കോ​ട്ട​യം: ടൗ​ണ്‍ പെ​ര്‍മി​റ്റി​ല്ലാ​ത്ത ഓ​ട്ടോ​റി​ക്ഷ​യ്ക്ക് റെ​യി​ല്‍വേ സ്റ്റേ​ഷ​നി​ല്‍ അ​ധി​കൃ​ത​ര്‍ പാ​സ് ന​ല്‍കി​യ​തി​ല്‍ പ്ര​തി​ഷേ​ധി​ച്ച് റെ​യി​ല്‍വേ സ്റ്റേ​ഷ​നി​ലെ ടാ​ക്സി​ക്കാ​ർ സം​യു​ക്ത ട്രേ​ഡ് യൂ​ണി​യ​ന്‍റെ ആ​ഭി​മു​ഖ്യ​ത്തി​ല്‍ ഇ​ന്ന​ലെ മി​ന്ന​ല്‍ പ​ണി​മു​ട​ക്ക് ന​ട​ത്തി.

കു​മാ​ര​ന​ല്ലൂ​ര്‍ സ്വ​ദേ​ശി​യു​ടെ ഓ​ട്ടോ​റി​ക്ഷ​യ്ക്കാ​ണ് റെ​യി​ല്‍വേ അ​ധി​കൃ​ത​ര്‍ പാ​സ് ന​ല്‍കി​യ​ത്. ഇ​ത​റി​ഞ്ഞ ടാ​ക്‌​സി​ക്കാ​ര്‍ സ്റ്റേ​ഷ​ന്‍ മാ​സ്റ്റ​റെ വി​വ​രം അ​റി​യി​ച്ചെ​ങ്കി​ലും സ്റ്റേ​ഷ​ന്‍ മാ​സ്റ്റ​ര്‍ ഗൗ​നി​ച്ചി​ല്ലെ​ന്നു മാ​ത്ര​മ​ല്ല, ധി​ക്കാ​ര​പ​ര​മാ​യ നി​ല​പാ​ടാ​ണെ​ടു​ത്ത​തെ​ന്ന് ടാ​ക്‌​സി തൊ​ഴി​ലാ​ളി​ക​ള്‍ പ​റ​ഞ്ഞു. ഇ​തോ​ടെ ഇ​ന്ന​ലെ രാ​വി​ലെ 8.15 മു​ത​ല്‍ തൊ​ഴി​ലാ​ളി​ക​ള്‍ മി​ന്ന​ല്‍ പ​ണി​മു​ട​ക്ക് ന​ട​ത്തി.

തു​ട​ര്‍ന്ന് 11.15ന് ​സ്റ്റേ​ഷ​ന്‍മാ​സ്റ്റ​ര്‍ നേ​രി​ട്ടെ​ത്തി സ​മ​ര​ക്കാ​രു​മാ​യി ച​ര്‍ച്ച ന​ട​ത്തു​ക​യും പെ​ര്‍മി​റ്റി​ല്ലാ​ത്ത ഓ​ട്ടോ​റി​ക്ഷ​യ്ക്ക് റെ​യി​ല്‍വേ​യി​ല്‍ പ്ര​വേ​ശ​നം അ​നു​വ​ദി​ക്കി​ല്ലെ​ന്ന​റി​യി​ക്കു​ക​യും ചെ​യ്ത​തോ​ടെ​യാ​ണ് സ​മ​രം അ​വ​സാ​നി​ച്ച​ത്.