ത​ല​ശേ​രി: ത​ല​ശേ​രി തു​റ​മു​ഖ​വി​ക​സ​ന​ത്തി​നാ​യി കൈ​യേ​റ്റ ഭൂ​മി ഒ​ഴി​പ്പി​ക്ക​ലും ചാ​ലി​ൽ ഗോ​പാ​ല​പ്പെ​ട്ട മ​ത്സ്യ​മാ​ർ​ക്ക​റ്റ് നി​ർ​മാ​ണ​വു​മാ​യി ബ​ന്ധ​പ്പെ​ട്ട ന​ട​പ​ടി​ക​ൾ വേ​ഗ​ത്തി​ലാ​ക്കാ​ൻ സ്പീ​ക്ക​റും​സ്ഥ​ലം എം​എ​ൽ​എ​യു​മാ​യ എ.​എ​ൻ. ഷം​സീ​റി​ന്‍റെ അ​ധ്യ​ക്ഷ​ത​യി​ൽ സ്പീ​ക്ക​റു​ടെ ചേം​ബ​റി​ൽ ന​ട​ന്ന ഫീ​ഷ​റീ​സ്, ഹാ​ർ​ബ​ർ എ​ൻ​ജി​നി​യ​റിം​ഗ് വ​കു​പ്പു​ക​ൾ, മാ​രി​ടൈം ബോ​ർ​ഡ് എ​ന്നി​വ​യു​ടെ സം​യു​ക്ത യോ​ഗം തീ​രു​മാ​നി​ച്ചു. കൈ​യേ​റ്റ ഭൂ​മി ഒ​ഴി​പ്പി​ക്കു​ന്ന​തു​മാ​യി ബ​ന്ധ​പ്പെ​ട്ട സ​ർ​വ ന​ട​പ​ടി​ക​ൾ 20ന് ​ആ​രം​ഭി​ക്കും.

ഒ​ഴി​പ്പി​ക്ക​ലു​മാ​യി ബ​ന്ധ​പ്പെ​ട്ട് കൈ​യേ​റ്റ​ക്കാ​ർ​ക്ക് നോ​ട്ടീ​സ് ന​ൽ​കും. ആ​ദ്യ​ഘ​ട്ട​ത്തി​ൽ കൈ​യേ​റി​യ കെ​ട്ടി​ട​ങ്ങ​ൾ ഒ​ഴി​പ്പി​ക്കാ​നും ന​ട​പ​ടി സ്വീ​ക​രി​ക്കും. മ​ത്സ്യ​മാ​ർ​ക്ക​റ്റ് നി​ർ​മാ​ണ​വു​മാ​യി ബ​ന്ധ​പ്പെ​ട്ട് സ​ർ​വേ ചെ​യ്യാ​ത്ത ഭൂ​മി​ക്ക് പെ​ർ​മി​സീ​വ് സാം​ഗ്ഷ​ൻ ന​ൽ​കു​ന്ന​തി​ന് ഫീ​ഷ​റീ​സ് വ​കു​പ്പ് സെ​ക്ര​ട്ട​റി​യു​ടെ ക​ത്തി​ന്‍റെ അ​ടി​സ്ഥാ​ന​ത്തി​ൽ ജി​ല്ലാ ക​ള​ക്ട​ർ അ​നു​മ​തി ന​ൽ​കും. ഡ്ര​ഡ്ജിം​ഗ് ന​ട​ത്തി ത​ലാ​യി തു​റ​മു​ഖം ശ​രി​യാ​യ നി​ല​യി​ൽ പ്ര​വ​ർ​ത്തി​പ്പി​ക്കു​ന്ന​തി​നും ഫിം​ഗ​ർ പോ​ർ​ട്ടി​ൽ ബോ​ട്ടു​ക​ൾ അ​ടു​പ്പി​ക്കു​ന്ന​തി​നും അ​വി​ടെ ഹോ​ൾ​സെ​യി​ൽ മാ​ർ​ക്ക​റ്റ് പ്ര​വ​ർ​ത്തി​പ്പി​ക്കു​ന്ന​തി​നും ന​ട​പ​ടി സ്വീ​ക​രി​ക്ക​ണ​മെ​ന്ന് സ്പീ​ക്ക​ർ നി​ർ​ദേ​ശി​ച്ചു.