ഓപ്പറേഷന് ഡി-ഹണ്ട്: 254 പേര് അറസ്റ്റിൽ
Tuesday, March 18, 2025 1:02 AM IST
തിരുവനന്തപുരം: ഓപ്പറേഷന് ഡി-ഹണ്ടിന്റെ ഭാഗമായി ഞായറാഴ്ച സംസ്ഥാന വ്യാപകമായി നടത്തിയ സ്പെഷല് ഡ്രൈവില് മയക്കുമരുന്ന് വില്പ്പനയുമായി ബന്ധപ്പെട്ട് 254 പേർ അറസ്റ്റിൽ.
നിരോധിത മയക്കുമരുന്ന് കൈവശം വച്ചതിന് 243 കേസുകള് രജിസ്റ്റര് ചെയ്തു. ആകെ 5544 പേരെ പരിശോധനയ്ക്ക് വിധേയമാക്കി. ഈ കേസുകളില് എല്ലാം കൂടി എംഡിഎംഎ -29.1 ഗ്രാം, കഞ്ചാവ് 6.071 കിലോഗ്രാം, കഞ്ചാവ് ബീഡി 177 എണ്ണം എന്നിവ പോലീസ് പിടിച്ചെടുത്തു.