പാ​മ്പാ​ടി: കോ​ട്ട​യ​ത്തി​നും പൊ​ൻ​കു​ന്ന​ത്തി​നും ഇ​ട​യി​ലെ പ്ര​ധാ​ന ടൗ​ൺ ആ​യ പാ​മ്പാ​ടി​യി​ലെ ബ​സ്‌​സ്റ്റാ​ൻ​ഡ് അ​വ​ഗ​ണ​ന​യു​ടെ പ​ടു​കു​ഴി​യി​ൽ. കോ​ൺ​ഗ്ര​സ് എം​എ​ൽ​എ​യു​ള്ള പു​തു​പ്പ​ള്ളി മ​ന്ധ​ല​ത്തി​ലെ എ​ൽ​ഡി​എ​ഫ് ഭ​രി​ക്കു​ന്ന പാ​മ്പാ​ടി പ​ഞ്ചാ​യ​ത്തി​ലെ ബ​സ് സ്രറ്റാ​ൻ​ഡാ​ണ് യാ​തൊ​രു അ​ടി​സ്ഥാ​ന​പ​ര​മാ​യി യാ​തൊ​രു സൗ​ക​ര്യ​വു​മി​ല്ലാ​തെ ബു​ദ്ധി​മു​ട്ടു​ന്ന​ത്. നൂ​റു​ക​ണ​ക്കി​ന് ബ​സു​ക​ൾ ക​യ​റി​യി​റ​ങ്ങു​ന്ന സ്റ്റാ​ൻ​ഡി​ലെ കോ​ൺ​ക്രീ​റ്റ് പൊ​ട്ടി കു​ഴി​ക​ൾ രൂ​പ​പ്പെ​ട്ടി​ട്ട് നാ​ളു​ക​ളാ​യി. ബ​സ് കാ​ത്തി​രി​പ്പ് കേ​ന്ദ്ര​ത്തി​ലാ​ക​ട്ടെ നൂ​റു പേ​ർ​ക്കു തി​ക​ച്ചു നി​ൽ​ക്കാ​ൻ ഇ​ട​മി​ല്ല.

ഇ​രി​പ്പി​ട​ങ്ങ​ളാ​ക​ട്ടെ ഒ​റ്റ​ക​മ്പി​യി​ൽ തീ​ർ​ത്ത​വ​യും. ഇ​തി​ൽ ഇ​രി​ക്ക​ണ​മെ​ങ്കി​ൽ ന​ല്ല ബാ​ല​ൻ​സ് വേ​ണം, പ​ല​പ്പോ​ഴും ആ​ളു​ക​ൾ നി​ല​ത്താ​ണ് ഇ​രി​ക്കു​ന്ന​ത്. മ​ഴ പെ​യ്താ​ൽ അ​ക​ത്തു നി​ൽ​ക്കു​ന്ന​തും പു​റ​ത്തു നി​ൽ​ക്കു​ന്ന​തും ത​മ്മി​ൽ വ​ലി​യ വ്യ​ത്യാ​സ​മി​ല്ല. മേ​ൽ​ക്കൂ​ര​യു​ടെ പൈ​പ്പു​ക​ൾ പ​ല​തും ഒ​ടി​ഞ്ഞു തൂ​ങ്ങി​യ നി​ല​യി​ലാ​ണു​ള്ള​ത്. കം​ഫ​ർ​ട്ട് സ്റ്റേ​ഷ​ന്‍റെ സൗ​ക​ര്യം തീ​ർ​ത്തും അ​പ​ര്യാ​പ്ത​മാ​ണ്. രാ​ത്രി​കാ​ല​ങ്ങ​ളി​ൽ പ​ല​പ്പോ​ഴും വെ​ളി​ച്ച​മു​ണ്ടാ​കാ​റി​ല്ല. കൂ​ടാ​തെ രാ​ത്രി ഏ​ഴി​നു ശേ​ഷം ക​ഴി​ഞ്ഞാ​ൽ ബ​സു​ക​ൾ സ്റ്റാ​ൻ​ഡി​ൽ ക​യ​റാ​റു​മി​ല്ല.

അ​ന​ധി​കൃ​ത​മാ​യി സ്വ​കാ​ര്യ​വാ​ഹ​ന​ങ്ങ​ൾ പാ​ർ​ക്ക് ചെ​യ്യു​ന്ന​തു മൂ​ലം പ​ല​പ്പോ​ഴും ബ​സു​ക​ൾ​ക്ക് പാ​ർ​ക്ക് ചെ​യ്യാ​ൻ ക​ഴി​യാ​തെ വ​രു​ന്ന സാ​ഹ​ച​ര്യ​വും നി​ല​വി​ലു​ണ്ട്. അ​ധി​കൃ​ത​ർ വി​ഷ​യ​ത്തി​ൽ ശ്ര​ദ്ധ​ചെ​ലു​ത്തു​ന്നി​ല്ല എ​ന്നാ​ണ് ഉ​യ​രു​ന്ന പ്ര​ധാ​ന വി​മ​ർ​ശ​നം.

ഏ​ഴു കോ​ടി രൂ​പ അ​ർ​ബ​ൻ ഡ​വ​ല​പ്മെ​ന്‍റ് കോ​ർ​പ​റേ​ഷ​നി​ൽ​നി​ന്നു വാ​യ്പ എ​ടു​ത്ത് ബ​സ് സ്റ്റാ​ന്‍ഡ് സ​മു​ച്ച​യം നി​ർ​മി​ക്കു​മെ​ന്നു അ​ധി​കാ​രി​ക​ൾ പ​റ​യാ​ൻ തു​ട​ങ്ങി​യി​ട്ട് വ​ർ​ഷ​ങ്ങ​ളാ​യി. യാ​തൊ​രു​വി​ധ തു​ട​ർ​ന​ട​പ​ടി​ക​ളും ഉ​ണ്ടാ​യി​ല്ലാ​യെ​ന്നും നാ​ട്ടു​കാ​ർ പ​റ​യു​ന്നു.

നൂ​റു ക​ണ​ക്കി​നാ​ളു​ക​ൾ ദി​വ​സ​വും വ​ന്നുപോ​കു​ന്ന സ്റ്റാ​ൻ​ഡി​ന്‍റെ അ​ടി​സ്ഥാ​ന വി​ക​സ​ന​ത്തി​ന് വേ​ണ്ട ന​ട​പ​ടി​ക​ൾ സ്വീ​ക​രി​ക്കാ​ൻ അ​ധി​കൃ​ത​ർ ത​യ്യാ​റാ​ക​ണ​മെ​ന്ന ആ​വ​ശ്യം ശ​ക്ത​മാ​ണ്.