ച​ങ്ങ​നാ​ശേ​രി: ഭ​ര്‍ത്താ​വി​ന്‍റെ സ​ഹോ​ദ​ര​ന്‍ തീ​കൊ​ളു​ത്തി പൊ​ള്ള​ലേ​റ്റ് ചി​കി​ത്സ​യി​ലാ​യി​രു​ന്ന വീ​ട്ട​മ്മ മ​രി​ച്ചു. ച​ങ്ങ​നാ​ശേ​രി പ​റാ​ല്‍ പ്രി​യ നി​വാ​സി​ല്‍ വേ​ണു​ഗോ​പാ​ലി​ന്‍റെ ഭാ​ര്യ പ്ര​സ​ന്ന​യാ(62)​ണു മ​രി​ച്ച​ത്. തി​ങ്ക​ളാ​ഴ്ച രാ​ത്രി 10നാ​ണ് അ​ക്ര​മം ന​ട​ന്ന​ത്. വേ​ണു​ഗോ​പാ​ലി​ന്‍റെ അ​നു​ജ​ന്‍ രാ​ജു​വാ​ണ് ആ​ക്ര​മം ന​ട​ത്തി​യ​ത്.

വേ​ണു​ഗോ​പാ​ലി​ന്‍റെ വീ​ട്ടി​ലെ​ത്തി​യ രാ​ജു കൈ​യി​ല്‍ ക​രു​തി​യ ടി​ന്ന​ര്‍ പ്ര​സ​ന്ന​യു​ടെ ശ​രീ​ര​ത്തി​ല്‍ ഒ​ഴി​ച്ചു തീ​കൊ​ളു​ത്തു​ക​യാ​യി​രു​ന്നു. ഭ​ര്‍ത്താ​വ് വേ​ണു​ഗോ​പാ​ലും നാ​ട്ടു​കാ​രും ചേ​ര്‍ന്നു പ്ര​സ​ന്ന​യെ കോ​ട്ട​യം മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ലെ​ത്തി​ച്ചെ​ങ്കി​ലും ചൊ​വ്വാ​ഴ്ച രാ​ത്രി​യോ​ടെ പ്ര​സ​ന്ന മ​രി​ച്ചു.

പ്ര​സ​ന്ന​യു​ടെ ഭ​ര്‍ത്താ​വ് വേ​ണു​ഗോ​പാ​ല്‍ ച​ങ്ങ​നാ​ശേ​രി കോ​ഫി​ഹൗ​സ് സ്റ്റാ​ന്‍ഡി​ലെ ഓ​ട്ടോ​ഡ്രൈ​വ​റാ​ണ്. മ​ക്ക​ള്‍: പ്രേ​മ, പ്രേം​ജി​ത്, പ്രി​യ​മോ​ള്‍. അ​ക്ര​മം ന​ട​ത്തി​യ രാ​ജു​വി​നെ വി​ഷം ഉ​ള്ളി​ല്‍ചെ​ന്ന നി​ല​യി​ല്‍ കോ​ട്ട​യം മെ​ഡി​ക്ക​ല്‍ മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ചു.
അ​പ​ക​ട നി​ല ത​ര​ണം ചെ​യ്ത രാ​ജു​വി​നെ പോ​ലീ​സ് നി​രീ​ക്ഷ​ണ​ത്തി​ല്‍ വാ​ര്‍ഡി​ലേ​ക്കു മാ​റ്റി. രാ​ജു​വി​ന് വേ​ണു​ഗോ​പാ​ലി​ന്‍റെ കു​ടും​ബ​വു​മാ​യി ഉ​ണ്ടാ​യി​രു​ന്ന മു​ന്‍വൈ​രാ​ഗ്യ​മാ​ണ് പ്ര​ശ്ന​ത്തി​ല്‍ ക​ലാ​ശി​ച്ച​തെ​ന്നും പോ​ലീ​സ് പ​റ​ഞ്ഞു.

ക​ഴി​ഞ്ഞ കു​റേ​വ​ര്‍ഷ​ങ്ങ​ളാ​യി പ​റാ​ലി​ലെ കു​ടും​ബ വീ​ടു​മാ​യി അ​ക​ന്ന് ക​ഴി​ഞ്ഞ രാ​ജു അ​ടു​ത്തി​ടെ​യാ​ണു പ​റാ​ലി​ല്‍ തി​രി​കെ എ​ത്തി​യ​ത്.