എ​രു​മേ​ലി: കെ​ട്ടി​ട​ത്തി​ലെ അ​പാ​ക​ത​ക​ൾ​മൂ​ലം എ​രു​മേ​ലി മൃ​ഗാ​ശു​പ​ത്രി​യു​ടെ പ്ര​വ​ർ​ത്ത​നം വാ​ട​ക​ക്കെ​ട്ടി​ട​ത്തി​ലേ​ക്കു മാ​റ്റി. എ​രു​മേ​ലി പ​ഞ്ചാ​യ​ത്ത്‌ ഓ​ഫീ​സി​നോ​ട് ചേ​ർ​ന്നു പ​ഞ്ചാ​യ​ത്തു​വ​ക കെ​ട്ടി​ട​ത്തി​ൽ പ്ര​വ​ർ​ത്തി​ച്ചി​രു​ന്ന സ​ർ​ക്കാ​ർ വെ​റ്റ​റി​ന​റി ഡി​സ്‌​പെ​ൻ​സ​റി‌​യാ​ണ് പ്ര​വ​ർ​ത്ത​നം നി​ർ​ത്തി​യ​ത്. പ​ഞ്ചാ​യ​ത്ത്‌ ഓ​ഫീ​സ് - പ്രൈ​വ​റ്റ് ബ​സ് സ്റ്റാ​ൻ​ഡ് ബൈ​പാ​സ് റോ​ഡി​ൽ പെ​ൻ​ഷ​ൻ​ഭ​വ​നു സ​മീ​പം സ്വ​കാ​ര്യ കെ​ട്ടി​ട​ത്തി​ലേ​ക്കാ​ണ് ഡി​സ്‌​പെ​ൻ​സ​റി​യു​ടെ പ്ര​വ​ർ​ത്ത​നം മാ​റ്റി​യ​ത്.

ഗു​ണ​നി​ല​വാ​ര​മി​ല്ലാ​ത്ത പ​ണി​ക​ൾ ന​ട​ത്തി​യാ​ണ് കെ​ട്ടി​ടം നി​ർ​മി​ച്ച​തെ​ന്ന് ആ​ക്ഷേ​പം ശ​ക്ത​മാ​യി​ട്ടു​ണ്ട്. മൃ​ഗാ​ശു​പ​ത്രി​യു​ടെ മേ​ൽ​ക്കൂ​ര​യി​ൽ ചോ​ർ​ച്ച​യും കോ​ൺ​ക്രീ​റ്റി​ലെ ക​മ്പി​ക​ൾ തെ​ളി​യു​ക​യും ചെ​യ്ത​തോ​ടെ ചോ​ർ​ച്ച പ​രി​ഹ​രി​ക്കാ​ൻ ഷീ​റ്റു​ക​ളി​ട്ടു റൂ​ഫിം​ഗ് ന​ട​ത്തി​യി​രു​ന്നു. എ​ന്നാ​ൽ, ത​റ​ക​ളി​ലെ ടൈ​ലു​ക​ൾ ഇ​ള​കു​ക​യും കെ​ട്ടി​ട​ത്തി​ന്‍റെ പ​ല ഭാ​ഗ​ങ്ങ​ളി​ലും ത​ക​ർ​ച്ച പ്ര​ത്യ​ക്ഷ​പ്പെ​ടു​ക​യും ചെ​യ്ത​തോ​ടെ പ്ര​വ​ർ​ത്ത​നം ബു​ദ്ധി​മു​ട്ടി​ലായി.

മ​രു​ന്നു​ക​ൾ സൂ​ക്ഷി​ക്കാ​ൻ സൗ​ക​ര്യം പ​രി​മി​ത​മാ​യ​തും കെ​ട്ടി​ട​ത്തി​ന്‍റെ ത​ക​ർ​ച്ച​യും മൂ​ലം ക​ഴി​ഞ്ഞ ദി​വ​സം പ്ര​വ​ർ​ത്ത​നം നി​ർ​ത്തി​വ​യ്ക്കേ​ണ്ടി വ​ന്ന​തോ​ടെ​യാ​ണു സ്വ​കാ​ര്യ കെ​ട്ടി​ടം വാ​ട​ക​യ്ക്കെ​ടു​ത്ത് പ്ര​വ​ർ​ത്ത​നം ഇ​വി​ടേ​ക്കു മാ​റ്റി​യത്.

മൃ​ഗാ​ശു​പ​ത്രി​യു​ടെ പു​ന​ർ​നി​ർ​മാ​ണ​ത്തി​ന് ഇ​നി എ​സ്റ്റി​മേ​റ്റ് ത​യാ​റാ​ക്ക​ണം. പൊ​തു​മ​രാ​മ​ത്ത് കെ​ട്ടി​ട വി​ഭാ​ഗ​മാ​ണ് എ​സ്റ്റി​മേ​റ്റ് ത​യാ​റാ​ക്കേ​ണ്ട​ത്. തു​ട​ർ​ന്ന് അം​ഗീ​കാ​രം ല​ഭി​ക്കു​ന്ന മു​റ​യ്ക്കു മൃ​ഗ​സം​ര​ക്ഷ​ണ​വ​കു​പ്പ് ഫ​ണ്ട് അ​നു​വ​ദി​ക്ക​ണം. ഇ​തി​ന് ശേ​ഷം ടെ​ൻ​ഡ​ർ ചെ​യ്ത് പ​ണി​ക​ൾ ന​ട​ത്തി പൂ​ർ​ത്തി​യാ​കു​ന്ന​ത് വ​രെ വാ​ട​ക​ക്കെ​ട്ടി​ട​ത്തി​ൽ മൃ​ഗാ​ശു​പ​ത്രി​യു​ടെ പ്ര​വ​ർ​ത്ത​നം തു​ട​രേ​ണ്ടി വ​രും. വാ​ട​ക​ക്കെ​ട്ടി​ട​ത്തി​ൽ അ​സ​ഹ​നീ​യ​മാ​യ ചൂ​ട് മൂ​ലം ജീ​വ​ന​ക്കാ​ർ വ​ല​യു​ക​യാ​ണെ​ന്ന് പ​രാ​തി​യു​ണ്ട്.

പു​ന​ർ​നി​ർ​മാ​ണം ന​ട​ത്തി പോ​രാ​യ്മ​ക​ൾ പ​രി​ഹ​രി​ക്കാ​ൻ പ​ഞ്ചാ​യ​ത്ത്‌ ക​മ്മി​റ്റി​യി​ൽ തീ​രു​മാ​ന​മാ​യി​ട്ടു​ണ്ട്. ഒ​പ്പം മൃ​ഗാ​ശു​പ​ത്രി​യു​ടെ അ​ടു​ത്തു​ള്ള ശു​ചി​മു​റി​ക​ളും കൃ​ഷി​ഭ​വ​നു വേ​ണ്ടി നി​ർ​മാ​ണം ന​ട​ത്തി പ​ണി​ക​ൾ നി​ർ​ത്തി​വ​ച്ച കെ​ട്ടി​ട​വും പൊ​ളി​ച്ചു​നീ​ക്കാ​നും ക​മ്മി​റ്റി​യി​ൽ തീ​രു​മാ​നി​ച്ചി‌‌​ട്ടു​ണ്ട്. മൃ​ഗാ​ശു​പ​ത്രി ന​വീ​ക​ര​ണം ഉ​ൾ​പ്പെടെ പു​ന​ർ​നി​ർ​മാ​ണം ന​ട​ത്താ​ൻ ഫ​ണ്ട് ന​ൽ​കാ​മെ​ന്നു മൃ​ഗ​സം​ര​ക്ഷ​ണ വ​കു​പ്പ് അ​റി​യി​ച്ചി​ട്ടു​ണ്ട്.

2007 ജ​നു​വ​രി​യി​ലാ​ണ് മു​ക​ളി​ൽ മൃ​ഗാ​ശു​പ​ത്രി​യും താ​ഴ​ത്തെ നി​ല​യി​ൽ ഹോ​മി​യോ ഡി​സ്‌​പെ​ൻ​സ​റി​യു​മാ​യി ഇ​രു​നി​ല കെ​ട്ടി​ടം നി​ർ​മി​ച്ച് ഉ​ദ്ഘാ​ട​നം ചെ​യ്തത്.