബിഷപ് മാര്‍ തോമസ് തറയില്‍ മുഖ്യകാര്‍മികത്വം വഹിക്കും. ഉയിര്‍പ്പ് തിരുനാള്‍ പുലര്‍ച്ചെ 2.45ന് ഉയിര്‍പ്പ് തിരുക്കര്‍മങ്ങള്‍, വിശുദ്ധകുര്‍ബാന. 5.30നും 7.30നും വിശുദ്ധകുര്‍ബാന. വികാരി ഫാ. സെബാസ്റ്റ്യന്‍ പുന്നശേരി കാര്‍മികത്വം വഹിക്കും. കൂത്രപ്പള്ളി പള്ളിയില്‍ കൂത്രപ്പള്ളി സെന്‍റ് മേരീസ് പള്ളിയില്‍ പെസഹാ തിരുക്കര്‍മങ്ങള്‍ ഇന്ന് ഉച്ചകഴിഞ്ഞ് ആരംഭിക്കും. നാലിന് വിശുദ്ധ കുര്‍ബാന, കാലുകഴുകല്‍ ശുശ്രൂഷ, വൈകുന്നേരം ആറിന് ദിവ്യകാരുണ്യ ആരാധന. പീഡാനുഭവ വെള്ളി രാവിലെ 5.30 മുതല്‍ ദിവ്യകാരുണ്യാരാധന. 11നു വിവിധ സ്ഥലങ്ങളില്‍നിന്ന് കുരിശിന്‍റെ വഴികള്‍ പള്ളിയിലെത്തിച്ചേരും. തുടര്‍ന്ന് പൊതു ആരാധന. 12.30ന് നേര്‍ച്ച ഭക്ഷണം. ഉച്ചകഴിഞ്ഞ് രണ്ടു മുതല്‍ പൊതുആരാധന, മൂന്നിന് പീഡാനുഭവ കര്‍മങ്ങള്‍. തിരുക്കര്‍മങ്ങള്‍ക്ക് വികാരി ഫാ. തോമസ് മംഗലത്ത് നേതൃത്വം നല്‍കും. തോട്ടയ്ക്കാട് കത്തോലിക്കാ പള്ളിയിൽ തോട്ടയ്ക്കാട് സെന്‍റ് ജോര്‍ജ് കത്തോലിക്കാ പള്ളിയിലെ പെസഹാ തിരുക്കര്‍മങ്ങള്‍ ഇന്ന് വൈകുന്നേരം നാലിന് ആരംഭിക്കും. 4.15ന് കാല്‍കഴുകല്‍ ശുശ്രൂഷ, വിശുദ്ധ കുര്‍ബാന, പെസഹാ സന്ദേശം. വൈകുന്നേരം ആറിന് പൊതു ആരാധന, 8.30ന് ഭവനങ്ങളില്‍ അപ്പം മുറിക്കല്‍ ശുശ്രൂഷ. കുറിച്ചി ശാന്തിഗിരി പള്ളിയിൽ കുറിച്ചി ശാന്തിഗിരി സെന്‍റ് ജോസഫ് പള്ളിയിലെ പെസഹാ തിരുക്കർമങ്ങൾ ഇന്ന് വൈകുന്നേരം നടക്കും. 4.30ന് വിശുദ്ധ കുർബാന, കാലുകഴുകൽ, ആരാധന. ദുഃഖവെള്ളിയാഴ്ച രാവിലെ ഏഴിന് പൊതു ആരാധന, എട്ടിന് സ്ലീവാപാത, ഉച്ചകഴിഞ്ഞ് 2.30ന് പീഡാനുഭവ തിരുക്കർമങ്ങൾ. വലിയശനി വെെകുന്നേരം അഞ്ചിന് വിശുദ്ധ കുർബാന, മാമ്മോദീസാ വ്രത നവീകരണം. ഉയിർപ്പ് തിരുനാൾ പുലർച്ചെ മൂന്നിന് ഉയിർപ്പു തിരുക്കർമങ്ങൾ, വിശുദ്ധ കുർബാന. രാവിലെ 6.30ന് വിശുദ്ധ കുർബാന. വികാരി ഫാ. ജോസഫ് പുതിയാപറമ്പിൽ തിരുക്കർമങ്ങൾക്ക് നേതൃത്വം നൽകും.

കടുത്തുരുത്തി-പിറവം റോഡ്: ഭരണാനുമതി ഉത്തരവായി

കടുത്തുരുത്തി: കടുത്തുരുത്തി - പിറവം റോഡില്‍ വാട്ടര്‍ അഥോറിറ്റിക്ക് പൈപ്പ് ഇടുന്നതിനുവേണ്ടി വിട്ടുകൊടുത്ത കടുത്തുരുത്തി മുതല്‍ അറുനൂറ്റിമംഗലം വരെയുള്ള ചെയ്‌നേജ് പുനരുദ്ധരിച്ചു റീ ടാറിംഗ് നടത്തുന്നതിനുള്ള ഫയലിന്മേല്‍ ഭരണാനുമതി നല്‍കുന്നതിന് അന്തിമ ഉത്തരവ് സര്‍ക്കാര്‍ പുറപ്പെടുവിച്ചു. മോന്‍സ് ജോസഫ് എംഎല്‍എയാണ് ഇക്കാര്യമറിയിച്ചത്. കടുത്തുരുത്തി - പിറവം റോഡ് പുനരുദ്ധരിക്കാന്‍ വാട്ടര്‍ അഥോറിറ്റി ഡിപ്പോസിറ്റ് ചെയ്ത 2.67 കോടി രൂപയുടെ ഭരണാനുമതി ലഭിക്കാനുള്ള ഫയല്‍ അംഗീകരിച്ചുകൊണ്ടാണ് സര്‍ക്കാര്‍ ഉത്തരവ് പുറപ്പെടുവിച്ചത്.

കുളിമുറിയിൽനിന്നു മൂർഖനെ പിടികൂടി

വെള്ളൂർ: മൂർഖൻപാമ്പിനെ കുളിമുറിയിൽനിന്നു സർപ്പ അംഗങ്ങൾ പിടികൂടി. വെള്ളൂർ ഇറുമ്പയം മലയിൽ ശിവദാസന്‍റെ വീട്ടിലെ കുളിമുറിയിൽനിന്നാണ് ഇന്നലെ രാത്രി എട്ടോടെ മൂർഖനെ പിടികൂടിയത്. വീട്ടിൽ മൂർഖനെ കണ്ടതിനെത്തുടർന്ന് വീട്ടുകാർ പോലീസ് സ്റ്റേഷനിൽ അറിയിക്കുകയായിരുന്നു പോലീസ് അറിയച്ചതിനെത്തുടർന്ന് വനംവകുപ്പ് അധികൃതർ പാമ്പ് പിടിത്തത്തിൽ പരിശീലനം ലഭിച്ച സർപ്പഗ്രൂപ്പ് അംഗങ്ങളെ നിയോഗിക്കുകയായിരുന്നു. സർപ്പഗ്രൂപ്പ് അംഗങ്ങളായ പി.എസ്. സുജയ് അരയൻകാവ്, ആൽബിൻ മാത്യു, ജോൺസൺ വർക്കി വെള്ളൂർ എന്നിവർ ചേർന്നാണ് മൂർഖനെ പിടികൂടി ചാക്കിലാക്കിയത്.

ടിപ്പര്‍ എതിരേ വന്ന ലോറിയിലും നിര്‍ത്തിയിരുന്ന സ്‌കൂട്ടറിലും ഇടിച്ചു

തലപ്പാറ: ഓട്ടത്തിനിടെ മുന്‍വശത്തെ ടയര്‍ പൊട്ടിയതിനെത്തുടര്‍ന്ന് നിയന്ത്രണംവിട്ട ടിപ്പര്‍ എതിരേ വന്ന നാഷണല്‍ പെര്‍മിറ്റ് ലോറിയിലും നിര്‍ത്തിയിരുന്ന സ്‌കൂട്ടറിലും ഇടിച്ച് അപകടം. റോഡരികില്‍ സ്‌കൂട്ടര്‍ നിര്‍ത്തിയ ശേഷം സമീപത്തെ കടയിലേക്കു നടന്നുനീങ്ങുന്നതിനിടെ അപകടമുണ്ടായതിനാല്‍ സ്‌കൂട്ടര്‍ യാത്രികന്‍ അദ്ഭുതകരമായി രക്ഷപ്പെട്ടു. ടിപ്പറിന് അടിയില്‍പ്പെട്ട് സ്‌കൂട്ടര്‍ പൂര്‍ണമായി തകര്‍ന്നു. ഇന്നലെ രാവിലെ 8.45ന് തലയോലപ്പറമ്പ് - തലപ്പാറ റോഡില്‍ ആലിന്‍ചുവട്ടിലായിരുന്നു അപകടം. പെരുവയില്‍നിന്നു വൈക്കം ഭാഗത്തേക്കു മെറ്റല്‍ കയറ്റിവന്ന വല്ലകം സ്വദേശി ഓടിച്ചിരുന്ന ടിപ്പറാണ് അപകടത്തില്‍പ്പെട്ടത്. ടിപ്പര്‍ താഴ്ചയിലുള്ള സ്വകാര്യവ്യക്തിയുടെ പുരയിടത്തിലാണ് നിന്നത്. തലയോലപ്പറമ്പില്‍ പച്ചക്കറി ഇറക്കിയ ശേഷം പെരുവ ഭാഗത്തേക്ക് പോവുകയായിരുന്നു നാഷണല്‍ പെര്‍മിറ്റ് ലോറി. ഇടിയുടെ ആഘാതത്തില്‍ നാഷണല്‍ പെര്‍മിറ്റ് ലോറിയുടെ ഒരുവശം ഭാഗികമായും ടിപ്പറിന്‍റെ മുന്‍വശം പൂര്‍ണമായും തകര്‍ന്നു. അപകടത്തെത്തുടര്‍ന്ന് പ്രധാന റോഡില്‍ ഒരു മണിക്കൂറോളം ഗതാഗതം ഭാഗികമായി തടസപ്പെട്ടു. പോലീസ് സ്ഥലത്തെത്തി മേല്‍നടപടി സ്വീകരിച്ചു.

വയോജന സംഗമം

മുട്ടുചിറ: വിശുദ്ധവാരാചരണത്തോടനുബന്ധിച്ചു മുട്ടുചിറ റൂഹാദ്ക്കുദിശാ ഫൊറോന പള്ളിയില്‍ വയോജനസംഗമം നടത്തി. രാവിലെ കുമ്പസാരവും തുടര്‍ന്ന് വിശുദ്ധ കുര്‍ബാനയും അതിനുശേഷം സെന്‍റ് അല്‍ഫോന്‍സാ കണ്‍വന്‍ഷന്‍ ഹാളില്‍ സ്നേഹവിരുന്നും നടന്നു. 250ലധികം വയോജനങ്ങള്‍ പങ്കെടുത്തു. വിവിധ ഭക്തസംഘടനകളുടെ നേതൃത്വത്തില്‍ നടന്ന സംഗമത്തിന് വികാരി ഫാ. ഏബ്രാഹം കൊല്ലിത്താനത്തുമലയില്‍, സഹവികാരിമാരായ ഫാ. മാത്യു വാഴചാരിക്കല്‍, ഫാ. ആന്‍റണി ഞരളക്കാട്ട് തുടങ്ങിയവര്‍ നേതൃത്വം നല്‍കി.

പള്ളികളിൽ പെസഹ ആചരണം

കടുത്തുരുത്തി/വൈക്കം: പെസഹാ തിരുക്കര്‍മങ്ങള്‍ക്കായി വിശ്വാസികളും ദേവാലയങ്ങളും ഒരുങ്ങി. കുരിശുമരണത്തിന്‍റെ മുന്നോടിയായി ഈശോ നടത്തിയ പെസഹാ ആചരണത്തിന്‍റെ ഓര്‍മപുതുക്കി ഇന്നു ദേവാലയങ്ങളില്‍ പെസഹാ തിരുക്കര്‍മങ്ങള്‍ നടക്കും. വിശുദ്ധ കുര്‍ബാന, കാല്‍ കഴുകല്‍ ശുശ്രൂഷ, ആരാധന, അപ്പം മുറിക്കല്‍ ശുശ്രൂഷ തുടങ്ങീ തിരുക്കര്‍മങ്ങളാണ് ഇന്ന് നടക്കുന്നത്. ഈശോയുടെ പീഡാനുഭവത്തിന്‍റെയും കുരിശുമരണത്തിന്‍റെയും സ്മരണയില്‍ നാളെ ദുഃഖവെളളി ദിനത്തില്‍ വിവിധ ദേവാലയങ്ങളില്‍ നടക്കുന്ന പീഡാനുഭവ ശുശ്രൂഷകളിലും കുരിശിന്‍റെ വഴി, നഗരി കാണിക്കല്‍, തുടങ്ങിയ തിരുക്കര്‍മങ്ങളിലും കുരിശ് ചുംബനം, നീന്തുനേര്‍ച്ച എന്നിവയിലും വിശ്വാസികള്‍ പങ്കെടുക്കും. ദുഃഖശനി ദിനത്തില്‍ മാമോദീസാ വ്രതനവീകരണം, പുത്തന്‍ തീ, പുത്തന്‍വെള്ളം വെഞ്ചരിപ്പ് എന്നിവ നടക്കും. ഈസ്റ്റര്‍ ദിനത്തില്‍ പുലര്‍ച്ചെ മൂന്നിന് ഉയിര്‍പ്പ് തിരുക്കര്‍മങ്ങള്‍ ആരംഭിക്കും. കടുത്തുരുത്തി താഴത്തുപള്ളിയില്‍ താഴത്തുപള്ളിയിൽ ഇന്ന് രാവിലെ 6.30 ന് വിശുദ്ധ കുര്‍ബാന, കാല്‍കഴുകല്‍ ശുശ്രൂഷ, തുടര്‍ന്ന് 8.30 മുതല്‍ വൈകുന്നേരം അഞ്ചുവരെ ആരാധന, തുടര്‍ന്ന് സമാപന ആശീര്‍വാദം. നാളെ ദുഃഖവെള്ളിദിനത്തില്‍ രാവിലെ 6.30 ന് തിരുക്കര്‍മങ്ങള്‍ ആരംഭിക്കും. പീഡാനുഭവ ശൂശ്രൂഷ, തുടര്‍ന്ന് കുരിശിന്‍റെ വഴി, ക്രൂശിതരൂപ വണക്കം, 3.30 ന് പഴയ പള്ളിയില്‍നിന്നും കുരിശിന്‍റെ വഴി ആരംഭിക്കും. നഗരികാണിക്കല്‍, തിരുസ്വരൂപ വണക്കം. ദുഃഖശനിദിനത്തില്‍ രാവിലെ 6.30ന് വിശുദ്ധ കുര്‍ബാന. പുത്തൻ വെള്ളവും തീയും വെഞ്ചരിപ്പ്. ഉയിര്‍പ്പുഞായറാഴ്ച പുലര്‍ച്ചെ മൂന്നിന് ഉയിര്‍പ്പു തിരുക്കര്‍മങ്ങള്‍, തുടര്‍ന്ന് വിശുദ്ധ കുര്‍ബാന, രാവിലെ ആറിനും 7.30നും വിശുദ്ധ കുര്‍ബാന. വികാരി ഫാ മാത്യു ചന്ദ്രന്‍കുന്നേല്‍ തിരുക്കര്‍മങ്ങള്‍ക്കു മുഖ്യകാര്‍മികത്വം വഹിക്കും. കടുത്തുരുത്തി വലിയപള്ളിയില്‍ വലിയപള്ളിയിൽ പെസഹാ തിരുക്കര്‍മങ്ങള്‍ ഇന്നു രാവിലെ ഏഴിന് കാല്‍കഴുകല്‍ ശുശ്രൂഷകളോടെ ആരംഭിക്കും. തുടര്‍ന്ന് വിശുദ്ധ കുര്‍ബാന. വൈകുന്നേരം ആറു മുതല്‍ ഏഴു വരെ ആരാധന. നാളെ ദുഃഖവെള്ളിദിനത്തില്‍ രാവിലെ ഏഴു മുതല്‍ 7.30 വരെ ആരാധന, തുടര്‍ന്ന് പീഡാനുഭവ ധ്യാനം, സ്ലീവാപാത, നീന്തുനേര്‍ച്ച, കഞ്ഞിനേര്‍ച്ച. ദുഃഖശനി ദിനത്തില്‍ രാവിലെ 6.30ന് ജ്ഞാനസ്നാന വ്രതനവീകരണം, വിശുദ്ധ കുര്‍ബാന. ഉയിര്‍പ്പു ദിനത്തില്‍ പുലര്‍ച്ചെ അഞ്ചിന് ഉയിര്‍പ്പുതിരുക്കര്‍മങ്ങള്‍, സമുദ്രാഭിമുഖ പ്രാര്‍ഥന, തുടര്‍ന്ന് വിശുദ്ധ കുര്‍ബാന, രാവിലെ എട്ടിന് വിശുദ്ധ കുര്‍ബാന. വികാരി ഫാ. ജോണ്‍സണ്‍ നീലനിരപ്പേല്‍ തിരുക്കര്‍മങ്ങള്‍ക്കു മുഖ്യകാര്‍മികത്വം വഹിക്കും കോതനല്ലൂര്‍ കന്തീശങ്ങളുടെ ഫൊറോന പള്ളിയില്‍ കന്തീശങ്ങളുടെ ഫൊറോന പളളിയില്‍ ഇന്നു രാവിലെ 6.30 ന് തിരുക്കര്‍മങ്ങള്‍ ആരംഭിക്കും. തുടര്‍ന്ന് കാല്‍കഴുകല്‍ ശുശ്രൂഷ, വിശുദ്ധ കുര്‍ബാന. നാളെ ദുഃഖവെള്ളിദിനത്തില്‍ 6.30ന് തിരുക്കര്‍മങ്ങള്‍ ആരംഭിക്കും. തുടര്‍ന്ന് കൊടുകുത്തി മലയിലേക്കു കുശിന്‍റെ വഴി. ദുഃഖശനി ദിനത്തില്‍ രാവിലെ 6.30ന് തിരുക്കര്‍മങ്ങള്‍ ആരംഭിക്കും. ഈസ്റ്റര്‍ദിനത്തില്‍ പുലര്‍ച്ചെ മൂന്നിന് ഉയിര്‍പ്പു തിരുക്കര്‍മങ്ങള്‍ ആരംഭിക്കും, തുടര്‍ന്ന് വിശുദ്ധ കുര്‍ബാന, രാവിലെ 5.45നും 7.15നും വിശുദ്ധ കുര്‍ബാന. വികാരി ഫാ. സെബാസ്റ്റ്യന്‍ പടിക്കക്കുഴുപ്പില്‍ മുഖ്യകാര്‍മികത്വം വഹിക്കും. മുട്ടുചിറ റൂഹാദക്കുദിശാ ഫൊറോനാ പള്ളിയില്‍ റൂഹാദക്കുദിശാ ഫൊറോനാ പളളിയില്‍ പെസഹാ തിരുക്കര്‍മങ്ങള്‍ ഇന്നു രാവിലെ ഏഴിന് സമൂഹബലിയോടെ ആരംഭിക്കും. തുടര്‍ന്ന് കാല്‍കഴുകല്‍ ശുശ്രൂഷ, തുടര്‍ന്ന് വൈകുന്നേരം മൂന്നു വരെ ആരാധന, മൂന്നു മുതല്‍ നാലു വരെ പൊതു ആരാധന. നാളെ ദുഃഖവെള്ളിദിനത്തില്‍ ഏഴിന് പീഡാനുഭവ തിരുക്കര്‍മങ്ങള്‍, വിശുദ്ധ കുരിശുചുംബനം. വൈകുന്നേരം നാലിന് കുരിശുംമൂട് പള്ളിയിലേക്ക് കുരിശിന്‍റെ വഴി. തുടര്‍ന്ന് നേര്‍ച്ചക്കഞ്ഞി. ദുഃഖശനി ദിനത്തില്‍ രാവിലെ ഏഴിന് വിശുദ്ധ കുര്‍ബാന, തുടര്‍ന്ന് മറ്റു തിരുക്കര്‍മങ്ങള്‍. ഉയിര്‍പ്പുദിനത്തില്‍ പുലര്‍ച്ചെ മൂന്നിന് തിരുക്കര്‍മങ്ങള്‍ ആരംഭിക്കും. തുടര്‍ന്ന് വിശുദ്ധ കുര്‍ബാന, രാവിലെ 5.30നും ഏഴിനും ഒമ്പതിനും പള്ളിയിലും 6.30ന് അരുണാശേരി കപ്പേളയിലും വിശുദ്ധ കുര്‍ബാന. വികാരി ഫാ. ഏബ്രഹാം കൊല്ലിത്താനത്തുമലയില്‍ മുഖ്യകാര്‍മികത്വം വഹിക്കും. കാഞ്ഞിരത്താനം സെന്‍റ് ജോണ്‍സ് പള്ളിയില്‍ സെന്‍റ് ജോണ്‍സ് പള്ളിയില്‍ ഇന്നു രാവിലെ 6.30ന് പെസഹാ തിരുക്കര്‍മങ്ങള്‍, വിശുദ്ധ കുര്‍ബാന, കാല്‍കഴുകല്‍ ശുശ്രൂഷ. നാളെ ദുഃഖവെള്ളിദിനത്തില്‍ രാവിലെ 6.45ന് തിരുക്കര്‍മങ്ങള്‍, തുടര്‍ന്ന് കുരിശിന്‍റെ വഴി. ദുഃഖശനിയാഴ്ച രാവിലെ 6.30ന് വിശുദ്ധ കുര്‍ബാന, മറ്റു തിരുക്കര്‍മങ്ങള്‍. ഉയിര്‍പ്പു ഞായറാഴ്ച പുലര്‍ച്ചെ മൂന്നിന് തരുക്കര്‍മങ്ങള്‍, വിശുദ്ധ കുര്‍ബാന, തുടര്‍ന്ന് 5.30 നും ഏഴിനും വിശുദ്ധ കുര്‍ബാന. വികാരി ഫാ. ജയിംസ് വയലില്‍ മുഖ്യകാര്‍മികത്വം വഹിക്കും. അറുനൂറ്റിമംഗലം സെന്‍റ് തോമസ് മലകയറ്റ പള്ളിയില്‍ സെന്‍റ് തോമസ് മലകയറ്റ പള്ളയില്‍ പെസഹാദിനമായ ഇന്നു രാവിലെ 6.30 ന് തിരുക്കര്‍മങ്ങള്‍ ആരംഭിക്കും. തുടര്‍ന്ന് കാല്‍കഴുകല്‍ ശുശ്രൂഷ, വിശുദ്ധ കുര്‍ബാന. നാളെ ദുഃഖവെള്ളിദിനത്തില്‍ രാവിലെ ഏഴിന് പീഡാനുഭവ വായന, സ്ലീവാവന്ദനം, കുരിശിന്‍റെ വഴി എന്നിവ നടക്കും. വൈകുന്നേരം നാലിന് പീഡാനുഭ സന്ദേശം, തുടര്‍ന്ന് നഗരികാണിക്കല്‍ ശുശ്രൂഷ, ആറിന് മലമുകളില്‍ കബറടക്ക ശുശ്രൂഷ. ദുഃഖശനിയാഴ്ച രാവിലെ 6.30ന് തിരുക്കര്‍മങ്ങള്‍ ആരംഭിക്കും. ഈസ്റ്റര്‍ദിനത്തില്‍ പുലര്‍ച്ചെ മൂന്നിന് ഉയിര്‍പ്പു തിരുക്കര്‍മങ്ങള്‍ ആരംഭിക്കും. തുടര്‍ന്ന് ഏഴിനും വിശുദ്ധ കുര്‍ബാന. വികാരി ഫാ. അഗസ്റ്റിന്‍ വരിക്കമാക്കല്‍ മുഖ്യകാര്‍മികത്വം വഹിക്കും. മണ്ണാറപ്പാറ സെന്‍റ് സേവ്യേഴ്‌സ് പള്ളിയില്‍ സെന്‍റ് സേവ്യേഴ്‌സ് പളളിയില്‍ ഇന്നു രാവിലെ 6.30ന് സമൂഹബലിയോടെ പെസഹാതിരുക്കര്‍മങ്ങള്‍ ആരംഭിക്കും. രാവിലെ ഒമ്പതു മുതല്‍ വൈകൂന്നേരം അഞ്ചു വരെ ആരാധന, വൈകുന്നേരം അഞ്ചു മുതല്‍ ആറു വരെ പൊതു ആരാധന. നാളെ ദുഃഖവെള്ളിദിനത്തില്‍ രാവിലെ 6.30ന് പീഡാനുഭവ തിരുക്കര്‍മങ്ങള്‍ ആരംഭിക്കും. തുടര്‍ന്ന് കുരിശിന്‍റെ വഴി, രൂപം ചുംബിക്കല്‍. 2.30ന് പാനവായന, 3.30 ന് ടൗണിലൂടെ കുരിശിന്‍റെ വഴി, സമാപനസന്ദേശം - റവ.ഡോ. അഗസ്റ്റിന്‍ കൂട്ടിയാനിയില്‍. ദുഃഖശനിദിനത്തില്‍ രാവിലെ ആറിന് സമൂഹബലി, തുടര്‍ന്ന് മാമോദീസ വ്രതനവീകരണം, പുത്തന്‍ തീയും പുത്തന്‍ വെള്ളവും വെഞ്ചരിപ്പ്. ഉയിര്‍പ്പു തിരുക്കര്‍മങ്ങള്‍ പുലര്‍ച്ചെ മൂന്നിന് വിശുദ്ധ കുര്‍ബാനയോടെ ആരംഭിക്കും. 5.45നും 7.30നും പള്ളിയിലും ഏഴിന് മാഞ്ഞൂര്‍ കപ്പേളയിലും വിശുദ്ധ കുര്‍ബാന. വികാരി ഫാ. ജോസ് വള്ളോംപുരയിടം മുഖ്യകാര്‍മികത്വം വഹിക്കും. കളത്തൂര്‍ സെന്‍റ് മേരീസ് പള്ളിയില്‍ സെന്‍റ് മേരീസ് പളളിയില്‍ പെസഹാ തിരുക്കര്‍മങ്ങള്‍ രാവിലെ 6.30ന് ആരംഭിക്കും. ദുഃഖവെളളിയാഴ്ച തിരുക്കര്‍മങ്ങള്‍ രാവിലെ 6.30ന്. തുടര്‍ന്ന് റീത്താ കപ്പേളയിലേക്കും തിരിച്ചു പള്ളിയിലേക്കും കുരിശിന്‍റെ വഴി. ദുഃഖശനി തിരുക്കര്‍മങ്ങള്‍ രാവിലെ 6.30ന്. ഞായറാഴ്ച പുലര്‍ച്ചെ മൂന്നിന് ഉയിര്‍പ്പു തിരുക്കര്‍മങ്ങള്‍. രാവിലെ 5.30നും ഏഴിനും ദിവ്യബലി. വികാരി റവ.ഡോ. സൈറസ് വേലംപറമ്പില്‍ മുഖ്യകാര്‍മികത്വം വഹിക്കും. വാലാച്ചിറ സെന്‍റ് സെബാസ്റ്റ്യന്‍സ് പള്ളിയില്‍ സെന്‍റ് സെബാസ്റ്റ്യന്‍സ് പളളിയില്‍ പെസഹാ തിരുക്കര്‍മങ്ങള്‍ രാവിലെ ഏഴിന്. ദുഃഖവെള്ളി തിരുക്കര്‍മങ്ങള്‍ രാവിലെ ഏഴിന്. തുടര്‍ന്ന് കുരിശിന്‍റെ വഴി. ദുഃഖശനിയാഴ്ചത്തെ തിരുക്കര്‍മങ്ങള്‍ രാവിലെ ഏഴിന്. ഞായറാഴ്ച പുലര്‍ച്ചെ മൂന്നിന് ഉയിര്‍പ്പു തിരുക്കര്‍മങ്ങള്‍. ഏഴിന് ദിവ്യബലി. വികാരി ഫാ. ജോസഫ് മേയിക്കല്‍ കാര്‍മികത്വം വഹിക്കും. മാന്‍വെട്ടം സെന്‍റ് ജോര്‍ജ് പള്ളിയില്‍ സെന്‍റ് ജോര്‍ജ് പള്ളിയില്‍ പെസഹാ തിരുക്കര്‍മങ്ങള്‍ രാവിലെ 6.30ന്. എട്ടു മുതല്‍ വൈകുന്നേരം ആറു വരെ ആരാധന. ദുഃഖവെള്ളിയാഴ്ച തിരുക്കര്‍മങ്ങള്‍ രാവിലെ 6.30ന്. സ്ലീവാചുംബനം, മൂന്നിന് കല്ലറ പുത്തന്‍പളളിയില്‍നിന്നും കുരിശിന്‍റെ വഴി പളളിയിലേക്ക്. ദുഃഖശനിയാഴ്ച രാവിലെ 6.30ന്. ഉയിര്‍പ്പു തിരുക്കര്‍മങ്ങള്‍ ഞായറാഴ്ച പുലര്‍ച്ചെ മൂന്നിന്. രാവിലെ ആറിനും 7.15നും വിശുദ്ധ കുര്‍ബാന. വികാരി റവ. ഡോ. തോമസ് കക്കാട്ടുതടത്തില്‍ കാര്‍മികത്വം വഹിക്കും. മാന്നാര്‍ സെന്‍റ് മേരീസ് പള്ളിയില്‍ സെന്‍റ് മേരീസ് പളളിയില്‍ പെസഹാദിനത്തില്‍ തിരുക്കര്‍മങ്ങള്‍ രാവിലെ ആറിന് കുരിശിന്‍റെ വഴിയോടെ ആരംഭിക്കും. തുടര്‍ന്ന് തിരുക്കര്‍മങ്ങള്‍, 8.30 മുതല്‍ ആരാധന. ദുഃഖവെളളിയാഴ്ച തിരുക്കര്‍മങ്ങള്‍ രാവിലെ ആറിനാരംഭിക്കും. തുടര്‍ന്ന് കുരിശിന്‍റെ വഴി. ദുഃഖശനി തിരുക്കര്‍മങ്ങള്‍ രാവിലെ 6.15ന്. ഞായറാഴ്ച പുലര്‍ച്ചെ മൂന്നിന് ഉയിര്‍പ്പു തിരുക്കര്‍മങ്ങള്‍. തുടര്‍ന്ന് രാവിലെ 6.30 ന് ദിവ്യബലി. വികാരി ഫാ. സിറിയക് കൊച്ചുകൈപ്പെട്ടിയില്‍ കാര്‍മികത്വം വഹിക്കും. മരങ്ങോലി സെന്‍റ് മേരീസ് പള്ളിയില്‍ സെന്‍റ് മേരീസ് പള്ളിയില്‍ പെസഹാ തിരുക്കര്‍മങ്ങള്‍ രാവിലെ ഏഴിന്. ദുഃഖവെള്ളി തിരുക്കര്‍മങ്ങള്‍ രാവിലെ ഏഴിന് ആരംഭിക്കും. തുടര്‍ന്ന് വഞ്ചിപാറ കുരിശുമലയിലേക്കു കുരിശിന്‍റെ വഴി. ദുഃഖശനി തിരുക്കര്‍മങ്ങള്‍ രാവിലെ ഏഴിന്. ഞായറാഴ്ച ഉയിര്‍പ്പു തിരുക്കര്‍മങ്ങള്‍ പുലര്‍ച്ചെ മൂന്നിന്. രാവിലെ ഏഴിന് വിശുദ്ധ കുര്‍ബാന. വികാരി റവ. ഡോ. ജോസഫ് പരിയാത്ത് കാര്‍മികത്വം വഹിക്കും. പൂഴിക്കോല്‍ സെന്‍റ് ആന്‍റണീസ് പള്ളിയില്‍ സെന്‍റ് ആന്‍റണീസ് പള്ളിയില്‍ പെസഹാ തിരുക്കര്‍മങ്ങള്‍ രാവിലെ ഏഴിന്. ദുഃഖവെള്ളി തിരുക്കര്‍മങ്ങള്‍ രാവിലെ ഏഴിന്. തുടര്‍ന്ന് കുരിശിന്‍റെ വഴി. ദുഃഖശനിയാഴ്ച തിരുക്കര്‍മങ്ങള്‍ രാവിലെ ഏഴിന്. ഈസ്റ്റര്‍ തിരുക്കര്‍മങ്ങള്‍ ഞായറാഴ്ച പുലര്‍ച്ചെ മൂന്നിന്. ഏഴിന് വിശുദ്ധ കുര്‍ബാന. വികാരി ഫാ. തോമസ് കുറ്റിക്കാട്ട് കാര്‍മികത്വം വഹിക്കും. ആയാംകുടി മലപ്പുറം സെന്‍റ് തെരേസാസ് പള്ളിയില്‍ മലപ്പുറം സെന്‍റ് തെരേസാസ് പള്ളിയില്‍ ഇന്നു തിരുക്കര്‍മങ്ങള്‍ രാവിലെ 6.30ന് ആരംഭിക്കും. തുടര്‍ന്ന് ആരാധന. ദുഃഖവെള്ളിദിനത്തില്‍ രാവിലെ ആറിന് പീഡാനുഭവ തിരുക്കര്‍മങ്ങള്‍, കുരിശിന്‍റെ വഴി. ദുഃഖശനി തിരുക്കര്‍മങ്ങള്‍ രാവിലെ ആറിന്. ഈസ്റ്റര്‍ തിരുക്കര്‍മങ്ങള്‍ പുലര്‍ച്ചെ മൂന്നിന്. രാവിലെ ആറിനും 7.30നും വിശുദ്ധ കുര്‍ബാന വികാരി ഫാ. തോമസ് ചില്ലയ്ക്കല്‍ കാര്‍മികത്വം വഹിക്കും. അല്‍ഫോന്‍സാപുരം സെന്‍റ് അല്‍ഫോന്‍സ പള്ളിയില്‍ സെന്‍റ് അല്‍ഫോന്‍സ പള്ളിയില്‍ പെസഹാ തിരുക്കര്‍മങ്ങള്‍ ഇന്നു രാവിലെ ഏഴിന് ആരംഭിക്കും. ദുഃഖവെള്ളി തിരുക്കര്‍മങ്ങള്‍ രാവിലെ ഏഴിന് ആരംഭിക്കും തുടര്‍ന്ന് കുരിശിന്‍റെ വഴി. ദുഃഖശനി തിരുക്കര്‍മങ്ങള്‍ രാവിലെ ഏഴിന്. ഈസ്റ്റര്‍ തിരുക്കര്‍മങ്ങള്‍ പുലര്‍ച്ചെ മൂന്നിന്. രാവിലെ ഏഴിന് വിശുദ്ധ കുര്‍ബാന. വികാരി ഫാ. ജോണ്‍ ചാവേലി കാര്‍മികത്വം വഹിക്കും. സ്ലീവാപുരം മാര്‍ സ്ലീവാ പളളിയില്‍ മാര്‍ സ്ലീവാ പളളിയില്‍ പെസഹാ തിരുക്കര്‍മങ്ങള്‍ ഇന്നു രാവിലെ 6.45ന്. ദുഃഖവെള്ളി തിരുക്കര്‍മങ്ങള്‍ രാവിലെ 6.45ന്. മൂന്നിന് ഓമല്ലൂര്‍ കുരിശുപള്ളിയില്‍നിന്നും പള്ളിയിലേക്കു കുരിശിന്‍റെ വഴി. നേര്‍ച്ചക്കഞ്ഞി വിതരണം. ദുഃഖശനി തിരുക്കര്‍മങ്ങള്‍ രാവിലെ 6.30ന്. ഞായറാഴ്ച പുലര്‍ച്ചെ മൂന്നിന് ഉയിര്‍പ്പു തിരുക്കര്‍മങ്ങള്‍. 6.45ന് ദിവ്യബലി. വികാരി ഫാ. ജയിംസ് കൊച്ചയ്യങ്കനാല്‍ കാര്‍മികത്വം വഹിക്കും. വൈക്കം സെന്‍റ് ജോസഫ് ഫൊറോന പള്ളിയിൽ വൈക്കം സെന്‍റ് ജോസഫ് ഫൊറോന പള്ളിയിൽ വികാരി റവ.ഡോ. ബർക്കുമാൻസ് കൊടയ്ക്കൽ തിരുക്കർമങ്ങൾക്ക് കാർമികത്വം വഹിക്കും. വൈക്കം ടൗൺ നടേൽ ലിറ്റിൽ ഫ്ലവർ പള്ളിയിൽ വികാരി ഫാ. സെ ബാസ്റ്റ്യൻ നാഴിയാമ്പാറ, കുടവെച്ചൂർ സെന്‍റ് മേരീസ് പള്ളിയിൽ ഫാ. പോൾ ആത്തപ്പള്ളി, തലയോലപ്പറമ്പി സെന്‍റ് ജോർജ് പള്ളിയിൽ റവ.ഡോ. ബെന്നി മാരാംപറമ്പിൽ, ചെമ്പ് സെന്‍റ് തോമസ് കത്തോലിക്കാ പള്ളിയിൽ ഫാ. ഹോർമിസ് തോട്ടക്കര, ചെമ്മനാകരി സെന്‍റ് മേരീസ് മേരിലാൻഡ് പള്ളിയിൽ ഫാ. ഷൈജു ആട്ടോക്കാരൻ, ഉദയനാപുരം സെന്‍റ് ജോസഫ് പള്ളിയിൽ ഫാ. ജോഷി ചിറയ്ക്കൽ, ഉദയനാപുരം ഓർശലേം മേരി ഇമ്മാക്കുലേറ്റ് പള്ളിയിൽ ഫാ. സെബാസ്റ്റ്യൻ മനയ്ക്കപ്പറമ്പിൽ, മേവെള്ളൂർ മേരി ഇമ്മാക്കുലേറ്റ് പള്ളിയിൽ ഫാ. അലക്സ് മേക്കാംതുരുത്തിൽ, കലയത്തുംകുന്ന് സെന്‍റ് ആന്‍റണീസ് പള്ളിയിൽ ഫാ. പോൾ കോട്ടയ്ക്കൽ, വടയാർ ഇൻഫന്‍റ് ജീസസ് പള്ളിയിൽ ഫാ. സെബാസ്റ്റ്യൻ ചണ്ണാപ്പള്ളി, വല്ലകം സെന്‍റ് മേരീസ് പള്ളിയിൽ ഫാ. ടോണി കോട്ടയ്ക്കൽ, തോട്ടകം സെന്‍റ് ഗ്രിഗോറിയസ് പള്ളിയിൽ ഫാ. വർഗീസ് മേനാച്ചേരിൽ, ഉല്ലല ലിറ്റിൽ ഫ്ലവർ പള്ളിയിൽ ഫാ. വിൻസന്‍റ് പറമ്പിത്തറ, കൊതവറ സെന്‍റ് സേവ്യേഴ്‌സ് പള്ളിയിൽ ഫാ. സെബാസ്റ്റ്യൻ കോന്നുപറമ്പ്, ഇടയാഴം സെന്‍റ് ജോസഫ് പള്ളിയിൽ ഫാ. ഏലിയാസ് ചക്യത്ത്, അച്ചിനകം സെന്‍റ് ആന്‍റണീസ് പള്ളിയിൽ ഫാ. ജയ്‌സൺ കൊളുത്തുവെള്ളിൽ, കൊട്ടാരപ്പള്ളി സെന്‍റ് സെബാസ്റ്റ്യൻ പള്ളിയിൽ ഫാ. സിബിൻ പെരിയപ്പാടൻ, ചെമ്മനത്തുകര സെന്‍റ് ആന്‍റണീസ് പള്ളിയിൽ ഫാ. ജിനുപള്ളിപ്പാട്ട്, ടിവി പുരം തിരുഹൃദയ പള്ളിയിൽ ഫാ. നിക്കോളാവേസ് പുന്നയ്ക്കൽ എന്നിവർ തിരുക്കർമങ്ങൾക്കു കാർമികത്വം വഹിക്കും.

ലോട്ടറി ക്ഷേമനിധി ബോര്‍ഡിലെ അഴിമതി ഡെപ്യൂട്ടി ഡയറക്‌ടര്‍ അടക്കമുള്ളവരെ സസ്‌പെന്‍ഡ് ചെയ്ത് അന്വേഷിക്കണം: ലോട്ടറി തൊഴിലാളി കോണ്‍ഗ്രസ്

കോട്ടയം: ലോട്ടറി തൊഴിലാളി ക്ഷേമനിധി ബോര്‍ഡിലെ കോടികളുടെ അഴിമതി നടത്തിയ മുഴുവന്‍ പേര്‍ക്കെതിരേയും ശക്തമായ നടപടി സ്വീകരിക്കണമെന്ന് ഓള്‍ കേരള ലോട്ടറി ഏജന്‍റ് ആന്‍ഡ് സെല്ലേഴ്‌സ് കോണ്‍ഗ്രസ് ഐഎന്‍ടിയുസി സംസ്ഥാന കമ്മിറ്റി സർക്കാരിനോട് ആവശ്യപ്പെട്ടു. കഴിഞ്ഞ എട്ടുവര്‍ഷമായി നടക്കുന്ന കോടികളുടെ തട്ടിപ്പ് ഒരാളില്‍ മാത്രം ചുരുക്കി മറ്റുള്ളവരെ രക്ഷപ്പെടുത്താന്‍ അധികാര കേന്ദ്രങ്ങള്‍ ശ്രമിക്കുകയാണ്. അന്നത്തെ ഓഫീസ് ചുമതലക്കാരനായ ഇന്നത്തെ ഡപ്യൂട്ടി ഡയറക്ടര്‍ അടക്കമുള്ളവരെ സസ്‌പെൻഡ് ചെയ്ത് സ്വതന്ത്ര ഏജന്‍സികളെ അന്വേഷണം ഏല്‍പ്പിക്കണമെന്നും ലോട്ടറി തൊഴിലാളി കോണ്‍ഗ്രസ് സംസ്ഥാന പ്രസിഡന്‍റും ലോട്ടറി തൊഴിലാളി ക്ഷേമനിധി ബോര്‍ഡ് അംഗവുമായ ഫിലിപ്പ് ജോസഫ് ആവശ്യപ്പെട്ടു. പ്രതികൂലമായ കാലാവസ്ഥകളിലും നടന്ന് ലോട്ടറി വില്പന നടത്തി കോടികളുടെ വരുമാനം സര്‍ക്കാരിലേക്ക് നല്‍കുന്ന ലോട്ടറി വില്പന തൊഴിലാളികളുടെ ക്ഷേമനിധി ആനുകൂല്യങ്ങള്‍ വൈകിപ്പിച്ചും ബോണസില്‍ കാലോചിതമായ വര്‍ധനവ് വരുത്താതെയും കടുത്ത തൊഴിലാളി ദ്രോഹം നടത്തുമ്പോഴാണ് ഉന്നതരുടെ ഒത്താശയോടെ കോടികള്‍ കൊള്ള നടത്തുന്നതെന്നും ഐഎന്‍ടിയുസി ആരോപിച്ചു.

ഒളശ ക്‌നാനായ കത്തോലിക്കാ പള്ളിയിൽ വിശുദ്ധ അന്തോനീസിന്‍റെ തിരുനാള്‍

ഒളശ: സെന്‍റ് ആന്‍റണീസ് ക്‌നാനായ കത്തോലിക്ക ദേവാലയത്തില്‍ വിശുദ്ധ അന്തോണീസിന്‍റെ തിരുനാള്‍ 21 മുതല്‍ 27 വരെ ആഘോഷിക്കും. 21നു വൈകുന്നേരം അഞ്ചിനു കൊടിയേറ്റ്, നൊവേന, വിശുദ്ധ കുര്‍ബാന, സന്ദേശം ഫാ. സജി മലയില്‍പുത്തന്‍പുരയില്‍, 22 മുതല്‍ 25 വരെ വൈകുന്നേരം അഞ്ചിനു ആരാധന, ജപമാല, നൊവേന, വിശുദ്ധ കുര്‍ബാന, സന്ദേശം എന്നിവയുണ്ടായിരിക്കും. ഫാ. ഷിന്‍റോ ആരുച്ചേരില്‍, ഫാ. ജിജോ ഫിലിപ്പ് കൂട്ടമ്മാക്കല്‍, ഫാ. സിബി കണിയാപാറ, ഫാ. ജോസ് പാട്ടക്കണ്ടത്തില്‍ എന്നിവര്‍ തിരുക്കര്‍മങ്ങള്‍ക്കു നേതൃത്വം നല്കും. 25നു വിശുദ്ധ കുര്‍ബാനയ്ക്കുശേഷം സെമിത്തേരി സന്ദര്‍ശനവും ഉണ്ടായിരിക്കും. തുടര്‍ന്നു സ്‌നേഹവിരുന്ന്, രാത്രി ഏഴിനു സണ്‍ഡേ സ്‌കൂള്‍, ഭക്തസംഘടന വാര്‍ഷികാഘോഷവും കലാസന്ധ്യയും. 26നു രാവിലെ ഏഴിനു വിശുദ്ധ കുര്‍ബാന, സന്ദേശം ഫാ. ജോണ്‍ മൂതുകാട്ടില്‍, രാത്രി ഏഴിനു പ്രദക്ഷിണം ഫാ. സിറിയക് ഓട്ടപ്പള്ളില്‍, 8.30നു തിരുനാള്‍ സന്ദേശം ഫാ. ജോസ് കന്നുവെട്ടിയേല്‍, ഒന്പതിനു വിശുദ്ധ കുര്‍ബാനയുടെ ആശീര്‍വാദം ഫാ. ജോസ് കടവില്‍ചിറയില്‍. 27നു രാവിലെ ഏഴിനു വിശുദ്ധ കുര്‍ബാന, 10നു തിരുനാള്‍ കുര്‍ബാന ഫാ. ഫില്‍മോന്‍ കളത്ര, സന്ദേശം ഫാ. എബിന്‍ കവുങ്ങുംപാറ, ഫാ. റെജി പുല്ലുവെട്ടത്തില്‍, ഫാ. ജിബിന്‍ കീച്ചേരില്‍, ഫാ. എബി വടക്കേക്കര എന്നിവര്‍ സഹകാര്‍മികരായിരിക്കും. ഉച്ചയ്ക്കു 12നു പ്രദക്ഷിണം, വിശുദ്ധ കുര്‍ബാനയുടെ ആശീര്‍വാദം-ഫാ. മാത്യു കുഴിപ്പള്ളില്‍.

പട്ടികവിഭാഗ അവകാശങ്ങളെ സംരക്ഷിക്കണം: എകെസിഎച്ച്എംഎസ്

ചങ്ങനാശേരി: പട്ടികവിഭാഗ അവകാശങ്ങൾ സംരക്ഷിക്കണമെന്ന് അഖില കേരള ചേരമര്‍ ഹിന്ദു മഹാസഭ. ചങ്ങനാശേരിയില്‍ സംസ്ഥാന ജനറല്‍ ബോഡിയും ഭാരതരത്‌ന ഡോ.ബി.ആര്‍. അംബേദ്കര്‍ ജന്മദിനാഘോഷവും നടത്തി. പ്രസിഡന്‍റ് എം.കെ. അപ്പുക്കുട്ടന്‍ അധ്യക്ഷത വഹിച്ചു. ജോബ് മൈക്കിള്‍ എംഎല്‍എ ഉദ്ഘാടനം ചെയ്തു. ട്രഷറര്‍ കെ. കുട്ടപ്പന്‍, വൈസ് പ്രസിഡന്‍റ് മധു നീണ്ടൂര്‍, സെക്രട്ടറി കെ.സി. മനോജ്, മഹിളാ ഫെഡറേഷന്‍ സംസ്ഥാന പ്രസിഡന്‍റ് ലതാ സുരേന്ദ്രന്‍, സെക്രട്ടറി ശ്രീജ സുമേഷ് എന്നിവര്‍ പ്രസംഗിച്ചു. പുതിയ സംസ്ഥാന പ്രസിഡന്‍റായി എം.കെ. അപ്പുക്കുട്ടന്‍, ജനറല്‍ സെക്രട്ടറിയായി ഡോ. കല്ലറ പ്രശാന്ത്, ട്രഷറര്‍ കെ. കുട്ടപ്പന്‍, വൈസ്. പ്രസിഡന്‍റ് മധു നീണ്ടൂര്‍, സെക്രട്ടറി പി.ജി. അശോക് കുമാര്‍, ഓഫീസ് സെക്രട്ടറി കെ.സി. മനോജ്, ദേവസ്വം സെക്രട്ടറി രാജേഷ് മുടിമല, എക്‌സിക്യൂട്ടീവ് അംഗങ്ങളായി ഗോപി മഞ്ചാടിക്കര, ഒ.കെ. സാബു, രാജന്‍ നാല്പാത്തിമല, സാബു പതിക്കല്‍, വി.എസ്. കുട്ടപ്പന്‍, ബിബിന്‍ രാജാക്കാട്, മണി പൂത്തോട്ട്, കെ.കെ. വിജയന്‍, സനല്‍ വെളിയനാട് എന്നിവരെ തെരഞ്ഞെടുത്തു.

റോഡ് ഉദ്ഘാടനം ചെയ്തു

മണർകാട്: പഞ്ചായത്ത് പത്താം വാർഡിലെ പ്രധാന റോഡായ ഐടിഐ റോഡ്‌ വാർഡ് മെമ്പറിന്‍റെ തനതു ഫണ്ടിൽനിന്ന് എട്ടു ലക്ഷംരൂപ ചെലവുചെയ്തു നവീകരിച്ചതിന്‍റെ ഉദ്ഘാടനം വാർഡ് മെമ്പർ സഖറിയ കുര്യന്‍റെ അധ്യക്ഷതയിൽ നടന്ന യോഗത്തിൽ പഞ്ചായത്ത് പ്രസിഡന്‍റ് കെ.സി. ബിജു നിർവഹിച്ചു. മണർകാട് പഞ്ചായത്തിനെ സമ്പൂർണ ശുചിത്വ പഞ്ചായത്തായി പ്രഖ്യാപിച്ചതോടൊപ്പം പത്താം വാർഡിലെ മികച്ച മാലിന്യമുക്ത സ്വകാര്യ സ്ഥാപനമായി തെരഞ്ഞെടുത്ത സെന്‍റ് മേരീസ്‌ പ്രൈവറ്റ് ഐടിഐക്കുള്ള അവാർഡ് ഐടിഐ പ്രിൻസിപ്പൽ പ്രിൻസ് ഫിലിപ്പ് പഞ്ചായത്ത്‌ പ്രസിഡന്‍റ് കെ.സി. ബിജുവിൽനിന്ന് ഏറ്റുവാങ്ങി. ഏറ്റവും നല്ല റെസിഡൻസ് അസോസിയേഷനുള്ള അവാർഡ് വിജയപുരം റെസിഡൻസ് അസോസിയേഷനു സിസി ജേക്കബ്, ശുചിയായി പ്രവർത്തിക്കുന്ന ഏറ്റവും നല്ല വ്യാപാര സ്ഥാപനതിനുള്ള അവാർഡ് മഴവഞ്ചേരിൽ സ്റ്റോർസ് പ്രപ്രൈറ്റർ അച്ഛൻകുഞ്ഞ് മഴവഞ്ചേരിൽ, ശുചിയായി സൂക്ഷിക്കുന്ന ഏറ്റവും നല്ല വീടിനുള്ള ഒന്നാം സ്ഥാനത്തിനുള്ള അവാർഡ് പ്രഭാകരൻ ജ്യോതിനിലയം, രണ്ടാം സ്ഥാനത്തിനുള്ള അവാർഡ് സുകുമാരൻ നിരവത്ത്, മൂന്നാം സ്ഥാനം ബിജു ജോസഫ് പാലത്തിങ്കൾ എന്നിവർക്ക് പഞ്ചായത്ത്‌ പ്രസിഡന്‍റ് കെ.സി. ബിജു നൽകി. സമ്മേളനത്തിൽ ഐടിഐ സെക്രട്ടറി ഒ.എ. ഏബ്രഹാം ഊറോട്ടുകാലയിൽ, റെസിഡൻസ് അസോസിയേഷൻ ഭാരവാഹികൾ എന്നിവർ പ്രസംഗിച്ചു.

റെഡ്ക്രോസ് ഭാരവാഹികൾ

കോട്ടയം: ഇന്ത്യൻ റെഡ്ക്രോസ് സൊസൈറ്റി കോട്ടയം ബ്രാഞ്ചിന്‍റെ പുതിയ പതിനഞ്ചംഗ കമ്മിറ്റി സത്യപ്രതിജ്ഞ ചെയ്ത് അധികാരമേറ്റു. കളക്‌ടറേറ്റിൽ കളക്‌ടർ ജോൺ വി. സാമുവലിന്‍റെ മുമ്പാകെയായിരുന്നു സത്യപ്രതിജ്ഞ. ചെയർമാനായി ജോബി തോമസ്, വൈസ് ചെയർമാനായി കെ.എസ്. സുമേഷ്, ട്രഷറർ ഹരി പ്രസാദ്, ജനറൽ സെക്രട്ടറി ജമീമ ടി. ജോയി എന്നിവരടങ്ങുന്ന 18 അംഗ കമ്മിറ്റിയാണ് അധികാരമേറ്റത്.

മയക്കുമരുന്നിനെതിരേ പ്രതിഷേധം

കോട്ടയം: ടിബി റോഡ് മര്‍ച്ചന്‍റ്സ് വെല്‍ഫെയര്‍ അസോസിയേഷന്‍റെ നേതൃത്വത്തില്‍ മയക്കുമരുന്നിനെതിരേ പ്രതിഷേധം സംഘടിപ്പിക്കുകയും പ്രതിജ്ഞയെടുക്കുകയും ചെയ്തു. നഗരസഭാ ചെയര്‍പേഴ്‌സണ്‍ ബിന്‍സി സെബാസ്റ്റ്യന്‍ ഉദ്ഘാടനം ചെയ്തു. അസോസിയേഷന്‍ പ്രസിഡന്‍റ് നൗഷാദ് പനച്ചിമൂട്ടില്‍ അധ്യക്ഷത വഹിച്ചു. നഗരസഭാ വൈസ് ചെയര്‍മാന്‍ ബി. ഗോപകുമാര്‍ പ്രതിജ്ഞ ചൊല്ലിക്കൊടുത്തു. എക്‌സൈസ് ഇന്‍സ്‌പെക്ടര്‍ സുനില്‍കുമാര്‍, കൗണ്‍സിലര്‍മാരായ എം. ജയചന്ദ്രന്‍, ജയമോള്‍ ജോസഫ് തുടങ്ങിയവര്‍ പ്രസംഗിച്ചു. ടിബി റോഡ് മര്‍ച്ചന്‍റ്സ് വെല്‍ഫെയര്‍ അസോസിയേഷന്റെ നേതൃത്വത്തില്‍ മയക്കുമരുന്നിനെതിരെ പ്രതിജ്ഞയെടുക്കുന്നു.

കോൺഗ്രസ് പ്രതിഷേധ സദസ്

അതിരമ്പുഴ: സംഘപരിവാറിന്‍റെ ന്യൂനപക്ഷ ആക്രമണങ്ങൾക്കെതിരേ ഏറ്റുമാനൂർ ബ്ലോക്ക് കോൺഗ്രസ് കമ്മിറ്റി അതിരമ്പുഴയിൽ പ്രതിഷേധ സദസ് നടത്തി. അതിരമ്പുഴ സെന്‍റ് മേരീസ് ഫൊറോന പള്ളി വികാരി റവ.ഡോ. ജോസഫ് മുണ്ടകത്തിൽ ഉദ്ഘാടനം ചെയ്തു. കോൺഗ്രസ് ബ്ലോക്ക് പ്രസിഡന്‍റ് ജോറാേയി പൊന്നാറ്റിൽ അധ്യക്ഷത വഹിച്ചു. കോൺഗ്രസ് രാഷ്‌ട്രീയകാര്യ സമിതി അംഗം കെ.സി. ജോസഫ് മുഖ്യപ്രഭാഷണം നടത്തി. ഡിസിസി സെക്രട്ടറി എം. മുരളി, ജൂബി ഐക്കരക്കുഴി, ജോയി പൂവംനിൽക്കുന്നതിൽ, പി.വി. മെക്കിൾ, കെ.ജി. ഹരിദാസ്, ടി.എസ്. അൻസാരി, തോമസ് കല്ലാടൻ തുടങ്ങിയവർ പ്രസംഗിച്ചു.

കാപ്പനിയമ ലംഘനം: അറസ്റ്റിലായ പ്രതിയെ ജയിലിൽ അടച്ചു

ഏറ്റുമാനൂർ: കാപ്പ നിയമ ലംഘനത്തിന് ഏറ്റുമാനൂരിൽ അറസ്റ്റിലായ പ്രതിയെ കോടതി റിമാൻഡ് ചെയ്ത് ജയിലിൽ അടച്ചു. നിരവധി ക്രിമിനൽക്കേസുകളിൽ പ്രതിയായ ഏറ്റുമാനൂർ കിഴക്കുംഭാഗം വെട്ടിമുകൾ പള്ളിമല ഭാഗത്ത് കല്ലുവെട്ടുകുഴിയിൽ ജസ്റ്റിൻ കെ. സണ്ണി (30)യെയാണ് ജയിലിലടച്ചത്. എറണാകുളം റേഞ്ച് ഡിഐജിയുടെ ഉത്തരവു പ്രകാരം കോട്ടയം ജില്ലയിൽ പ്രവേശിക്കുന്നതിന് ഇയാൾക്ക് വിലക്കുണ്ടായിരുന്നു. വിലക്കു ലംഘിച്ച് ഏറ്റുമാനൂരിൽ എത്തിയ ഇയാളെ കഴിഞ്ഞ 14ന് അറസ്റ്റ് ചെയ്ത് കോടതിയിൽ ഹാജരാക്കുകയായിരുന്നു.

കുരിശുമലയിലേക്ക് കുരിശിന്‍റെ വഴി

ഏറ്റുമാനൂർ: ഏറ്റുമാനൂർ കുരിശുമല സെന്‍റ് എഫ്രേംസ് പള്ളിയിലേക്ക് രത്‌നഗിരി സെന്‍റ് തോമസ് പള്ളിയിൽ നിന്നും ദുഃഖവെള്ളിയാഴ്ച കുരിശിന്‍റെ വഴി തീർഥാടനം നടത്തും. രാവിലെ തിരുക്കർമങ്ങൾക്കുശേഷം പുറപ്പെടുന്ന തീർഥാടനം 10.30ന് കുരിശുമലയിൽ എത്തിച്ചേരും. തുടർന്ന് സമാപന സന്ദേശവും നേർച്ച വിതരണവും നടത്തും.

പള്ളികളിൽ പെസഹ ആചരണം

അതിരമ്പുഴ പള്ളിയിൽ ദീപക്കാഴ്ച അതിരമ്പുഴ: ഈശോയുടെ മനുഷ്യാവതാര ജൂബിലി വർഷത്തിലെ പെസഹാദിനത്തിൽ അതിരമ്പുഴ സെന്‍റ് മേരീസ് ഫൊറോനാ പള്ളിയിൽ ദീപക്കാഴ്ചയൊരുക്കും. പെസഹാ ശുശ്രൂഷകൾക്കുശേഷം പള്ളിയങ്കണത്തിൽ ഒരുക്കുന്ന ദീപക്കാഴ്ചയിൽ ഇടവകയിലെ മുഴുവൻ കുടുംബ കൂട്ടായ്മാ യൂണിറ്റുകളിൽനിന്ന് ഇടവകജനം കൊണ്ടുവരുന്ന നിലവിളക്കുകൾ പ്രകാശം ചൊരിയും. ഇന്ന് രാവിലെ യുവജന ധ്യാനം നടക്കും. വൈകുന്നേരം അഞ്ചിന് പെസഹാ ശുശ്രൂഷകൾ ആരംഭിക്കും. നാളെ രാവിലെ 6.30 മുതൽ കൂട്ടായ്മകളിൽ നിന്ന് വലിയപള്ളിയിലേക്ക് കുരിശിന്‍റെ വഴി. 6.30 മുതൽ 12.30 വരെ ആരാധന. 12.30ന് പാനവായന, നേർച്ചക്കഞ്ഞി. ഉച്ചകഴിഞ്ഞ് രണ്ടിന് പീഡാനുഭവ വെള്ളി ശുശ്രൂഷകൾ, തിരുസ്വരൂപ ചുംബനം, നഗരം ചുറ്റിയുള്ള ആഘോഷമായ കുരിശിന്‍റെ വഴി. ശനിയാഴ്ച രാവിലെ 5.45ന് വലിയപള്ളിയിലും 6.15ന് റീത്താ ചാപ്പലിലും 6.30ന് പാറോലിക്കൽ ചാപ്പലിലും വിശുദ്ധ കുർബാന. 9.30ന് പൊതുമാമോദീസ. വൈകുന്നേരം അഞ്ചിന് വിശുദ്ധ കുർബാന, മാമോദീസ വ്രത നവീകരണം, പുത്തൻതിരി, പുത്തൻ വെള്ളം വെഞ്ചരിപ്പ്. ഞായറാഴ്ച പുലർച്ചെ 2.30ന് വലിയപള്ളിയിൽ ആർച്ച്ബിഷപ് മാർ ജോസഫ് പെരുന്തോട്ടത്തിന്‍റെ മുഖ്യകാർമികത്വത്തിൽ ഉയിർപ്പ് ശുശ്രൂഷകൾ, വിശുദ്ധ കുർബാന, പ്രദക്ഷിണം. പുലർച്ചെ 2.30ന് റീത്താ, പാറോലിക്കൽ ചാപ്പലുകളിലും ഉയിർപ്പ് ശുശ്രൂഷയും വിശുദ്ധ കുർബാനയും നടക്കും. രാവിലെ ആറിനും എട്ടിനും വലിയപള്ളിയിലും 6.15ന് റീത്താ ചാപ്പലിലും വിശുദ്ധ കുർബാന. മാന്നാനം ആശ്രമദേവാലയത്തിൽ മാന്നാനം: സെന്‍റ് ജോസഫ്സ് ആശ്രമ ദേവാലയത്തിൽ ഇന്നു വൈകുന്നേരം 4.30ന് പെസഹാ തിരുക്കർമങ്ങൾ ആരംഭിക്കും. നാളെ രാവിലെ 6.30 മുതൽ ദിവ്യകാരുണ്യ ആരാധന. 10 മുതൽ 1.30 വരെ ആരാധന നയിക്കുന്നത് ബ്രദർ മാർട്ടിൻ പെരുമാലിൽ. 3.30ന് വിശുദ്ധ ചാവറ പിതാവ് 1838ൽ കേരളത്തിൽ ആദ്യമായി മാന്നാനത്ത് തുടക്കമിട്ട കുരിശിന്‍റെ വഴി പ്രാർഥന ആരംഭിക്കും. കുരിശിന്‍റെ വഴി പള്ളിയിൽ എത്തിച്ചേർന്നശേഷം പീഡാനുഭവ വായന, സന്ദേശം നഗരികാണിക്കൽ, തിരുസ്വരൂപവും തിരുക്കുരിശും ചുംബനം. കാർമികൻ: ഫാ. മാത്യു പോളച്ചിറ സിഎംഐ. സഹകാർമികൻ: ഫാ. ആന്‍റണി വള്ളവന്തറ സിഎംഐ. സന്ദേശം: ഫാ. സിന്‍റോ ആലുങ്കൽ സിഎംഐ. ശനിയാഴ്ച രാവിലെ 6.30ന് പുത്തൻ തീ, പുത്തൻ വെള്ളം വെഞ്ചരിപ്പ്, വിശുദ്ധ കുർബാന, വിശുദ്ധ ചാവറ പിതാവിനോടുള്ള നൊവേന. കാർമികൻ ഫാ. ജൂബി മണിയങ്കേരിൽ സിഎംഐ, സഹകാർമികൻ ഫാ. ജോസഫ് കുഴിച്ചാലിൽ സിഎംഐ, സന്ദേശം: ഫാ. അരുൺ പോരൂക്കര സിഎംഐ. ഉയിർപ്പു ഞായർ പുലർച്ചെ മൂന്നിന് ഉത്ഥാന അറിയിപ്പ്, പ്രദക്ഷിണം, വിശുദ്ധ കുർബാന. കാർമികൻ: ഫാ. കുര്യൻ ചാലങ്ങാടി സിഎംഐ, സഹകാർമികൻ: ഫാ. സേവ്യർ ചീരന്തറ സിഎംഐ, സന്ദേശം: ഫാ. ജയിംസ് മുല്ലശേരി സിഎംഐ. രാവിലെ 6.30നും എട്ടിനും 9.30നും 11നും വിശുദ്ധ കുർബാന. വൈകുന്നേരം വിശുദ്ധ കുർബാന ഉണ്ടായിരിക്കുന്നതല്ല. ഏറ്റുമാനൂർ ക്രിസ്തുരാജ പള്ളിയിൽ ഏറ്റുമാനൂർ: ക്രിസ്തുരാജ പള്ളിയിൽ പെസഹാ തിരുക്കർമങ്ങൾ ഇന്ന് വൈകുന്നേരം 4.30ന് ആരംഭിക്കും. നാളെ രാവിലെ 7.30ന് മാർ സ്ലീവാ കുരിശടിയിൽനിന്ന് കുരിശിന്‍റെ വഴി. ഒമ്പതിന് ആരാധന. 12.30ന് പാന വായന. ഉച്ചകഴിഞ്ഞ് 1.30ന് പീഡാനുഭവ കർമങ്ങൾ. മൂന്നിന് നഗരി കാണിക്കൽ, സ്ലീവാ ചുംബനം. ശനിയാഴ്ച രാവിലെ 6.30ന് വിശുദ്ധ കുർബാന, മാമോദീസ വ്രത നവീകരണം, പുത്തൻ തീയും വെള്ളവും വെഞ്ചരിപ്പ്. ഞായറാഴ്ച വെളുപ്പിന് മൂന്നിന് ഉയിർപ്പ് തിരുക്കർമങ്ങൾ, വിശുദ്ധ കുർബാന. രാവിലെ ആറിനും 7.30നും വിശുദ്ധ കുർബാന. വെട്ടിമുകൾ സെന്‍റ് മേരീസ് പള്ളിയിൽ വെട്ടിമുകൾ: സെൻ്റ് മേരീസ് പള്ളിയിൽ പെസഹാ ശുശ്രൂഷകൾ ഇന്നു വൈകുന്നേരം നാലിന് ആരംഭിക്കും. നാളെ രാവിലെ 5.30ന് സപ്രാ, ആറു മുതൽ ഉച്ചക്ക് 12 വരെ ആരാധന. ഉച്ചകഴിഞ്ഞ്2.30ന് സ്ലീവാപ്പാത, നാലിന് പീഡാനുഭവ തിരുക്കർമങ്ങൾ, നഗരികാണിക്കൽ, സ്ലീവാ വന്ദനം. ശനിയാഴ്ച വൈകുന്നേരം നാലിന് വിശുദ്ധ കുർബാന, മാമോദീസ വ്രത നവീകരണം. ഞായറാഴ്ച വെളുപ്പിന് മൂന്നിന് ഈസ്റ്റർ തിരുക്കർമങ്ങൾ, പ്രദക്ഷിണം, സമാധാനാശംസ, വിശുദ്ധ കുർബാന. രാവിലെ ഏഴിനും ഒമ്പതിനും വിശുദ്ധ കുർബാന. ക്ലാമറ്റം കുരിശു പള്ളിയിൽ ഉയിർപ്പു ഞായറാഴ്ച വെളുപ്പിന് മൂന്നിന് ഈസ്റ്റർ കർമങ്ങൾ, വിശുദ്ധ കുർബാന. അരുവിക്കുഴി ലൂർദ്മാതാ പള്ളിയിൽ പള്ളിക്കത്തോട്: അരുവിക്കുഴി ലൂർദ് മാതാ പള്ളിയിലെ പെസഹാ തിരുക്കർമങ്ങൾ ഉച്ചകഴിഞ്ഞ് 3.30ന് ആരംഭിക്കും. ആഘോഷമായ വിശുദ്ധകുർബാന, കാൽകഴുകൽ ശുശ്രൂഷ, തിരുമണിക്കൂർ ആരാധന. ഫാ. ലൈജു കണിച്ചേരിൽ സന്ദേശം നൽകും. നാളെ ദുഃഖവെള്ളി രാവിലെ ആറുമുതൽ ആരാധന. 11 മുതൽ 12 വരെ പൊതുആരാധന. 12.30ന് നേർച്ചക്കഞ്ഞി. 1.30ന് ആഘോഷമായ കുരിശിന്‍റെ വഴി. മൂന്നിന് പീഡാനുഭവ തിരുക്കർമങ്ങൾ. സന്ദേശം: ഫാ. ജിൻസൺ കീടംകുറ്റിയിൽ, നഗരികാണിക്കൽ, തിരുസ്വരൂപ വണക്കം. വലിയ ശനി രാവിലെ 6.15ന് സപ്ര, വിശുദ്ധകുർബാന-മാമോദീസ വ്രത നവീകരണം, പുത്തൻ തീ, പുത്തൻ വെള്ളം വെഞ്ചരിപ്പ്. ഉയിർപ്പു തിരുനാൾ ദിനത്തിൽ പുലർച്ചെ 2.45 ഉയിർപ്പ് തിരുക്കർമങ്ങൾ. ആഘോഷമായ വിശുദ്ധകുർബാനയ്ക്ക് ഫാ. ജേക്കബ് ചീരംവേലിൽ കാർമികത്വം വഹിക്കും. ഫാ. ജിൻസൺ കീടംകുറ്റിയിൽ സന്ദേശം നൽകും. രാവിലെ 6.30ന് വിശുദ്ധകുർബാന: ഫാ. ലൈജു കണിച്ചേരിൽ. കാരിസ് ഭവനിൽ അതിരമ്പുഴ: കാരിസ് ഭവൻ ധ്യാനകേന്ദ്രത്തിൽ ഇന്ന് വൈകുന്നേരം ആറിന് പെസഹാ തിരുക്കർമങ്ങൾ. തുടർന്ന് രാത്രി 12 വരെ ദിവ്യകാരുണ്യ ആരാധന. വെള്ളിയാഴ്ച ഉച്ചകഴിഞ്ഞ് മൂന്നിന് ദുഃഖവെള്ളി തിരുക്കർമങ്ങൾ, തുടർന്ന് കുരിശിന്‍റെ വഴി. ശനിയാഴ്ച രാത്രി ഒമ്പതിന് ഉയിർപ്പിന്‍റെ തിരുക്കർമങ്ങൾ, തുടർന്ന് ഈസ്റ്റർ ജാഗരപൂജ. ഞായറാഴ്ച രാവിലെ ആറിന് വിശുദ്ധ കുർബാന, ഒമ്പതിന് വിശുദ്ധ കുർബാന (ഇംഗ്ലീഷ്), വൈകുന്നേരം നാലിന് വിശുദ്ധ കുർബാന (ഹിന്ദി). മണ്ണാർകുന്ന് പളളിയിൽ മണ്ണാർകുന്ന്: സെന്‍റ് ഗ്രിഗോരിയോസ് പള്ളിയിൽ ഇന്നു വൈകുന്നേരം 4.30ന് വിശുദ്ധ കുർബാന, കാൽകഴുകൽ ശുശ്രൂഷ, ദിവ്യകാരുണ്യ പ്രദക്ഷിണം, ആരാധന. നാളെ രാവിലെ ആറു മുതൽ ആരാധന .30ന് വിവിധ വാർഡ് കൂട്ടായ്മകളിൽ നിന്നും ആഘോഷമായ കുരിശിന്‍റെ വഴി പള്ളിയിൽ എത്തിച്ചേരുന്നു. തുടർന്ന് പൊതുആരാധന. 12ന് നേർച്ചക്കഞ്ഞി വിതരണം. ഉച്ചകഴിഞ്ഞ് മൂന്നിന് പീഡാനുഭവ കർമങ്ങൾ, കുരിശിന്‍റെ വഴി, നഗരികാണിക്കൽ ശുശ്രൂഷ. ശനിയാഴ്ച രാവിലെ 6.15 ന് വിശുദ്ധ കുർബാന, പുത്തൻ വെള്ളവും തിരിയും വെഞ്ചരിപ്പ്. ഞായറാഴ്ച പുലർച്ചെ മൂന്നിന് ഉയിർപ്പ് തിരുക്കർമങ്ങൾ, പ്രദക്ഷിണം. 6.45ന് വിശുദ്ധ കുർബാന. വികാരി ഫാ. അബ്രഹാം തർമശേരി കാർമികത്വം വഹിക്കും. തോട്ടയ്ക്കാട് സെന്‍റ് ജോര്‍ജ് കത്തോലിക്ക പള്ളി തോട്ടയ്ക്കാട്: സെന്‍റ് ജോര്‍ജ് കത്തോലിക്ക പള്ളിയിലെ പെസഹാ തിരുകര്‍മങ്ങള്‍ ഇന്നു വൈകുന്നേരം നാലിന് ആരംഭിക്കും. 4.15ന് കാല്‍ കഴുകല്‍ ശുശ്രൂഷ, വിശുദ്ധ കുര്‍ബാന, പെസഹാ സന്ദേശം. വൈകുന്നേരം ആറിന് പൊതു ആരാധന, 8.30ന് ഭവനങ്ങളില്‍ അപ്പം മുറിക്കല്‍ ശുശ്രൂഷ.

സ്നേഹിത പോലീസ് എക്സ്റ്റൻഷൻ സെന്‍റർ മോണിറ്ററിംഗ് കമ്മിറ്റി

കോട്ടയം: കുടുംബശ്രീ മിഷനും പോലീസ് വകുപ്പും സംയുക്തമായി നടപ്പാക്കുന്ന സ്നേഹിത പോലീസ് എക്സ്റ്റൻഷൻ സെന്‍ററിന്‍റെ മോണിറ്ററിംഗ് കമ്മിറ്റിയും ജില്ലാതല കോർ കമ്മിറ്റി രൂപീകരണവും സംഘടിപ്പിച്ചു. കോട്ടയം എസ്പി ഓഫീസിൽ നടന്ന ചടങ്ങിൽ എഎസ്പി സക്കറിയ മാത്യുവിന്‍റെ അധ്യക്ഷതയിൽ കമ്മിറ്റിയുടെ ഒരു മാസത്തെ പ്രവർത്തനങ്ങൾ വിലയിരുത്തി. ഡിവൈഎസ്പി ഓഫീസിന്‍റെ പരിധിയിൽ വരുന്ന മറ്റു സ്റ്റേഷനുകളിലെ കേസുകൾ കൈകാര്യം ചെയ്യുന്നതിന് ആവശ്യമായ നടപടികൾ സ്വീകരിക്കണമെന്ന് എഎസ്പി നിർദേശിച്ചു. ജെൻഡർ ഡിപിഎം ഉഷാദേവി സ്നേഹിതയുടെ പ്രവർത്തനങ്ങൾ വിശദീകരിച്ചു. സെന്‍ററുകളുടെ പ്രവർത്തനങ്ങൾ മോണിറ്റർ ചെയ്യുന്നതിനായി ജില്ലാതല കോർ കമ്മിറ്റി രൂപീകരിച്ചു. ഡിവൈഎസ്പിമാരായ എ.കെ. വിശ്വനാഥൻ, കെ.ജി. അനീഷ്, അഡ്വ. സ്മിത കൃഷ്ണൻകുട്ടി, സൈക്കോളജിസ്റ്റ് പി.ടി. പ്രീതി, സ്നേഹിത കൗൺസിലർ ഡോ. ഉണ്ണിമോൾ, സർവീസ് പ്രൊവൈഡർ റിമ, കമ്മ്യൂണിറ്റി കൗൺസിലർമാർ എന്നിവർ യോഗത്തിൽ പങ്കെടുത്തു.

അനുഗ്രഹം ചൊരിഞ്ഞ് ദിവ്യകാരുണ്യ പ്രദക്ഷിണം

അതിരമ്പുഴ: സെന്‍റ് മേരീസ് ഫൊറോനാ പള്ളിയിൽ മൂന്നുദിവസമായി നടന്നുവന്ന നാല്പതുമണി ആരാധന സമാപിച്ചു. ആരാധനയ്ക്കു സമാപനം കുറിച്ച് ഇന്നലെ വൈകുന്നേരം നടത്തിയ ദിവ്യകാരുണ്യ പ്രദക്ഷിണം ഭക്തിനിർഭരമായി. അനുഗ്രഹം പകർന്ന പ്രദക്ഷിണത്തിൽ നൂറുകണക്കിന് വിശ്വാസികൾ പങ്കെടുത്തു. വിശുദ്ധ ചാവറയച്ചൻ മാന്നാനം ആശ്രമ ദേവാലയത്തിൽ തുടക്കംകുറിച്ച നാല്പതുമണി ആരാധന അക്കാലത്തു തന്നെ അതിരമ്പുഴ പള്ളിയിലും ആരംഭിച്ചു. എല്ലാ വർഷവും വലിയ ആഴ്ചയിലെ തിങ്കൾ, ചൊവ്വ, ബുധൻ ദിവസങ്ങളിലാണ് ആരാധന നടത്തുന്നത്. ഇന്നലെ നടന്ന ദിവ്യകാരുണ്യ പ്രദക്ഷിണത്തിലും സമാപന ശുശ്രൂഷകളിലും വികാരി റവ.ഡോ. ജോസഫ് മുണ്ടകത്തിൽ മുഖ്യകാർമികത്വം വഹിച്ചു.

ശ്രേഷ്ഠ കാതോലിക്ക നാളെ മണർകാട് കത്തീഡ്രലിൽ; ദുഃഖവെള്ളി ശുശ്രൂഷകൾക്ക് മുഖ്യകാർമികത്വം വഹിക്കും

മണർകാട്: യാക്കോബായ സുറിയാനി സഭയുടെ ശ്രേഷ്ഠ കാതോലിക്കാ മാർ ബസേലിയോസ് ജോസഫ് ബാവ മണർകാട് വിശുദ്ധ മർത്തമറിയം യാക്കോബായ സുറിയാനി കത്തീഡ്രലിലെ ദുഃഖവെള്ളി ശുശ്രൂഷകൾക്ക് മുഖ്യകാർമികത്വം വഹിക്കും. നാളെ രാവിലെ അഞ്ചിന് പ്രഭാത പ്രാർഥന, 7.30ന് മൂന്നാംമണി നമസ്കാരം, 8.30ന് പ്രദക്ഷിണം, ഒന്പതിന് മധ്യാഹ്ന നമസ്കാരം, പത്തിന് പ്രസംഗം, 10.30ന് ഒന്പതാം മണി നമസ്കാരം. 11.30ന് സ്ലീബാ നമസ്കാരം, സ്ലീബാ ആഘോഷം, പ്രദക്ഷിണം, കുരിശു കുമ്പിടീൽ, ചൊറുക്ക നൽകൽ. 12.30ന് കബറടക്ക ശുശ്രൂഷ, സമാപനം. വൈകിട്ട് അഞ്ചിന് സന്ധ്യാപ്രാർഥന. 19ന് രാവിലെ അഞ്ചിന് പ്രഭാതപ്രാർഥന. കരോട്ടെ പള്ളിയിൽ രാവിലെ 9.30ന് മൂന്നാം മണി, ഉച്ച, ഒന്പതാം മണി നമസ്കാരം തുടർന്ന് 10ന് വിശുദ്ധ കുർബാന: മാത്യൂസ് മാർ അന്തീമോസ് മെത്രാപ്പോലീത്ത. 19ന് വൈകുന്നേരം അഞ്ചിന് സന്ധ്യാപ്രാർഥനയോടെ ഉയിർപ്പ് പെരുന്നാൾ ശുശ്രൂഷകൾക്ക് തുടക്കമാകും. തുടർന്ന് സൂത്താറ, പാതിര നമസ്കാരങ്ങൾക്കുശേഷം വൈകുന്നേരം ഏഴിന് വിശുദ്ധ മൂന്നിന്മേൽ കുർബാന- മാത്യൂസ് മാർ അന്തീമോസ് മെത്രാപ്പോലീത്ത. തുടർന്ന് പ്രദക്ഷിണം, ആശീർവാദം. കരോട്ടെ പള്ളിയിൽ 20ന് രാവിലെ ആറിന് പ്രഭാത പ്രാർഥന, 6.30ന് വിശുദ്ധ കുർബാന.

എംജി സര്‍വകലാശാല ഉള്‍പ്പെട്ട ഗവേഷണപദ്ധതിക്ക് കേന്ദ്രസര്‍ക്കാരിന്‍റെ 100 കോടി രൂപയുടെ ഗ്രാന്‍റ്

കോട്ടയം: എംജി സര്‍വകലാശാല ഉള്‍പ്പെട്ട ബയോമെഡിക്കല്‍ ഗവേഷണ പദ്ധതിക്ക് കേന്ദ്ര സര്‍ക്കാരിന്‍റെ 100 കോടി രൂപയുടെ ഗ്രാന്‍റ്. ഉന്നത വിദ്യാഭ്യാസ മേഖലയില്‍ മികവുറ്റ ഗവേഷണങ്ങള്‍ പ്രോത്സാഹിപ്പിക്കുന്നതിനായി പ്രധാനമന്ത്രി വിഭാവനം ചെയ്ത പദ്ധതിയില്‍ ശാസ്ത്ര സാങ്കേതിക മന്ത്രാലയത്തിന്‍റെ അനുസന്ധാന്‍ നാഷണല്‍ റിസര്‍ച്ച് ഫൗണ്ടേഷനാണ് ഗ്രാന്‍റ് അനുവദിച്ചത്. പ്രമേഹം, ഫാറ്റി ലിവര്‍ എന്നിവ ബാധിക്കാനുള്ള സാധ്യത നിര്‍മിത ബുദ്ധിയുടെ സഹായത്തോടെ മുന്‍കൂട്ടി കണ്ടെത്തി ജീവിത ശൈലി ക്രമീകരിക്കാന്‍ സഹായിക്കുന്ന ഗവേഷണ പദ്ധതിയാണ് എംജി സര്‍വകലാശാല സമര്‍പ്പിച്ചിരുന്നത്. പാര്‍ട്ട്‌നര്‍ഷിപ്പ് ഫോര്‍ ആക്‌സിലറേറ്റഡ് ഇന്നവേഷന്‍ ആന്‍ഡ് റിസേര്‍ച്ച്(പെയര്‍) പരിപാടിയില്‍ ഹബ് ആന്‍ഡ് സ്‌പോക്ക് സംവിധാനത്തില്‍ ഒന്നിലധികം വിദ്യാഭ്യാസ സ്ഥാപനങ്ങള്‍ ചേര്‍ന്ന ഗ്രൂപ്പുകളെയാണ് ഗ്രാന്‍റിനായി പരിഗണിച്ചത്. ദേശീയതലത്തില്‍ 32 ഹബ്ബുകളുടെ നേതൃത്വത്തില്‍ സമര്‍പ്പിക്കപ്പെട്ട പദ്ധതി നിര്‍ദേശങ്ങളില്‍ ഏഴെണ്ണത്തിനാണ് അംഗീകാരം ലഭിച്ചത്. നാഷണല്‍ ഇന്‍സ്റ്റിറ്റ്യൂഷണല്‍ റാങ്കിംഗ് ഫ്രെയിം വര്‍ക്ക് (എന്‍ഐആര്‍എഫ്) റാങ്കിംഗില്‍ 30നു മുകളിലുള്ള സ്ഥാപനങ്ങളെയാണ് ഹബ്ബായി പരിഗണിക്കുക. ഹൈദരാബാദ് സര്‍വകലാശാല ഹബ് ആയ ഗ്രൂപ്പില്‍ എംജി സര്‍വകലാശാലയ്ക്കു പുറമെ മറ്റ് അഞ്ച് സ്‌പോക്ക് സര്‍വകലാശാലകള്‍കൂടിയുണ്ട്. അനുവദിക്കുന്ന ഗ്രാന്‍റില്‍ ഹൈദരാബാദ് സെന്‍ട്രല്‍ യൂണിവേഴ്‌സിറ്റിക്ക് 30 കോടി രൂപ ലഭിക്കും. ബാക്കി 70 കോടി രൂപ മറ്റ് ആറു സര്‍വകലാശാലകള്‍ക്കായി നല്‍കും. 13 കോടി രൂപയുടെ പദ്ധതി സമര്‍പ്പിച്ചിരുന്ന എംജി സര്‍വകലാശാലയ്ക്കു പത്തു കോടിയിലധികം രൂപയാണ് ലഭിക്കുക. ബയോ മെഡിക്കല്‍ മേഖലയിലെ ഗവേഷണവുമായി ബന്ധപ്പെട്ട പദ്ധതികളാണ് ഈ ഗ്രൂപ്പിലെ മറ്റു സര്‍വകലാശാലകളും സമര്‍പ്പിച്ചിരുന്നത്. സര്‍വകലാശാലയുടെ നിര്‍ദിഷ്ട ഗവേഷണ പദ്ധതി നിര്‍ദേശം പെയര്‍ പദ്ധതിയുടെ ലക്ഷ്യങ്ങളോടു ചേര്‍ന്നു നില്‍ക്കുന്നതാണെന്ന് അനുസന്ധാന്‍ നാഷണല്‍ റിസര്‍ച്ച് ഫൗണ്ടേഷന്‍ വിലയിരുത്തി. സ്‌കൂള്‍ ഓഫ് ബയോസയന്‍സസിലെ ഡോ. ഇ.കെ. രാധാകൃഷ്ണനാണ് പ്രോജക്ട് ഇന്‍വെസ്റ്റിഗേറ്റര്‍. വൈസ് ചാന്‍ലര്‍ ഡോ.സി.ടി. അരവിന്ദകുമാര്‍, പ്രഫ. പി.ആര്‍. ബിജു, പ്രഫ.കെ. ജയചന്ദ്രന്‍, പ്രഫ.വി.ആര്‍. ബിന്ദു, ഡോ. കെ. മോഹന്‍കുമാര്‍, ഡോ. എസ്. അനസ്, ഡോ. എം.എസ്. ശ്രീകല, ഡോ. മഹേഷ് മോഹന്‍ എന്നിവരും ഗവേഷണ സംഘത്തില്‍ ഉള്‍പ്പെടുന്നു.

മാലിന്യനിർമാർജനത്തിൽ ഉഴവൂർ ബ്ലോക്കിന് അംഗീകാരം

കുറവിലങ്ങാട്: മാലിന്യമുക്തം നവകേരളം കാമ്പയിനിൽ ബ്ലോക്കുതലത്തിൽ സംസ്ഥാനത്ത് ഒന്നാംസ്ഥാനത്ത് ഉഴവൂർ ബ്ലോക്ക് പഞ്ചായത്ത്. മികച്ച ബ്ലോക്ക് പഞ്ചായത്തിനുള്ള ഒരു ലക്ഷം രൂപയുടെ അവാർഡ് ബ്ലോക്കിന് ലഭിക്കും. ഉഴവൂർ ബ്ലോക്ക് പരിധിയിലെ എട്ട് ഗ്രാമപഞ്ചായത്തുകളിലും വാർഷിക പദ്ധതി ഫണ്ട്, മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി ഫണ്ട്, സിഎസ്ആർ ഫണ്ട്, സന്നദ്ധ സേവനം എന്നിവ സംയോജിപ്പിച്ച് പ്രാദേശിക സഹകരണം വഴി തുടർപരിപാലനവും പ്രവർത്തനങ്ങളും ഉറപ്പാക്കി നിലനിൽക്കുന്ന മാതൃകകൾ സൃഷ്ടിക്കാൻ കഴിഞ്ഞതാണ് അവാർഡിന് അർഹമാക്കിയത്. ജൈവ, അജൈവ മാലിന്യങ്ങൾ കൈകാര്യം ചെയ്യുന്നതിലും ഹരിത കർമസേന വഴി യൂസർ ഫീ ശേഖരിക്കുന്നതിലും ശുചിത്വ മാലിന്യ സംസ്‌കരണരംഗത്തും എല്ലാ ഗ്രാമപഞ്ചായത്തുകളും മികച്ച പ്രവർത്തനം നടത്തിയതും ബ്ലോക്കിന്‍റെ അവാർഡ് നേട്ടത്തിന് സഹായകമായതായി പ്രസിഡന്‍റ് രാജു ജോൺ ചിറ്റേത്ത്, വൈസ് പ്രസിഡന്‍റ് ഡോ. സിന്ധുമോൾ ജേക്കബ്, സെക്രട്ടറി ജോഷി ജോസഫ്, സ്ഥിരം സമിതി അധ്യക്ഷരായ സ്മിത അലക്‌സ്, കൊച്ചുറാണി സെബാസ്റ്റ്യൻ, പി.എൻ. രാമചന്ദ്രൻ, ജനറൽ എക്സ്റ്റൻഷൻ ഓഫീസർ എസ്.വി. മുകുൾ എന്നിവർ പറഞ്ഞു.

ദൈവവിളി പ്രോത്സാഹനമാണ് മാതൃഭവന്‍റെ ലക്ഷ്യം: മാര്‍ ജോസഫ് കല്ലറങ്ങാട്ട്

ഭരണങ്ങാനം: ദൈവവിളി പ്രോത്സാഹനമാണ് മാതൃഭവന്‍റെയും മിഷന്‍ ലീഗിന്‍റെയും പ്രധാന ലക്ഷ്യമെന്ന് മാര്‍ ജോസഫ് കല്ലറങ്ങാട്ട്. പുനരുദ്ധരിച്ച ചെറുപുഷ്പ മിഷന്‍ലീഗ് മാതൃഭവന്‍റെ വെഞ്ചരിപ്പുകര്‍മം നിര്‍വഹിച്ചു പ്രസംഗിക്കുകയായിരുന്നു ബിഷപ്. മിഷന്‍ലീഗ് രൂപത ഡയറക്ടര്‍ റവ. ഡോ. ജോര്‍ജ് വര്‍ഗീസ് ഞാറക്കുന്നേല്‍, രൂപത വികാരി ജനറാൾ മോണ്‍. ജോസഫ് മലേപ്പറമ്പില്‍ എന്നിവര്‍ മാതൃഭവന്‍റെ ചരിത്രത്തെ അനുസ്മരിച്ച് പ്രസംഗിച്ചു. മിഷന്‍ലീഗ് രൂപത ഭാരവാഹികൾ, വിവിധ മേഖല, ശാഖാ ഡയറക്ടര്‍മാര്‍, വൈസ് ഡയറക്ടര്‍മാര്‍, പ്രസിഡന്‍റുമാര്‍, മുന്‍ ഡയറക്ടര്‍മാര്‍, വൈസ് ഡയറക്ടര്‍മാര്‍, ഭാരവാഹികള്‍ തുടങ്ങിയവർ വെഞ്ചരിപ്പ് കര്‍മത്തില്‍ സന്നിഹിതരായിരുന്നു.

വിശുദ്ധവാരാചരണം

അരുവിത്തുറ ഫൊറോന പള്ളിയിൽ അരുവിത്തുറ: ചരിത്രപ്രസിദ്ധമായ അരുവിത്തുറ പള്ളിയിലേക്കും വല്യച്ചൻ മലയിലേക്കും തീർഥാടകരുടെ തിരക്ക്. അന്പതുനോമ്പിന്‍റെ വ്രതശുദ്ധിയോടും പ്രാർഥനയോടും വിശ്വാസികൾ തിരുക്കർമങ്ങളിലും കുരിശിന്‍റെ വഴിയിലും പങ്കു ചേരും. അരുവിത്തുറ പള്ളിയിൽ പ്രാർഥിച്ച ശേഷമാണ് വിശ്വാസികൾ വല്യച്ചൻമല കയറുന്നത്. ഇന്നു രാവിലെ ഏഴിനു പെസഹാ തിരുക്കർമങ്ങൾ, വിശുദ്ധ കുർബാന, കാൽകഴുകൽ ശുശ്രൂഷ, ആരാധന. ദുഃഖവെള്ളിയാഴ്ച രാവിലെ ഏഴിന് പീഡാനുഭവ ശുശ്രൂഷ, സന്ദേശം, 8.30ന് വല്യച്ചൻമല അടിവാരത്തേക്കു ജപമാല പ്രദക്ഷിണം, തുടർന്ന് മലമുകളിലേക്ക് കുരിശിന്‍റെ വഴി, 10ന് പീഡാനുഭവ സന്ദേശം. രാവിലെ ഏഴുമുതൽ നേർച്ചക്കഞ്ഞി വിതരണം. ദുഃഖശനിയാഴ്ച രാവിലെ ഏഴിനു തിരുക്കർമങ്ങൾ, പുത്തൻ തീ, പുത്തൻ വെള്ളം വെഞ്ചരിപ്പ്. ഉയിർപ്പു ഞായറാഴ്ച പുലർച്ചെ മൂന്നിന് വിശുദ്ധ കുർബാന, ഉയിർപ്പ് തിരുക്കർമങ്ങൾ. 5.30നും 6.45നും 8നും 9.30നും 11.30നും വിശുദ്ധ കുർബാന. പാനവായന അരുവിത്തുറ: ദുഃഖവെള്ളി ആചരണത്തിന്‍റെ ഭാഗമായി കഴിഞ്ഞ വർഷത്തേതു പോലെ സെന്‍റ് ജോർജ് ഫൊറോന പള്ളിയുടെ നേതൃത്വത്തിൽ നാളെ ഉച്ചകഴിഞ്ഞ് മൂന്നിനു പാനവായന ഉണ്ടായിരിക്കും. വികാരി ഫാ. സെബാസ്റ്റ്യൻ വെട്ടുകല്ലേൽ നേതൃത്വം നൽകും. തിടനാട് സെന്‍റ് ജോസഫ് തീർഥാടനകേന്ദ്രത്തിൽ തിടനാട്: സെന്‍റ് ജോസഫ് തീർഥാടന കേന്ദ്രത്തിൽ ഇന്നു രാവിലെ 6.30ന് കാൽകഴുകൽ ശുശ്രൂഷയോടെ പെസഹാ തിരുക്കർമങ്ങൾ ആരംഭിക്കും. ദുഃഖവെള്ളിയാഴ്ച രാവിലെ ഏഴിന് പീഡാനുഭവ തിരുക്കർമങ്ങൾ. 8.30ന് ഊട്ടുപാറ മലയടിവാരത്തിലേക്ക് ജപമാല പ്രദക്ഷിണം. 9.30ന് മലമുകളിലേക്ക് കുരിശിന്‍റെ വഴി. 10.30ന് വികാരി ജനറാൾ മോൺ. ജോസഫ് കണിയോടിക്കൽ പീഡാനുഭവ സന്ദേശം നൽകും. 11.30ന് നേർച്ചക്കഞ്ഞി വിതരണം. ദുഃഖശനിയാഴ്ച രാവിലെ 6.30ന് തിരുക്കർമങ്ങൾ. ഉയിർപ്പു ഞായറാഴ്ച പുലർച്ചെ മൂന്നിന് ഉയിർപ്പ് തിരുക്കർമങ്ങൾ. 5.30നും ഏഴിനും വിശുദ്ധ കുർബാന. അരുവിത്തുറയിൽ പാർക്കിംഗ് ക്രമീകരണം അരുവിത്തുറ: ദുഃഖവെള്ളിയാഴ്ച വല്യച്ചൻമല കയറാൻ എത്തുന്നവർക്ക് വാഹനങ്ങൾ പാർക്ക് ചെയ്യാൻ പള്ളി മൈതാനം, സെന്‍റ് ജോർജ് ഹൈസ്കൂൾ, ഹയർ സെക്കൻഡറി സ്കൂൾ മൈതാനം, സെന്‍റ് ജോർജ് കോളജ് ഭാഗം എന്നിവിടങ്ങളിൽ സൗകര്യം ലഭ്യമാണ്. വലിയ വാഹനങ്ങൾ പള്ളിയുടെ പാർക്കിംഗ് സ്ഥലത്ത് പാർക്ക് ചെയ്യണം. അരുവിത്തുറ പള്ളിയുടെ ഭാഗത്തുനിന്നും കോളജ് പടിക്കൽനിന്നും വരുന്ന വാഹനങ്ങൾ പള്ളിയുടെ മുൻപിലൂടെ എത്തി ബ്ലോക്ക് ജംഗ്ഷനിൽ ആളെ ഇറക്കി സ്കൂൾ മൈതാനത്തും അമ്പാറനിരപ്പേൽ ഭാഗത്തുനിന്നു വരുന്ന വാഹനങ്ങൾ യാത്രക്കാരെ ഇറക്കി കൊണ്ടൂർ ഭാഗത്തെ റോഡ് വശങ്ങളിലും പാർക്കിംഗ് സൗകര്യമുള്ള വീടുകളിലും പാർക്ക് ചെയ്യണം. തീർഥാടനത്തിന് എത്തുന്നവർ പോലീസിന്‍റെയും വോളണ്ടിയർമാരുടെയും നിർദേശങ്ങൾ പാലിക്കണമെന്നു പള്ളി അധികൃതർ അറിയിച്ചു.

ദുഃഖവെള്ളിയാഴ്ച പാലാ കത്തീഡ്രലിൽ പാനവായന

പാലാ: സെന്‍റ് തോമസ് കത്തീഡ്രലിൽ ദുഃഖവെള്ളിയാഴ്ച നടന്നുവരുന്ന പാനവായന നാളെ വൈകുന്നേരം ആറിന് പള്ളിഅങ്കണത്തില്‍ ആരംഭിക്കും. അന്പതു വര്‍ഷത്തിലധികമായി പള്ളിയോടടുത്തു സ്ഥിതിചെയ്യുന്ന ഏതാനും ഭവനങ്ങളില്‍ നടന്നുവന്നിരുന്ന ഈ ഭക്ത്യാനുഷ്ഠാനം ഏതാനും വര്‍ഷങ്ങളായി കത്തീഡ്രലില്‍ തുടരുകയാണ്. 51 വര്‍ഷങ്ങള്‍ക്കുമുന്‍പ് ആവിമൂട്ടില്‍ കുര്യന്‍റെ (കുഞ്ഞേട്ടന്‍) ഭവനത്തില്‍ ഒരുമിച്ചുകൂടി ആരംഭിച്ച ഈ പാനവായന പിന്നീട് കുന്നുംപുറത്ത് തോമസ് ആന്‍റണിയുടെ ഭവനത്തില്‍ തുടരുകയുണ്ടായി. അന്യ ഇടവകകളില്‍നിന്നും മറ്റു രൂപതകളില്‍നിന്നും കൂടുതല്‍ ആളുകള്‍ ഈ പാനവായനയിലേക്ക് എത്തുന്നതുമൂലം കൂടുതല്‍ സൗകര്യാര്‍ഥം ഏതാനും വര്‍ഷങ്ങളായി പള്ളി അങ്കണത്തിലാണ് നടത്തിവരുന്നത്. തോമസ് ആന്‍റണിയുടെയും എ.കെ. ഷാജി ആവിമൂട്ടിലിന്‍റെയും നേതൃത്വത്തില്‍ സമീപസ്ഥരായ നൂറോളം പേരടങ്ങുന്ന പാനവായന സംഘമാണ് നേതൃത്വം നല്‍കുന്നത്. അന്പതുനോയമ്പിന്‍റെ നിറവില്‍ വ്രതശുദ്ധിയോടെ ഒരുങ്ങിയാണ് അംഗങ്ങള്‍ പാനവായനയില്‍ പങ്കെടുക്കുന്നത്. മാര്‍ ജോസഫ് കല്ലറങ്ങാട്ട് പാനവായനയില്‍ പങ്കെടുത്തു സന്ദേശം നല്‍കും. കത്തീഡ്രല്‍ വികാരി റവ. ഡോ. ജോസ് കാക്കല്ലിലും സഹ വികാരിമാരും പാന വായനയ്ക്കു സജീവമായ പങ്കാളികളാകും. ഈശോയുടെ ജനനം മുതല്‍ മരണവും ഉത്ഥാനവും വരെയുള്ള ചരിത്രസംഭവങ്ങളാണ് ജര്‍മന്‍കാരനായ അര്‍ണോസ് പാതിരി പുത്തന്‍പാനയില്‍ പ്രതിപാദിച്ചിട്ടുള്ളത്. 1500ലധികം വരികളിലായി എഴുതപ്പെട്ട ഈ കൃതി ലക്ഷണമൊത്തൊരു വിലാപകാവ്യം എന്നതിലുപരി മലയാളഭാഷയ്ക്ക് വലിയ മുതല്‍ക്കൂട്ടാണ്.

മോഷണശ്രമം: യുവാവ് പിടിയിൽ

ഈരാറ്റുപേട്ട: പാർക്ക് ചെയ്തിരുന്ന കാറിന്‍റെ ഗ്ലാസ് മോഷണം നടത്തുന്നതിനായി തകർത്ത യുവാവ് പോലീസ് പിടിയിൽ. ഈരാറ്റുപേട്ട നടയ്ക്കൽ അമ്പഴത്തിനാൽ ബാദുഷ (37) ആണ് പോലീസ് പിടിയിലായത്. ഈരാറ്റുപേട്ട മുട്ടം ജംഗ്ഷനു സമീപമുള്ള വഴിയിടത്തിനു സമീപം പാർക്ക് ചെയ്തിരുന്ന ഈരാറ്റുപേട്ട മാതാക്കൽ പുതുപ്പറമ്പിൽ യാസർ ഖാന്‍റെ കെഎൽ-05-ടി-2228 നമ്പർ കാറിന്‍റെ പിന്നിലെ കോർണർ ഗ്ലാസ് തകർത്താണ് മോഷണ ശ്രമം. 14ന് പുലർച്ചെ 2.50നാണ് സംഭവം. മോഷണവിവരം ശ്രദ്ധയിൽപ്പെട്ട യാസർ ഖാൻ വിവരം പോലീസ് സ്റ്റേഷനിൽ അറിയിക്കുകയായിരുന്നു. സ്ഥലത്തെത്തിയ പോലീസ് സംഘം പ്രതിയെ പിടികൂടി. കോടതിയിൽ ഹാജരാക്കിയ പ്രതിയെ റിമാൻഡു ചെയ്തു.

ലഹരി ഗുളികകളുമായി യുവാവ് അറസ്റ്റിൽ

ഈരാറ്റുപേട്ട: ലഹരിക്കായി ഉപയോഗിക്കുന്ന ഗുളികകളുമായി ഒരാളെ ഈരാറ്റുപേട്ട എക്സൈസ് അറസ്റ്റ് ചെയ്തു. പെരുന്നിലം ഏറത്തേൽ അശ്വിൻ സന്തോഷ് (19) ആണ് പിടിയിലായത്. ഇന്നലെ ഉച്ചയോടെ സബ്സ്റ്റേഷൻ ഭാഗത്ത് മഹാത്മാനഗറിൽ ഗുളികകൾ വിൽക്കുന്നുണ്ടെന്ന് രഹസ്യവിവരം കിട്ടിയതിന്‍റെ അടിസ്ഥാനത്തിൽ നടത്തിയ പരിശോധനയിലാണ് ഇയാൾ പിടിയിലായത്. ഇയാളുടെ കൈയിൽനിന്ന് ആറു ഗുളികകൾ പിടിച്ചെടുത്തു. മാനസികരോഗികൾ ഉപയോഗിക്കുന്ന ഡോക്ടറുടെ കുറിപ്പോടെ മാത്രം ലഭിക്കുന്ന ഗുളികകളാണ് ഇയാളുടെ കൈവശം ഉണ്ടായിരുന്നത്. കഞ്ചാവ് വില്പന നടത്തിയ സംഭവത്തിൽ ഇയാൾക്കെതിരേ കേസുകൾ നിലവിലുണ്ട്. ലഭ്യത അനുസരിച്ച് ഗുളികയ്ക്ക് ഒന്നിന് ആയിരം രൂപയോളം വില വരുമെന്ന് എക്സൈസ് പറഞ്ഞു. എക്സൈസ് ഇൻസ്പെക്ടർ ബിനീഷ് സുകുമാരൻ, അസിസ്റ്റന്‍റ് ഇൻസ്പെക്ടർ സുഭാഷ്, ശിവൻകുട്ടി, സിവിൽ എക്സൈസ് ഓഫീസർമാരായ നന്ദു, പ്രതീഷ്, ജിൻഫു, ഡ്രൈവർ സജി എന്നിവർ ചേർന്നാണ് ഇയാളെ കസ്റ്റഡിയിലെടുത്തത്.

മാലിന്യം നീക്കി വൃത്തിയാക്കിയ സ്ഥലത്ത് വീണ്ടും മാലിന്യം തള്ളി

പൊൻകുന്നം: രാജേന്ദ്ര മൈതാനത്തിന് സമീപം ഹൈടെക് ലാബ് റോഡിലെ ഷോപ്പിംഗ് കോംപ്ലക്‌സുകൾക്കിടയിൽ തള്ളിയ മാലിന്യം പരാതിയെത്തുടർന്ന് നീക്കം ചെയ്ത് വൃത്തിയാക്കിയെങ്കിലും പിറ്റേന്ന് വീണ്ടും മാലിന്യം തള്ളി. ഇവിടെ മുന്പ് മാലിന്യം തള്ളുന്നത് വ്യാപകമായതോടെ ചിറക്കടവ് പഞ്ചായത്ത് സ്ഥലം ഉടമയ്ക്ക് നോട്ടീസ് നൽകിയിരുന്നു. കൃഷിയിടമായി ഉപയോഗിക്കുന്ന സ്ഥലത്ത് ആൾപ്പാർപ്പില്ലാത്തതാണ്. രാത്രി സമീപത്തെ കടകൾ അടച്ച് ആൾക്കാർ പോയതിന് ശേഷമാണ് മാലിന്യം കൊണ്ടിടുന്നത്. ഉടമ സ്ഥലത്തെത്തി പ്രശ്‌നം ബോധ്യപ്പെട്ടതിനാൽ മണ്ണുമാന്തി ഉപയോഗിച്ച് മാലിന്യം നീക്കുകയും പാഴ്കിണർ മൂടുകയും ചെയ്തു. മാലിന്യം തള്ളുന്നത് ചില കടകളിൽ നിന്നാണെന്ന് സ്ഥലമുടമ വ്യക്തമാക്കിയിരുന്നു. ആൾക്കാർ മാലിന്യം വലിച്ചെറിഞ്ഞിരുന്ന സമീപത്തെ പൊട്ടക്കിണർ മൂടുകയും ചെയ്തിരുന്നു. ഇതിനുശേഷമാണ് വീണ്ടും ഇവിടെ മാലിന്യം തള്ളിയിരിക്കുന്നത്. ചാക്കുകളിൽ നിറച്ച ഭക്ഷണാവശിഷ്ടം തട്ടുകടയിലെ മാലിന്യമാണെന്ന് സംശയിക്കുന്നു. സിസിടിവി കാമറകൾ പരിശോധിച്ച് മാലിന്യമിടുന്നവരിൽ നിന്ന് പിഴ ഈടാക്കിയെങ്കിലേ പ്രശ്‌നപരിഹാരമാകൂവെന്ന് നാട്ടുകാർ പറയുന്നു.

കോർട്ട് ഫീസ് വർധനവിനെതിരേ സമരം

പൊൻകുന്നം: അശാസ്ത്രീയമായ കോർട്ട് ഫീസ് വർധന പിൻവലിക്കണമെന്നാവശ്യപ്പെട്ട് കേരള അഡ്വക്കേറ്റ് ക്ലർക്ക്‌സ് അസോസിയേഷൻ കാഞ്ഞിരപ്പള്ളി യൂണിറ്റ് ധർണ നടത്തി. ബാർ അസോസിയേഷൻ സെക്രട്ടറി അഡ്വ. സുമേഷ് ആൻഡ്രൂസ് ഉദ്ഘാടനം ചെയ്തു. യൂണിറ്റ് പ്രസിഡന്‍റ് എം.എസ്. ഗിരീഷ്‌കുമാർ അധ്യക്ഷത വഹിച്ചു. സെക്രട്ടറി സന്തോഷ്‌കുമാർ, സംസ്ഥാന കൗൺസിൽ അംഗം കെ.ബി. വിനോദ് കുമാർ, എം.എസ്. ബിജു, ജോൺസൺ ജോസഫ്, സുമാ ദേവി, അഡ്വ. ജോസ് സിറിയക്, അഡ്വ. വൈശാഖ് എസ്. നായർ, അഡ്വ. ജെസ്റ്റിൻ ഡേവിഡ്, അഡ്വ. ബിനോയി ജോസ് എന്നിവർ പ്രസംഗിച്ചു.

ഓപ്പൺ കരാട്ടെ ചാമ്പ്യൻഷിപ്

കണമല: ‌‌‌കേരള ഒളിമ്പിക് അസോസിയേഷൻ തിരുവനന്തപുരത്ത് നടത്തിയ ഓപ്പൺ കരാട്ടെ ചാമ്പ്യൻഷിപ്പിൽ പമ്പാവാലിയിലെ ആവണി രാജേഷ് സ്വർണവും ജോയൽ ജിനോഷ് വെള്ളിയും നേടി. അണ്ടർ 30 കിലോഗ്രാം വിഭാഗം കുമിത്തെയിലാണ് ആവണി സ്വർ‌ണം കരസ്ഥമാക്കിയത്. അണ്ടർ 60 കിലോഗ്രാം വിഭാഗം കുമിത്തെയിൽ ജോയൽ വെള്ളി നേടി. തുലാപ്പള്ളി ആലപ്പാട്ട് മുറവശേരിൽ രാജേഷിന്‍റെയും രമ്യയുടെയും മകളാണ് ആവണി. വേങ്ങത്താനത്ത് ജിനോഷിന്‍റെയും അനുവിന്‍റെയും മകനാണ് ജോയൽ. ഇരുവരുടെയും കോച്ചും ജിനോഷാണ്. വിദ്യാഭ്യാസ മന്ത്രി വി. ശിവൻകുട്ടി ഉദ്ഘാടനം ചെയ്ത ചാമ്പ്യൻഷിപ്പിൽ പതിനാല് ജില്ലകളിൽനിന്നായി അയ്യായിരത്തോളം മത്സരാർഥികൾ പങ്കെടുത്തു.

പാലിയേറ്റീവ് ഉപകരണങ്ങള്‍ വിതരണം ചെയ്തു

പൈക: പാമ്പാടി ബ്ലോക്ക് പഞ്ചായത്തിന്‍റെ ഫണ്ട് ഉപയോഗിച്ച് പൈക സാമൂഹ്യാരോഗ്യ കേന്ദ്രത്തില്‍ സെക്കന്‍ഡറി പാലിയേറ്റീവ് കെയറിനായി വാങ്ങിയ മെഡിക്കല്‍ ഉപകരണങ്ങളുടെ വിതരണോദ്ഘാടനം പാമ്പാടി ബ്ലോക്ക് പഞ്ചായത്ത് പ്രസിഡന്‍റ് ബെറ്റി റോയി മണിയങ്ങാട്ട് നിര്‍വഹിച്ചു. ആശുപത്രി വികസന പ്രവര്‍ത്തനങ്ങള്‍ക്കാവശ്യമായ ഉപകരണങ്ങള്‍ വാങ്ങി നല്‍കിയിട്ടുള്ളതും ഫണ്ട് നല്‍കിയിട്ടുള്ളതുമായ വിശിഷ്ട വ്യക്തികളെ ആദരിച്ചു. യോഗത്തില്‍ ബ്ലോക്ക് പഞ്ചായത്ത് വൈസ് പ്രസിഡന്‍റ് പ്രഫ. എം.കെ. രാധാകൃഷ്ണന്‍ അധ്യക്ഷത വഹിച്ചു. ബ്ലോക്ക് പഞ്ചായത്ത് സ്ഥിരം സമിതി അധ്യക്ഷരായ പ്രേമ ബിജു, മറിയാമ്മ ഏബ്രഹാം, വാര്‍ഡ് മെംബര്‍ സിനി ജോയി, മെഡിക്കല്‍ ഓഫീസര്‍ ഡോ.ജെയ്‌സി എം. കട്ടപ്പുറം, കെ.എം. ചാക്കോ കോക്കാട്ട്, സാജന്‍ തൊടുക എന്നിവര്‍ പ്രസംഗിച്ചു.

അരുവിത്തുറ കോളജും ഐസിഎഎംഎസ് അക്കാഡമിയും ധാരണാപത്രം ഒപ്പുവച്ചു

അരുവിത്തുറ: വിദ്യാർഥികളെ റെഗുലർ ഡിഗ്രിയോടൊപ്പം പ്രഫഷണൽ കരിയറിലേക്ക് നയിക്കുന്നതിനുള്ള ബികോമിനൊപ്പം ഇന്‍റഗ്രേറ്റഡ് സിഎംഎ ഇന്ത്യ കോച്ചിംഗ് പരിശീലനത്തിനായുള്ള പദ്ധതിക്ക് അരുവിത്തുറ സെന്‍റ് ജോർജ് കോളജും ഐസിഎഎംഎസ് അക്കാദമിയും ധാരണാപത്രം ഒപ്പുവച്ചു. കോളജിൽ നടന്ന ചടങ്ങിൽ പ്രിൻസിപ്പൽ ഡോ. സിബി ജോസഫ്, ഐസിഎഎംഎസ് അക്കാദമി ഡയറക്ടർമാരായ സിൻസ് ജോസിനും ഇ.എസ്. അജേഷിനും ധാരണാപത്രം കൈമാറി. ബർസാർ ഫാ. ബിജു കുന്നക്കാട്ട്, കൊമേഴ്സ് വിഭാഗം മേധാവി പി.സി. അനീഷ്, നാക് കോ-ഓർഡിനേറ്റർ ഡോ. മിഥുൻ ജോൺ, ഐ കാംസ് അക്കാദമി പ്രോഗ്രാം കോ-ഓർഡിനേറ്റർ നിതിൻ കെ. ജോസ് തുടങ്ങിയവർ പങ്കെടുത്തു.

ഭിന്നശേഷി സൗഹൃദസംഗമം നടത്തി

കുറുമണ്ണ്: ദയ പാലിയേറ്റീവ് കെയര്‍ സൊസൈറ്റിയുടെ ഭിന്നശേഷി സൗഹൃദസംഗമവും ഈസ്റ്റര്‍, വിഷു ആഘോഷവും കുറുമണ്ണ് സെന്‍റ് ജോണ്‍സ് ഹൈസ്‌കൂള്‍ ഓഡിറ്റോറിയത്തില്‍ നടന്നു. കേരളം, ലക്ഷദ്വീപ് ഡിസെബിലിറ്റി കമ്മീഷണറും എംജി യൂണിവേഴ്‌സിറ്റി ഐയുസിഡിഎസ് ഡയറക്ടര്‍റും ദയ എക്‌സിക്യൂട്ടീവ് മെംബറുമായ പ്രഫ പി.ടി. ബാബുരാജ് ഉദ്ഘാടനം നിര്‍വഹിച്ചു. ദയ ചെയര്‍മാന്‍ പി.എം. ജയകൃഷ്ണന്‍ അധ്യക്ഷത വഹിച്ചു. ആസ്റ്റര്‍ ഡിഎം ഫൗണ്ടേഷന്‍ അസിസ്റ്റന്‍റ് ജനറല്‍ മാനേജര്‍ ലത്തീഫ് കാസിം മുഖ്യാതിഥിയായിരുന്നു. നിഷ ജോസ് കെ. മാണി, ദയ രക്ഷധികാരിയും സെന്‍റ് ജോണ്‍സ് ബാപ്റ്റിസ്റ്റ് പള്ളി വികാരിയുമായ ഫാ. തോമസ് മണിയഞ്ചിറ, കടനാട് പഞ്ചായത്ത് പ്രസിഡന്‍റ് ജിജി തമ്പി, കടനാട് പഞ്ചായത്ത് മെംബര്‍ ബിന്ദു ജേക്കബ്, മേലുകാവ് പഞ്ചായത്ത് മെംബര്‍മാരായ അലക്‌സ് ടി. ജോസഫ്,സണ്ണി മാത്യു വടക്കേമുളഞ്ഞനാല്‍, മേലുകാവ് എസ്എച്ച്ഒ അഭിലാഷ്, കടനാട് പിഎച്ച്‌സി മെഡിക്കല്‍ ഓഫീസര്‍ ബ്രിജിറ്റ് ജോണ്‍ തുടങ്ങിയവര്‍ പ്രസംഗിച്ചു. 170 ലധികം ഭിന്നശേഷിക്കാര്‍ പങ്കെടുത്തു. ഭക്ഷണ കിറ്റ്, മെഡിക്കല്‍ കിറ്റ്, മെഡിക്കല്‍ ഉപകരണങ്ങള്‍ എന്നിവ വിതരണം ചെയ്തു.

ജിസ്‌മോളുടെയും മക്കളുടെയും പോസ്റ്റ്‌മോർട്ടം നടത്തി

കോട്ടയം: അയര്‍ക്കുന്നത്ത് മീനച്ചിലാറ്റില്‍ ചാടി ജീവനൊടുക്കിയ നീറിക്കാട് തൊണ്ണമ്മാവുങ്കല്‍ ജിമ്മിയുടെ ഭാര്യ അഡ്വ. ജിസ്‌മോള്‍ തോമസ് (34), മക്കളായ നേഹ (5), നോറ (2) എന്നിവരുടെ മരണകാരണം ശ്വാസകോശത്തില്‍ വെള്ളം നിറഞ്ഞതാണെന്ന് പ്രാഥമിക പോസ്റ്റ്‌മോര്‍ട്ടം റിപ്പോര്‍ട്ട്. ജിസ്‌മോളുടെ കൈയിലെ ഞരമ്പ് മുറിഞ്ഞിട്ടുണ്ട്. ജിസ്‌മോളുടെ പിന്നില്‍ നടുവിനു മുകളില്‍ മുറിവുണ്ട്. മക്കളുടെ വയറ്റില്‍ അണുനാശിനിയുടെ അംശവും കണ്ടെത്തി. മെഡിക്കല്‍ കോളജ് ആശുപത്രിയിലെ പോസ്റ്റ്‌മോര്‍ട്ടത്തിന് ശേഷം മൂന്ന് മൃതദേഹവും പാലയിലെ സ്വകാര്യ ആശുപത്രിയിലെ മോര്‍ച്ചറിയിലേക്ക് മാറ്റി. സംസ്‌കാരം പിന്നീട് നടക്കും. കോട്ടയം ആര്‍ഡിഒയുടെ നേതൃത്വത്തില്‍ വിശദമായ ഇന്‍ക്വസ്റ്റിന് ശേഷമാണ് ജിസ്‌മോളുടെയും മക്കളായ നേഹയുടെയും നോറയുടെയും മൃതദേഹം പോസ്റ്റ്‌മോര്‍ട്ടം ചെയ്തത്. ആറ്റില്‍ ചാടുന്നതിന് മുമ്പ് ജിസ്‌മോള്‍ മക്കള്‍ക്ക് വിഷം നല്‍കിയിരുന്നതായി ഇന്നലെ തന്നെ വിവരമുണ്ടായിരുന്നു. അയര്‍ക്കുന്നം പോലീസ് ഭര്‍ത്താവ് ജിമ്മിയുടെയും കുടുംബാംഗങ്ങളുടെയും മൊഴിയെടുത്തിട്ടുണ്ട്. ഗാര്‍ഹിക പീഡനമാണ് മകളുടെയും കുട്ടികളുടെയും മരണത്തിന് ഇടയാക്കിയതെന്ന് ജിസ്‌മോളുടെ ബന്ധുക്കള്‍ പരാതിപ്പെട്ടു.

ശബ്ദയില്‍ സൗജന്യ കേള്‍വി പരിശോധനാ ക്യാമ്പ് ആരംഭിച്ചു

ചങ്ങനാശേരി: ശബ്ദ ഹിയറിംഗ് എയ്ഡ് സെന്‍റര്‍ എല്‍എല്‍പി യുടെ 19 ക്ലീനിക്കുകളില്‍ കുട്ടികള്‍ക്കും മുതിര്‍ന്നവര്‍ക്കുമായി സൗജന്യ കേള്‍വി പരിശോധന ക്യാമ്പ് ആരംഭിച്ചു. 30 വരെ നടക്കുന്ന ക്യാമ്പിന്‍റെ ഉദ്ഘാടനം ചങ്ങനാശേരി എസ്ബി കോളജിന് സമീപമുള്ള ശബ്ദ ഹിയറിംഗ് എയ്ഡ് സെന്‍റര്‍ എല്‍എല്‍പിയില്‍ ഡോ. റൂബിള്‍ രാജ് നിര്‍വഹിച്ചു. തുരുത്തി മര്‍ത്ത് മറിയം ഫൊറോന പളളി വികാരി ഫാ. ജോസ് വരിക്കപ്പള്ളി മുഖ്യാതിഥിയായിരുന്നു. പാലാത്ര കണ്‍സ്ട്രക്‌ഷന്‍ ഡയറക്ടര്‍ മനോജ് മാത്യു പാലാത്ര, മിലന്‍ സോളാര്‍ സാരഥി മനീഷ്, പാലാത്ര കണ്‍സ്ട്രക്‌ഷന്‍ സ്ട്രക്ചര്‍ എന്‍ജിനിയര്‍ പ്രിന്‍സ് പാലാത്ര, ബിജോയ് പ്ലാത്താനം, മാത്യു വള്ളിക്കാട്, എച്ച്ആര്‍ ഹെഡ് റിന്‍റു മാത്യൂസ് വള്ളിക്കാട് എന്നിവര്‍ പ്രസംഗിച്ചു. ഓഡിയോളജിസ്റ്റുമാരായ വിഷ്ണു ജോഷി, ഷെഹിന്‍ കെ. ജോസ് എന്നിവരുടെ നേതൃത്വത്തിലാണ് ക്യാമ്പ് നടക്കുന്നത്. വിദഗ്ധരായ ഓഡിയോളജിസ്റ്റുകളുടെയും അതിനൂതന സാങ്കേതികവിദ്യയുടെയും സഹായത്തോടെ ക്ലീനിക്കുകളില്‍ നടക്കുന്ന ക്യാമ്പില്‍ ആവശ്യമുള്ളവര്‍ക്ക് വിദേശ നിര്‍മിത ബ്രാന്‍റഡ് കമ്പനിയുടെ ശ്രവണ സഹായികള്‍ ഡിസ്‌കൗണ്ടിലും എക്സ്ചേഞ്ച് സൗകര്യത്തിലും ലഭ്യമാണെന്ന് ശബ്ദ മാനേജിംഗ് ഡയറക്ടര്‍ മാത്യൂസ് മാത്യു വള്ളിക്കാട് പറഞ്ഞു. പുറത്തു കാണാത്ത വിധത്തില്‍ ചെവിക്കുള്ളില്‍ വയ്ക്കാവുന്ന റീ ചാര്‍ജ് ചെയ്ത് ഉപയോഗിക്കുന്ന ശ്രവണ സഹായികളുടെ ശേഖരമാണ് ഒരുക്കിയിരിക്കുന്നത്. ക്ലീനിക്കുകള്‍: കഞ്ഞിക്കുഴി, ഗാന്ധിനഗര്‍, കടുത്തുരുത്തി, പാലാ, പൊന്‍കുന്നം, കറുകച്ചാല്‍, ചങ്ങനാശേരി, കട്ടപ്പന. 95449 95558.

നോക്കുകൂലി അനുവദിക്കില്ല: ടി.ആര്‍. രഘുനാഥന്‍

കോട്ടയം: ജില്ലയില്‍ എവിടെയെങ്കിലും നോക്കുകൂലി ശ്രദ്ധയില്‍പെട്ടാല്‍ കര്‍ശന നടപടിയെടുക്കുമെന്ന് സിപിഎം ജില്ലാ സെക്രട്ടറി ടി.ആര്‍. രഘുനാഥന്‍ കോട്ടയം പ്രസ് ക്ലബ് മീറ്റ് ദി പ്രസില്‍ പറഞ്ഞു. രണ്ടാം പിണറായി സര്‍ക്കാരിന്‍റെ നാലാം വാര്‍ഷികാഘോഷം വലിയ ജനപങ്കാളിത്തത്തോടെ നടത്തും. 29ന് നാഗമ്പടം നെഹ്‌റു സ്റ്റേഡിയത്തില്‍ അര ലക്ഷത്തിലേറെ പേര്‍ അണിനിരക്കുന്ന റാലിയും സമ്മേളനവും നടത്തും. മുഖ്യമന്ത്രിയും മന്ത്രിമാരും എല്‍ഡിഎഫ് നേതാക്കളും പങ്കെടുക്കും. ത്രിതല പഞ്ചായത്ത് തെരഞ്ഞെടുപ്പിനുള്ള മുന്നൊരുക്കമായിട്ടാണ് സര്‍ക്കാരിന്‍റെ വാര്‍ഷികാഘോഷത്തെ കാണുന്നത്. വികസനമില്ലെന്ന രീതിയില്‍ യുഡിഎഫ് എംഎല്‍എമാര്‍ നടത്തുന്ന സമരങ്ങള്‍ രാഷ്‌ട്രീയപ്രേരിതമാണ്. കോട്ടയത്തെ ആകാശപാത എംഎല്‍എയുടെ പരിഹാസ്യതയുടെ പ്രതീകമാണ്. പ്രകടന പത്രികയില്‍ പറഞ്ഞിരിക്കുന്ന കാര്യങ്ങള്‍ പൂര്‍ണമായും നടപ്പാക്കും. രഘുനാഥന്‍ പറഞ്ഞു.

ആത്മഹത്യ അരുതേ... പോലീസിനെ സമീപിക്കൂ...

എസ്എച്ച്ഒ എ.എസ്. അൻസലിന്‍റെ ഫേസ്ബുക്ക് കുറിപ്പ് ശ്രദ്ധേയമാകുന്നു ഏറ്റുമാനൂർ: ഒന്നര മാസത്തിനുള്ളിൽ അമ്മമാർ മക്കളെയുമായി ജീവനൊടുക്കിയ രണ്ടു സംഭവങ്ങൾ. രണ്ടു സംഭവങ്ങളിലും മേൽനടപടികൾക്ക് നേതൃത്വം നൽകേണ്ടി വന്ന ഏറ്റുമാനൂർ എസ്എച്ച്ഒ ഇൻസ്പെക്ടർ എ.എസ്. അൻസലിന്‍റെ ഉള്ളുലയ്ക്കുന്ന ഫേസ്ബുക്ക് കുറിപ്പിന് വളരെ പെട്ടെന്ന് വൻ പ്രചാരമാണ് ലഭിച്ചത്. ഫേസ്ബുക്ക് കുറിപ്പ് ചുവടെ: ഏറ്റുമാനൂർ പോലീസ് സ്റ്റേഷനിൽ 2025, ജനുവരി ഒന്ന് മുതൽ മാർച്ച്‌ 30 വരെ 700 പരാതികൾ. (കോട്ടയം ജില്ലയിൽ തന്നെ കൂടുതൽ, അതിൽ 500 ഓളം കുടുംബ പ്രശ്നങ്ങൾ). ഇതിൽ ഒരു 10 ശതമാനം അടുത്ത് പ്രശ്നങ്ങൾക്ക് പരിഹാരം ഉണ്ടായില്ലെങ്കിൽ ആത്മഹത്യ അല്ലാതെ വേറെ വഴി ഇല്ല എന്ന് പറഞ്ഞു വിലപിക്കുന്നവർ. ഇത്തരത്തിൽ മദ്യപിച്ചു കുടുംബങ്ങളിൽ പ്രശ്നം ഉണ്ടാക്കുന്ന ആളുകൾ കുടുംബങ്ങളിൽ പോയി വീണ്ടും പ്രശ്നങ്ങൾ ഉണ്ടാകാതിരിക്കാൻ സ്റ്റേഷനിൽ വന്നു രാത്രി എട്ടിനു ശേഷം ഒപ്പിടൽ. ദിവസവും 100 ഓളം ആളുകൾ വിവിധ ദിവസങ്ങളിൽ ഒപ്പിടുന്ന ഒരു സ്റ്റേഷൻ ആണ് ഏറ്റുമാനൂർ. ഒപ്പിടാൻ വന്നില്ലെങ്കിൽ വളരെ കൃത്യമായി അവരെ വിളിച്ചു ചോദിക്കും എന്താണ് വരാത്തത് എന്ന്. ഒപ്പിടൽ നിർത്തണം എങ്കിൽ ഭാര്യ പറയണം. ചേട്ടൻ ഇപ്പോൾ കുഴപ്പം ഇല്ല സർ, ഒപ്പിടൽ നിർത്തിക്കോ. ഇതു പോലെ വളരെ കൃത്യമായിട്ടു മേൽനോട്ടവും ആത്മാർഥമായ സേവനവും നടത്തി ആണ് ഏറ്റുമാനൂർ പോലീസ് 100 കണക്കിന് ആത്‍മഹത്യകൾ തടഞ്ഞു കൊണ്ടിരിക്കുന്നത്. എന്നാൽ, കഴിഞ്ഞ രണ്ടു മാസം മുമ്പ് ചിതറിത്തെറിച്ച ഷൈനിയും രണ്ട് കുഞ്ഞു ശരീരങ്ങളും. മെഡിക്കൽ കോളജ് ഇൻക്വസ്റ്റ് ടേബിളിൽ പെറുക്കിവച്ച് ഇൻക്വസ്റ്റ് നടത്തുമ്പോൾ എന്‍റെ സിദ്രുവിന്‍റെയും അയനയുടെയും മുഖങ്ങൾ മനസിൽ മാറി വന്നു. ഒരു തവണയെങ്കിലും സ്റ്റേഷനിൽ ഷൈനിയും മക്കളും വന്നു ഞങ്ങളെ കണ്ടിരുന്നെങ്കിലെന്ന് വെറുതെ ആഗ്രഹിച്ചു പോയ നിമിഷം. ഒരു തരം യാന്ത്രികമായി ആ ജോലി കഴിഞ്ഞ് ഇന്നലെ വീണ്ടും സമാന സംഭവം. ഒരു അമ്മയും രണ്ട് കുട്ടികളും. ആ ചെറിയ മകളുടെ ചേതനയറ്റ കുഞ്ഞു മുഖം മനസിൽ നിന്നു പോകുന്നില്ല. ഇന്നലെ രാത്രി കണ്ണ് കൂട്ടി അടയ്ക്കാൻ പറ്റാത്ത അവസ്ഥ.... ഫേസ്ബുക്ക് കുറിപ്പിനു പിന്നാലെ മാധ്യമങ്ങൾ എ.എസ്. അൻസലിന്‍റെ പ്രതികരണം തേടി. ആത്മഹത്യയുടെ വക്കോളം എത്തി നിൽക്കുന്ന കുടുംബ പ്രശ്നങ്ങൾ വർധിച്ചു വരികയാണെന്ന് അദ്ദേഹം പറയുന്നു. സ്വയം പരിഹരിക്കാനാകാത്ത പ്രശ്നങ്ങളുണ്ടായാൽ പോലീസിനെ സമീപിക്കാൻ മടിക്കണ്ട. വിലപ്പെട്ട ജീവനുകൾക്ക് കരുതൽ നൽകാൻ ജനമൈത്രി പോലീസ് ഉണ്ടെന്ന് എ.എസ്. അൻസലിന്‍റെ ഉറപ്പ്.

യുവാവിനെ മരിച്ച നിലയിൽ കണ്ടെത്തി

മുണ്ടക്കയം: യുവാവിനെ മരിച്ച നിലയിൽ കണ്ടെത്തി. വണ്ടൻപതാൽ തത്തൻപാറയിൽ ഇബ്രാഹിം-ബദർ ബീവി ദമ്പതികളുടെ മകൻ ഫൈസൽ (36) നെയാണ് കിടപ്പുമുറിയിൽ മരിച്ച നിലയിൽ കണ്ടത്. മാതാവും ഫൈസലും മാത്രമാണ് വീട്ടിൽ താമസിക്കുന്നത്. ലോറി ഡ്രൈവറായ ഫൈസൽ രാത്രി നെഞ്ചുവേദന അനുഭവപ്പെട്ടതായി മാതാവിനോടു പറഞ്ഞിരുന്നു. രാവിലെ വിളിച്ചുണർത്താൻ മുറിയിലേക്ക് ചെന്ന മാതാവാണ് മകനെ മരിച്ച നിലയിൽ കണ്ടത്. കബറടക്കം ഇന്ന് വരിക്കാനി ജുമാമസ്ജിദ് ഖബർസ്ഥാനിൽ നടക്കും.

ഇന്ന് അനുഷ്ഠാനങ്ങളോടെ പെസഹ ആചരണം; ദേവാലയങ്ങളില്‍ പാദക്ഷാളന ശുശ്രൂഷ

കോട്ടയം: ഇന്ന് ക്രൈസ്തവര്‍ അനുഷ്ഠാനങ്ങളോടെ പെസഹ ആചരിക്കും. യേശു ശിഷ്യരോടൊപ്പം സെഹിയോന്‍ ഊട്ടുശാലയില്‍ പെസഹ ആചരിച്ചതിന്‍റെയും വിശുദ്ധ കുര്‍ബാന സ്ഥാപിച്ചതിന്‍റെയും പാവനസ്മരണ അയവിറക്കുന്ന പുണ്യദിനം. എളിമയുടെയും ലാളിത്യത്തിന്‍റെയും മാതൃകയായി യേശു ശിഷ്യരുടെ പാദങ്ങള്‍ കഴുകി ചുംബിച്ചതിന്‍റെ സ്മരണ പുതുക്കി ദേവാലയങ്ങളില്‍ പാദക്ഷാളനം നടക്കും. വിശുദ്ധവാരത്തിന്‍റെ അതിപ്രധാന ദിനങ്ങളിലേക്ക് ക്രൈസ്തവ വിശ്വാസികള്‍ കടക്കുകയാണ്. ദേവാലയങ്ങളില്‍ പെസഹദിന ശുശ്രൂഷയും പകല്‍ ആരാധനയും നടക്കും. വൈകുന്നേരം ഭവനങ്ങളില്‍ അനുഷ്ഠാനങ്ങളോടെ പെസഹ ഭക്ഷണമായ അപ്പവും പാലും അടയും ആചാരപ്രകാരം തയാറാക്കും. കുടുംബാംഗങ്ങള്‍ ഒന്നുചേര്‍ന്ന് പ്രാര്‍ഥയ്ക്കും തിരുവചന വായനയ്ക്കും ശേഷം ഗൃഹനാഥന്‍ അപ്പം മുറിച്ച് നല്‍കും. പാതിരാവോളം പാന ആലാപനവും പീഡാനുവത്തെ അനുസ്മരിക്കുന്ന സുവിശേഷ വായനയുമായി കുടുംബാംഗങ്ങള്‍ ഭക്തിപൂര്‍വം പെസഹാദിനം ആചരിക്കും. ചങ്ങനാശേരി സെന്‍റ് മേരീസ് മെത്രാപ്പോലീത്തന്‍ പള്ളിയില്‍ ആര്‍ച്ച്ബിഷപ് മാര്‍ തോമസ് തറയിലും കോട്ടയം ക്രിസ്തുരാജ കത്തീഡ്രലില്‍ ആര്‍ച്ച്ബിഷപ് മാര്‍ മാത്യു മൂലക്കാട്ടും പെസഹാ തിരുക്കര്‍മങ്ങള്‍ക്ക് മുഖ്യകാര്‍മികത്വം വഹിക്കും. ബിഷപ് മാര്‍ ജോസഫ് കല്ലറങ്ങാട്ട് പാലാ സെന്‍റ് തോമസ് കത്തീഡ്രലിലും ബിഷപ് മാര്‍ ജോസ് പുളിക്കല്‍ കാഞ്ഞിരപ്പള്ളി സെന്‍റ് ഡൊമിനിക്സ് കത്തീഡ്രലിലും ബിഷപ് ഡോ. സെബാസ്റ്റ്യന്‍ തെക്കത്തെച്ചേരില്‍ കോട്ടയം വിമലഗരി കത്തീഡ്രലിലും പെസഹാ ശുശ്രൂഷകളില്‍ കാര്‍മികരാകും. ഓര്‍ത്തഡോക്സ് സഭാധ്യക്ഷന്‍ ബസേലിയോസ് മാര്‍ത്തോമ മാത്യുസ് തൃതീയന്‍ കാതോലിക്കാ ബാവാ വാഴൂര്‍ സെന്‍റ് പീറ്റേഴ്സ് ഓര്‍ത്തഡോക്സ് പള്ളിയിലെ പെസഹാ, ദുഃഖവെള്ളി ശുശ്രൂഷകള്‍ക്കു നേതൃത്വം നല്‍കും. മണര്‍കാട് പള്ളിയിലെ ദുഃഖവെള്ളി ശുശ്രൂഷകള്‍ക്കു യാക്കോബായ സുറിയാനി സഭ ശ്രേഷ്ഠ കാതോലിക്കാ ബസേലിയോസ് ജോസഫ് ബാവാ മുഖ്യ കാര്‍മികനാകും. നാളെ ദുഃഖവെള്ളിയോടനുബന്ധിച്ചും ദേവാലയങ്ങളില്‍ പ്രത്യേക തിരുക്കര്‍മങ്ങളുണ്ട്. രാവിലെ പീഡാനുഭവ ശുശ്രൂഷകള്‍ക്കു തുടക്കമാകും. പീഡാനുഭവ വായന, നഗരി കാണിക്കല്‍, കുരിശു ചുംബനം തുടങ്ങിയ ശുശ്രൂഷകള്‍ക്കുശേഷം കുരിശിന്‍റെ വഴിയുമുണ്ടാകും. വാഗമണ്‍, വല്ല്യച്ചന്‍മല, അറുനൂറ്റിമംഗലം എന്നിവിടങ്ങളിലെ കുരിശിന്‍റെ വഴിയില്‍ നിരവധി വിശ്വാസികള്‍ പങ്കെടുക്കും.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]