മു​ദ്ര തീ​ർ​ത്ത കൈ​ക​ളി​ൽ ഇ​നി ടി​ക്ക​റ്റും; അ​ച്ഛ​ൻ ഡ്രൈ​വ​റാ​യ ബ​സി​ൽ ക​ണ്ട​ക്ട​റാ​യി ശ്വേ​ത
Saturday, July 13, 2024 1:38 AM IST
ജി​നോ ചെ​റു​പു​ഴ

ചെ​റു​പു​ഴ: മു​ദ്ര​ക​ൾ പ​ക​ർ​ന്നു ന​ല്കി​യ നൃത്താധ്യാപികയു ടെ വേ​ഷ​ത്തി​ൽ​നി​ന്ന് ബ​സ് ക​ണ്ട​ക്ട​റു​ടെ കു​പ്പാ​യ​മ​ണി​ഞ്ഞ് ശ്വേ​ത. ജോ​ലി ചെ​യ്യു​ന്ന​താ​ക​ട്ടെ അ​ച്ഛ​ൻ ഡ്രൈ​വ​റാ​യ ബ​സി​ലും. തി​രു​മേ​നി​യി​ലെ അ​രീ​പ്പാ​റ​യ്ക്ക​ൽ സ​ന്തോ​ഷും മ​ക​ൾ ശ്വേ​ത​യു​മാ​ണ് ഒ​രേ ബ​സി​ൽ ജോ​ലി നോ​ക്കു​ന്ന​ത്.

തി​രു​മേ​നി-​ചെ​റു​പു​ഴ-​കോ​ഴി​ച്ചാ​ൽ-​പ​യ്യ​ന്നൂ​ർ റൂ​ട്ടി​ൽ സ​ർ​വീ​സ് ന​ട​ത്തു​ന്ന ല​ക്ഷ്മി ബ​സി​ലാ​ണ് ഡ്രൈ​വ​റും ക​ണ്ട​ക്ട​റു​മാ​യി ഇ​രു​വ​രും ജോ​ലി ചെ​യ്യു​ന്ന​ത്.

സ​ന്തോ​ഷി​ന്‍റെ മ​ക​ൻ സ്വ​രൂ​പ് സ്വ​കാ​ര്യ ബ​സാ​യ ഐ​ഷാ​നി​യി​ലെ ഡ്രൈ​വ​റാ​ണ്. ബ​ന്ധു​ക്ക​ളി​ലും ഭൂ​രി​ഭാ​ഗ​വും ബ​സ് തൊ​ഴി​ലാ​ളി​ക​ളാ​ണ്. ബ​സി​ലെ തൊ​ഴി​ലാ​ണ് ഈ ​കു​ടും​ബ​ത്തി​ന്‍റെ വ​രു​മാ​ന മാ​ർ​ഗം. അ​ച്‌ഛ​നും സ​ഹോ​ദ​ര​നും മ​റ്റ് ബ​ന്ധു​ക്ക​ളും ബ​സി​ൽ ജോ​ലി ചെ​യ്യു​ന്ന​ത് ചെ​റു​പ്പം മു​ത​ൽ ക​ണ്ടു​വ​ന്ന ശ്വേ​ത ര​ണ്ടാ​ഴ്ച മു​ന്പാ​ണ് ക​ണ്ട​ക്ട​ർ ലൈ​സ​ൻ​സ് എ​ടു​ത്ത് അ​ച്‌ഛ​ൻ ജോ​ലി ചെ​യ്യു​ന്ന ബ​സി​ൽ ജോ​ലി​ക്കെ​ത്തി​യ​ത്.

ബ​സി​ലെ ജോ​ലി ഇ​ഷ്ട​മാ​യ​തി​നാ​ലാ​ണ് ഡാ​ൻ​സ് പ​ഠി​പ്പി​ക്കു​ന്ന ജോ​ലി​വി​ട്ട് ബ​സ് ക​ണ്ട​ക്ട​റാ​യ​തെ​ന്ന് ശ്വേ​ത പ​റ​ഞ്ഞു. ശ്വേ​ത​യു​ടെ ഭ​ർ​ത്താ​വ് ഷി​ജു​വി​ന് മ​ലേ​ഷ്യ​യി​ലാ​ണ് ജോ​ലി. ഭ​ർ​ത്താ​വി​ന്‍റെ പൂ​ർ​ണ പി​ന്തു​ണ​യും അ​ച്ഛ​ൻ പ​ക​ർ​ന്നു ന​ല്കു​ന്ന ധൈ​ര്യ​വും സ​ഹോ​ദ​ര​ങ്ങ​ളു​ടേ​യും ബ​ന്ധു​ക്ക​ളു​ടേ​യും യാ​ത്ര​ക്കാ​രു​ടേ​യും സ്നേ​ഹ​വും ത​നി​ക്ക് കൂ​ടു​ത​ൽ പ്ര​ചോ​ദ​നം ന​ല്കു​ന്ന​താ​യി ശ്വേ​ത പ​റ​ഞ്ഞു.

ജോ​ലി ന​ല്കി​യ ല​ക്ഷ്മി ബ​സ് ഉ​ട​മ അ​ജ​യ​ൻ ച​ന്ത​പ്പു​ര, മാ​നേ​ജ​ർ റെ​ജി വ​യ​ക്ക​ര, ക​ണ്ട​ക്ട​ർ സു​ധി, ത​ന്നെ ക​ണ്ട​ക്ട​ർ ജോ​ലി പ​ഠി​പ്പി​ച്ച തി​രു​മേ​നി​യി​ലെ സു​ധീ​ഷ് തു​ട​ങ്ങി​യ​വ​രോ​ടു​ള്ള ക​ട​പ്പാ​ടും ശ്വേ​ത പ​ങ്കു​വ​യ്ക്കു​ന്നു.

രാ​വി​ലെ 7.30ന് ​തി​രു​മേ​നി​യി​ൽ​നി​ന്നും സ​ർ​വീ​സ് ആ​രം​ഭി​ച്ചാ​ൽ രാ​ത്രി 7.30 ന് ​തി​രു​മേ​നി​യി​ൽ ത​ന്നെ​യാ​ണ് സ​ർ​വീ​സ് അ​വ​സാ​നി​ക്കു​ന്ന​ത്. ബ​സി​ലെ ജോ​ലി​ക​ൾ ഒ​രു​കാ​ല​ത്ത് പു​രു​ഷ​ന്മാ​രു​ടെ കു​ത്ത​ക​യാ​യി​രു​ന്നു​വെ​ങ്കി​ൽ ഇ​ന്ന് വ​നി​ത​ക​ളും ഈ ​തൊ​ഴി​ൽ മേ​ഖ​ല​യി​ൽ ക​ട​ന്നു​ക​യ​റു​ക​യാ​ണ്. ചെ​റു​പു​ഴ​യി​ൽ ത​ന്നെ ഭാ​ര്യാ-​ഭ​ർ​ത്താ​ക്ക​ന്മാ​രാ​യ ജോ​മോ​നും ജി​ജി​ന​യ്ക്കും പി​ന്നാ​ലെ സ​ന്തോ​ഷും മ​ക​ൾ ശ്വേ​ത​യും.
Copyright @ 2018 , Rashtra Deepika Ltd.