കണ്ണൂർ: ശനിയാഴ്ച അധ്യയന ദിനമാക്കി കുട്ടികളുടെ മതിയായ വിശ്രമം നിഷേധിക്കുന്ന സർക്കാർ നീക്കം ഉപേക്ഷിക്കണമെന്ന് ജവഹർ ബാൽ മഞ്ച് കണ്ണൂർ ജില്ലാ സമ്മേളനം പ്രമേയത്തിലൂടെ ആവശ്യപ്പെട്ടു. കെപിസിസി ജനറൽ സെക്രട്ടറി പി.എം. നിയാസ് സമാപന സമ്മേളനം ഉദ്ഘാടനം ചെയ്തു. ജില്ലാ ചെയർമാൻ സി.വി.എ. ജലീൽ അധ്യക്ഷത വഹിച്ചു.
സംസ്ഥാന കോ-ഓർഡിനേറ്റർ ലിഷ ദീപക് സർട്ടിഫിക്കറ്റുകൾ വിതരണം ചെയ്തു. കാവ്യാ ദേവൻ, ടി.ഒ. മോഹനൻ, ചന്ദ്രൻ തില്ലങ്കേരി, റിജിൽ മാക്കുറ്റി, എം.സി. അതുൽ, ജെ.പി.എം ജില്ലാ കോ-ഓർഡിനേറ്റർമാരായ എം.എം. സഹദേവൻ, വി. ആനന്ദ ബാബു, എ.കെ. ദീപേഷ്, സിപി. സന്തോഷ് കുമാർ, ജെബിഎം സംസ്ഥാന എക്സിക്യൂട്ടീവ് അംഗം റിസാൻ എടയന്നൂർ, ബ്ലോക്ക് ചെയർമാൻമാരായ ദിനു മൊട്ടമ്മൽ, പി.വി. ജയൻ, മനീഷ് കണ്ണോത്ത്, പ്രമോദ് കതിരൂർ, സി. അജിത്ത്, മുസ്തഫ, എം. സരിത തുടങ്ങിയവർ പ്രസംഗിച്ചു.
യോഗ-മെഡിറ്റേഷൻ പരിശീലനത്തിന് ടി.പി. അശോകൻ നേതൃത്വം നൽകി. കൗമാരം-കരുത്തും കരുതലും എന്ന വിഷയത്തിൽ നിധിൻ നാങ്ങോത്ത് ക്ലാസെടുത്തു. രാധാകൃഷ്ണൻ മാണിക്കോത്ത് കാവ്യ സല്ലാപം നടത്തി. ഇന്ത്യയെ പടുത്തുയർത്തിയ ഇന്ത്യൻ നാഷണൽ കോൺഗ്രസ് എന്ന വിഷയത്തിൽ കെ.പി. സാജു ക്ലാസ് നയിച്ചു. പ്രസംഗകല എന്ന വിഷയത്തിൽ ആകാശവാണി മുൻ ഡയറക്ടർ കെ.ബാലചന്ദ്രൻ സംസാരിച്ചു. ജവഹർ ബാൽ മഞ്ച് ഭാരവാഹികൾ: മാർട്ടിൻ ജെ. മാത്യു-പ്രസിഡന്റ്, ബി. അനുനന്ദ-ജനറൽ സെക്രട്ടറി, കെ. കൃഷ്ണജിത്ത്-ട്രഷറർ.