അസൗകര്യത്തിൽ ശ്വാ​സം​മു​ട്ടി വെ​ള്ളാ​ട് വി​ല്ലേ​ജ് ഓ​ഫീ​സ്
Sunday, July 14, 2024 8:07 AM IST
ആ​ല​ക്കോ​ട്: സം​സ്ഥാ​ന​ത്തെ ബ​ഹു​ഭൂ​രി​പ​ക്ഷം വി​ല്ലേ​ജ് ഓ​ഫീ​സു​ക​ളും സ്മാ​ർ​ട്ടാ​യി വ​ർ​ഷ​ങ്ങ​ൾ പ​ല​തു ക​ഴി​ഞ്ഞി​ട്ടു മു​ന്നി​ൽ പ്ലാ​സ്റ്റി​ക് ഷീ​റ്റ് കെ​ട്ടി​യ കെ​ട്ടി​ട​ത്തി​ൽ ശ്വാ​സം​മു​ട്ടു​ക​യാ​ണ് വെ​ള്ളാ​ട് വി​ല്ലേ​ജ് ഓ​ഫീ​സ്. ആ​ല​ക്കോ​ട്, ന​ടു​വി​ൽ, ച​പ്പാ​ര​പ്പ​ട​വ് പ​ഞ്ചാ​യ​ത്തു​ക​ളു​ടെ ഭാ​ഗ​ങ്ങ​ൾ ഉ​ൾ​പെ​ടു​ന്ന വി​സ്തൃ​ത​മാ​യ വി​ല്ലേ​ജി​ന്‍റെ ദൈ​ന്യം​ദി​ന പ്ര​വ​ർ​ത്ത​ന​ങ്ങ​ൾ ന​ട​ക്കു​ന്ന​ത് ക​രു​വ​ഞ്ചാൽ പാ​ല​ത്തി​ന് സ​മീ​പ​ത്തെ ര​ണ്ടു​മു​റി കെ​ട്ടി​ട​ത്തി​ലാ​ണ്.

സ​മീ​പ​കാ​ലം വ​രെ സം​സ്ഥാ​ന​ത്തെ ഏ​റ്റ​വും വി​സ്തൃ​തി​യു​ള്ള വി​ല്ലേ​ജ് ആ​യി​രു​ന്നു വെ​ള്ളാ​ട് വി​ല്ലേ​ജ്. ഉ​ദ​യ​ഗി​രി പ​ഞ്ചാ​യ​ത്തി​ൽ വി​ല്ലേ​ജ് ഓ​ഫീ​സ് വ​ന്ന​തോ​ടെ​യാ​ണ് വി​സ്തൃ​തി അ​ൽ​പം കു​റ​ഞ്ഞ​ത്. അ​ത്യ​ന്തം ദൈ​ന്യ​ത നി​റ​ഞ്ഞ കാ​ഴ്ച​യാ​ണ് ഈ ​ഓ​ഫീ​സി​ൽ. വി​ല​യേ​റി​യ ഫ​യ​ലു​ക​ൾ പ്ലാ​സ്റ്റി​ക് ചാ​ക്കു​ക​ളി​ലാ​ക്കി മു​റി​ക്കു​ള്ളി​ൽ അ​ട്ടി​യി​ട്ടി​രി​ക്കു​ന്നു. സൂ​ക്ഷി​ക്കാ​ൻ അ​ല​മാ​ര​ക​ളോ മ​റ്റ് സം​വി​ധാ​ന​ങ്ങ​ളോ ഇ​ല്ല. വി​വി​ധ ആ​വ​ശ്യ​ങ്ങ​ളു​മാ​യി എ​ത്തു​ന്ന​വ​ർ​ക്ക് നി​ന്നു​തി​രി​യാ​ൻ പോ​ലും സൗ​ക​ര്യ​മി​ല്ല.

അ​ടി​സ്ഥാ​ന സൗ​ക​ര്യ​ങ്ങ​ളി​ല്ലാ​തെ വി​ല്ലേ​ജ് ഓ​ഫീ​സി​ന്‍റെ ദു​ര​വ​സ്ഥ കാ​ണി​ച്ച് ദീ​പി​ക നേ​ര​ത്തെ വാ​ർ​ത്ത റി​പ്പോ​ർ​ട്ട് ചെ​യ്തി​രു​ന്നു. തു​ട​ർ​ന്ന് സ​ർ​ക്കാ​ർ സം​സ്ഥാ​ന​ത്ത് പു​തി​യ​താ​യി നി​ർ​മി​ക്കു​ന്ന 42 സ്മാ​ർ​ട്ട് വി​ല്ലേ​ജ് ഓ​ഫീ​സു​ക​ളി​ൽ വെ​ള്ളാ​ട് വി​ല്ലേ​ജ് ഉ​ൾ​പെ​ടു​ത്തി തു​ക അ​നു​വ​ദി​ച്ചി​രു​ന്നു എ​ങ്കി​ലും തു​ട​ർ​ന​ട​പ​ടി​യു​ണ്ടാ​യി​ല്ല. ഓ​ഫീ​സ് ജോ​ലി​ക​ൾ​ക്കാ​യു കം​പ്യൂ​ട്ട​ർ സൂ​ക്ഷി​ക്കു​ന്ന​തി​ന് പോ​ലും പ​റ്റി​യ അ​വ​സ്ഥ​യ​ല്ല വി​ല്ലേ​ജ് ഓ​ഫീ​സി​നു​ള്ളി​ൽ.

വ​രു​മാ​ന​മു​ണ്ട്, സ്മാ​ർ​ട്ടാ​ക്കാ​ൻ പ​ണ​മി​ല്ല

സം​സ്ഥാ​ന​ത്തി​ന് ഏ​റ്റ​വും കൂ​ടു​ത​ൽ വ​രു​മാ​ന​മു​ണ്ടാ​ക്കി​ക്കൊ​ടു​ക്കു​ന്ന വി​ല്ലേ​ജ് ഓ​ഫീ​സ് സ്മാ​ർ​ട്ടാ​ക്കാ​ൻ പ​ണ​മി​ല്ല. പു​തി​യ സ്മാ​ർ​ട്ട് വി​ല്ലേ​ജ് ഓ​ഫീ​സ് നി​ർ​മി​ക്കാ​ൻ 45 ല​ക്ഷം രൂ​പ​യു​ടെ എ​സ്റ്റി​മേ​റ്റ് അം​ഗീ​ക​രി​ച്ചി​ട്ടു​ണ്ടെ​ങ്കി​ലും അ​നു​മ​തി പ​ത്ര​വും ടെ​ക്നി​ക്ക​ൽ അം​ഗീ​കാ​ര​വും ല​ഭി​ക്കാ​ത്ത​തി​നാ​ൽ തു​ട​ർ​ന​ട​പ​ടി വൈ​കു​ക​യാ​ണ്. ഏ​ഴു സെ​ന്‍റ് സ്ഥ​ലം സ്വ​ന്ത​മാ​യി ഉ​ള്ള​തി​നാ​ൽ ടെ​ൻ​ഡ​ർ വി​ളി​ച്ചു നി​ർ​മാ​ണം ആ​രം​ഭി​ക്കാ​ൻ ത​ട​സ​മൊ​ന്നു​മി​ല്ല.

വെ​ള്ളാ​ട് വി​ല്ലേ​ജ് ഓ​ഫീ​സി​ന് പു​തി​യ കെ​ട്ടി​ടം നി​ർ​മി​ക്കു​ന്ന​തി​ന് ത​ട​സ​മാ​യി നി​ല്ക്കു​ന്ന​ത് സ​ർ​ക്കാ​രി​ന്‍റെ മോ​ശം സാ​മ്പ​ത്തി​ക​സ്ഥി​തി​യാ​ണെ​ന്ന് സൂ​ച​ന​യു​ണ്ട്. വി​സ്തൃ​ത​മാ​യ മ​ല​യോ​ര​മേ​ഖ​ല​യി​ൽ എ​ത്തി​ച്ചേ​രു​ന്ന​തി​ന് കൂ​ടു​ത​ൽ ഉ​ദ്യാ​ഗ​സ്ഥ​രും വാ​ഹ​ന​വും അ​ടി​സ്ഥ​ന സൗ​ക​ര്യ​മു​ള്ള സ്മാ​ർ​ട്ട് വി​ല്ലേ​ജ് ഓ​ഫീ​സും ഉ​ണ്ടാ​യാ​ൽ മാ​ത്ര​മേ ജ​ന​ങ്ങ​ളു​ടെ പ്ര​തി​സ​ന്ധി​ക്ക് ശാ​ശ്വ​ത പ​രി​ഹാ​രം ഉ​ണ്ടാ​കൂ.
Copyright @ 2018 , Rashtra Deepika Ltd.